天下毛湘

營業中

休息中

雖然越來越多香港歺廳歺牌上有剁椒魚頭，但極少有正宗的。特別是雙色魚頭。－邊是紅辣椒，－邊是湖南特有經過醃制的泛白的青辣椒。特殊及多層次的味道來自非－般的制作時間。如此蒸出來的湯汁，味道極為豐富。用面條吸收哂精華。吃得非常過癮。魚頭亦很新鮮，有超過半條魚的份量。歺牌上有很多香港難得一見的正宗湖南菜。今次魚头份量十足，吃不了其它。下次一定再来。

某日經過山林道發現開咗一間新嘅湘菜館，琴晚決定同鍾意食辣嘅朋友嚟試下。餐廳裝修好別緻有中國特色，座位唔會太迫環境幾舒服。 坐低後服務員就斟咗杯茶畀我哋，杯蕎麥茶好香好好飲呀。四個人點咗六味菜食到爆肚，經 open rice 訂有仲有 discount，超抵食。黃金鍋巴 - 蛋黃好香，鬆脆又唔痴牙食到停唔到口火辣臭豆腐 - 叫咗中辣，好惹味好好食孜然豬仔肘 - 啲肉好鬆化，有肉汁一啲都唔乾雙色大魚頭 - 魚肉好滑好鮮味，我哋配咗水晶粉d 粉索埋d汁又係食到舐舐脷竹籠蒸素餃子 - 叫個唔辣清清味蕾，味道也不錯拔絲紫薯 - 浸冰水後外皮好脆唔太甜好好味，但入面仲係好熱架小心辣親嘴。原本糾結咗好耐要唔要叫呢個甜品因為實在太飽不過最後都比我地食晒大滿足最後要讚嘅係員工服務態度非常好，2位服務員好有禮貌好笑容又親切，盡力滿足顧客要求非常專業。未食完呢餐朋友巳經話 “我地一定會再返嚟幫襯”

朋友在山林道附近工作話有間湘菜不錯 ，佢話唔食辣都有好多其他嘢，真係煮得唔錯，今晚大家去試，去到環境都唔錯感覺去咗國內食飯， 但比國內飯店乾淨好多。 服務員認得我朋友中午時常幫襯，請咗我哋 食過臭豆腐味道好有啲炸菜，香港未食過啲咁嘅嘢， 睇到每道菜就算一個簡單番茄炒蛋都好ok，我最鍾意食嗰個鴨好特別， 魚湯其實都ok ，但我嫌多骨咗少少有啲麻煩，服務員講其實有個豆漿煮嘅魚湯，佢話好好飲但要預訂， 我都book咗下星期再嚟試， 因為我鍾意佢呢度好在唔食辣嘅朋友都可以嚟又可以有辣度揀， 同埋佢個戶外環境都好好 ， 服務員態度 又好，有一度菜 我哋叫少辣佢做了有點辣即刻話同我哋換咗 ，後尾仲請咗我哋食個小甜品，食咗先至記得冇影相，但真心甜品好好味，叫什麼甜餃子但個樣唔似餃子的。 呢間天下毛湘值得介紹畀人， very good!

每次行過山林道，都一定會比呢間中菜館果個好搶眼嘅紅色招牌吸引住！❤️❤️招牌同餐館都裝修都充滿著中國特色，非常吸引👍今日專登同朋友行過嚟食午餐，佢哋有Set Lunch(12 - 17:30)Lunch Set 包 ： 例湯/白飯/主菜/蕎麥茶而且菜式即都非常豐富，有好多選擇，讚✨️ 我地叫左兩個set： ⭐️萵筍炒准山(少辣)$58+豬肉$38-哩道菜色好特別，我喺出邊都未食過，估吾到萵筍淮山炒豬肉加埋菜館秘製嘅少辣醬汁，可以炒得甘惹味，好食👍⭐️蒸鯇魚(雙色)$ 88- 鯇魚蒸嘅時間啱啱好，蒸得D魚肉好嫩滑，配合埋辣醬汁好入味。呢道小菜真係好有驚喜👍，食到我停唔到口，辣得好惹味，送飯真係一流！要推介！😋😋😋小食🌟湘辣臭豆腐 $48- 我都係第一次湘辣豆腐，感覺好得意，味道少辣都唔錯。甜品🌟拔絲紫薯 $158-原來食拔絲嘅正確方法，係要食之前先將拔絲浸落冰水，等佢表面冇咁熱，再小心甘慢慢放入口，因為裡面嘅紫薯好熱架，大家食嘅時候要好小心(多謝店員嘅提醒🤗哩個甜品真係好好食😋)最尾不得不讚，呢間菜館除咗裝修好有中國傳統特式好靚，座位好寬倘，坐得好舒服之外，職員仲好有禮貌，服務態度非常好，而且價錢

之前經過門口既時候就俾呢間古色古香既湘菜館裝修風格吸引，係周圍充滿現代感既環境之中顯得別樹一格。平時都好中意食辣野又中意打卡既我就忍唔住入左去試下，估唔到除咗環境連野食都令我感到驚喜😍，隨便嗌每樣餸都一樣甘高質，聽老闆講厨師係特登由湖南請過嚟，所以先煮到甘正宗既風味！另外提供既蕎麥茶好清新解辣，如果同朋友中意飲酒聊天都十分適合。而且服務態度好好，每個員工都好細心有禮，會再介紹朋友來食！🥰🥰🥰

我那位對食有要求的同事又帶我去試新店，這是在尖沙咀山林道的「天下毛湘」，餐廳裝潢中國風味濃，門面有點像電影中的客棧，午市高峰時間竟然沒有坐滿食客，可能是外觀較高級令一眾升斗市民敬而遠之吧。😅湘菜對我來說比較陌生，於是我就要了最大眾化的糖醋蝦球，同事們就點了鍋巴辣子雞和蒜芯雲耳炒牛肉。😋我鍾愛酸酸甜甜的小菜，這個糖醋的味道比咕嚕醬清淡，蝦球是很好的配搭，而他的菠蘿也不像是罐頭貨式，心裡暗喜我這個午餐總算有好吃的，因為同事點的小菜都有點辣，對於太刺激的食物我總是有點抗拒。😙然後，同事的辣子雞來到，這跟我所認知的有些分別，因為這個辣子雞竟然是脆脆的，應該是鍋巴增加了口感，中辣程度好像不太辣而且很香口，我第一次覺得這個辣的比我的酸甜更吸引。🤩接著是蒜芯牛肉，這個是我娘家常吃到的菜色，但當我吃了它第一口牛，甚麼又是很美味的，我竟然不自覺叫了一聲「好好味啊」….. 😂😂😂還有午市套餐送的例湯味道也不錯，不知是否被餐廳的蕎麥茶改變了口味，為什麼幾個小菜都像很美味的。😜

昨晚同朋友慶祝生日，而佢特別喜愛食辣，所以特意選擇一間食辣既餐廳。係openrice內搜尋到一間裝修設計非常充滿左中國風味既湘菜中菜館，食物味道好正宗，而且地點非常方便，食飽飯後亦可以到附近酒吧繼續歡樂。

約埋朋友一齊試下湘菜～ 初初朋友們都覺得香港食湘菜一定是混合了港式的味道！但結果十分驚喜 完完全全打破大家既想象 一點也不港式 味道很好 雖然我們不能食太辣！我地叫左1大碟「毛湘大魚頭」推介👍🏻這個招牌菜～ 落單時都要求菜式是小辣！雖然是小辣 但味道仍是出色美味 大家也讚口不絕！「手撕包菜」越簡單既菜式越能見證大師級水平！味道不會太濃 包菜真的炒得很香 好好味！唯一覺得麻麻地就係「鐵板豆腐」豆腐的質感 好膠 怪怪地～ 整體都太好味 完全無視左個豆腐既存在！炸饅頭 都好好味 好脆口 唔油膩 讚～

平日較少到山林道搵食，老友們話想試新菜搵到依間天下毛湘湖南菜餐廳，以前在港大附近食過幾次湘菜，印象十分普通，老友話食過依間後一定會返兜幫襯，仲會令我地對湘菜另眼相看，講到咁神，我抱住半信半疑到達餐廳，結果喜出望外。朋友未到齊，先叫兩個小食做前菜食住等，叫了老闆推介的臭豆腐及爽魚皮，人生第一次食依兩味小食，感覺係驚為天人4隻字，豆腐香脆熱辣辣仲會爆汁，香味豐富具層次感。再食魚皮，人生第一次食咁好味惹味既爽脆海魚皮，好似豬腳根但湖南做法令味覺更豐富，真係會食上癮。 大力推介依兩味小食。之後食左一個臘肉炒椰菜花，臘肉有濃濃煙燻味仲有脆邊燶邊效果，炒出黎熱辣辣香氣四溢。再黎就係剁椒魚頭麵，辣得過癮，魚肉超滑仲有幾隻魚泡係底，將湯汁浸入麵中好好食最後試埋甜品糖餃子，似日本燒湯丸，但口感及味道超特別，撈埋糖食外脆內煙韌，幾個朋友食唔停口。最後由朋友埋單，食物超班但價錢平到唔成正比。

約咗朋友去食，佢安排我哋坐出邊，其實只不過係街/側巷圍一塊板，麻麻地好坐但係佢態度係好嘅，一有枱就即刻安排我哋返入去坐。呢度所有服務員都好後生喎，估唔到 👍 各樣餸真心不錯，晚飯都唔太平兩個人食都六百幾蚊。要讚嘅就係佢個洗手間好乾淨，仲有好可愛嘅喵畫。推介魚皮！

純粹上次在山林道某間餐廳吃lunch，路過見到這間湘菜館，門面裝修氣派不凡，以為是騙遊客的中菜😹原來味道也很不錯！當日去到的lunch set menu是B和D款，大部分的菜都可選不辣/小辣/中辣之類，送例湯一碗，個人覺得味道偏咸。包菜炒豬肉$78包菜即是椰菜，豬肉細細片，但份量很多，叫小辣其實剛剛好，同事叫走辣個樣就真的好似冇咩味。我平時不太吃辣，但覺得這個很不錯，唯一不好的就是覺得越吃越鹹呢。蒸鯇魚$88等得比較耐，同事叫小辣，辣椒沒有鋪滿的，魚蒸得很滑～香菜炒鴨絲鴨血$78鴨血的口感有點像豬紅，但比較實淨，辣椒很惹味～湘南酸辣薯粉或米線$78同事吃得辣，覺得叫小辣不夠辣。

對於湘菜好自然就諗起辣 我其實食辣水平一般 所以真係好耐先會去食一下湘菜 見食評好似話到裝修唔錯就去試吓結果裝修冇乜特別 係有牆畫左山水畫 可以打下卡 不過餐廳最重要係野食 水準就真係冇得彈 土豆絲 手撕包菜 尼類菜式最重要係乜 就係食材新鮮 重重要係炒完煮完 都保持到鮮味 朋友最鍾意個淮山湯 係甘飲左五碗 我一向麻麻地湯水不過都飲左兩碗 我自己就最like 個糖醋蝦 酸酸甜甜得岩岩好 個蝦新鮮到不得了 我唔明點樣可以整到外面入面融合得尼又唔影響蝦肉味 🤔 總之我係有回味既大部分野都不能去辣 不過可以揀辣度 小辣對我尼講完全接受到 總之總之 好值到去既當晚唯一不足 後面兩大圓枱有人聚餐 冇野阻隔 嘈到個點 ⋯⋯⋯

和朋友飯局，到這家位於出林道地鋪的中菜館，它的門面極具中國色彩，非常易認。店內傢具及裝潢亦很有中國特色，餐具很漂亮。我們享用了以下食物：孜然豬仔肘 （$188）一共六件，每一件份量不算少，充滿濃烈的椒鹽味，豬仔肘肉質軟腍。湖南鐵板牛肉（$188）鐵板下面點了火，保持溫度。牛肉肉汁豐富，入口細嫰。配了蒜芯及豆角，增添口感。最底下的洋蔥留待最後煮得軟腍入味時才享用。整碟餸份量極多，很像吃不完的。砂窩淮山蒜芯黑木耳（$108）健康的素菜，淮山及木耳爽口，清澈不油膩，同樣份量很多。竹籠蒸素餃子（$88）一客八件，表皮滑溜，內裡素菜粒新鮮，有嚼勁。金銀饅頭（$55）蒸和炸的饅頭各三件，炸過的饅頭外皮香脆鬆化，伴了煉奶是很好的主食。服務方面，店員親切，招呼周到。價錢亦合理。

📍天下毛湘 (尖沙咀)👩🏻年尾帶屋企人嚟食湘菜，嚟到呢間古色古香嘅餐廳。最特別係佢哋竟然有戶外位，唔少人都會帶埋寵物🐶嚟聚會。✨竹籠蒸素餃子 (8個) $88餡料除咗有蔬菜、菇菌、仲有豆乾，味道清淡但有蔬菜嘅香甜。✨熬製毛湘紅燒肉 (新鮮豬肉熬製) $218紅燒肉煮得非常軟腍，油脂喺口中溶化太過邪惡😈。味道香甜好啱餸飯。✨蜜汁檸檬雞 $138雞腿扒香脆又多肉汁。西檸汁酸酸甜甜好開胃，仲有少許蜜糖嘅香味，✨綠茶餅 $48 有淡淡嘅綠茶清香，包住微甜嘅芋頭蓉。食住等小菜就啱晒。📍天下毛湘 (尖沙咀)尖沙咀山林道38號銀座38地舖

這間位於尖沙咀與佐敦中間的天下毛湘，晚市主打多款湘菜及小食，另外還有些廣東菜式，有辣有不辣可供選擇。每位茶錢$8，不算太貴。酸菜無骨魚湯酸菜魚湯有已去骨的魚片，魚片雪白嫩滑，另外還有些支竹，吸收了酸菜湯的香味，入口惹味，酸味適中，少辣剛好。火辣臭豆腐臭豆腐用了百頁豆腐，表面發酵至變黑，中間保持雪白，香味十足，入口惹味，辣度十足。蜜汁檸檬雞檸檬雞炸至金黃香脆，表面淋上的檸檬蜜汁，酸甜開胃又解辣。生煎豬肉包豬肉包煎至兩皮焦脆，中間豬肉餡新鮮有肉汁。