大門食堂 (德福廣場) (已結業)

今日（9月28日）晏就午飯時間見到一間叫大門食堂既日本菜，價錢尚算平民化 ，亦見到門口有好多人等緊位 ，諗住試下係咪真係咁值得排隊去食啦，點知食到我一把火咁走。 我點單叫左一個豚肉炒野菜定食，要等成半個鐘至四十五分鐘先有得食，我得一個鐘食飯時間，搞到我要食到好急趕翻公司。事情大約係我一個人坐吧枱，1點左右落單叫左個豚肉炒野菜定食，大約15-20分鐘都見附近既客人陸續都有食物到，就叫樓面位姐姐幫我追食物，我聽到廚師（高大帶黑色帽的男人）回應樓面姐姐:「你地鐘意蓄單啊嘛，係咁架啦！」但我見到廚房裡面有4個人，其餘同事都有野做緊，唯獨係炒菜個邊既金髮男生可以係廚房入面玩到手舞足蹈，明明係有空餘時間係到玩，但可以唔做客人既單，我真係對大門食堂好失望，原來繁忙時間時侯廚房員工可以玩到唔理客人既Order，鐘意做單就做單，忙就搵客人出氣，我身為客人見到呢個情況亦都非常之嬲，樓面姐姐已經幫我催單 ，但廚房員工可以因爲鬥氣而唔做單，蓄意令客人等待，我想講咁樣真係好幼稚，離曬大譜，我嚟大門食堂係嚟食野，唔係嚟感受廚房同樓面既恩怨，唔該廚房兩位男員工可唔可以有d專業精神，工作時工作，唔好令到客人失望而回。

係香港好少可以搵到啲比較清淡口味既拉麵因為以我認知，係日本食既多數都係濃口味個日我係星期六去食晚飯時候都係要等位大約半個鐘後就有位啦而且係唔限時間本身想食沾麵但因為見到佢既拉麵好平 50幾蚊碗一於試試佢既招牌拉麵估唔到佢既麵質係屬於粗麵即係平時我地食開沾麵麵質，呢點我喜歡仲有舊大塊既叉燒，好飽肚!而且啲湯濃而不鹹啱我呢啲比較鐘意清淡50幾蚊(好似唔加一)，我會再去食但我發現好似全部店員都係男人黎~有無人都發覺？推介: /5 (滿分)

今日同媽咪去九龍灣行街，街到禁上下，肚餓，都唔知食乜好。見到呢間拉麵店，未食過，價錢又ok喎，咁咪試下囉。到個麵黎左,wa 好大碗。雖然佢都系叫拉麵，但佢同平時果啲拉麵唔同，佢啲麵粗啲，好似油麵果種feel，但系又唔系好油wo。所以成碗麵都唔油。但個黑蒜油拉麵就唔系好覺有黑蒜味。個炸雞都唔油，啲皮都好薄。整體黎講都算系ok la 不過不失

2018/08/25 18:00德福店我朋友覺得熱，嗌左杯可樂，同時間問佢地可唔可以要杯冰，佢想飲冰水。冰到左後，同時到左罐可樂，又係無冰，於是我地再叫佢地俾杯冰，然後門口帶位嘅走過黎，同我講「我地公司提倡環保，所以可樂要自己倒出黎飲，同埋係無冰」我又話「我無叫你倒呀，我要杯冰姐？有幾唔環保？」佢又話「下次要冰唔該係門口講聲先」未聽到我回應就走左原來要份冰叫做唔環保？我見識少，有無人解釋下佢同我講下次要冰就請入座前通知咁點解你地唔係門口寫清楚？唔寫我點知？如果你話因爲要雪，要雪櫃電，所以唔環保，咁你開乜X日本食店？你啲野食唔洗雪？雪多啲冰要用多啲電？以後唔洗再幫襯！

#double_麵食 #double_九龍灣.早兩日 #🍋👧🏻 心掛掛想食日本嘢 點知又中沾麵伏😩大門叉燒沾面 ($78)半伏❗️湯過咸🤢帶酸🤦🏻‍♀️ 面沒有冷/温選擇 黏口😩似煮衰嘅公仔麵 完全冇咬口 湯汁不掛面 🙅🏻‍♀️叉燒有兩至三塊 不特別🤷🏻‍♀️本身仲以為咁樣嘅價錢會有隻蛋🥚點知乜都冇評分：2/10－－－－－－－－－🍴餐廳名稱：大門食堂 (九龍灣)📍地址：九龍灣偉業街33號德福廣場二期4樓412舖.#double_咸.#double_official #double_兩姐妹#double_mango #double_apple #doubleig #doublefood #相機食先 #hkig #hkgirl#hkfood #hkfoodieblogger #hkfoodie #hklife #hk#hk852 #🍋👧🏻

難得星期五, 本身想收工食餐好, 但ot收工都已經差唔多九點嚕, 於是就係九龍灣德福搵食.. 上到唻四樓見依間冇咩人等,就快快手食完返屋企休息, 期望都唔算大老公叫左碗拉面, 但冇睇清楚原來d面係類似沾面, 佢就唔係咁鐘意啦, 話湯底得個辣字,再另外加左個小食, 餃子都唔錯呀, 皮煎得夠脆但又唔乾身我就叫左個漢堡套餐, 賣相唔錯, 食落普通, 白飯都比較硬同埋唔夠熱, 一般般啦依間餐廳全日都冇加一服務費, 係依一點加分, 但食物可以有進步空間

下堂時臨近9點15分，九龍灣德福廣場附近的店鋪都準備著關門，餓著肚子走著走著，看到一家店還在招攬客人，二話不說進去了！在這個時段很多客人都是一個人進去的，店員安排我地坐在附近🤣 可以安靜地吃個飯～原本這家個的招牌是拉麵和沾麵，可是不想吃太飽，所以叫了定食～$55 豚肉炒野菜定食$12 味玉味噌湯、豆腐、白飯、豚肉炒野菜野菜和蘿蔔絲，洋蔥的味道十分配，豚肉不太肥，而且份量多，如果單點一個小吃貨也夠飽喔～！豆腐超滑和甜甜的。味噌湯就很普通了。味玉是糖心蛋，蛋黃甜甜的。有服務而且沒有收加一，不錯呢～！

雖然說這間餐廳吃拉麵比較有名，但是看見餐牌上有炸豬扒午市定食，也覺得很吸引，便是一試！這份定食除咗有炸豬扒同飯之外，仲有面鼓湯同埋一磚豆腐，最特別係佢有好多雜菜係豬扒隔離，而且吃起來也算清新！炸豬扒做得唔錯，表皮炸得香脆，豬扒亦做到鬆軟多汁，絕對係抵食之選！不過面豉湯有少少咸不過午餐時間排隊人數比較多，我同同事大概等左20至25分鐘先入到去食，所以如果大家想睇午餐時間黎大門食嘅話就要早少少嚟排隊！

星期六打完通肖牌 大殺三方 通殺🔥🔥 朝早訓醒到剛剛4-5點 去就近德福商場食 拉麵🍜我至愛Ge 拉麵🍜🤤🤤第二次食 今次食撈麵 佢個麵依然咁彈牙 yummy 😋 day 個蛋有蔥加分

今次已經第2次食啦😁環境都舒服，5算太逼但入口同隔離店痴得好埋，小心入錯店上次食左個 辣拉麵湯底濃厚，較結身鍾意食濃味野既就岩曬啦麵質係粗身煙韌之前食其他日本辣拉麵都5會辣哩個夠曬辣，食到我好興奮😁而男友就點個牛扒定食，相比下較普通今次男友繼續點左啲較普通既大門拉麵😂😂湯底係較結身濃厚既，我就無特別去試我就點左個擔擔油麵食落覺得中麻少辣記得兜底呀好味尋歸底嘛然後跟佢教法加醋加辣油可能個麵本身已夠味加完後個風味無太大改變男友話可以整個麻婆豆腐油麵😂應該會更加正我就好中2食哩間野，5貴無加1質素5會太差, 食得過當然你無得用日本拉麵質素去比啦唯一美中不足係哩間店無得加蛋

係九龍灣返工又要搵食lunch地方行到黎telford plaza見到食拉麵既舖頭有得食沾麵 又見$62唔算好貴 所以一試叫左碗大門沾麵$62麵既份量都幾大不過雖然佢係$62佢係無蛋無叉燒其實計落都唔係好抵麵質唔彈牙 頗淋身沾汁係我食過最咸既汁 係咸到我之後飲左4杯水都仲係覺得我個喉嚨同個嘴好咸仲要食既時候 個嘴損左 d汁"乸"到個嘴好痛😭呢碗應該係我食過最難食既沾麵講真 我會寧願俾多幾廿蚊 食碗好d既沾麵 起碼唔會令我覺得咸到要洗腎

好耐冇去德福廣場食野，原來開左一間麵店，專食沾麵、油麵、拉麵。身為麵既愛好者，當然急不及待入左去試。入面既坐位有些少迫，但冇阻我既胃口，叫左個大門油麵，而我朋友叫左牛丼。首先講下牛丼，一黎到就覺得好足料，有吾少牛肉。食落果然冇失望，汁比得好足，洋蔥又吾會生，完全冇苦辣，要讚一讚。同時牛肉又入味，吾會好似大型連鎖店既牛肉飯咁，又乾又冇味。我第一次食大門油麵，一開始比佢賣相嚇一嚇，冇乜汁又冇湯。之後發現原來係我見識淺薄，大門油麵係要撈黎食。撈完之後，即時變得吾同，食落非常正，辣辣地，可惜既係叉燒片比較乾。

日本定台灣菜?我唔係好分得清,  感覺係走日本風格既台灣店xd其實佢門面一啲都唔顥眼,  比旁邊啲牛內面同vietnamese food搶哂鏡,  睇落佢似賣珍珠奶茶店多啲, 好易比人ignore朋友食湯麵,  我試過一啖,  鼓油湯底唔得我心,始終都係麵鼓最好我就揀左油面, 相中個樣係未落任何醬料, 不過賣相都可以!係吸引ge!!話說呢...佢有個指南, 係教人點食油面.......不過我喺枱面上只係搵到醋同埋辣油,所以被迫得一種選擇~醋同辣油個配搭係好食ge!  但如果枱面醬料齊全啲, 就最好啦!

係九龍灣上完跳舞堂就去左附近揾野食煮填肚。係德福二期見到間食日式拉麵及定食的大門。叫左份日式炸雞定($55)食。除左炸雞外，定食仲會包一碗白飯、一碗面豉湯、豆腐前菜。面豉湯同豆腐無咩特別；白飯就用左日本米，每粒飯粒都漲卜卜、好Moist，飯味夠香，又幾好食。炸雞件有6件，另外會有沙律菜配沙律醋。炸雞件的皮炸得幾夠脆，雞肉煮唔算太乾。由於定食無包飲品，但跳完舞有D口渴，所以就散叫左杯活乳酸梳打($20)

今天想吃一點濕濕的就來一客最普通的大門拉麵 $52， 熱騰騰的拉麵快速送上 😘， 配料不多，有一片叉燒， 佢係鞋嘅， 其他配料有筍 & 紫菜， 好友與我吃同一款拉麵， 由於她不吃筍， 搞到飢詩成碗都係筍 😆😆 筍柔軟而爽口，帶點酸 跟這個湯底和麵 幾匹配 ~ 湯底是精華，魚介味道香濃， 湯底質感適中 不會太稀， 紫菜吸收了湯底的精華， 一啖食完 😁😁， 配料的確 好快食曬 所以主要係食麵 😚， 大門嘅拉麵是粗身的，飢詩很喜歡粗身麵條，質感豐富有咬口， 但麵條實在太多， 食到最尾好濟~ 下次可能要叫少麵 唔該~ 😂😂 飢Point : 6/10#hungermarch #飢詩 #非飢詩