大豐澳門餐廳

營業中

休息中

琴晚去九龍灣emax睇show Show前想食啲野先就random去左呢間大豐食晚飯睇返Openrice原來係啱啱開張～-🐥北菇滑雞煲仔飯 $75超熱辣辣同好大浸焦香味一上已經聞到啦可以自己加豉油 多少都可以😎有滑雞、菜心、冬菇😋-🦀賽螃蟹(蛋白西蘭花) $88西蘭花比較少 得四舊👌🏻但就有好多蛋白 仲有啲蝦仁添🦐😋-🦑金沙鮮魷 $118鹹蛋黃超級香😍啲魷魚好大舊炸粉皮薄薄地唔會好油膩👍🏻

九龍灣景發工業大廈入邊都有間中菜幾了得叫做大豐澳門餐廳。款式夠多有火鍋，小炒，煲仔飯等，什至可以來料海鮮加工，預訂私房菜！地方夠大夠闊落，價錢都相宜。蒸盧魚，可以選擇唔同做法， 豉汁，薑蔥，冬菜。麵豉。梅菜等，我就選擇了豉汁，size好大條有12寸長都有，蒸得剛剛好，肉質嫩夠滑，魚肉夠厚身多肉！調味味道幾好都好入味。Xo西蘭花炒蝦球，蝦球質地爽彈緊緻，份量都幾足料，西蘭花都幾清脆！xo醬炒得都幾有鑊氣。瑤柱蛋白炒飯，炒飯粒粒分明炒得幾爽身唔油膩，雖然唔係貴材料，但係幾考廚師功夫！炒得幾有火喉，味道剛好。

餐廳環境闊落，乾淨企理，地方很大，座位舒適！上菜速度也很快，所有餸菜都熱辣辣！金沙鮮魷及頭抽魚腩煲真的超正，想不到小炒及煲仔是這麼夠鑊氣好味，金沙魷魚炸得很香脆，內裡的魷魚很厚身足料，外層的鹹蛋黃鹹香十足，很濃郁的鹹蛋黃味！而魚腩煲的更是肥美，加上頭抽的調味，鮮味無窮，魚肉滑嫩！蠔仔湯飯也是很推介，大量的芫荽、菜脯及肥美的蠔仔，一人份量也超大碗，很抵吃的感覺！奶油豬仔包做小吃也是很不錯的，鬆脆的豬仔包，塗得滿滿的牛油及練奶，很吸引的！

係Megabox行完街，天氣又有d凍，就想食下雞煲，竟然俾我搵到間新開既餐廳有雞煲食又有煲仔飯食，岩曬凍冰冰既天氣！😍呢間餐廳好大，好多位，仲要開到3點，9點幾黎到都仲可以慢慢食。食物款式好多，多到有選擇困難😂不過凍冰冰梗係食雞煲同煲仔飯！價錢合理，味道不錯，絕對可以去多幾次。👍🏻😍✅招牌雞煲 ($188)本身諗住叫小辣，但店員話本身個辣已經唔係好辣，食落真係唔太辣，岩曬我地！🤤我諗鍾意食辣嘅朋友可能要叫加辣😂個雞煲汁超香濃惹味，雞肉都吸曬雞煲醬汁嘅味，正！🤤雞肉亦都超級滑✅窩蛋牛肉煲仔飯 (細 $75)煲仔飯最重要當然係佢嗰飯焦，佢個飯焦都做得幾出色，夠脆亦但有少少金黃色，好唔錯！🥰牛肉好有質感，牛味亦好重，再配埋隻窩蛋真係完全昇華😁✅粒粒綿紅豆冰 ($28)椰汁味好夠，亦好滑，再配上超多滑捋捋有爽口既紅豆冰，配上熱辣辣既雞煲真係無得頂😝

今晚媽媽無煮飯，於是同媽媽去附近食小菜。最近知道九龍灣開左間新餐廳。於是同媽媽去按指示行入餐廳。適逢世界盃，餐廳沿路的指示都是世界盃世界。得意，搞笑！店舖的裝潢簡單，座位非常寬敞，佈置以‘’世界盃‘’非常吸引。餐廳的選擇太多，媽媽揀左勁耐，選擇困難症發作。除咗有好多晚飯套餐、小炒、火鍋、海鮮、澳門美食外, 還有煲仔飯及羊腩煲 。最後揀左以下食物。1.惹味酸菜魚（$92)酸菜魚的材料非常豐富，有芽菜、木耳、豆卜、酸菜、爽口的魚。酸辣度適中，唔會太辣，酸度岩岩好。2.啫啫肉碎芥蘭煲（$82）非常惹味的肉碎芥蘭煲。新鮮的芥蘭，好重的蝦米和肉碎味。3.窩蛋牛肉煲仔飯（$70）+臘腸（+$15）冬天一到，當然要食煲仔飯。窩蛋牛肉煲仔飯上有鮮嫩的牛肉，加上窩蛋，但可能我影相太耐，隻蛋熟左。配上甜豉油再焗一焗，正！當然要叫埋臘腸，冬天必備！！4.澳門豬扒包（$38）豬扒包上的麵包非常軟熟，且烤到脆脆地。內塗上好香的牛油味，而且有煎得香口軟腍的豬扒。5.煲檸檸薑可樂（+$7）勁薑，勁檸檬的可樂，暖笠笠，冬天正

返工附近新開左間餐廳~大豐澳門餐廳~，同事話收工一齊試試。餐廳好大，又好多掛牆大電視，天花掛左好多國家旗仔，應該呢度有波睇，如果有波睇既時候一定好有氣氛。叫啲平時唔係成日食到既野食先。椒鹽九肚魚🐟皮薄脆香口，九肚魚肉質嫩滑，食唔停。薑葱脆魚腩煲仔飯，又係魚🐟🐟呀，我都幾鐘意食魚，都有成5塊魚，份量都幾多👍焗一焗一打開香噴噴，飯焦脆卜卜。晚餐套餐脆皮咕嚕豬頸肉🐷🐷，有湯、野飲同白飯。咕嚕配豬頸肉又幾襯，豬頸肉好juicy，甜甜酸酸，送飯一流。豆泥西多士當甜品🤣，好邪惡呀。以後我地又多個飯堂啦。

約咗朋友收工在九龍灣晚飯，當晚氣溫急降，大家一致想食煲仔飯，就在附近九龍灣(大豐澳門餐廳)落腳開餐。店舖裝潢寬敞，佈置熱門話題‘’世界盃‘’非常吸引。🔯椒鹽九肚魚~㕑房功夫誇啦啦，九肚魚外脆內軟，外層脆卜卜，九肚魚身軟綿綿加上椒鹽香口，非常惹味😋😋🔯豬潤啫啫雞煲~廚房‘’靠得住‘’👍👍熱騰騰豬潤雞煲端上枱香噴噴，豬潤厚度適中，口感鮮嫰，味道濃郁，而且最棒是無‘腥’味。雞件外皮焦焦地，鮮嫩肉滑好入味。配菜有香芹、雞脾菇、蔥、蒜、薑完全‘’索‘’汁料😋😋凍凍地來一客暖胃煲仔小菜‘正’。🔯葱油雞飯+靚湯~葱香四溢，美味可好，油好惹味用來‘撈’飯一碟飯都吃清光，雞肉鮮嫩多汁。非一般例湯應該叫“靚湯”材料豐富濃郁惹味🔯窩蛋牛肉煲仔飯~米飯吸收牛肉汁，伴上滑溜溜窩蛋和鮮嫩牛肉，加上焦焦地飯焦，吃下去暖笠笠🤩🤩結帳時店員介紹我一款素菜“珊瑚素心燕‘’下次有機會一定再來品嚐。

以前成日去九龍灣呢條街食飯, 呢排因工作關係耐不耐去一次, 每次都有新食店開市, 真係舊嘅唔去, 新嘅唔會嚟, 以前屬於舊派茶記, 有返咁耐歷史, 裝修就比較殘舊, 今日18:00未夠鼠咗入嚟呢間新開嘅大豐澳門餐廳, 新裝坐位闊落很多, 環境比較企理。呢期世界盃, 餐廳都裝咗好多大電視直播供客人一路食一路睇波, 近排天氣涼左, 大豐澳門餐廳除咗勁平嘅晚飯套餐、小炒及酒樓美食外, 還供應煲仔飯及羊腩煲 。紅豆奶茶 ($32）粉棉紅豆配香濃奶茶近期至愛, 紅豆粒粒飽滿, 份量極多, 入口粉棉香甜, 奶茶混合了紅豆蓉亦不失茶味, 正!剁椒魚雲 (單叫$88/套餐 +$18 包例湯、白飯及熱飲)怕食唔晒, 單叫了, 剁椒魚雲重中之重係新鮮, 魚雲很新鮮, 特別嗰舊充滿油脂及omega-3嘅魚雲, 嫩滑油香到不得了, 完全唔腥, 加了剁椒粒、蔥粒、芫茜及喊度適中的豉油汁, 香香辣辣, 特別開胃口, 今日真係欠咗一碗白飯! 淨係個香辣朵椒汁都可以送一碗白飯了。豆泥西多 ($30）那個香辣剁椒魚雲開咗我個胃, 食完點解仲未飽既? 唯有叫個西多士填補吓, 邪惡到呢! 吃西多士最高境界等牛油溶掉, 淋上

九龍灣開佐間新餐廳～跟住指示行好快就搵到個門口，之後就可以進入一個世界盃既世界🤣🤣呢間餐廳太多選擇！樣樣都想試下咁，最後揀佐幾道小菜😛金沙蝦球🦐耐唔耐都想食下d邪惡野開心下😛就如所見蝦非常之大隻，食完兩隻都飽飽地～每隻都均勻包裹鹹蛋黃～十分香口！枝竹牛腩煲🐂我覺得呢個係必食！一上臺都係咋～住咁上😂睇相係咪聞到陣香味咁呢～入面有好多舊牛腩同牛筋，冇大舊脂肪～牛腩煲到好lum好入味，入口好似就化佐咁😋非常之好送飯！避風塘九肚魚🐟一般出面既小菜既九肚魚得椒鹽呢個口味，呢間除左椒鹽揀外避風塘多好多炸蒜更增添佐個風味～九肚魚外脆內軟，咬落多汁😋非常鮮味！以上小菜都可以加18蚊有埋飯、例湯同野飲，野飲方面個人推介再加多18試下個紅豆冰😋我嗌既係奶茶紅豆冰，大大杯，差唔多有半杯紅豆，而奶茶係經典既茶餐廳奶茶，飲落好順滑，飲到冰溶嗮都唔會淡總括而言呢間餐廳真係好多野食揀😆職員都都好友善～下次想黎試下啲澳門特色美食！放工後同同事黎聚餐食下小菜係個唔錯既選擇～