天仁茗茶 (港鐵天水圍站)

營業中

休息中

每次嗌天仁茗茶都好似抽獎咁樣，一時又好水，啲珍珠又未煮熟，一時又會好唔錯。今次經過港鐵站，發現好耐冇飲天仁，突然之間啲奶茶癮上咗嚟，於是嗌咗熱珍珠奶茶、熱珍珠奶綠，冬天飲完熱奶茶成個人即刻暖咗多好，兩杯奶茶茶味均比奶味較為濃郁，正常發揮，熱飲來講，個人會比較推薦珍珠奶綠多過珍珠奶茶，熱嘅珍珠奶茶茶味太重，冚過晒啲奶味，就純粹似紅茶加咗糖咁。另一方面，想講天仁茗茶員工服務態度有好大嘅進步空間，上次落單嗰陣可能已經九點幾，人流比較少，啲員工好似開始執緊嘢，準備放工，黑口黑面，用一個「你阻住我收工」嘅口吻同我講嘢。今次再幫襯，只係因為成個地鐵站得佢呢間奶茶舖，而且冬天好凍，我淨係想買完快啲返屋企，但可見員工嘅態度明顯冇改善，仍然係「被逼營業」feel，其實，員工若果唔想翻工我唔會強逼你，希望可以俾返啲態度。

我最近買了一杯913鮮奶茶外賣，來自天水圍西鐵站附近的天仁茗茶。整體而言，這杯鮮奶茶的味道一般，甜度略高，而且口感不太順滑，不是我的最愛。但是，即使是外賣，我沒有覺得這杯鮮奶茶的味道有太大的變化，可能是因為鮮奶茶本身的配方比較簡單，不容易受外界環境的影響。此外，在外賣過程中，茶底和奶的比例也比較均勻，口感沒有太大的區別。最後913鮮奶茶還是可以考慮一下，不過，如果你對口感要求比較高，或者喜歡口感比較順滑的鮮奶茶，或許可以考慮其他茶品。

成日坐車經過都見到好多人今日終於得閒少少冇機會飲，好好彩係要等一個鐘前買到黎飲高纖水果茶，佢用左綠茶茶底，同平時出面飲既唔同，個樣有d似平時飲既綠茶既色，仲加咗寒天建議少甜

喺度嗌一杯香芋奶茶，唔記得exactly係咪呢個名，總之$25果杯，哇難飲到，佢係杯底有芋頭粒嘅奶茶，味道芋頭還芋頭，奶茶還奶茶，完全唔啦更，飲左一半丟左，勁嘥，但夾硬飲又對唔住自己!伏!之後仲有一杯綠茶鮮奶茶$29，喺元朗廣場果間分店嗌過熱嘅7分糖，味道非常淡，今次喺呢間分店即刻醒目，嗌凍飲全糖，終於有返味，原來淡唔淡味係全靠全糖(?) 我真係唔識仲有遇過職員好冇禮貌，問佢嘢完全唔so你，好似我透明咁，雙方企喺度靜左十幾秒，望都唔望你，又唔係手頭上做緊嘢，我真係以為佢耳仔有問題，正想重覆問題之際，佢問返後面個同事。頂 唔識答都可以叫人等陣，唔出聲又唔望人係咩事。

呢間天仁我間唔中都會幫襯下，因為係西鐵站幾方便。今日飲呢杯叫冰黑鑽鮮奶茶，個名好勁咁，其實即係奶茶加涼粉。我叫左走冰，諗住鮮奶個奶味會好濃，但都係普通，茶味都唔濃，涼粉都唔滑；我覺得日出茶太好味啲，可能係人地用左奶精啦。

這家天仁茗茶開了在天水圍站的d出口，人流很大，差不多每次經過都有很多人在排隊，一直想試試究竟有什麼威力令到香港人排那麼久還要買他。最近，由於恆生信用卡做優惠，所有飲品都可以買一送一，所以藉著這個機會就試一試他的盧山真面目是什麼！我叫了最普通的珍珠奶茶...港幣25元一杯，聽朋友說沒人會在這家叫珍珠奶茶的，雖然不知道真假，但我是叫了。由買完到拿到飲品，約10分鐘，不算久，可能是剛好沒人買吧。珍珠奶茶對比起其他的奶茶店小，而且不是真空封口感覺會有倒瀉的風險。味道方面，比起貢茶那些好，有茶味，珍珠也彈牙。整體還好，就是份量比較小。

天水圍兩家分店我也飲過 但是我覺得這家好一點在我家樓下的分店 可能是新店的關係🙄🙄飲品的味道不太好 而且素質有點參次所以我都是去西鐵站的分店去買飲品比較好去到的時間不太多人 所以很快就可以買飲品但之後發現前面有很多人在等飲品覺得奇怪就進去看看 職員工作不太好有空的店員只掛著玩電話 也有不幫忙分擔的團隊精神完全沒有 為什麼要這樣呢🤯🤯🤯·四季烏龍奶茶 HKD$23第一次飲這個味道 點了3分糖及常溫版本🤔味道不太甜剛剛好 兩者味道挻配合挻不錯的

檸檬蜜糖沙冰佢個味道完全等同於將一包檸檬茶雪冰咁樣嘅味，冇乜特別，而且都有啲甜，份量亦都唔多，又貴，一啲都唔抵飲，而且冰粒都好大粒，有啲仲要係大大粒冰係底到。。。

平時返工飲開灣仔嗰間味道真係唔錯 ,今日經過口痕見到又買番杯, 點知就出事啦.叫咗少冰點知半杯都係冰嚟嘅, 杯嘢飲如果唔係見到面頭有啲奶泡真係唔知佢落咗奶,一啲奶味都冇, 可能間舖頭本身多客人所以忙, 但係質素好差,唔會買第二次.

天水圍呢間天仁，一開嘅時候，都好好生意，長期打蛇餅。初初開嘅時候，都有排隊買過黎飲，我多數都買珍珠奶茶/913奶茶加珍珠。當時味道係唔錯嘅，都會想一買再買。但到近排再去飲嘅時候，已經唔洗再排隊，咁我又貪得意口痕買杯913珍珠奶茶飲，真係難飲到不得了，簡直嬲到想講粗口，浪費曬我啲錢！茶冇茶味！已經叫左茶濃，都淡到水咁，啲珍珠都算勉強ok，飲左兩啖唔對路，叫佢地重新沖過杯換俾我！但都係一樣，已經俾過兩次機會！唔會再有第三次！

返到天水圍果陣餓餓地，見好耐都冇飲天仁，忍唔住手買返杯珍珠鮮奶綠已經冇一開張果陣咁多人，買完等左唔洗十分鐘就有感覺個奶綠味冇以前咁好飲，亦可能近其試左另一間高質既奶綠，有對比之下，天水圍天仁就顯得失色，而且叫左少冰但感覺仲係好冰但d珍珠仲係咁好食，係我飲過咁多間珍珠最岩我口味的

Basically it tasted like freeze water, I have never had a bubble milk tea could be awful like this. Bubbles are quite good as usual but what the heck is going on with the milk tea? Also I ordered 'without ice' but I got a cup of half iced. Would never come again.

天水圍第一間天仁茗茶係1中於天水圍站開張，還記得開幕至今飲過幾次，但始終等侯時間同味道同其他天仁茗茶分店有所分別。至今在天水圍站的天仁茗茶買過十次左右，而等侯時間一搬較長，由10分鐘到40分鐘不等，飲品味道亦較其他地方為淡。不知道是否食評有所影響，今日再次一試，服務態度、整作速度、等侯時間有所改善，大概只需等候5分鐘左右，屬於可接受範圍。今次買左一杯凍珍珠奶茶，味道比之前所買的為濃，更為貼近其他分店，奶味香濃、甜道適中，珍珠亦夠「煙韌」，為之前數次嘗試拉回分數。希望天水圍店可以繼續保持水準。然而，有保安會要求顧客企於黃線內等侯，位置淺窄，或會帶來不便。

雖然係買一送一，唔可以要求咁多，但真係太差了，必須負評！！前2日星期日係元朗飲過都係買一送一，但服務同飲品差好遠，個日假期而且人流比今日天水圍鋪的多，都唔會黑面又出品快且味道好，真係唔明點解天水圍會做到咁太失望，飲過一次永遠唔會返來飲，其實咁樣真係好做臭個朵。講返天水圍鋪嘅態度，首先收錢個個係度打喊路又捽面，這就是你返工對客的應有態度嗎？好喇，都知要等得耐，所以係附近行左陣，幾個字後返來，唔知有無嗌過龍，見到台有幾杯野飲放左係度，望下會唔會係自己個杯，店員即刻西面，好似覺得你阻住佢咁。終於有得飲喇，嘩！第一次咁難飲，好似飲水咁，好淡又無奶又無茶味，得幾粒芋頭可以咬下真心差！！除非員工再培訓，態度及飲品味道，如果唔係真係等執啦！有得揀真係一粒星都唔想比！ps:張相係2日前係元朗鋪買完影的，今次呢杯太難飲太差連相都唔想影

可以話系一次好差既體驗。經過西鐵站見到有新開既天仁茗茶，買左杯珍珠奶綠試下。原本以為間間都差唔多質素，點知天水圍呢間真係差太遠...服務質素差，個店員黑口黑面唔知比邊個睇，最令人失望系 工 作 效 率，等一杯野飲等左半個鐘。見到佢店面得兩三個人然後仲有幾個人系後面(有塊簾遮住左)唔知做咁啲乜。而且呢間人流又多，唔慢就奇😓仲有一次，系我number後面既人都攞左，但係我仲未有，我上前睇系嗰堆野飲入面有無我嗰杯，個店員黑口黑面推開我只手......服務真係“世界級”再講翻杯野，可能系趕時間既關係，次次唔系淡得濟就係甜得濟或者苦得濟...都有幾次系正正常常不過真係睇彩數如果唔系無得揀真係真係唔好去買，無謂用20蚊買杯水同無緣無故既西面