大頭蝦餐廳 (已結業)

朋友推介下就試下e間，買左外賣拎去朋友屋企食 有好多選擇咖哩、喇沙、撈檬。。。我就叫咗扎肉雞絲喇沙河粉😍 喇沙唔係好辣 甜甜地 食唔到辣ge朋友都可以食 好多雞絲😍 粉ge份量好多 岩晒大胃王朋友 普通女仔食。。9成會有食淨😂 所以下次要少粉先得 太浪費配料方面： 豆卜 生洋蔥 蔥 香草葉， 唔食蔥ge朋友 記得 記得 要叫佢走蔥 因為真係有好多😅佢ge外賣會自動分湯😂 又冇加一 真係太貼心了 佢lunch 有免費熱飲 學生無論堂食定外賣都有減5蚊優 岩晒我e d貧苦學生😂

呢間嘢 嘢食中等 冇咩特別價錢中等 50一碗左右 衰在態度勁差 入左泥揀好嘢想叫 叫左十五分鐘都未叫到每個店員都叫等等等等 等完又唔會返轉頭落單既但轉個頭同其他人落 幫其他人汁嘢 四周圍行下甘 十五分鐘不停叫都仲係唔泥最後真係大聲叫唔該 都仲叫等等 等多陣 佢終於落啦 態度又仲勁差又勁唔耐煩 又勁惡死啦 態度真係差到呢

第一次黎呢間大頭蝦到食之前去過西營盤果間都幾好所以黎到見到試下本人是位學生 大頭蝦學生價係-$5向來都冇話過落單前要講明至少係西營盤果間冇其實一去到坐底 肥肥地果位落單嬸嬸態度都吾係咁好落完單 佢出左張單比我地 問我地係米學生我地話係阿之後佢話你地又吾早講？宜家出左單冇得做學生優惠喇 你地個樣似學生 但又冇講（態度勁差咁講）勁搞笑囉 問完我地先話冇得做優惠 都算但個嬸嬸態度勁差上食物果時上錯左 舉手叫佢 佢行到過黎第一句就話：又點阿？我地都未食完野 瘋狂黎睇下我地食完未 又勁快收野 野都未食完就收成個過程都比說話我地聽 我地話冇下次 個嬸嬸聽到話：好阿 冇所謂冇諗過食個lunch食得咁吾愉快 真係冇下次

做完facial諗住附近搵野食，好肚餓求其見到間門面使使正正就入去醫肚啦！見到喇沙好吸引但想食清淡啲，最後叫左生牛肉河。牛肉河一到，啲牛肉睇落勁紅，好似好新鮮咁，可惜忘記影相😩之後我就放啲牛肉去麵整熟佢啦熟左之後湯底立即變深色左！一飲😋好鮮甜！再食一啖河粉，啲鮮甜汁入左河粉好好味😋第三啖食牛肉，係好surprise咁甜咁鮮嫩多味咁林！係靚料牛肉！仲有成十塊八塊好多！47蚊嘅晚餐可以食到靚料牛肉，超抵食😋😋😋牛肉河食很多，但咁靚料牛肉真係好少見！😋推薦👍🏻

話說我同幾個同事過嚟食午餐 食過幾次都冇乜嘢但唯獨每次遇到某一個員工就食到一吐氣 佢個樣係短頭髮嘅肥女人黎 每次一係佢落單收野啲態度都衰到一個點 就每次都忍佢 唯獨今次真係忍吾到佢要上黎打差評 我同班同事都覺得黎食野 我地已經係消費者仲要俾人鬧咁 俾埋錢仲要受罪 你搞我笑？座位嗰啲你好聲好氣講大家真係冇乜所謂坐邊但你洗唔洗次次都好似趕客走咁既差態度 一坐錯位係咁係到俾說話大家聽 仲要單單打打 啲位真係咁矜貴咪成間野都唔好開囉 吾好俾人入嚟食囉 依家野真係奉勸大家唔好去食 入到去係食人態度唔係食嘢。其實基本上個個員工服務態度都正常 係唯獨依度條肥女人個個都要話咁款 我同成班同事都唔會再過嚟食一定！！

來到炮台山港鐵站，準備＂醫肚＂之際，看到一個非常特別的招牌名字，不知道餐廳的老闆是否很容易把要幹的事情給忘記？一於進店內一探究竟…把餐牌＂研究＂了一會，原來＂大頭蝦＂是其中一款菜式，而我點選了能夠＂頂肚＂的＂泰式濕炒河＂。泰式濕炒河（可選牛或雞肉）＄60，不消一會，熱騰騰的河粉送到桌上，河粉份量頗多，而牛肉片也是堆得滿滿的，先來吃一口河粉，不像平日吃到的那款比較粗身的河粉，而是選用幼身窄長的那一款，這樣更易吸收汁芡的味道，芡汁均勻淋在河粉上，味道充滿了高湯及魚露的味道，鹹香且鮮味；再來吃一口牛肉片，牛肉片滑嫩，敗筆處是過於鬆肉，比較淋身，另外配料還有洋蔥絲、紅椒絲、蛋絲及芥蘭菜，營養很均衡呢，這頓晚餐是可以的。

Happy Friday😆!放工即慶約左班朋友食飯。最晏放工嘅朋友喺炮台山收工。所以就下佢喺炮台山食喇！好隨意入左哩間價廉物美嘅大頭蝦餐廳。我地叫個$338套餐，包4杯飲品，4個小菜同一個炒粉麵飯。椒鹽軟殼蟹味道：🌕🌕🌕出面食開嘅椒鹽xxx味道都會較咸，哩個就比較淡，冇咁熱氣。不過用嘅蟹較細，所以炸出黎蟹肉嘅部份唔多。炸完唔會太硬太乾，口感好好。香茅豬扒味道：🌕🌕🌕🌖香茅味好出，豬扒煎得唔乾，有肉汁，肉質超級淋👍🏽。咖喱牛腩煲味道：🌕🌕🌕好香嘅咖喱味，牛腩好淋。咖喱泡飯一定好好食。不過牛腩嘅份量少左啲。清炒芥蘭味道：🌕🌕🌖好普通嘅菜，不過芥蘭煮得再淋些少會更好。豬頸肉炒河味道：🌕🌕🌕豬頸肉份量多，爽脆嘅豬頸肉質感冇得彈。河粉一啲都唔油。額外加左個芒果蟹肉炒飯味道：🌕🌕🌕🌕🌘哩個炒飯炒得出色，飯嘅軟硬度適中。飯嘅面層有些少油光，少油得黎又唔會乾👍🏽。味道清淡冇加入太多調味料，令人食唔停口。

咁啱去到砲台山, 唔知食乜好, 就去咗地鐵站對面嘅大頭蝦食晚餐, 因為怕小朋友肚餓, 坐低求其叫咗一個飯, 一個河粉, 同一個雞肉生菜包, 係職員落單時, 見到餐牌後面原來有套餐, 便立刻問可否更改, 落緊單個職員好快走過嚟，好大聲咁話，小姐! 你個飯已經整好拎緊過嚟啦! 態度好差，根本唔似一間食肆晚飯期間，個職員仲不斷喺我哋旁邊，大聲單打我哋， 又不停喺度話其他客人叫得少嘢。 有一班菲律賓人入咗嚟， 叫完嘢食後 ，其中一個 出嚟問職員嘢 ，個職員竟喺佢面前揮下手走咗，話唔知佢講乜。食物方面只能用一個字形容：油， 生菜包 根本就唔似生菜包， 啲肉係用油嚟浸， 同埋好似人哋食淨嗰啲炒埋一堆， 好嘔心。簡單一句：無下次

炮台山地鐵站對面就係, 6點幾見冇咩人, 點知入面有寶物, 朋友點左碗大蝦喇沙湯粉, 點知湯底感好味, 真係好好飲ga, 好香好濃蝦味, 估廚師用左好多好多蝦去整個湯底! 我叫左碗雞絲湯粉, 不過不失, 不過係感𥄫住朋友過碗喇沙, 朋友見到, 請我飲左好多啖湯。

1個大人1個小朋友食一個海南雞飯+凍飲$63，個侍應竟然話有最低消费$30，但我們揾晒成間舖頭都唔見有寫最低消費的標示囉！到去收銀問邊到有寫最低消费，都口啞啞，又話繁忙時間(我們係 11:15入座，12:30埋單)，又話張野未整，未整就唔好人同我地講啦！淨飲雙計人地都有寫明啦！海南雞飯還可以，但係香茅豬扒湯粉完全無味！好失望！

喺街撞到個Friend話不如一齊食飯，咁就近近哋喺附近呢間大頭蝦餐廳。茶餐廳格局，D座位都有D破舊。不過就腳，同埋天口慶，想食D惹味小菜，所以揀呢間越、泰式口味嘅小館落腳。諗住有排傾，就叫個二人精選套餐慢慢食。我哋揀咗鹽燒烏頭、海南鷄、海鮮叻沙檬粉同馬拉盏炒生菜。唔使10分鐘，嘭嘭聲上咗呢3款海南鷄(例牌)，似一個人嘅份量😅不過夠嫩滑，味道唔錯👍呢碗海鮮叻沙湯檬就遜色咗少少，湯底唔夠香濃，配料好一般。馬拉盞炒生菜，醬少味淡，可能啱嗰D淡口味人士。等咗十几廿分鐘，千呼萬喚始出來嘅，鹽燒烏頭，亦係成晚嘅亮點。表皮少少香脆，魚肉嫩滑，加埋呢個酸酸辣辣嘅醬汁，好味，值得等待。👍埋單每人百二蚊鬆D，係咁上下喇。而家入茶餐廳叫個蒸魚晚餐，七、八十蚊起跌，畀多少少，有多兩三味，都算食得過。

今日遲左放飯餓到死死下🙈不過好處就係全世界都有下午茶餐可以食平啲🤔今次就黎左呢間「大頭蝦」點左個香芧豬扒飯🐷40蚊跟餐連熱飲抵食個汁幾好食🐷都算大塊都食到有香茅味唔會因爲茶餐縮晒水唔錯既下午茶👍🏻

侍應態度勁差無碗筷無水提供 問佢攞仲串串貢嗌左碟通菜 有隻小強。。佢換左碟新既 但見到都無胃口有陰影唔敢食啦都其他餸菜好似就咁叮熱又多蚊蟲飛黎飛去無下次👎🏽👎🏽👎🏽👎🏽👎🏽食左二百幾蚊一肚氣

呢間餐廳係港島有唔少連鎖店，之前同朋友喺香港大學附近都食過一次。印象中已經覺得大頭蝦係性價比高，嘢食又正宗，所以今次咁啱經過，正同朋友諗緊食咩嘅時候見到大頭蝦，就馬上決定咗揀佢黎食！叫咗個雞扒撈檬。四十幾蚊係港島可以食到咁大碗嘅越南嘢，仲要晚市，價錢方面真係算係好低廉。講番野食，雞扒煎得啱啱好，唔肥膩又大大塊，細食嘅分分鐘食完塊雞扒已經飽！淋左檬汁嘅檬粉又好開胃爽口！咁嘅價錢咁嘅份量咁嘅味道，以後一定會再幫襯

突然見到在炮台山有喇沙食少有，假日見少人有位，所以跟朋友即刻入去試。價錢不算貴份量都夠，味道不過不失。不過服務員態度很差，因為坐入面冷氣吹正頭，想調教一下只黑口黑面說"冇得調呀!"，自己坐出面他們中門大開又很多蚊，終於飲野都吾叫快食快閃。。。