天仁茗茶

營業中

休息中

第一次來到東港城周圍逛一逛，看見有天仁茗茶， 立即飲番杯珍珠奶茶先！ 聽講之前有好多人排隊， 而家就唔使排隊了，當然要買番杯飲下啦！ 珍珠奶茶$20， 鍾意佢哋珍珠甜甜地， 感覺有黑糖或者蜜糖嘅香味，煙煙靭靭軟硬適中， 令到飲奶茶嘅時候更有口感。 至於佢哋嘅茶味非常香濃，我比較鍾意飲茶味重嘅奶茶， 所以佢呢一杯做得好好，還選擇了少冰少甜， 飲落口不是太凍，少甜令我感覺更加解暑。 還看見有很多不同口味嘅茶類， 下次都會再試其他款式。

朋友同我講天仁茗茶出左梳乎厘PanCake為食既我當然即刻去試下我就叫左913茶王梳乎厘Pancake大約要等15分鐘到 即叫即整只能就想玩Fusion 但玩得太普通太無誠意...本身仲諗住係個Pancake係用913茶來配制點知只係淋D 913茶係個面到之後隔離加D珍珠 士多啤梨 就算...同埋整體來講，偏甜同埋餅身軟過頭甚至有點水得濟...可能係未蒸煮得夠未必會再為左依個Pancake 等15分鐘還是飲番茶好了😆

上個星期匯豐信用卡做優惠，天仁茗茶買一送一，我梗係唔輸蝕都走去買番杯飲啦從相入面都睇到，買一送一嘅威力好大呀！條隊長到最後係轉彎入去後樓梯， 目測條隊都有成30至40人排隊。最終杯嘢飲到手總共排咗大約一個鐘🤦🏻‍♀️- 913奶茶加珍珠 $26👍🏻913奶茶一向都係我至愛，我鐘意飲茶味重嘅奶茶，呢點佢真係做到100分呀！珍珠又好有黑糖味，又夠煙韌，真係會飲上隱🤤如果你又係鐘意重奶味嘅奶茶，十級推薦你去飲！

剛剛在這裡的天仁茗茶經歷了一個不愉快的時間，事緣我買了杯鐵觀音軟雪糕，自問有唔該前唔該後，然後拿雪糕時沒為意店員沒給紙巾，怎料食食下本人真的輪盡滴了雪糕在衣服上，返轉頭去天仁拎紙巾，而紙巾是大刺刺地放在外面似是任人拎，我已講了聲「我剛才在這裡買雪糕，忘了拿紙巾」，然後拿了一張，怎料店員大聲喝出來「唔拎得架wor!!!」(真的是喝，好像我偷東西一樣)，我呆了呆，答「我頭先在這裡買雪糕」，她都要再罵一句:「都唔拎得!!!!」我想問，如果唔拎得，點解唔收起?我想問，是你忘了給我，我拎返，應該合理?這不是要投訴還是甚麼，只是覺得對客不必如此，沒有要你禮貌周周，也請不要呼呼喝喝。P.S.這裡的其他店員都很親切，就是今日這個累街坊已而以後如果見到她，一定不會幫襯至於鐵觀音雪糕，賣相是吸引的，茶味不算很濃烈，口感比一般雪糕清爽，如能加重茶味更佳，否則會跟一般雪糕雷同。

設於坑口東港城入面的一田, 之前見過拿住天仁的杯子, 一直都不知在那裡, 只知樓上拆左間TASTE重新裝修過, 開左好多間店鋪, 因為工作繁忙, 所以就算住這區都不知實際位置今天終於來到了, 原來設於一田裡面的一個櫃位, 因為在外面的店超多人買要等好耐, 所以平時都無在香港飲過(超大鄉里), 幾乎都唔駛排隊, 一去到就可以叫耶~叫了一杯招牌珍珠奶茶 只需19蚊, 仲可以選小甜小冰. 珍珠甜甜, 又不是太有咬口, 岩晒我.

除咗鍾意飲天仁茗茶嘅珍珠奶綠之外 ，亦都鍾意食天仁茗茶嘅鐵觀音雪糕，幼滑得嚟又非常有香濃嘅茶味，又唔會太過漏。 雖然23蚊一杯甜筒有點貴，但係其實佢都好大杯食完一杯都有啲飽飽哋， 未試過嘅可以值得一試呀！

坑口都開咗天仁，簡直係愛茶人士嘅福音係超市入面所以舖位唔算大，等候嘅位都唔多，會有啲逼，不過好彩我買嘅時間唔算多人，亦等咗唔夠5分鐘就有得拎今次飲嘅係珍珠鮮奶紅茶，平時係飲開913烏龍茶嘅，不過今次突然想轉轉口味鮮奶茶同奶茶唔同在於唔係用奶粉沖嘅，感覺比較健康不過味道方面，鮮奶嘅味太濃，飲嘅時候有少少蓋過咗原來嘅茶味，有啲啲似飲奶多過飲茶會建議佢再調較一下奶同茶嘅比例不過珍珠都係一貫嘅好食，浸過黑糖甜絲絲咁

平時都經常買天仁，由於只係買杯外賣野飲同好多時佢地都好繁忙，所以都對服務冇咩要求。早幾日9:32pm去到（後來先知佢地收9:30pm），佢冇話佢收鋪，仲一路接緊單，但係又幾乎所有野都賣晒，得番紅茶同鮮草，所以就問佢可唔可以幫我珍珠轉鮮草，問多兩句佢就一句「你一係就買，一係就唔買」再加上一個不耐煩表情。雖然對服務冇咩要求，但係基本禮貌都要有掛。越開得多舖，就越難保持一開始嘅質素。最後買Sharetea，服務態度意外地良好。

Kumanon造型鐵觀音蛋卷 @ 「cha FOR TEA」 by 天仁茗茶 HK$108 好surprise，超出我期待的好吃。雖然其實唔太食得出鐵觀音味，我反而覺得似焙茶味(hojicha)的甘香，茶香很濃郁蛋糕本身很鬆軟，中間的忌廉唔會太甜太膩一條唔算大條，但係每人食細細塊，都夠6-7個人食真心推介！題外話，雖然話係熊本熊造型，其實不過係張膠紙有熊本熊造型😂收錢位哥哥好似好新，落單啊個d好似無咩經驗，公司應該安排個熟練d嘅做cashier

經過新開張嘅一田，突然發現有堆人圍住個 counter，叫做 cha FOR TEA，正在疑惑係咩店鋪時，望真啲原來係天仁茗茶，好耐無飲啦，食完飯有啲口渴，即時幫襯買返杯嘢飲吓先 。一向唔好太甜嘅食品，所以半糖就剛剛好，有少少甜味就夠，茶底係烏龍茶，香濃順滑，珍珠煙煙韌韌好好，而且我要咗少冰，所以即使後來啲冰融咗，奶茶味依然香濃，真係好完美嘅組合呀! 見到好多人都拎住綠茶雪糕，可惜我個胃已經無位放，唯有下次再試啦!