天仁茗茶 (港鐵天水圍站)

營業中

休息中

飲過全世界既珍珠奶茶，最慢最唔想做就係天水圍呢間！每次我都會睇睇排隊人數先買，有一日只係排十個人到....排到我前兩三個人..開始同人講，你如果要飲品 要等40分鐘以上...嘩...點搞呀..！？唔會再幫襯！！

係天水圍西鐵站開左一陣子，終於都經過同埋有時試下先🤔🤔🤔我份人就好傳統既😂講笑姐其實因為我最鍾意都係珍珠奶茶🙂🤗可惜呀我1點幾買已經無鮮奶😭😢😩最想飲既珍珠鮮奶茶呀😭😭😭😭估唔到咁好賣呀😭星期6 中午就all 鮮奶既野都無😢😑最後叫左3杯熱珍珠奶茶 (7分甜）/冰珍珠奶茶（無糖/無冰）茶濃，普通珍奶唔同既點係，佢既珍珠有淡淡既蜜糖味，暖粒粒😍熱珍珠奶綠（5分甜）綠茶有陣陣茉莉花香，小清新，不過係奶粉沖就無咁完美，但都okay👍🏻

飲過咁多間天仁，最慢就係天水圍嚟間了。上次一個平日既4點3叫做杯蜂蜜綠茶，等咗40分鐘都算，杯野仲要係滿滿既薑茶味，一啲蜂蜜都飲唔到😡😡😡😡😡今次年初三既3點嚟到試多轉，見到男職員不斷傾計係度hea，女職員係度禁電話，完全無改善不止，問單到未仲要比佢話返轉頭。之後有個比我遲叫野飲既女人催單，佢竟然先比我拎野飲走😡😡😡😡😡明明屯門，銅鑼灣，灣仔嚟啲比天水圍忙咁多，多咁多order，人地仲快😡一句講晒，慢得失望。

閒日3pm人流都需要等25分鐘一杯, 未試過去任何一間天仁茗茶係要等咁耐.唔知道係缺乏training定d員工做野特登hea住做.分分鐘搭西鐵去元朗千色店果間再買番黎天水圍都快過係呢間買.絕對唔會再幫襯.

職員做野慢。明明有好多單，但就拖住做，尤其係男職員(好似姓范)，一邊做一邊吹水；女職員相對快手啲。當男職員有單唔做，但去左做其他野時(仲要郁得好慢)，我見有好多客人「掘」住個男職員，顯得不太滿意。最後，等飲品嘅時間等於坐一程車嘅時間。希望之後會有改善。

買一杯珍珠奶綠等左38分鐘，本身見得十個人左右應該唔會等好耐啦，唔明白點解可以等38分鐘等一杯野飲.......未飲都已經感覺極差啦！天氣咁凍想暖下姐，愈等愈凍