天吉屋 (已結業)

《📍天吉屋の食評》想體驗日本正宗味道？今日小編就帶你去一間連續七年獲獎嘅日本餐廳啦🥸！位於旺角朗豪坊嘅天吉丼，擁有連續五年榮獲日本丼聯盟天丼金賞獎嘅光環，而香港分店嘅廚師們更已日本接受嚴格訓練！到底佢係咪真係咁犀利，等小編幫大家試吓味啦🤩！🔸『無限添加の配茶』餐廳其中一個賣點就係有無限量添加嘅配菜，包括柚子醋沙律菜、牛蒡漬物同醃製蘿蔔，亦都當然唔少得解膩必備嘅牛蒡茶啦！🔸『天吉丼 - $118』▶️包括黑虎蝦、茄子、四季豆、海紅鯛、魷魚、溫泉蛋、炸紫菜、南瓜▶天吉丼連續七年榮獲日本丼聯盟金賞獎🏆，天婦羅清爽又香脆，種類十分豐富，由海鮮至蔬菜亦包羅萬有！配上特製天丼醬汁，口感Q彈香甜嘅日本米，再豪邁拌上半熟溫泉蛋，又係另一種美味的享受😎！🔸『天吉雙品 - $98』▶️包括有黑虎蝦、什錦炸物（洋蔥和櫻花蝦）、茄子、溫泉蛋、四季豆由日本空運嘅讚岐烏冬，絕對唔係Hea你㗎☺️！套餐除咗有一位細丼飯，仲配備冷或暖烏冬，十分豐富！小編今次就揀咗冷烏冬，鳥冬口感十分Q彈，再加上獨製醬汁，超級適合熱辣辣嘅夏天，但小編覺得烏冬上嘅柚子稍微有點苦，有點失色😛！🤪 iHungry肚餓指數：8.5/10分

同朋友食lunch，見到呢間話又係乜過江龍又剩，走入去試，點知伏到high high!首先，啲天婦羅係凍嘅，然後咬落去淡淡油！唔好講話新鮮炸，連返炸都無！啲湯都只係微暖！啲茶唔知係擺得太耐定係咩，啲味怪到一個點！講真，呢啲價錢呢啲質素，真係唔值囉，真係唔明點解會咁多好評！

平時見佢好多人排隊，今日六點幾經過見冇乜人就諗住試吓！ 點知⋯超級伏！天婦羅皮厚唔脆， 仲要一上枱巳經唔熱同淋晒！從未食過咁難食嘅天婦羅！ 元氣都好食過佢多多聲！$128/碗一啲都唔值！

🍽•天吉雙品呢款二選一可揀冷或熱烏冬🍜而我就揀左熱烏冬選用讚岐烏冬 烏冬面有乾海草 冷柚子皮作點綴 不過不失連埋跟一個細丼飯🍚成碗滿滿好豐富整碗什錦炸物 有洋蔥 黑虎蝦 茄子 四季豆 溫泉蛋炸得金黃而且食落唔厚粉 炸得黎夠爽身唔太油膩 外脆內軟整體中規中矩

米飯🍚唔係日本米冇咪，天婦羅好油石斑有腥味😣居然冇任何醬汁可點，我同佢攞蘿蔔醬汁佢話第D套餐先至有我話成個餐完全冇味唔知點食，我願意價錢加份醬汁，佢最後都有俾到我。不過我唔會再幫襯👎👎👎

天吉屋攞過好多年日本既天賞🏅️主打天婦羅丼飯，菜單選擇得幾款，但係個人覺得絕對冇問題，整得好既話，菜式唔需要多☺另外呢度既蘿蔔漬、牛膀漬同埋椰菜沙律都係可以無限refill既，清爽感覺配合埋天婦羅食啱曬～ 1⃣️All Star 丼（$128）（圖一、圖三）一黎到已經覺得好多😳啲天婦羅堆好堆滿😍有黑虎蝦、石斑魚配紫蘇葉、軟殼蟹、魷魚、什錦炸物、雞肉、茄子、南瓜、四季豆、溫泉蛋。炸粉唔會厚，而且食落唔會覺得好油膩。特別鍾意佢地既溫泉蛋！好特別🤤未試過天婦羅既溫泉蛋，炸粉薄得黎，隻蛋一撩開，啲蛋汁流出黎～撈飯食一流！  2⃣️天吉丼（$128）（圖二） 呢個絕對係佢地既招牌！連續蟬聯七年既日本天丼金賞✨黎到一定要試下！有黑虎蝦、魷魚、石斑魚、茄子、南瓜、四季豆、炸紫菜、溫泉蛋。呢款同All Star丼基本上配料差唔多，不過佢就冇左軟殼蟹、雞肉同埋什錦炸物，但係就多左炸紫菜。另外佢既魚係大塊好多😋比既石斑魚係一大件魚柳咁大塊。食落好滿足！  

話曬有日本都有名堂嚟到香港真係扣扣扣分店鋪只有一種食物，就係天婦羅當你只專注做一種美食理應係做到最好餐牌可挑選嘅丼只有幾款叫咗兩個天幕御膳叫完侍應就上咗一大碗椰菜沙律同柚子醋枱上有蘿蔔漬同牛蒡漬蘿蔔漬酸酸甜甜唔錯，牛蒡比較鹹佢天茶好好飲御膳份量好足天婦羅有石斑、軟殼蟹、虎蝦、洋蔥、南瓜、茄子、魷魚木桶入面自己裝飯蝦同四季豆打孖炸幾得意有洋蔥好驚喜但所有天婦羅都係淋同唔夠熱！可能全部都係以上配搭所以炸定導致咁嘅情況啲飯完全冇飯味口感差！四季豆冇去筋失望而回仲要限時60分鐘無下次，不推薦小小後續就係我裝完飯先見到飯殼底有隻小昆蟲屍體，🫣因為掂過啲飯唯有叫佢成個飯筒換待應冇乜反應連唔好意思都冇講我已經好細聲有禮貌地示意叫佢換冇比其他客人聽到服務態度真係要改進

今日去旺角朗豪坊食日本天婦羅過江龍，天吉屋。記得餐廳以前一開嘅時候，大排長龍，冇排返過多小時，都唔使諗住有得食，好彩依家熱潮已過，唔使點排隊就有得食。唔知係好事定唔好事呢😅.🍚椰菜沙律我哋一坐低，店員就第上一大碗椰菜絲沙律，加上秘製嘅柚子胡椒沙律汁，非常開胃，一食真係食唔停。仲要係無限添加，非常慷慨。.🍚天吉丼見到介紹呢一個天婦羅丼係攞咗連續七年日本金賞獎，非常威水，材料非常豐富，主要有大蝦，魷魚，茄子，南瓜，溫泉蛋等等。材料非常新鮮，特別係魷魚天婦羅，厚肉得來非常軟熟，天婦羅炸醬薄薄一層，配上天丼醬汁一齊食，果然一試難忘。.🍚天吉雙品一份烏冬，再配一份小天丼，天婦羅保持優良嘅質素，喺炎炎嘅夏天，食一份凍嘅稻庭烏冬，簡直係透心涼。.總括然而，天婦羅套餐選擇非常多，天婦羅亦都處理得十分出色。

足料天婦羅丼飯，價格唔算貴，味道講真就一般經過路過可以一試，但不用特意去食 每一款丼飯既炸物都好充足，一上枱見到個下好滿足，但食落就淡到估佢唔到😂 幾乎每啖天婦羅我都一定要沾滿醬油先食得落，否則真係無味道 特別係海鮮類，魷魚食落完全無魷魚味同魷魚既爽脆口感（我朋友甚至直接問我「乜依家既天婦羅丼飯會加魚蛋架咩？」😂🤣🤣），真係食落勁似白魚蛋 😂😂 魚仲衰，筷子一夾落去，外衣直接同魚分離剝落，而且個外皮淋到一睇就知炸完擺左係到好耐，耐到已經濕哂與其講食緊天婦羅魚，不如講食緊蒸魚好過，仲要係無味個款😂最後講下熱度，上菜既時間極快，好明顯唔係即炸，成碗飯都只係暖，完全唔熱～～

一個人去食Lunch,1點42分安排入坐。點餐落單叫左個有烏冬有飯餐。1點55分上菜，食唔夠10分鐘，有個侍應拎住塊隔板走埋黎。一野推我食緊烏冬果個餐盤。格硬間出一個一人位。 侍應唔出聲推我餐盤都算，之後有個一人食客坐在我隔離。然之後我未食完侍應拎張單放左枱面提我走時自行出去埋單。 至2點30分侍應又再次過來提我用餐夠鐘，那時我剛好吃完最後一口放低筷子就走來。 我打開入座order 單 2:42先夠鐘，已經係咁黎提我。完全趕客！

呢間間中經過開都會嚟食下。以朗豪坊消費指數嚟講，算合理，但不至於超值。 座位又坐得狹窄，完全冇社交距離，密麻麻貼住哂，只係中間隔咗塊紙牌做間隔而已。用餐時間得一個鐘，有啲趕，食得好有壓力！ 又驚佢啲嘢唔知炸熟得透唔透？因為要就番用餐時間。嚟呢度就梗係食天婦羅啦！ 餐牌既幾個餐都試過哂，水準平均。尋日經開再光顧，餐到咗後，問侍應拎啲蘿蔔蓉，侍應去完廚房，返嚟回覆：蘿蔔蓉只限提供比天幕餐客人享用！乜蘿蔔蓉好貴既咩？！ 問攞都唔比？下次去茶樓問拎辣椒油，可能會回覆話：只限提供 order 咗潮州粉果既客人專用？！食物水準平均，唔會難食，但不至於驚喜。

🔖 次次嚟都朗豪坊，行到上11樓都會見到一條長龍，而人龍就係喺天吉屋出邊，咁多人排一定有佢嘅吸引之處，同樣地驅使我嘗試呢間日本過江龍 💬天吉丼 $128天吉係店入邊嘅王牌招牌菜丼，天婦羅包含黑虎蝦、石斑魚配紫蘇葉、軟殼蟹、魷魚、雞肉、南瓜、四季豆、溫泉蛋以及其他雜錦炸物，全部天婦羅香脆可口，炸皮夠薄，唔會比炸皮因為太厚而影響入邊嘅材料口感。如果想多飯嘅話，可以order時吩咐多飯，天婦羅配送白飯真係一絕，多多白飯都唔夠呢！💬天吉雙品 $118叫天吉雙品首先可以烏冬二選一，包括冷食嘅稻庭烏冬同埋熱食嘅讚岐烏冬，天婦炸物方面有洋蔥同櫻花蝦炸物、黑虎蝦、茄子、四季豆以及溫泉蛋，冷食嘅稻庭烏冬加埋佢嘅Wasabi，食落爽口彈牙，再浸落去嘅湯食，味道一流。

經常出現人龍，今次就去試試😋 由於限食一小時，所以排隊等了十五分鐘，好快就到我地。前菜有無限量添加既椰菜絲配柚子🥗加入柚子酸醋汁一齊食好開胃，感覺好清新。另外有醃牛蒡同醃蘿蔔任食，牛蒡茶亦係無限量供應天吉丼$128份量極之豐富😃係好大件既天婦羅🍤炸物有黑虎蝦，魷魚，石斑魚，茄子，南瓜、四季豆，炸紫菜，仲有第一次食到溫泉蛋天婦羅🥚外層天婦羅，配流心既蛋黃，好正❤️味噌湯足料，湯中有好多清甜嘅蘿蔔、嫩滑嘅豆腐。天吉雙品$118可以選擇冷烏冬/熱湯烏冬我選擇了冷烏冬，稻庭烏冬口感彈牙，配上冷柚子皮、紫菜、芝麻，而冷烏冬汁加了日式芥末及蔥花。呢款天婦羅款式有洋蔥和櫻花蝦好鮮甜、黑虎蝦啖啖肉🍤香濃既蝦味，四季豆、茄子、溫泉蛋，仲有白飯係底。每款金黃色的天婦羅炸得好香脆，食落唔厚粉，唔會太油膩。呢個餐又有飯又有烏冬，食完好飽😋😋😋

上菜前先提供簡單椰菜沙律，桌上亦有牛蒡和醃蘿蔔提供。當晚點了天吉丼 ($128) +10%材料有黑虎蝦、茄子、四季豆、海紅鯛、魷魚、溫泉蛋、炸紫菜、南瓜。跟麵豉湯價錢合理、好味抵食份量幾大，環境也正常不錯。唯用餐時間非常短，只有一小時，連點餐上菜其實基本上唔夠時間食。食到2/3既時候，職員已提醒用餐時間只有一小時，隔離桌也是，感覺有壓力，雖然店員態度很有禮貌。過了一會，職員再次提醒用餐時間，其實未食完，因為始終食物分量不少，我和朋友亦只好加快食。整體食物唔錯，但希望用餐時間至少90分鐘比較合理，不用感到壓力。

來自日本首間香港分店招牌天吉丼已蟬聯6次日本天丼金賞獎🏆香港更有限定軟殼蟹丼各款不同配搭天丼選擇困難症的煩惱🤷🏻‍♀️☀️天幕御膳 $148黑虎蝦 海紅綢 軟殼蟹 什錦炸物 茄子 南瓜 紫菜 四季豆🍴超激量天丼組合套餐😋一次過有三種食法教學無限任添白飯店內主題👨🏻‍🍳祝願每位品嚐天婦羅的人 也能感受到快樂吃完超飽超滿足 好味指數爆燈環境座位疏落舒服🏯同時可觀看師傅製作過程朗豪坊買買買完 必試之店🥰環境: 💗💗💗💗💗美味度:💗💗💗💗💗推薦度: 💗💗💗💗💗