影片
電話號碼
31082182
開飯介紹
來自新加坡的天天海南雞飯，其招牌海南雞飯，雞肉皮薄肉嫩，加上以煮雞精華一同煲出的黃油飯，深受歡迎。
繼續閱讀
營業時間
今日營業
11:30 - 21:00
星期一至日
11:30 - 21:00
以上資料只供參考, 請與餐廳確認詳情
有關獎賞計劃
相關文章
今次嚟到位於圓方嘅新加坡過江龍餐廳天天海南雞飯，係新加坡米芝蓮推介嘅美食之一，更被新加坡旅遊局評選為3大雞飯之一，餐廳除咗有海南雞之外，仲雲集咗人氣新加坡品牌「老街坊」、「超好面」同埋「五十年代」，主打地道又正宗嘅新加坡菜。值得一讚餐廳裝潢舒適優雅，環境寬敞整潔，店員服務態度殷勤。天天海南雞（中份）招牌海南雞保留咗新加坡本店傳統製法，選用咗海南文昌鎮正宗文昌雞同埋白羽雞，雞肉嫩滑可口，雞皮薄爽滑，皮下有層啫喱，口感細膩，入口即溶，雞肉肥瘦均勻，肉味濃郁，而且係無骨，食落好方便，配上三種醬汁，味道多種層次，包括有香醇可口嘅黑豉油、香氣十足嘅蒜蓉醬同埋味道酸辣嘅辣椒醬，將雞肉沾醬嚟食更加開胃惹味。雞油飯雞油飯呈淺黃色，油香四溢，飯粒分明，香味濃郁又煙韌，令人回味無窮，配上嫩滑嘅海南雞肉，係完美嘅搭配。新加坡檸檬鳳爪上枱時仙氣滿滿，檸檬鳳爪充滿咗東南亞特色，口感彈牙爽口，加咗檸檬汁同埋辣汁結合咗酸甜辣嘅味道，口感層次豐富，係一道好開胃嘅小食。黃金雞脆骨雞脆骨呈金黃，鹹蛋黃味道非常濃郁，外層口感酥脆，內裏多汁，加上脆骨帶有嚼感，口感層次豐富。酥炸椒鹽板豆腐板豆腐炸至金黃酥脆，口感外脆內嫩，外層帶有椒鹽嘅鹹香，內裹係豆腐滑溜細膩口感，再點上醬汁黎食，好惹味。參巴辣椒炒通菜翠綠嘅通菜用上惹味濃郁嘅森巴辣椒醬去炒，味道帶微辣惹味，口感爽脆，惹味得嚟仲好夠鑊氣，再加上蝦米去炒好香。
繼續閱讀
天天海南雞飯位於尖沙咀圓方，是一家專注於新加坡海南雞飯的餐廳，深受食客喜愛。這裡的招牌海南雞飯以其皮薄肉嫩的雞肉、搭配煮雞精華製作的黃油飯而聞名，雞肉口感鮮嫩多汁，飯粒則因吸收了雞肉的精華，充滿濃郁的雞香味，讓人一試成主顧。店內的環境極為華麗，設計風格融合了現代與傳統的元素，讓顧客在享用美食的同時，感受到舒適的用餐氛圍。餐廳內更是將「天天海南雞飯」、「老街坊」、「超好面」及「五十年代」等四個人氣新加坡品牌匯聚於一處，讓客人能夠盡情享受多樣化的美食選擇。我們這次選擇了人氣套餐 - 龍鳳配雙人套餐，內容相當豐富，餐點的多樣性讓我們驚喜不已。第一道上桌的是豆漿海南雜菜煲，這道菜色搭配了新鮮的蔬菜和豆漿，鮮而不膩，十分清爽，適合開胃。隨後登場的是天天海南雞的大份，雞肉的肉質鮮嫩，配合獨特的醬汁，口感層次豐富，讓人欲罷不能。另一道值得推薦的菜品是花膠太史蛇羹，湯底深厚，花膠的滑嫩與蛇羹的鮮味融合，吃上一口令人陶醉。這道湯品不但色香味俱全，更是代表了新加坡的獨特風味。而蛇王芬臘味生炒糯米則是另一個驚喜，糯米香氣四溢，搭配香腸與各類配料，讓人感到滿足。最後，在飲品方面，我們選擇了富有懷舊特色的50年代豆花美祿和50年代豆花椰奶咖啡。前者口感滑嫩，豆香濃郁，帶有優雅的甜味；而後者則是將椰奶的香甜與咖啡的苦味融合在一起，特別解渴且充滿懷舊的味道，仿佛瞬間帶我們回到了那個年代。總的來說，天天海南雞飯不僅提供了美味的料理，還塑造了獨特的用餐環境，是美食愛好者和朋友聚餐的理想場所，值得每位顧客前來品嚐。無論是想體驗正宗的海南雞飯，還是探索新加坡其他名菜，這裡都能滿足您的味蕾需求。
繼續閱讀
米芝蓮生日飯 有人話佢好鍾意食海南雞，由於一月好忙所以約咗二月底先食飯，我哋揀咗個二人餐，咩都有就唔使諗。龍鳳配 雙人套餐 原價656，特價499DRAGON ANDPHOENIX原本以為個湯係大大碗嘅，好彩原來可以嗌一人一碗。1. 花膠太史蛇羹（可改燉湯）（我個碗就叫咗 杏汁木瓜花膠燉雞湯）2. 天天海南雞（半隻）3. 豆漿海南雜菜煲4. 生炒糯米飯（2碗）5. 50年代系列飲品（2杯）呢一間餐廳係新加坡嘅過江龍，有米芝蓮嘅美譽，因為有人鍾意食海南雞，所以我就陪佢嚟食啦！呢度啲燉湯真係好有老火湯嘅味道，我個碗杏汁木瓜花膠燉雞湯真係一流！真係有啲杏仁茶嘅味道再加木瓜奶嘅口感，仲有啲花膠好滑溜滋補，雞湯都好好味，食得到佢嘅誠意！至於海南雞半隻，除咗雞肉滑溜之外，個雞比平時辣咗啲，我見到某人食得好開心喎！今次海南雞冇sold out 啦，係咪好開心先？豆腐雜菜煲都唔錯，值得一讚嘅係嗰生炒糯米飯好有鑊氣，啲臘味都好香！連飲品都係米芝蓮嘅，佢就叫咗咖啡我就叫奶茶啦！都幾香滑嘅祝我哋生日快樂🎂！希望新一年開開心心啦！
繼續閱讀
今日又去咗搵好嘢食、去咗一間由食物到環境都唔錯🤔、就係這間過江龍《天天海南雞飯》、去到晚市剛剛開始、就可以拍到整間店面環境真係好華麗😯、感覺好high class坐著舒適食飯嘆吓都好正😚！天天海南雞 $169 中份呢一款係店家招牌菜式嚟到一定要試吓☺️、整款賣相擺設都睇得吓🤔、以靚靚罷設盛載上枱增添食慾、雞肉嫩滑又冇乜肥膏食埋雞皮又有口感😋、尤其是佢嘅雞胸肉又唔會韌口感、伴咗美味醬汁令到味道更加好食又美味！又有3款配醬辣醬、薑蓉、甜鼓油黑胡椒羅氏蝦粉絲煲 $149呢一鍋羅氏蝦望見夠哂吸引🤤、整鍋送到上枱散發香噴噴黑胡椒味😙、真係色香味都有上面有4隻好大羅氏蝦😯、沾滿黑胡椒醬汁超惹味、入口蝦肉鮮味爽口啖啖肉口感😋、下面粉絲洋蔥墊底索滿汁液、令到粉絲軟綿味道十足！班斕汁椰香鱈魚 $89呢一款椰香鱈魚望著都幾好🤔、整份一件件金黃香脆、外皮夠哂脆薄包裹鮮味鱈魚、入口整件味道都唔錯、沾吓班斕汁更加香滑別一般的味道😋、尤其是擺放凍咗一樣咁好食、我覺得真的好好食！50年代奶茶 $35龍眼冰 $29呢兩款飲品好有過去代的風味、賣相好特別以藤杯盛載玻璃林、令到好有懷舊feel、整杯奶茶以50年代嘅味道、飲到入口又唔會過濃帶點滑口😋！龍眼冰色澤比較淡色、飲到入口香甜味道、又有粒粒龍眼肉口感軟腍、有得食又有得飲☺️！.
繼續閱讀
⭐️鮮無花果燉雞湯：清潤見真章廣東人飲湯最忌「得個甜字」，而呢盅燉湯卻以鮮無花果嘅天然果糖，吊出老雞嘅深邃鮮味。湯色金黃透亮，呷一啖，無花果嘅蜜香率先湧出，尾段係雞肉同杞子嘅甘醇，完全冇味精嘅「鎖喉感」。雞件選用雞髀肉，燉足四小時仍保持嫩滑，連皮食更溢出膠質。最驚喜係湯底暗藏兩片海底椰，增添一絲南洋風情，足見師傅對「清補平衡」嘅執著。 ⭐️黑醬油蘿蔔糕：鑊氣與醬香的共舞新加坡「黑醬油嘅濃稠甜香，一向係星洲炒粿條嘅靈魂。今次師傅大膽用嚟炒手工蘿蔔糕，效果出奇制勝！蘿蔔糕先煎至外脆內軟，再以黑醬油快炒，撒上馬來盞（Belachan）碎同銀魚仔，鹹甜交織。糕體咬落有粗粒蘿蔔絲，啖啖清新，完美中和醬油嘅厚重。最加分係上枱時熱辣辣，鑊氣逼人，絕對係「邪惡但停唔到口」嘅代表作。 ⭐️九製陳皮火焰黑金叉燒：視味覺雙重震撼「火焰叉燒」聽得多，但用九製陳皮醃製嘅黑金版本肯定係全港首創！選用西班牙黑毛豬梅頭，以陳皮、桂皮、甘草等秘製滷水慢浸，上枱前淋上玫瑰露點火，藍色火燄中飄出陣陣橙香。叉燒外層焦脆如蜜糖紙，內裡嫣紅多汁，陳皮嘅甘香後勁十足，完全唔會得個「甜」字。伴碟嘅酸薑粒更係神來之筆，解膩之餘帶出肉鮮。 ⭐️天天海南雞（中份）：雞有雞味，油飯更絕海南雞飯嘅靈魂，一在雞，二在油飯，三在醬料，以新加坡傳統手法「冰鎮熟成」，皮爽肉嫩得嚟唔會血淋淋。最驚艷係雞皮與肉之間嘅啫喱層，證明師傅對水溫控制精準。油飯以雞油、香茅、斑蘭葉焗製，粒粒分明得嚟充滿南洋香料香，單食已上癮！三色醬中嘅黑豉油同薑蓉屬正常發揮，但酸辣青醬加入咗泰國青檸皮，清新感秒殺同業。 餐廳位置方便！而且坐得非常舒服，非常適合家人或者朋友聚會！有機會會再返去幫襯！
繼續閱讀
您可能會有興趣的...