大門橫丁串燒手打烏龍麵店 (山東街)

營業中

休息中

我於店內下單一碗吉列炸蝦芝士湯手打烏冬(轉拉麵)及吉列炸蝦4隻、一碗魚介湯燒鳥手打烏冬及燒鳥、一客黑松露金菇牛肉卷。當時等了大約10分鐘，吉列炸蝦芝士湯拉麵已經到，再過多5分鐘，黑松露金菇牛肉卷也到枱上，就唯獨是魚介湯燒鳥姍姍來遲。當時等了大約30分鐘，就向一位女服務員詢問燒鳥烏冬是否漏單，當時女服務員沒有幫我check單，並表示「燒鳥係需要耐少少時間，要等一等」，聽到答案後我們繼續等。直到等了40分鐘，也看到隔壁比我遲入座的桌子有一個燒鳥鳥冬（非魚介湯），因此我再一次問同一位女服務員燒鳥烏冬的狀況，她依然是沒有check單的情況下回答我同一個答案，表示「燒鳥需要耐小小時間」，當時我們覺得不可理喻，覺得女服務員怎麼會在沒有詢間過廚房的情況下，就馬上回答這個答案，令我們覺得很敷衍，因此我們向她表示「其實我地已經等咗40分鐘」，而且隔壁的桌子也換了兩組客人，女服務員才真正幫我們問廚房以及check單，而當時服務員check單後，才向我們表示3分鐘後就有餐送到。明白當時客人太多因此會漏單，但我認為服務員應該check單才向我們確認燒鳥的所需時間，而非空口說白話，並不認使用敷衍的態度回應客人。

今日lunchtime經過呢間餐廳見到menu都幾吸引🤤價錢又唔貴 所以就同朋友入咗去食🥰叫咗個串燒飯 $62 可以揀4款串燒🍡同一杯嘢飲🍹串燒總共有四款系列4️⃣分別有鹽燒、韓醬燒、汁燒同辛辣燒🤪每碗飯都有半粒溏心蛋🥚溏心幾靚但係唔係好入味飲品叫咗蜂蜜綠茶 正正常常🍹汁燒香蔥牛肉卷🐮一串有三舊 牛肉片捲住一大扎蔥 上面灑咗啲紫菜碎 啲蔥吸晒個醬汁 都幾惹味👍🏻不過牛肉就有少少乾喇😹汁燒厚燒牛舌🐮真係好厚下 太厚反而唔係好咬得郁 亦都無乜味😢因為厚切 上面仲見到啲牛嘅味蕾🫣雖然無得避免 不過即刻無乜胃口 呢串唔係好推薦😩鹽燒護心肉🐷護心肉好大舊👍🏻同埋一串有四舊 不過都係硬同韌 可能因為個肉質 所以都唔係好入味☹️韓醬燒自家製雞軟骨丸🐔呢個係四串入面最好食嗰個 韓醬甜甜哋咁 咬到一粒粒雞軟骨碎 加埋啲雞肉 口感都幾豐富上面都有啲紫菜碎🙈食咗一舊朋友嘅辛辣燒護心肉同汁燒雞翼辛辣燒都唔係好辣🌶️反而可以吊下味唔食得辣嘅朋友都可以試下🫶🏻汁燒雞翼就有種BBQ嘅感覺🤣總括嚟講 我同朋友都覺得肉類比較乾同無味🫣反而串燒下面嘅白飯仲好食🍚有啲醬汁同味素可以撈埋一齊🥢同埋等咗半個鐘先有得食 所以扣咗少少分

昨天放假約左幾個好朋友去旺角買嘢有個朋友介紹去呢間串燒食中午飯🍚 最好就係唔駛等位又大間，於是我哋就一行四人入去山東街呢間日式🍱串燒🍢食中午飯，佢有好多種串燒選擇，整法有幾種有鹽燒辛辣醬汁🌶，我就揀咗雞翼牛舌同埋腩肉🥩，第一次嚟呢間嘢雖然唔駛排隊，但可能即燒就等得比較耐⏱，但食落去啲串燒又幾好食😋，價錢仲好抵食💰，佢一個set 有四串🍢🍢🍢🍢一碟，另外仲有一 杯嘢飲成為62蚊性價比高又好食😋，我哋四個一齊都話抵食夾大件👍， 絕對可以再嚟值得推介嘅係牛舌🐮、腩肉🐷、雞翼 🐔

依家有唔少餐廳都夜晚9點半cut單，唔多餐廳🍴開到12點。咁岩比我搵到間叫 「大門橫丁」有夜食（10點後仲開）。餐廳主打自家制番茄🍅湯同烏冬，既然係主打咁要試試，我地2個人叫左「極上牛肉烏冬番茄湯底」同埋「特選大門番茄🍅濃湯手打烏冬」再加幾串串燒！個番茄🍅濃湯真係好濃同埋有番茄肉，番茄味好岀同埋無咩味精，好健康。串燒方面，我地叫左多春魚，牛舌，茄子🍆，本身想叫海鮮🦞不過太夜賣哂。牛舌係juice嘅唔會燒到太老，茄子🍆就切開左一件件，係方便食嘅，但原條燒係開心啲！今次評分有3.5分，重點係個番茄🍅湯真係有回味嘅感覺。

很久沒有幫襯橫丁了，咁岩經過旺角就決定去食個烏冬，行去橫丁竟然即刻有位，竟然唔洗等 位😚😚😚 ，我實在太幸運！餐牌實在太多選擇了，而且樣樣都好吸引，所以最後我地2人決定叫左一個地獄辣既牛肉撈烏冬+ 軟殼蟹沙律+3串串燒，分別係日式辛辣雞翼+燒茄子+鹽燒牛舌首先地獄既撈烏冬是可根據好體貼，有微辣，中辣，大辣既選擇，烏冬彈牙，而且牛肉份量都多，牛肉味配上醬汁，真係好惹味！😋😋😋軟殼蟹沙律，正！ 🥗 串燒都好夠味道，鹽燒牛舌，厚度適中，牛舌不會太鞋，有咬口😋😋日式辛辣雞翼，雞翼入味，鎖著肉汁，推介！所以食物都保持水準👍🏻👍🏻👍🏻每人平均$150，都算抵食！

調味料同茄子一啲都唔夾  分量少  完全比張特色燒茄子調味料同茄子一啲都唔夾  分量少 完全比餐牌呃左😓可以話係失望 豬頸肉都係肥肉 烏冬既大蜆洗唔乾淨 仲有沙又臭 個茄湯本來應該都幾好食 但比個蜆搞臭左 得燒蟶子係好食 炸物都炸得好香

每次黎都係食呢個辛辣蕃茄湯底極上牛肉手打烏冬，鐵鍋盛載上枱，夠晒熱辣辣。先講湯底，蕃茄味非常濃郁，而且都比較杰身，飲落好有質感，令每條烏冬都怖滿掛汁，一向鐘意飲湯嘅我，當然係連湯都全部飲晒啦🤣。牛肉份量都唔算小，有3大塊，好有牛肉味，口感都幾嫩滑，非常滿足

八點幾九點喺旺角買完嘢，又要搵地方醫肚，星期五晚嘅旺角真係寧舍麻煩，周圍都要排隊等位，唯有行離最旺嘅區搵食，行吓行吓行到去麥花臣見到有得食串燒就試吓啦。雖然門口得幾個人等緊位，但都等咗成十分鐘先入到去坐，入到去又逼逼哋，空間唔算大，但檯就密質質，坐得唔係太舒服。睇餐牌成張密密麻麻，但其實好多嘢都係一樣，只係唔同湯底或者醬汁。因為食咗下午茶又唔太餓嘅關係，我哋兩個人就只係叫咗一個豬骨湯牛肉拉麵，再加幾串串燒。拉麵首先嚟到，合格啦，無咩特別，啲牛肉肉質有少少韌，湯底都可以嘅。點知食完碗麵，坐多10分鐘，仲係一碟串燒都未燒好，真係燒太耐，頂唔順要催先好快嚟咗個蟶子，蒜蓉燒海鮮就點都正㗎喇，啲蒜蓉都食曬一粒不剩。之後幾串肉都好食嘅，個人比較鍾意韓醬汁燒，少少辣食到好過癮，最後埋單三百幾走人。大門橫丁整體來講食物質素都唔錯，但環境同服務都麻麻，最可惡係串燒真係要燒半個鐘先食到，希望遲吓會有所改善啦。

成日行過都想食，但長期多人排隊，就放棄食其他。今日8點零行過，竟然唔算多人等位，仲唔係機會黎喇飛雲今次叫左兩個吉列蠔手打烏冬，一個係辛辣蕃茄湯底，一個係鰹魚辛辣魚介湯。到底係幾咁想食吉列蠔烏冬冇得輸，彈牙，辛辣蕃茄湯微微辣好開胃，鰹魚辛辣魚介湯唔錯，不停咁飲炸蠔唔會好乾，份量對得住個價錢。另外仲叫兩左個小食：泰式燒蟶子同炸一口豆腐。蟶子個汁唔錯少少辣同酸酸地幾開胃，係個蟶子燒得有過火，有啲難咬。炸物中規中舉，可以一試。

日式叉燒手打烏冬　有玉米　蔬菜同流心蛋等配料叉燒是肥瘦相間　有灸燒的表面很香的叉燒油脂味　鳥冬有彈性　吃起來很彈牙整碗都很好吃　玉米有甜味　雞蛋也會流心汁燒鰻魚串　汁燒魷魚筒鰻魚的味道主要來自醬汁調味因為有油脂的關系　肉質比較軟嫩魷魚筒比較爽口　厚度的肉質比較清爽只有表面比較沾到醬汁燒鯖魚　鹽燒秋刀魚有點鹹的調味另外點甜醬油會比較好蒜香燒聖子　蒜香燒元貝蒜和蔥都會融入到海鮮裡不會太韌勁　有海鮮甜味不過都會給強烈的蒜香搶了整體不錯吃岩鹽串燒冬菇　岩鹽燒鴨舌　岩鹽串燒雞腎整體都很正常的串燒

今日打風，周圍冇咩舖頭可以揀，同朋友入去試吓佢哋。我哋叫咗雞翼串燒，味道其實幾好，但就鹹咗少少。沙嗲湯底都偏鹹。而三文魚鰭串燒份量就比較細，同埋都係鹹。仲有個炸墨魚咀，整體來講中規中矩，朋友就好鍾意。重頭戲嚟啦，我哋嗌咗個軟殼蟹沙律，佢個沙律撈埋左啲菜出水嘅水，變咗湯，唔係一個得體嘅沙律，都唔緊要，但係又食食吓發現入邊有條粟米鬚嘅物體，原來係頭髮，係長頭髮。除此之外，侍應佢哋態度幾好，嘢食都好似好新鮮，不過都係太鹹，同埋衛生有待改善。

大門橫丁食過無數咁多次,不過佢嘅質素就好參差, 時好時壞😖, 每次都必叫蕃茄辣湯底, 有時配雞肉有時配豚肉, ⭐️今日就叫左個蕃茄辣湯底配豚肉烏冬, 送一杯熱飲, 有桂花蜜, 蜂蜜綠茶等等, 我就揀左個熱嘅桂花蜜, 🧃🧃落單後唔使五分鐘就送上桂花好香, 不過就稍為甜左少少, 🤧湯底都係好有蕃茄味不過就無辣味😰, 只得幾粒辣椒係度浮浮下, 而且蕃茄未煮淋, 食完個烏冬好口喝, 估計可能好多味精, 🐥下次再黎, 希望會有心機少少啦.

晚上🌃，喺旺角行行吓街，見有啲肚餓，但又唔想食得太飽，咁就突然之間想食沙嗲烏冬，就諗起之前有間大門橫丁，好耐冇食啦都有好幾年，唔知仲喺唔喺到呢？見仲喺到，一於入去再食，睇吓水準喺唔喺到先坐低當然係叫我最愛嘅極上牛肉手打烏冬🥘，熱辣辣嘅沙嗲湯喎🥘嫩口嘅肥牛，仲有醃製過嘅溫泉蛋，呢隻溫泉蛋有少少酒味，口感非常唔錯👍🏻👍🏻味道同口感都保持住之前嘅水準,一個字不過價錢就比較偏貴，當年嘅50幾蚊加到而家$82蚊，加既幅度比較大😅另外仲叫咗個豬軟骨沙嗲烏冬，不過就冇牛肉咁好食，不過大家都可以試下

今日同朋友嚟到旺角食烏冬🍜就同朋友嚟咗呢間烏冬店😛入到去座位比較逼，但係裝修都叫有啲和風嘅🌸原本想食佢哋嘅清酒煮蜆烏冬，但個日冇晒蜆😪所以就轉咗食鮮蟹肉蕃茄濃湯手打烏冬🦀蟹肉份量唔算好多，但蕃茄湯底幾有鮮味，似落唔係茄膏開出嚟個種，湯入面都幾多蕃茄🍅 烏冬都幾有咬口🤙🏻 食到最後都唔會淋晒😆朋友分別嗌咗吉列炸蝦辛辣沙嗲湯手打烏冬🦐 同吉列豚肉豬骨湯手打烏冬🐷 沙嗲湯係偏重花生味，但都真係有啲辣，如果唔食得辣就要注意下喇‼️兩份炸物都都炸衣唔厚，唔會好油膩，而且夠脆👍🏻但私心想豬扒可以厚身少少🤏🏻呢間除咗可以食烏冬，見到個日都幾多人食串燒🍢下次可以一戰👹

疫情期間而家真係好少出去食飯記得啱啱開嘅時候 我哋真係常客黎我叫咗碗堅魚湯烏冬配豬軟骨湯依然都係幾香嘅 不過份量就好似越來越少一個女仔食都好似唔係好夠飽豬軟骨就真係有啲失望 因為我食黎食去都係得肉軟骨都冇多舊俾我講真味道還好啦 但係份量真係有啲少男朋友就叫咗蕃茄湯蕃茄湯相對之下同以前比較就失色左冇以前咁濃番茄 以前係杰撻撻 但係真係好濃依家成個湯底滑身好多 但係感覺就普通左炸墨魚咀等咗好耐都未到我男朋友食完成個烏冬爭啲想話唔要好好彩我食到最後一啖嘅時候終於嚟咗🤣