大頭蝦餐廳 (已結業)

喺街撞到個Friend話不如一齊食飯，咁就近近哋喺附近呢間大頭蝦餐廳。茶餐廳格局，D座位都有D破舊。不過就腳，同埋天口慶，想食D惹味小菜，所以揀呢間越、泰式口味嘅小館落腳。諗住有排傾，就叫個二人精選套餐慢慢食。我哋揀咗鹽燒烏頭、海南鷄、海鮮叻沙檬粉同馬拉盏炒生菜。唔使10分鐘，嘭嘭聲上咗呢3款海南鷄(例牌)，似一個人嘅份量😅不過夠嫩滑，味道唔錯👍呢碗海鮮叻沙湯檬就遜色咗少少，湯底唔夠香濃，配料好一般。馬拉盞炒生菜，醬少味淡，可能啱嗰D淡口味人士。等咗十几廿分鐘，千呼萬喚始出來嘅，鹽燒烏頭，亦係成晚嘅亮點。表皮少少香脆，魚肉嫩滑，加埋呢個酸酸辣辣嘅醬汁，好味，值得等待。👍埋單每人百二蚊鬆D，係咁上下喇。而家入茶餐廳叫個蒸魚晚餐，七、八十蚊起跌，畀多少少，有多兩三味，都算食得過。