大飯桶 (已易手) 新餐廳

原本打算光顧旁邊很受歡迎的麵店，但見到長長的人龍，便轉到這間即時有位的小店。這裡賣的是兩餸飯，有湯跟餐。見到中午食飯最旺時間仍有空位，其實是有點擔心的，但轉念一想，最伏的兩餸飯也應該有個譜吧。餸菜我選了檸檬雞及肉餅，果然是肉食獸呢。湯馬上送來，大大碗竟然比想像中足料，而且沒有味精。檸檬雞有三大隻雞槌，檸檬水清新自然沒有過甜。肉餅不粉亦很足料，內裡更有小銀魚。嚐得到這裡的湯及飯都是用心之作，而且帶點家的味道，希望小店生意越做越好。

中上環食嘢好鬼貴，人又多。日日食一、二百蚊真係好肉赤。好多謝同事推介呢間餐廳俾我，想自閉嘅日子有多個好選擇。餐廳menu post 在facebook，日日唔同。兩餸$40三餸$50外賣加$1跟餐汽水+$6今日選擇係 : 1.蝦米肉鬆蒸水蛋2·麻辣雞 ~ 真係幾麻辣，我覺得咸左小小 3,南瓜蒸排骨4,咸魚煎肉餅 ~好香好好味5,沙嗲金菇牛肉6·什菌炒時菜送例湯。最重要係一個飯盒都肯送， 絕對適合懶到出汁唔想落街嘅自閉人

因曾經行過這間鋪頭攞了外賣紙，所以都想搵一日試吓這間鋪頭的兩餸飯，這鋪頭很細，座位寥寥可數，大約只有十多個座位，所以我覺得這鋪頭應該是做外賣生意比較多。叫大飯桶外賣，如果在12點鐘前落單每個餐還可以減＄5，兩餸原價＄40 , 而三餸原價＄50，這天我叫了二餸翠玉瓜煎蛋及洋蔥豬扒，翠玉瓜煎蛋很多翠玉瓜，感覺都很健康，而且味道不會太鹹，而洋蔥豬扒整得味道酸酸地、甜甜地，很開胃，這間鋪頭煮的菜很有住家的味道。

原本叫外賣食，食左一D無打算寫食評，但係個三杯茄子真係好正，所以同大家Happy share. 平時係出面食既茄子唔係咸就係油，今次個三杯茄子比我好大既驚喜。首先係佢一D都5油5咸，另外就係佢加左九層塔！！！獨特既味道令我一路食一路諗起台灣另一個餸都好好食，係香草雞翼，有三隻，香草味夠突出，唔油膩

第一次嚟大飯桶.其實裏面冇乜裝修,格局都係縮細版既飯堂,即係一堆唔相熟既人圍著張長枱坐.裡面係開放式廚房,通病係通常都唔夠冷氣.因為都幾擠迫下,嗱嗱臨叫左個兩餸飯,分別係生炒骨同埋和風牛肉.生炒骨當然唔會有大排檔嘅火喉,但係外皮軟淋淋,一啲都唔脆口就有點兒那個喇.和風牛肉其實同日式完全無關係,可以當佢係中式牛柳.牛肉厚切,有少少靭,如果薄切嘅話口感會好好多.順帶一提,有非常多汁喺碟底,但係冇乜味道,唔建議用嚟撈飯,否則食落會好怪.一開始唔知道係冇味嘅汁,我仲撈埋落好削嘅飯度,口感真係一試難忘.其實個餐仲有跟餐湯既,但太淡味,無特別.建議老闆加裝一度自動門,因為正門係用趟門,好多人走果陣唔記得關返度門,出面嘅熱氣即刻滲入室內.我因為坐得近度門,食飯期間唔夠30分鐘已經關左幾次門.

之前經過大飯桶，這天便試試這飯桶內有甚麼乾坤 $39有湯有飯，實屬抵食。例湯很清，沒有半點油，但味道很足，碗裡湯料有木瓜和雪耳。這兩餸飯的兩個餸份量都很多。蒜蓉白菜煮得可以腍一些，現在我覺得過份爽，有點硬。魚柳挺滑，沒甚麼雪藏味，配有點鹹的欖菜肉碎，相當不俗。拿了外賣準備轉身走的時候，店員還提醒我，拿漏了膠袋的一邊“耳仔” ，很容易拿不穩膠袋的 店員都幾好人的。

老闆話要食“飯“，就醒起有日路過見到“大飯桶“。12:30 打電話落order，接電話的告訴我，要大約13:15才有。無問題。鮮茄斑塊及梅子排骨（2送飯$36），有湯飲。送既味道，我覺得都ok，唔太濃味。份量，就好小咗啲，女仔食就剛好，男人食就似唔夠。

在上環區上班的我，有空便會走去蘇杭街，看看有沒有新餐廳！ 最近，放工經過，由日本人經營好幾年的的 JP Deli 竟然結業！實在太可惜嘞！ 上星期四開了一間港式茶餐廳 <大飯桶>，主要做午市及下午茶；每日供應六款不同款式餸菜：兩餸一湯 $36 / 三餸一湯 $46，(奉送靚湯及絲苗白飯) 另加汽水 $6！經濟實惠！跟位於畢街的 <上環食堂茶餐廳> 大同小異，價錢相若！相比之下，<上環食堂茶餐廳> 堂食比 <大飯桶> 貴兩 $！ 卻是前者較多坐位。<大飯桶> 有兩張桌子容納大約十人！負責樓面漂亮的女店員很主動有禮，當我走入去店子時，她立即上前招呼我；我等外賣等上大約 5 分鐘，她把外賣飯盒拿給我時，亦道歉唔好意思，要我等咁耐，下次會快啲！其實！新店出得慢是可以體諒的！ 只要沒有錯就得啦！反而，有些新餐廳的服務是一片混亂， 令人不想再有幫襯的意欲！兩餸一湯 $36木瓜雪耳豬骨湯滋潤清甜略帶薑味！住家湯水的風味！苦瓜炒蛋炒蛋份量充足！富有蛋香！ 苦瓜清爽不苦，容易入口！豆腐班腩豆腐算是滑溜，而且入味多汁！ 班腩炸