大門食堂 (德福廣場) (已結業)

今日收工行德福想食日本野，見呢間平平地menu啲野食又好似唔錯咁就諗住試下啦，點知食到一肚氣。一去到門口攞左飛先，當時大約夜晚7點幾其實裡面仲有起碼兩張吉枱，但店內兩名侍應見到我同另一啲客等緊，係完全冇表示叫我地入座定繼續等，自己做自己野，到等左差不多五分鐘有一枱客走左先安排我地入座。由入座，落單叫野食，問侍應攞熱水，到埋單收錢，全部都起碼要重複兩三次先會有人理，最離譜係其中兩位疑似經理嘅男侍應，佢地只會叫另一位做緊其他野嘅女侍應去跟進，甚至「哦」完你一句就算冇做到，變相全場只得一個侍應serve客。最後我地兩個人食左$120算係幾平，但啲侍應態度差又冇禮貌，真係拎去食茶記都仲冇咁嬲。

一向是沾面fans，得知德福開了一間新的拉麵店，當然要一試啦！等叫了最普通的大門沾面，沒有任何配料，但依然十分美味！湯汁十分入味，而麵的份量與軟硬度也適中！真的算是十分不錯呀！

睇到日式裝修好似好吸引咁，就入去食，價錢尚算合理。不過最不幸就係食完個辣味油麪（暫時嘅嘢嚟）之後返屋企肚瀉咗幾日，到而家仲痛緊，懷疑衞生環境欠奉。味道方面，麻油味係均衡嘅、份量亦都足，麪同醬嘅比例亦都係平均。。。。。店員服務態度有啲唔客氣，有待改善。如果食完一次係會肚痛到咁樣，我以後都一定唔會再嚟呢一間食！完全係惡夢！

上次中午12:15來到都要等位, 今日早少少12:00來到就有位了, 見餐牌都幾多選擇, 有拉麵, 定食, 咖哩飯等, 今日叫了大門拉麵 (HKD 48) 加味蛋 (HKD 12),  勝在不需加一服務費, 德福來說已算抵食~大門拉麵 - 本人覺得味道只屬一段, 湯底唔算濃, 可加蒜蓉調味~味蛋- 即是糖心蛋, 呢個好味, 蛋黃入口即溶, 下次來要再叫~日式漢堡扒飯定食 (HKD 54) - 非常抵食, 配凍豆腐和麵豉湯, 炸薯角很好味, 即炸很正, 漢堡扒一般, 點燒汁都配飯都好開胃, 飯是珍珠米, 口感非常好~

近來身邊多了不少朋友在九龍灣定居及工作, 耐不耐就會收到短信問宅女: 等等. 坦白說, 宅女搬來九龍灣都巳經有十年左右, 自問大部份的餐廳都有吃過, 如果單說德福廣場跟淘大商場的餐廳, 真的沒有一家是特別出色的. 當中的德福廣場, 鋪租尤其貴得利害, 能站住腳的都是一些大財團連鎖食店, 但其質素可想而知. 早陣子經過二期廣場, 看到原來白熊咖哩早巳結業, 新上場的換來這家主打吃拉麵的大門食堂. 既然是拉麵, 宅女沒理由錯過, 便來試試水準. 這家大門拉麵看似有點像港式日本食店, 不過原來老闆是大勝軒山岸一雄的弟子田中榮一!! 之前他巳在太古開了大勝軒丸一, 不過老實說宅女覺得水準只是普通. 而這家大門食堂, 走的是家庭餐廳風格, 所以賣的不只是拉麵沾麵, 而且更有不少定食及小吃. 在香港暫時巳有5家分店分別在沙田, 灣仔及將軍澳等地, 全都是在商場內的.而這家九龍灣分店就在德福廣場的第二期, 白熊咖哩舊址, 開了業少個多月, 而宅女就是在上月中左右第一次光顧的. 晚飯時間來, 免不了就要等位. 香港人最愛貪新鮮, 看到有新店開張, 就算要排隊等位也在所不計. 幸好宅女早一點來,

被日本嘅裝修吸引咗入去離開嘅時候帶著無奈一碗大門叉燒拉麵48元得一塊叉燒 而3塊叉燒28元 無奈 （後來睇番餐牌上影嘅相 係得一塊既…………我既錯 叫左呢個拉麵……我錯……）玉子燒38元完全無味既蛋 無奈（無人話玉子燒一定要有味既……我錯……叫左呢個蛋）最無奈係個沙律28元 同張圖唔同既 又細又小重要一粒粟米都無 （無人話一定要大份同有粟米咼 不過明明張餐牌上既相係有粟米咼）無奈 完

最近，跟忙碌的OT上班生活扯上了緊密關係，星期日怎麼還是要工作呢。。。總算完成手頭上的工作時下班，趕及吃一頓正常的晚飯 。回到九龍灣，筆者進入了迷思狀態：試途尋找未錯到訪的餐廳。留意到早陣子德福廣場的數家食肆進行裝修改裝，所以來到這邊看看最新進展。原來，太興和白熊珈琲室的原鋪也分別改裝成Mr. Steak和大門拉麵。作為拉麵/沾麵腔，下意識地來到大門食堂的電子輪候機處取票，因為此店是東京埼玉縣的人氣拉麵店。晚上9時，1人到訪也需要輪候4張座位，可在門外聽候叫碼。約10分鐘後才被安排入座。輪候期間，筆者也稍稍觀察了大門的裝修和餐牌。餐廳以拉麵、沾麵和油麵為主打，也有供應少量飯食。有時候，感覺坊間部份拉麵店的椅桌安排較為局促，不如咖啡室般寬敞，而大門食堂的座位間隔和樓底的寬闊感覺，配合柔和燈光和木色牆身，意外讓人感覺自在--心情放鬆也是用餐的重要一環。進入大門食堂，1人安坐吧枱之上! 筆者老師曾笑說: 「開放式廚房的設計，就是讓食客盯緊廚子，那麼食物出錯不了的。」確實，此話亦不無道理，味道好固然重要，但筆者偏向享受欣賞廚子專心製作食物的神情，更能感受到食物當中寄托的情感。而且，1個人吃飯，

Though I'm picky about ramen, when it comes to mall eating, I know there is little choice I have. So, on this day, I decided to try this place called Daimon Ramen.Originating in Japan, it's a basic mainstream style chain restaurant offering very inexpensive ramen. You can choose pork based broth, tsukemen and abura soba. Everything averages $50. Menu is in Chinese and Japanese. But they do have photos of all their food.I decided to try the abura soba as I've never tried this before. I got the cl

附近開咗新店梗係要試下啦兩個人嗌咗4樣野赤大門沾麵，麵質唔錯，但湯底麻麻，不過不失。雜菜拉麵，D菜炒得幾香餃子皮薄脆，OK鹽魷魚，好腥好難食，條條都有渣overall ok ,比唔上深水埗個間。小小唔愉快係本來有壺凍水係枱，問店員攞暖水，佢話得凍或熱，結果攞咗成壺滾水黎又收咗壺凍水。

平日喺德福廣場食lunch係痛苦之嘅事，選擇唔多之餘，價錢仲好貴。呢間大門係新開，所以走去試下，午飯時間要等位，好彩等咗10分鐘就有位。午餐menu主要係拉麵同丼飯，我選咗香港好少有嘅油麵，以前係日本成日食，其實係撈拉麵，但可自行加啲醋、辣油調味，見$52咁平，所以試下個油麵係魚介汁，略嫌汁味道不足以掛麵，但麵幾彈牙，蛋同叉燒都ok，呢個價錢好抵食，宜家仲免收加一。同行朋友食咗豬扒炸蝦丼，但豬扒炸蝦有啲乾，勝在份量十足

聽說德福開左新拉麵店，緊要叫埋一家大細去試下啦，店舖唔算好大，但都好快有位👍🏼因為有BB車，店員亦為我們安排左位置👍🏼台面會有餐牌，直接用筆填上想食既食物比佢地就可以，可能果日比較忙，叫左好耐先有侍應幫我地落單大門拉麵（$48）大門叉燒沾麵（$70）食材同大門拉麵差唔多，就多一塊叉燒，但比大門拉麵貴左$22，下次食大門拉麵算😅赤大門沾麵（$60），沾麵湯汁同大門沾麵味道唔同，湯汁有少少辣味幾惹味煎餃子（$28）味道唔錯，皮唔厚，但怪在冇餃子汁，店員介紹我地沾豉油🤔🤔🤔整體拉麵唔錯，店家選用粗身麵條，比較易掛湯同有咬口，同埋此店冇加一服務費，價錢都抵食👍🏼

十多年前在我日本公司吃過沾麵（つけ麺)，印象難忘。回港後找了很久都找不到沾麵，好像第一次我是在火頭山試到的。但也沒有太大驚喜。當香港沾麵開始普及，我又愛上了油麵(油そば)。現在頗多沾麵專門店都有油麵供應。一看大門，便知又是一種日式雜錦X不像餐廳，有湯麵，油麵，沾麵，咖哩，炸雞，豬排。我一直在我的食評強調，我崇拜日本專一的料理哲學，所以對此類餐廳理應列入不試名單。但我會給此店一個嘗試，原因是價錢，非常平民化！要提他們的點餐，是真接用紅色鉛筆在膠餐牌上寫。這種環保不浪費紙張，又省回用ipad等工具減少成本，是便宜的原因嗎？試的是我最感興趣的沾麵和油麵。可以說兩者都絶對合格，我不會説有任何一樣材料，如湯，麵條，义焼等是有驚喜。但最重要考慮到價錢，我會説是抵食的。像油麵，它配的汁，比較中和，只要喜歡撈麺又生雞蛋，應該會滿足。也點了煎餃，一樣，不過不失。最後說服務，枱上預先有一瓶水自己倒。但我們的是空瓶一個。侍應應該預先準備留意到。下次會再試其他麺，但未必是飯。因為我知道如豬排飯(とんかつ)是要求很高的烹調，暫時還是到一些專門店才吃。

一行四人係MCL睇完戲就係德福搵野食，黎到新開業既大門分店，一於試下!大門拉麵本來預佢係幼身面，點知係偏硬身粗麵，但口感比我想像中好。麵韌性足，食落好彈牙，豬骨湯底味道又厚又濃，可惜叉燒得一塊。鬼門拉麵辣味好夠!唔係用辣粉開既辣味湯，可惜佢既肉用肥牛。大門沾麵原來佢拉麵同沾麵都係用同一種麵，所以食落同大門拉麵差唔多，湯底我飲唔出有咩分別。但我朋友話沾麵湯底更濃味一啲，佢比較鍾意沾麵，但我朋友一邊食一邊飲湯，食完就飽左無加湯，所以唔知呢度既沾麵有無得加湯呢吉列豬扒粉較厚，同埋本身無醃過，味道較淡，無沙律醬。。。。炸魷魚鬚份量相對上算少而且唔太新鮮有點過韌日式炸雞炸雞有醃過，味道都幾好，但唔太特別凍豆腐依家唔係太多日式餐廳有凍豆腐，難得呢度有，但豆腐本身無味，佢上既時間無落醬油。。。而佢枱上既豉油又較咸。。。。一般吧

好耐冇出街食飯今日路過德福睇戲，睇戲前食餐好嘅，大門拉麵印象中開左唔耐，試一試佢先同太太叫左兩碗麵大門拉麵，沾麵，餃子及魷魚拉麵呢間用闊麵，幾好味，最正係叉燒，夠肉味，似新鮮肉，唔會有雪味，正！湯底偏咸，呢樣要減分！沾麵，出事了，其實同湯拉麵係一模一樣，只係多多兩塊叉燒加上本身湯麵個湯已經好咸，沾麵濃湯仲咸😰餃子，感覺仲差過自己去超級市場買果啲雪餃子😑魷魚好清新，有少鹽味，好特別，不過好細份整體唔錯，只係沾麵同餃子較為差，沾麵唔抵嘅地方係比拉麵貴$30

等睇戲前諗住食個tea當午飯, 咁啱經過見到有人排隊，新年流流仲唔使加一。拉麵，定食最平四十零蚊已經有交易，新開就試下。等陣果時已經好肚餓，已經鎖定要試佢個拉麵，粗身拉麵真係未試過，睇相好似幾好食😆食物都幾平：枱頭仲有食沾麵既圖示同幾款調味比大家，都幾貼心。先黎個玉子燒$38, 其實呢個真係勁唔抵，咬落去好乾，直頭係食蛋咁，甜味都無😑，完全唔係玉子燒黎，係燒熟晒既蛋之後係凍豆腐$8, 真係得舊豆腐，汁都無。。。你好野😭最後我將d豆腐浸沾麵反而幾好味到最期待既大門拉麵（$48)，湯底係正常醬油湯底，都ok，再食個麵....好硬啊，食到尾依然係咁硬😭 條麵太粗身，完全索唔到湯底既味道，失望。配料有荀，不過我通常都唔食，同埋一塊叉燒。叉燒都ok, 瘦得黎邊位帶點肥油。大門沾麵（$60), 我覺得呢個湯底好味過拉麵個湯。醬油味濃得黎係帶點甜同有木魚味，唔似得拉麵湯底只有咸味。不過可惜係個麵都係偏硬，咬得好辛苦，真係唔知佢係唔熟定點。 食剩既濃湯可以叫待應加木魚湯飲，都幾清甜。整體其實湯底唔差，只係個麵唔係好掂，小食亦有點hea。希望會改善下😥，另外定食睇落好似唔錯，唔知會唔會好食啲？anywa