天園餃子

營業中

休息中

之前喺觀塘返工嘅時候，同事帶個我去試過呢間天園餃子，係觀塘區嘅名物，當時覺得都唔錯😋✨最近就試試佢哋嘅白胡椒餃子🥟，真係好好味，白胡椒味勁濃，一試愛上😍✨😋(*≧ω≦)一向都好鍾意食白胡椒嘅味道😆✨🤩(///▽///)佢哋嘅套餐係有分5隻餃子或者10隻餃子再配一個小食，個人來講如果係女仔細食嘅話，就咁叫5隻餃子套餐已經夠，因為佢哋嘅小食都幾大份吓。而佢哋嘅小食好多款選擇，今次叫炸雞扒，好大件✨✨🤩🤩口水雞麻辣雞卷，✨個雞卷係去晒骨㗎，啖啖肉😋(⁎⁍̴̛ᴗ⁍̴̛⁎)真係好好味😋(´▽｀)

天園餃子🥟「爆脆炸餃子」🤤單併餃子餐（5隻）$36揀咗韭黃冬菇豬肉餃🐖韭黃味幾重，但係冇乜冬菇味！啲皮算幾薄，但係餃子唔算好大隻🙌🏻麻辣口水雞卷 🐓+$6呢個辣度唔係太強🌶啱啲唔係太食得辣嘅人🤣雞肉幾滑，又唔會有雪味👍🏻配埋青瓜絲同花生一齊食，都幾惹味🥰呢個推介手工蜜桃紅茶 🫖+$10幾香蜜桃味！但係甜咗少少🙌🏻紅茶唔會澀，幾好‼️雙拼餃子餐（10隻）$48揀咗韭黃冬菇豬肉餃同紹菜木耳素餃，素餃調味有啲淡🤣要靠個湯先夠咸‼️麻辣雲耳海蜇 +$8冇乜麻辣味🙌🏻海蜇都幾彈牙，相對普通啲手工奶茶 +$10佢嘅手工奶茶標榜無添加💕 茶味香濃！唔會太甜👍🏻奶茶幾好炸芹菜木耳豬肉餃 $28餃子皮炸到好脆‼️芹菜味好重、好香🤤配埋泰式辣醬一齊食，好正！脆卜卜👍🏻推介大家叫炸餃子多啲🤣整體：🌟🌟🌟+0.5🌟性價比:🌟🌟🌟🌟食物：🌟🌟🌟🌟環境：🌟🌟🌟📍九龍土瓜灣北帝街41-B地下人均消費：～$70/head

土瓜灣良心餃子店🥟，曾經聽人講過呢間餃子店好好食，今日終於有機會入去試吓。👅西洋菜木耳素餃配麻將雞絲粉皮 嚟到啲餃子其實好似雲呑，咬落去皮好薄，真係好似雲吞皮😯👍🏻餃子好足料，入面唔乾，木耳彈牙，食落去唔覺有味精，湯底正常發揮冇乜特別💁🏻‍♀️跟餐配左麻將雞絲粉皮，雞肉青瓜粉皮比例啱啱好，份量適中，加埋頭先10隻餃子好夠飽。飲品加咗$10要佢哋嘅樽仔奶茶，茶底夠濃，但唔澀，好欣賞呢個奶茶！！

💛天園餃子💛💛💛💛💛💛💛藥膳醉豬手$32豬手藥膳入晒味，好彈牙🤭椒鹽茄子$28一碟有四件，好大舊，脆卜卜抵食👍🏽建議揀多椒鹽麻辣撈麵$30$30一碗好大碗 有肉燥，青瓜絲，花生個人覺得好辣我係一個唔食得辣既人（不自量力🤭）食得辣嘅應該會覺得好好食煎黑椒芝士洋蔥牛肉餃$36@5唔係好覺得有黑椒同埋洋蔥普普通通手工奶茶$16奶茶夠滑 最鍾意佢唔係好甜🌟店員服務態度都好好👍🏽一定會再去

今日過左黎食飯食下午茶 試下呢間餃子專門店輕食下午茶餃子套餐 5隻一份 $42 另外仲有口水雞卷半份$42有餃子又有雞卷食,份量抵食又大件~另外追加多一份黑椒芝士牛肉餡 黑椒芝士牛肉食到洋蔥碎同拉絲芝士餡 肉鮮飽滿 外皮煎到好脆口又有肉汁湯餃係胡椒豬肉餃 用上新鮮豬肉加雜菌胡椒調成既肉餡 肉汁豐盈 湯餃食法個餃皮更加嫩滑雞肉卷係用慢煮方式煮 煮好再淋辣汁 個汁香辣惹味,雞卷肉質嫩滑足有5大件平均消費$100評分8/10土瓜灣北帝街41號地下B號舖

去完土家 走左一段路過左黎天園餃子食dinner呢到有素食/素餃岩哂同行食素既朋友~我叫左：1.蕃茄雞蛋素肉餃 以前都見過蕃茄雞蛋餃但一直唔敢試 但原來幾好味! 以後見到如果唔想食肉可以揀臼2.酸辣湯麵 幾開胃 上海麵份量好多夠哂飽3.麻醬雞絲粉皮 落單時揀左多青瓜絲 超足料 味道唔錯唔錯 另外試食左朋友既紹菜木耳素餃 個人覺得比較清淡呢到用即棄餐具 好彩我地平時有袋定自己既餐具 大家留意番~另外服務員態度幾好~值得再支持!

之前路過土瓜灣，經過天園餃子見不論餃子定配菜，選擇都算豐富就諗住試一試，順便解決埋晚餐。 叫咗兩款餃子：椰菜甘筍木耳豬肉餃同埋韭黃豬肉餃。兩款餃子食落都好新鮮，感覺上唔使加湯都好夠味。 另外小食方面就配左個椒鹽茄子，佢啲茄子好大份，炸得黎都唔會好乾身，都幾香口，味道唔差。 最後加多份韭菜豬肉煎餃，呢個煎餃子雖然外賣但係返到嚟佢都係好脆身，唔會話淋哂。 如果去土瓜灣嗰邊，又唔知食咩好，依間餐廳不妨一試。

係附近返工， 一直都聽同事講話天園餃子好好食，今日終於lunch time去食到~佢地有餃子套餐，有得加錢跟小食；同埋佢地既餃子餡料都十分有特色，佢地仲有湯餃、煎餃同炸餃選擇～我地叫左個餃子套餐，跟左藥膳醉雞翼～另外仲有煎餃同炸餃~🥟蕃茄蛋素餃拼韭黃冬菇豬肉餃呢度嘅餃子好似雲吞咁嘅形狀，皮都比較薄同滑～蕃茄蛋食得多，但做餃子饀料真係第1次見～我自己好鐘意食🥰韭黃冬菇豬肉餃好足料，韭黃味好香☺️餃子嘅湯底正常發揮😆🥟黑椒洋蔥芝士牛肉煎餃去咗湯餃，當然要試埋煎餃，呢個煎餃好似將漢堡包嘅漢堡餡料放左入餃子皮，煎好後香香脆脆，咬落好多汁😋不過芝士味就唔係好食得出🥲🥟炸白胡椒雜菌豬肉餃呢個餃子好香白胡椒味，少少辣好香口～好友胡椒豬肚湯嘅感覺，我十分鍾意呢個餃子😋😋🐔藥膳醉雞翼另外跟餐嘅小食係藥膳醉雞翼，雞翼入晒味，雞皮爽口彈牙，好食！😋總括而言，餐廳性價比高！推薦！

呢個係套餐外賣自取完都四十幾蚊下次再嗌會嗌十隻餃  因為... 我打開個盒好似俾人偷食左咁... 定係用返個細D 的容器會令人無咁失望呢...味道方面正常偏好食 :-)餃子好食, 我嗌左韮黃冬菇豬肉個湯底有舊白蘿蔔因為粉皮唔夠食所以飲哂個湯好味  但飲完口乾左成個下晝

武漢肺炎搞到仲有限聚令， 同d fd而家唔可以一班人出街食，唯有上friend屋企整嘢食啦~ 我地上去玩之前， 食個light lunch先~ 我地揀咗食餃子， 就係呢間天園餃子喇估唔到呢間鋪仔細細，都唔少人嚟食喎， 仲要有好多外賣， 我地等咗一陣就入到去坐卡位， 佢係用qr code自己落單， 好方便 我地一行3 人， 叫咗一份十只香茜豬肉餃， 同兩份set, 揀咗白胡椒雜菌豬肉餃同韭黃冬菇豬肉餃， 麻醬雞絲粉皮同麻辣雲耳海哲， 估唔到個麻辣雲耳海哲又幾好食喎， 少辣， 有好香嘅麻味， 雲耳海哲都好爽口入味~ 個白胡椒雜菌豬肉餃都好surprise, 估唔到咁夠胡椒味， 真心正~ 佢個香茜豬肉餃同韭黃冬菇豬肉餃都好好食， 只係個白胡椒雜菌豬肉餃surprise us a lot, 下次嚟一定要叫~

黃店點都要試既，再加上本身已經好鍾意食餃子，決定試下佢🥰叫左個餃子套餐，7款餃子揀1款再加小食包一杯甜茶。叫左韭菜餃10隻，上一到黎試下個湯，飲落好清，唔似豬骨湯，有d失望。餃子食落正常，唔算好大粒，但都幾皮薄。小食揀左雞絲粉皮，好細份，同埋d雞絲粉皮好乾身，同想像中的不一樣。甜茶好飲，但細杯。朋友仔叫左鳳巢撈麵，正常。手作奶茶唔推介，無咩茶味，又唔香，建議改善。

第一次經過呢間小店係未有疫情時既晚上，當時係門外睇梗餐牌，興奮地心大心細好食邊款餃子好呢之際，有位姐姐開門話餃子冇哂啦 當時真係好失落因為小女係餃子迷終於都再有機會試，已經係疫情好吾容易可以出街食野肉燥雞扒蛋飯 $42雞扒炸得好酥脆，好厚實，吾老仲有啲肉汁肉燥我覺得味道偏淡蒜香骨湯麵 $42呢個係絕對係推薦排骨炸得吾會好干，不過都要有啲牙力去咬配埋炸過既蒜真係好香西洋菜豬肉餃本身好鍾意食西洋菜，所以見到有都會簡佢首先講講外形，大粒包滿哂料係入面，最緊要皮吾厚，咬落去食到西洋菜既清新好味道

試中午餃子set菲菜餃子 正常味道 湯底有幾片蘿白同葱 同啲味精配既小食 雲耳海折 得個咸字 咩味都無 燒味舖買嗰啲都應該有少少醋同辣味 有圖為証 份量少得可憐 （注：我食左一片雲耳同一條海折）成個set收 54蚊 淨餃子就3x大元 碟海雲耳20蚊？唔係黃店就要一味食ge

本身去土瓜灣打算排下楚撚記，但即場Walk in要等起碼兩個鐘，下次都係訂檯先去😲比我搵到呢間餃子店，原來都超滿場🤭▪️ 重量級餃子套餐（10隻）- 韭菜豬肉餃 + 椒鹽雞翼（3隻）💲56呢個套餐可以自己自由配搭餃子口味同埋小食選項🤪佢既餃子係好似雲吞皮咁，入口好薄滑身，唔係話好大粒，食落偏輕盈唔會膩，勝在菜肉比例恰當，而且韭菜味香濃，個蘿蔔湯就清淡一點，靠蔥花調味😌雞翼好似炸完放左一陣子咁，唔夠熱身同香脆，椒鹽味亦唔夠，下次會叫另一款小食🙊意料之外既係如果無點飲品，餐廳會附送一杯凍既蜜桃茶，清幽香甜🍑🔎 整體評分（7/10）

前一晚九點半買外賣，收銀小姐態度不佳，當佢做左成日攰啦，算了。番到屋企食，胡椒香菇豬肉餃好好食熱辣辣香噴噴，係滿意嘅。一心諗住今晚九點去堂食，喺門口睇左餐牌一輪，行入去登記一輪，坐低諗一輪，直到嗌嘅一刻，竟然係：唔好意思，胡椒餃賣哂，丫，我地好多都賣哂。（我：仲有乜？）........韮黃都冇.............唔..... （後面有謎之聲：好似得番蕃茄喎）................ （我：韮黃冇？）冇喇。小妹奉勸各位，記得入座之前，問清楚你想食嘅嘢有冇，唔好expect會有人話你知，分分鐘問左都未必知，以免空歡喜一場啦。