天仁茗茶 (創紀之城五期(apm))

營業中

休息中

在apm午餐後，最岩到一田的天仁茗茶購買飲品，推介913茶王，甘香茶味，可以選擇少甜少冰，或有時食左輕量午餐唔夠飽的話，仲可以加珍珠！(如果加珍珠我會建議直接選擇冇糖,因為本身珍珠都有甜度)如果想飲奶可以選擇913鮮奶茶，同行朋友就叫了這一款，一樣少甜少冰，會比較合適！！可能東廣場都開左天仁的關系，今日apm依間不太多人，只有大約5,6人在排隊。下次可以去東廣場新開的分店試一下，比較一下有冇分別。

係觀塘想飲天仁茗茶個話以前只可以去apm一田入面個間，仲要成日好快賣晒綠茶、冰咁，又冇凍飲，又冇綠茶都唔知仲飲唔飲好依家好在係東廣場開多左一場，今次我就去試呢間。我點左一杯凍珍珠奶綠，我揀左奶粉沖，奶味略嫌不足。勝左係連鎖特許經營，品質有保證，珍珠夠煙韌，帶有蜂蜜甜味👍🏻

每經過apm都總是忍唔住去一田既天仁茗茶到買野飲 🤤🤤以前都會買香芋鮮奶綠或者蜂蜜綠茶加珍珠💁🏻‍♀️最近轉轉口味 試了913鮮奶茶 🙆🏻‍♀️之前飲過913黑糖怕怕🤦🏻‍♀️但人人都推薦的913茶王就比多一次機會你 ！珍珠是必須的！但最後蜂蜜味好似冇之前咁出 不過913茶王真是茶王 很香濃的茶味 🍵成為了新寵了😆😆

又黑糖！黑糖呢股風氣真係不容忽視，天仁茗茶都要打入黑糖珍珠，但好似冇乜人去試咁，等我話你知點解......我就去左APM呢間分店913黑糖珍珠鮮奶茶 　$28首先因爲滿足唔到中意影野食既朋友，唔係透明杯呃唔到like(但為左環保，其實用紙杯更好)。二黎，味道真係唔夾，茶底好香，重茶味，但奶味勁弱，茶還茶，黑糖珍珠還黑糖珍珠，而且極癡牙，過稔，亦冇乜黑糖味，仲有太多冰啦，根本冇乜幾啖可以飲，所以點解唔洗去試。本身其實都覺得天仁OK，但又冇令到我成日都想去飲既程度，不過佢貴為扎根香港比較耐既台飲店都推出黑糖系列，梗係去試下，不過真係好唔掂......

過開太古食飯，經過就買番杯獎勵下自己！叫左杯珍珠奶綠微糖少杯，岩岩好！唔會太甜，珍珠超有咬口好好食！份量都唔少咖，我飲完杯野都仲有。奶綠冇奶茶咁濃岩晒我，茶香又滑！

雖然已經過左最凍個幾日，但珍珠奶茶飲到悶，都對薑奶躍躍欲試，見英文名寫milk tea就試下啦~ 薑同奶茶意外地超夾，薑味濃郁又唔會辣到嗆喉，仲有淡淡桂圓味添，飲落喉嚨好舒服。一時大意唔記得叫少甜，但甜度竟然岩岩好。 要好好珍惜頭幾啖會飲到細微既薑粒，飲完就冇架喇。 驅唔驅寒反而係其次，我覺得佢係一年四季都想飲到既味道~其實本來係想試奶茶味雪糕，但原來呢個分店冇。 夜晚9點黎到，近乎要乜冇乜，誇張到連珍珠都賣哂，但呢杯冬季限定 熱福圓薑奶 ($22)成功令我好滿足。

今日行過天仁茗茶，見到新推出香港限定嘅「冰香橙乳酪綠$26一杯」，飲左一啖之後點解冇香橙味，亦都冇乳酪味，但竟然有cheese cake，點解先？? 飲咗三份一杯頂唔順掉左～ 杯嘢飲堅伏，大家唔洗試！

睇到廣告話天仁卷蛋做緊買一送一, 但原來有限分店售賣, 觀塘APM一田呢間就有得賣啦, 今日就去買嚟試, 買一送一可以唔同款, 所以我可以試晒2款啦, 但現貨唔係太多, 眼見大概有30個左右, 但多人買飲品, 唔見有人買卷蛋鐵觀音卷蛋 - 蛋糕好軟熟, 味道好似焙茶味, 有好濃郁既茶香抹茶卷蛋 - 抹茶味唔算太濃, 比較淡口, 相比下鐵觀音卷蛋好食啲*** 如果$138一卷就唔太抵, 但而家係$138兩卷, 除番開$69一卷咁就價錢合理, 但都係鍾意食辻利茶舖既焙茶蛋卷多啲

今日lunch之後同友人覺得口渴，決定去買杯天仁茗茶飲左揀右揀後，叫左我至愛既珍珠奶茶我嗌左七分甜同埋少冰。可能人多既關係，都等左一陣間。飲落都仲保持到水準，值得一試再試

2017年10月13日，黑色星期五，今天在官塘APM一田百貨買了一杯冰香芋奶綠（132號籌），雖然本人內心入便已經覺得很離地，因爲飲品制作需時20分鐘，到將近20分鐘時，但竟然先出139，138137，本人好奇上前問132幾時得，回覆是等等啊...133，134，136...再問，再等等啊135，130，131..你按順序出我都服啊！亂咁出你就唔好排號碼啦！未試過咁嬲等杯野飲，呢間公司到底有無培訓員工？

最鍾意飲天仁茗茶嘅珍珠鮮奶綠！！！買咗一杯珍珠鮮奶綠，微糖啱啱好，啱啲唔鍾意飲太甜嘅人，半糖都ok，唔少啲糖會甜！另一杯買咗珍珠奶綠 冇珍珠鮮奶綠咁好飲！其實天仁茗茶真心好飲，唯一唔好就係加咗價之前$21，而家$23

食完正餐之後我哋就去天仁茗茶買野飲。我飲既係山茶花綠茶我唔明點解熱飲會同冷飲用同一款紙杯，又唔明點解要用飲管去飲熱飲。我諗佢嘅飲管應該唔耐熱我記得我上次飲嘅時候唔係咁架。我飲山茶花綠茶。我唔知山茶花係咩味，但係依杯茶味道好似茉莉花茶。綠茶茶底好好味。今次記得要微糖我唔係太飲得出山茶花茶同我平時飲開我茉莉花茶的分別。或者下次我要叫朋友一齊叫唔同嘅花綠茶然後試吓啲味道有啲咩分別10幾蚊咁大杯嘢飲，其實都算抵

當收到這個消息便立刻盤算那兒有《天仁喫茶趣》，幸好我位時常把失憶放在口邊的外子，他記起在一田超市内是有一間《天仁喫茶趣》。《天仁喫茶趣》門前正有班客人在排隊購買，另一邊亦站了一班客人在等候自己的飲品。然而等候的時間也没有用得太久。根據原本的價目表價錢（忘記拍照），913茶王的原價是$15，但現在特價收$14.40，另外的香橙綠茶的原價是$22，現在特價收$20.60，總數就是$35吧！師奶心態又上身，若然要取個最着數的優惠，必需是913茶王+冰香芋鮮奶綠，因為它的原價是最貴的，$24喔！至於其餘兩杯的原價分别是:珍珠鮮奶茶$20、冰蜂蜜檸檬紅茶$21。換上了新春的衣裝左是冰香橙綠茶（正常糖，少冰），右是913茶王（無糖，少冰）先啜一囗香橙綠茶，非常清新的鮮榨橙汁的味道，隨後才嚐到輕輕的綠茶味，橙汁因為加了綠茶而沖淡了甜膩黏囗，感覺健康所以下次我會選擇無糖。至於913茶王，根據官網的介紹它是由上等高山烏龍茶葉調和頂級美國花旗蔘的調味茶，即是烏龍茶多了人蔘香氣，難怪喝起來的味道是香得來又帶點醇喉的甘，喉頭没有甜味，原來是花旗蔘做的好事！優惠還剩五天，我要天天買天天喝 (選擇無糖便不怕!)味

啱啱喺附近見完客有啲口喝所以來買杯野飲點左杯凍蜂蜜檸檬紅茶加珍珠第一次飲佢哋有檸檬嘅嘢飲飲落去發覺味道偏酸雖然已經叫咗少甜但係味道都係偏甜價錢要左佢哋嘅珍珠因為非常欣賞佢哋嘅珍珠細細粒好好咬整體呢杯野飲都OK嘅但係唔鍾意飲酸野嘅要三思

兩年前開始喜歡上天仁茗茶既香味道，但最近幾次黎apm 呢間就發覺「差」，上次買珍珠奶茶又無比珍珠；琴日買就半糖比全糖；今日叫左兩杯珍珠奶綠正常，就比左杯無糖。佢既質素咁大差異，我唔會再幫襯