天天素食

營業中

休息中

自從轉左工作地點 少去左油塘之後已經兩年無食今晚突然諗返起呢間齋舖 舊地重遊 一樣咁好食!最掛住係佢d甜酸齋 質感 甜酸度都係啱啱好齋鴨腎都好好食 夠甜 不過色澤好似無以為咁紅另外兩年後再食佢無左雙拼個選擇最少一定要叫三拼 所以叫多左個齋叉燒都唔錯 不過我都係中意甜酸齋多d今晚好肚餓 於是就叫多兩件點心叫左件蘿蔔糕同芋角 兩件都好好食蘿蔔糕因為係齋 無落臘肉所以第一啖會覺得無平時d蘿蔔糕咁香質地都偏硬但唔知點解愈食愈好食 可以encore芋角都係 第一印象覺得一般因為出面d脆脆無平時酒樓食果d咁多不過又係唔知點解愈食愈香 愈食愈好食我中意佢個餡 好足料有落d比d醬煮到入晒味既芋頭(?)總之就好好食由於我堂食 所以阿姐幫我翻熱但應該叮得唔夠耐 所以都只係少少暖如果熱d應該會再好食d我見佢d點心9蚊件 有個買4送1既優惠下次食試埋其他款先芋頭糕 白菜餃 芝麻卷 腐皮卷果d我都想試

油塘不嬲都唔多齋鋪，難得有一間仲要開喺鯉魚門廣場，佢來講都係十分之方便☺️😍😍而且性價比都算幾高，味道唔差，一個月食返一兩餐罪惡咁都冇咁大呀😂🤣//通常有一個人都會嗌佢嘅細齋，會揀齋叉燒同酸齋，全部都整得好入味👍🏻👍🏻👍🏻👍🏻齋叉燒唔會太過硬，好易咬到😋😋酸齋亦都夠酸，感覺佢地呢到嘅色素唔會放太多，咁就食得安心啲啦😃😃//有陣時我仲要食佢哋嘅腸粉，蒸得好滑，嗌埋多醬真係幾正！

星期一至日，都會每日有兩款不同嘅廚師推介素菜，而且每天都有唔同款式點心。主食可選擇白飯，腸粉，炒麵。仲有卡仔可以儲分。兩餸選擇了素鰻魚，脆炸素肉排。因為無飯，姐姐俾左腸粉我，原來冇用豬油嘅腸粉一樣咁滑🤤係素鰻魚比較乾同硬。佢地仲有每日廚師推介，少油少糖少鹽，多纖維，下次等我試埋其他素菜款式，仲有記住自備食物盒就更Perfect。

雖然有時連鎖式經營嘅齋舖未必好食，即使同一品牌，唔同分店味道都會有出入🙃。但係我自己本人就幾鍾意天天素食既齋😆。甜酸有咬口係我嘅口味，我通常都會買細盒齋，3款都係會揀甜酸口味🤤。一盒細齋$10，可以揀3款，價錢都算幾公道👍🏻，仲有份量足，唔會因為大件就比少2舊，真係有良心❤️。🔻齋雞腎，齋叉燒，甜酸齋🔻3種齋都係酸甜開胃款，齋雞腎係最好口感，煙韌入味😬，齋叉燒就較軟糯。甜酸齋就大大件，一開2，食落口好爆汁，好滿足🤤。其他分店係咪咁我就唔知啦，我淨係知依間質素幾好👍🏻

呢間不嬲出名腸粉同點心，今日放假唔想出街，喺app見到有得叫，原來有飯餐，有中湯，我再叫埋點心留返下午茶，滿足！見佢連粥，黐飯，涼茶都有，下次病係屋企可以叫，返工又可以叫到點心外賣，正！