大良鴻輝記

營業中

休息中

重點推介：凍燉蛋超好味！好香蛋味，熱辣辣既天氣食個涼透心既燉蛋真係一流。合桃胡都好香，杰身有口感。杏仁茶加左薑汁同湯丸，熱食薑汁有少少酸既感覺，凍左就好好多。最後芒果涼粉，冇諗過係中式糖水鋪食既生果甜品都咁好食，芒果甜，涼粉爽！

宜家D甜品舖，切吓生果，撈吓芒果汁、椰汁就有成張餐牌，好難精於煲糖水，肯花時間又花心機，自然要老字號。腐竹蛋糖水，腐皮加糖超簡單，煲到腐皮都變成一片白，話有蓮子但見唔到，雞蛋當然係一早煮好要先放落去，無驚喜；木瓜燉雪耳，成盅上，但唔似原盅燉，木瓜夠多，雪耳都開始融，糖水有粘度，甜度適中，火侯夠；雙圓藜麥紫米露，新款甜品，好似裝修完先有，用台灣芋圓同地瓜圓有咬口，一來滿滿的棷香，外表不太看出是紫米露，甚至說不太好看，味道中規中矩可接受。依度傳統三寶芝麻、合桃，杏仁糊，都係自家制，識食自然食依幾樣，但時代變遷有梗多嘢，人要換吓口味，舖都要轉變求生。今次八點左右去得兩枱客，係比較早，但其他甜品舖一般都唔止，就算宵夜時段日日爆場，廿幾蚊碗幾個鐘又有幾多？附近有平價甜品，食得辛苦但總有需求，但係老店仲生存到時，間中都要有調劑。

與朋友食完晚飯後，就去了附近的地方行下。途經見到這間糖水鋪，就試一試這間的味道如何。裏面的坐位大概有8張細枱，但都是滿座的。我們兩人叫了2種甜品。雙圓椰汁西米露及招牌涼粉。首先，雙圓椰汁西米露 裏面有紫色同黃色 芋圓， 他們的芋圓好大粒，而且份量都多， 他們嘅甜度適中，不會過甜。而他們的招牌涼粉亦很好食，涼粉很大粒，不過花奶開頭加得不多，還加多一些，個人認為就好食更多。總括來說， 這間糖水店的糖水味道很好，價錢合理。

之前去元朗嗰間鴻輝記叫咗碗紫米露，明明好好食但係荃灣呢一間個味道真係差天共地。紫米露味道好淡，無紫米露嘅香味，又冇加椰汁，真係超級失色!!25蚊一碗仲要裝唔滿！加上呀姐d態度好差真係貼錢買難受！！無下次！好失望！

年三十晚係荃灣行完年宵市場 區內好多甜品鋪都大排人龍所以同朋友們黎到大良鴻輝記食傳統中式甜品唔知平時駛唔駛等位 不過果日行完年宵人多 黎到要等五張左右 另外都有人龍等外賣由於果日係特別日子 每碗糖水要加$3 我叫左個熱嘅燉奶覺得奶味唔係好濃 佢亦唔係好甜所以成個燉奶好似無咩味 不過質感方面都算滑 朋友們分別叫左個杏仁糊 （我試左幾啖 感覺唔係石磨嘅 但味道尙算ok) 芋圓椰汁西米露 同埋綠豆沙大家都覺得佢啲糖水中規中矩 4碗加埋$9x 埋單

其實在剛剛吃飯時，媽媽已經很想吃糖水，所以一吃完飯我們馬上起行。大良鴻輝記的糖水個人覺得挺不錯，足料又便宜，且味道不死甜，加上媽媽未曾吃過，我更想帶媽媽吃一碗。大良鴻輝記常常人山人海，幸好來早一步，否則遲走數步就會變成我們等位入座呢。媽媽指著牆上的照片，她決定吃雙圓椰汁西米露，至於我則嚐雙圓藜麥紫米露。媽媽的雙圓椰汁西米露我沒拍照，一上桌她已急不及吃，並讚這裡糖水甜度恰到好處，比一般糖水店清甜。說回我的雙圓藜麥紫米露，幼細的藜麥配上有咬勁的紫米，紫米露口感層次豐富起來。芋圓，地瓜圓非常足料，有十多顆於紫米露中。雙圓帶有陣陣的地瓜，芋頭香，咬下時煙韌的嚼感十分討好，沒想到這裡亦有質素的芋圓和地瓜圓。

好鍾意食中式既糖水，係香港，而家要搵到傳統既中式糖水店真係買小見小。呢間係荃灣既鴻輝記我細細個時就已經係到，都算係一間老店黎。佢都合桃糊同芝麻糊都做得好出式，唔係一般出面用水開出黎既。今次叫左兩溝，芝麻加合桃！仲有佢既桑寄生蓮子蛋茶都係好好味，唔會好甜，佢既蓮子飲浸過糖水咁，所以蓮子都有甜味。

糖水鋪好多，荃灣都有唔少不過好唔好就呢間糖水唔算貴，中等價錢，叫左個海帶綠豆沙。海帶係有既，不過就好細條，分開左幾條幾條咁，還可以啦，起碼真係有海帶既。綠豆，內邊都有綠豆，雖然唔算好多不過都係有既，還可以，因為真係係其他地方食過綠豆沙但好少綠豆。。。問題我就覺得呢碗糖水有D稀，有少少水既感覺，呢樣我就覺得不足既地方啦。呢碗就17蚊，值唔值見仁見智啦，我覺得還可以既，不過不足在綠豆沙有點稀。評分未至於不過整體黎講比較一般，比呢度更加大有人在既。總結糖水叫有料到，不過就稀左少少。綠豆沙精髓欠缺了。

這一天，在荃灣吃過午餐，逛了一會，不知是否睡眠不足，已經有點疲倦，想找個地方歇腳。來到這間甜品店，正好吃碗糖水，稍事休息，才再起行。 看看牆上和桌上的餐牌，這老店最出名的應該是招牌三寶----「杏仁糊」（$19）、「合桃糊」（$22）和「芝麻糊」（$22）。三款甜品都是中式糖水的經典，「杏仁糊」養顏，「合桃糊」補腦，「芝麻糊」潤髮，三者都有益健康，特別是自己隨著年紀愈來愈老，皮膚不比年輕時好，記性也愈來愈差，就連白頭髮也愈來愈多，三者兼得，盡放肚中，當然最好，但肚子放不下這麼多東西，最後終於還是選了最重要的補腦「合桃糊」，至於護髮養顏，只不過是皮囊的事，就不管它了。 這天的「合桃糊」雖說是這兒的招牌三寶之一，我覺得水準只是不過不失而已，滑雖夠滑，但口感偏稀，而且味道也淡了些，可取之處是應該不是開粉製成，而且不會太甜太膩。不過如果與我甚為喜歡的「海記合桃坊」的「沙沙合桃糊」相比，我就覺得這兒的「合桃糊」顯得遜色了。 不過這兒的「合桃糊」才賣二十元多些一碗，性價比可還是高的。

今天放工經理請大家吃糖水當慰勞宴！這間「大良鴻輝記」歷史悠久，是中式糖水店。先看menu,都是傳統的中式糖水，如：芝麻糊、綠豆沙等。因本人喜愛芝麻糊，所以點了這糖水。吃下去感覺有點苦，沒有芝麻糊那種滑嫩，味道一般。 其後，我再外賣多一個糖水—腐竹蛋糖水（熱）。但再叫外賣之時，發現店內的姐姐都沒反應，要叫數次才幫你下單，服務欠佳。說到這腐竹蛋糖水，跟外面的糖水店差無幾，味道普通。總的來說，糖水味道普通，但這間店的職員服務態度欠佳，唯獨好的是價錢優惠，平均十多二十元一碗，但我下次不會再選擇來這間吃糖水！

買外賣跟家人享用甜品。當我攞咗糖水而行去搭車之際 ，發現糖水嘅發泡膠碗好似咗裂糖水流哂出嚟。店員跟我清理後再用膠袋，老板娘態度極差跟我講你再跌破我再換俾你。我即時回應佢你自己睇吓先。可能知名度高但態度越來越衰。荃灣唔係只有一間糖水鋪㗎。我宜家去路德圍買糖水仲多選擇。

食完辣雞煲其實都已經好飽，但行過糖水舖又口痕想試返碗，之前未試過的，入去坐低睇吓個餐牌，價錢唔係太貴，有幾多選擇，及有多款中式糖水，叫咗桑寄生蓮子茶$19，及鮮雜果涼粉$30。蓮子茶唔會太甜。而鮮雜果涼粉唔知係咪落咗花奶，所以無晒甜味，覺得失去咗食涼粉嘅感覺，而啲鮮雜果就一般，但勝在分量足夠。如果下次真係再幫襯會試返中式糖水好啲。

係咪轉咗手？點解咁難食，水還水，渣還渣的凍渣渣($24)，仲要水係白色，糖水加椰汁，D水完全無豆味。另腐竹糖水一樣咁差，以前會飲到好香濃腐竹味，依家係淡黄色的糖水(糖加水)有3幾片5毫子大的腐竹就叫腐竹糖水($20)。我以前食過，覺得係傳統老字號舊式糖水店，好食既，但現在我肯定的是，以前的口味絕對消失了，而且無人能及的難食，一心想帶媽媽去懷舊一番，早知行遠少少既路德圍，隨便找一間都好過，令人失望了。

岩岩食完出面就落勁大雨間鋪啲職員即時收起啲碗話出面有人等緊，叫我地即刻走由入座開始計到比佢趕走大概20分鐘，急都急唔切就想踢人走快過快餐店結果幾枱比佢趕走嘅就冒住大雨企曬喺門口又走唔到唯有講句垃圾，荃灣周街都係糖水鋪呢間又唔係特別好食鐘意折磨自己嘅可以去試試本來想食同一條街嘅另一間糖水鋪果邊服務態度好好多，又好坐啲今次只係咁岩果間冇位就黎呢間試下中伏中一次就夠都係一次唔錯嘅體驗，落大雨都趕啲客出街唔係度度有得試

甜控又出沒！今次試咗開業多年嘅老字號——鴻輝記糖水鋪～　鋪頭大約有20-30個位，傳統糖水鋪風格，牆上貼有不同糖水相片另外桌上有糖水menu，而且仲有成分介紹同成分益處，好貼心呀！　　今次點咗腐竹白果糖水同合桃糊兩款糖水試一試　　合桃糊一上枱已經有陣陣合桃香味，入口味道香濃，感覺好足料雖然是糊，但不會太稠身，甜味不濃，十分健康！　　　而腐竹白果糖水，足料腐竹，白果亦去走白果芯，不會有苦味腐竹味亦好香，豆味濃，好味！推介鍾意中式糖水嘅朋友一試～