天仁茗茶

營業中

休息中

前日去咗太子搵朋友，見到有天仁茗茶，之前飲過一次，我覺得麻麻地，但係又口渴，所以就膽粗粗再試一次~見唔係好多人幫襯，其實都有少少擔心！我叫咗913奶茶，見佢menu上面有皇冠，店員有推薦我揀呢一款，所以就叫左因為唔係好多人，所以等左大概1-2分鐘左右，就已經拎得！我覺得都算幾快，同埋店員效率都好高味道方面，我覺得同一般奶茶冇乜分別，係茶味比較濃，奶味比較少，可能本身天仁茗茶出名茶類，所以茶嘅味道好純👍🏻👍🏻 不過我覺得都係有返珍珠好啲，有少少口感比較好，所以我唔係咁推介913奶茶，下次可以試吓913珍珠奶茶

之前都有飲過天仁茗茶，不過就唔係成日飲～ 今日特登去試下其他口味，就去咗弼街呢間去到已經見到有人等緊，可能天氣太熱，所以一定要解解暑 我之前會叫珍珠奶茶，都好好味，甜度冰度都適中 我今次就試香橙綠茶，我見之前同事係咁話香橙綠茶好飲，佢淨係飲佢所以我就叫咗等咗2分鐘左右，聽個電話既時間，就整好咗好有效率 試咗一啖，味道超級清新 橙味好濃，但又唔係橙汁味，有綠茶味，好止渴。橙有啲酸但好好，因為唔會係咁飲係咁飲，飲一杯可以飲好耐真心好味同啱咁熱既天氣👏🏻👏🏻👍🏻👍🏻

本來打算飲913鮮奶茶加珍珠, 點知去到見到佢都有出近期好hit嘅黑糖珍珠奶茶, 不過佢叫做913黑糖珍珠鮮奶茶. 見佢同我本來想飲嘅野差唔多就trytry, 但一拎上手就知奶野, 啲珍珠係熱到個杯都熱手, 珍珠熱到咁梗係完全無煙韌口感, 淋patpat半溶狀態, 仲要搞到杯奶茶唔凍唔熱, 啲冰溶得快過全球暖化😑其實就算唔係今次啲珍珠出事, 近來飲幾次杯野都係唔夠凍, 同埋茶味越黎越弱, 果然走唔出分店開多左就會變差嘅定律, 而家競爭咁大, 咁難飲上左市都救你唔到, 睇黎珍珠奶茶我要轉投第二間喇.黑糖呢兩個字有魔力, 唔知點解一有左呢兩個字就好多人追捧, 我就飲唔出同之前有乜分別= =

依個價錢同份量，真係好抵食呀，佢d軟雪糕真係食到落筒底都有嫁，大大杯，個筒仲要係窩夫筒，超讚！雪糕本身好有茶味，唔會太甜，夏天食完，即刻涼浸浸，爽晒💦！個人喜歡鐵觀音味多個綠茶味😋因爲比較少地方有仲個味道👍🏻

日前推出913黑糖鮮奶茶，都唔要求話飲到好濃茶香，但求正常。即日於太子店購買，比平時仲少啲人，可能因為落雨掛。右邊收銀落單，左邊店員接到單即沖，飲品冇5分鐘就到手，難得有效率。913黑糖鮮奶茶 $28天仁用原有紙杯盛載，並無為新品安排透明杯裝。失去打卡意欲，憑肉眼亦都見唔到黑糖份量、珍珠多少。即管當飲手搖杯唔環保嘅情況下比較環保啦。隱約見到沖泡過程，先加保溫黑糖珍珠，再加一早沖好嘅鮮奶茶，飲品到手時面頭有一層奶泡，珍珠亦都係暖的。可惜成為暫時飲過最難飲、最唔值嘅黑糖鮮奶，沒有之一。珍珠黑糖熬煮，口感尚算有噍頭，正常珍珠水平。黑糖弱到幾乎以為自己飲梗普通鮮奶茶，再三確認杯上嘅label。奶茶底亦弱爆，奶淡茶淡，大半杯係冰水老實講，點黑糖產品預左係甜的，真係接受唔到淡如水嘅黑糖鮮奶茶。咁我飲番913鮮奶茶唔好？做乜要俾多4蚊？

是晚食完野好口渴，來到天仁買野飲。雖然落住毛毛細雨，但都不減天仁粉絲的熱情，有大概七、八個人排隊落單，但完全無人等拎飲品，好奇怪。店不大，收銀基本同沖茶位並肩的，跟店員說要一杯熱的913奶茶無糖，用八達通付款，拿了收據站到隔離，居然茶飲已經出了，好快呀！錢一比完就有得飲，快得好緊要，哈哈天仁的913真係好好飲，茶香醇不苦澀，奶滑，茶同奶比例剛剛好，十分啱口味，百飲不厭。介紹了朋友飲，要了凍913奶茶半糖半冰，佢都係讚不絕口，話無介紹錯喎

經常喝天仁茗茶的台茶，卻是第一次買它的茶葉蛋。這東西不容易買，貌似不是每家分店都有，我在某些分店看不到茶葉蛋的廣告牌，有時候廣告牌在了，但是詢問店員又說沒有或是賣光，相遇機率很低。六元一隻，十元兩隻。蛋殼不像我平常吃的茶葉蛋那樣橙橙啡啡，而是米色的偏白，蛋殼跟蛋白已經完全分離，輕輕一拉蛋殼彷如絲帶被抽走，只餘下蛋肉。 它的全名是台灣阿薩姆茶葉蛋，名字聽起來強悍得會核爆😎我用"零蛋"來命名這篇是因為這個茶葉蛋擁有零茶味，酷似滷水蛋，味道甜甜的，毫無茶香，然而台式奶茶正是以甜味主導，茶味不突出，如此想來這裡出品的茶葉蛋是這模樣又感覺合情合理，怪罪不來，只能說是它不對我口味了，永別。

今日行過天仁茗茶好口喝，但係又真係唔係好想飲珍珠奶茶，就決定試吓洛神花茶!凍洛神花茶 - 少冰 / 7分甜雖然前面都有成10個人左右，但係買完都係等咗5分鐘就有得飲👍叫咗 7 分甜不過都係略嫌甜咗啲，建議怕甜人士試吓半糖!

去到已經見到好多人等緊，咁我啦啦林排隊落單，我叫左凍珍珠奶綠，少冰，他收左我$19,我見銀碼岩就冇望張單，等緊個陣聽到d人講話等左好耐，又落錯單，我都冇為意，冇望張單，因為冇諗過他會落錯單，之後他們一次過上左幾杯嘢飲，我趕時間，所以一聽到自己個number就去拎，一拎就走，冇飲啖先，返到去坐底先發現他落錯單，落左茉香奶綠😡😠