天月居

營業中

休息中

今天我到KCC的天月居享用午餐，這裡向來是個中規中矩的選擇。這次我發現他們有新推出的牛拖羅拉麵，照片看起來相當吸引，牛肉半生的做法讓我非常期待。然而，當我看到實際上桌的樣子時，真有些失望。雖然味道還可以，但和菜單上的圖片相比，差距實在太大了。牛肉的熟度不夠，擺盤也顯得隨意，完全沒有圖片中的那種食欲感。如果改名為熟牛肉拉麵，並調整一下照片，或許會讓人感覺好多了。這次的經驗讓我考慮，下次再來時，可能會選擇熟悉的靖魚定食，因為那道菜一向讓我滿意。

九龍貿易中心嘅餐廳真係不多而且好食嘅餐廳更加不用講🥲呢間餐廳雖然細細地但勝在係食物好食但lunch time 好多時會full哂😢最常食係叉燒拉麵🍜叉燒整得好淋同好香，拉麵都唔會好硬或淋！

有一段時間要去九龍貿易中心工作，這間是最經常吃的餐廳🍴環境就係一般般，枱與枱之間真係幾迫但lunch menu有好多選擇😝鰻魚滑蛋飯好大碗而且蛋好滑，鰻魚都冇骨配飯食好夾！

午餐鰻魚蛋飯，蛋顏色幾靚但唔係幾夠滑身，鰻魚肥美，食物都快上枱，加埋一80幾蚊，午餐嚟講可能有啲貴，服務ok，整體來講不錯.#lunch#鰻魚#うなぎ#午餐#蛋#葵興#ランチ

今日放大假，去葵興搵朋友食lunch，happy Friday啊，朋友話想食得好啲。睇餐牌都幾吸引。不過價錢唔算平，仲要再加一服務費。雞扒定食，同豚肉定食加埋一，再加$3有可樂，$132兩個餐。不過份量都對得住呢個價錢嘅。舖頭空間比較細，所以比較迫。食物質素都正正常常，勝在有蒸蛋，正餐，甜品，豆豉湯，咩都有啲，感覺都幾豐富。

約姪仔食飯，佢話：我要食日本嘢！心諗：乜葵興有咩？噢！原來响KCC。雖然我住附近，但平日好少嚟，平常都係去葵芳多，今日一於嚟見識吓。天月居，一入眼嘅係滿牆嘅漫畫，模型。感覺好似去咗日本啲小店咁。打開餐牌，有拉麵、定食套餐、丼飯、炸物、小食。價錢$60-$100，幾大眾化。主要客源應該係樓上寫字樓。初嚟步到，點咗最基本嘅叉燒拉麵、豬軟骨拉麵、好多人點嘅雞扒定食、被推介嘅吉列豬扒定食。叉燒拉麵湯底係比較少見嘅清湯底（聽講係雞湯），口感清爽唔油膩。叉燒厚切兩大塊，肉味濃郁，仲有半隻流心蛋配海帶，整體味道好夾，而拉麵麵質又爽口彈牙。雖然看似份量唔多，但食完好飽吓。豬軟骨拉麵豬軟骨俾醬油鹵得好入味，軟骨之間嘅肉都幾多，唔會只係得啲骨。因為豬軟骨嘅鹵汁關係，佢嘅湯底會比叉燒拉麵濃啲。拉麵套餐配一款小食，我揀咗雞骨腸，炸春卷。雞骨腸超好食，肉味香濃，下次必點。炸春卷好香脆，睇得出係自家製嘅。雞扒定食雞皮煎到脆卜卜，配日式燒雞醬，甜甜地，冇油炸咁油膩，難怪咁多人點。定食套餐有茶碗蒸、麵豉湯、沙律、主菜、白飯、葛餅。份量足啱晒餓底。吉列豬扒定食吉列豬扒超大塊。厚切豬扒，皮脆之餘肉汁又多，真係大滿足，果然

lunch time係KCC唔知食咩好，就見到呢間唔洗點等位，食下日本定食都唔錯咁🤔鋪內環境坐位唔叫多，但佢有分室內同室外坐，咁我怕熱就當然坐室內啦！🤣叫左個照燒雞扒定食， 佢跟嘅泡菜分量 多到😂， 呢間明明係日式餐廳點解會跟泡菜😅而我本身唔係特別鐘意食泡菜，所以食左一兩啖就冇食了至於主角照燒雞扒， 分量都夠多， 個皮煎得幾脆，不過有某啲位有少少燶會苦苦地🤔叫做合格既都！個茶碗蒸唔知點解正係得半滿， 食落去雞蛋嘅味道比較淡， 同埋我第一次見有人落蝦米落去茶碗蒸😂💭 Overall comment:呢間餐廳普普通通啦，lunch time周圍都要等位但呢間就唔洗點等🤫 一個set有湯有埋甜品都算係咁🤣🍽食物: 6/10🌌環境: 6.5/10👔服務: 6/10🎖CP值: 6/10

今日係ＫＣＣ叫左個吉列豬扒定食外賣，成個餐最正常只有溏心蛋，吉列豬扒不能說是豬扒， 因為只是一團散肉夾埋一齊炸，口感非常差，十分需要改善。------------------------------

餐廳有室內同室外位，等候嘅時間都唔算耐，今次等咗大約10分鐘左右就入得了叫咗個日式芝士年糕定食套餐，個茶碗蒸食得出落咗雞湯，比出面日式餐廳嘅茶碗蒸濃味，質感都幾滑溜，唔錯個炒年糕有驚喜，雖然唔算有好濃嘅芝士味，但係炒年糕配嘅甜酸醬甜甜酸酸又有少少辣味，同年糕配合得幾好，會令人越食越想食但食完個炒年糕之後，其實都已經幾飽下，女士嘅未必會食得落整碗飯，今次做咗少少大晒鬼！如果預自己食唔晒，食呢個餐下次可以試吓叫小飯或者走飯都可以！跟餐的小甜品朱古力蛋糕都幾好食

九龍貿中心認真冇咩嘢好食🤥唔打唔撞入咗去間日本嘢食點知拉麵又幾好食喎🤤但店裡面嘅坐位比較少所以就坐咗出面🪑點知食食吓落雨😂搞到好似好浪漫咁食嘢🤭🔺叉燒拉麵🍜(包一款小食) $69拉麵硬度適中🙌🏻叉燒好林同好入味😚 溏心蛋認好好食🤤蛋黃真係半熟🥚同埋好入味‼️而湯唔知點解比較少😂但清清地唔會覺得飲緊味精湯🤭🔺炸南瓜薯餅🎃 (拉麵包嘅小食)呢個認真麻麻😣完全食唔到南瓜味😕胡椒味就好重🤥但佢真係好脆🙌🏻旁邊仲有d沙律菜同胡麻醬🥗下次再食真係唔好揀呢個小食🤧🔺蒲燒鰻魚丼飯🍱 $78定食有飯🍚麵x湯同沙律🥗鰻魚認真麻麻好食😣鰻魚唔太林🐟而雞蛋係幾滑但完全食唔到雞蛋味😶個汁都ok嘅但唔知點解同d飯有d唔太夾🤭沙灘醬係胡麻醬,上面仲有d雞肉🐣但有少少雪味🤫整體來說下次絕對唔會叫呢個🤧

豬扒比我想像大，口感非常好，雖然豬扒肉質唔算太滑，但表面既吉列皮剛剛好，唔會影響到豬扒的口感，食得出塊扒係新鮮炸。不足的是日式蒸蛋，蛋太多水，有形狀沒蛋味，味噌味道沒有驚喜，略嫌普通。整體價錢非常公道。

葵興地鐵站附近嘅商場kcc lunch時間人頭湧湧好彩早少少到 可以直接入去用餐打開餐牌見佢lunch只有拉麵及定食。泡菜豚肉飯 (HK$59)佢主食之外仲有茶碗蒸、麵豉湯、沙律同和菓子泡茶豚肉唔會太重口味 酸甜多過辣啲豚肉唔會煮到太老送哂成碗飯 都仲有豚肉定食份量都幾多 岩食量大既朋友茶碗蒸就不過不失 冬菇蝦米香但係蛋老左少少木魚湯太多令到蛋比較甘湯完全唔夠味 叫做有熱飲落下肚咁和菓子內邊有豆沙餡 唔會太甜但由於個餐份量太大都無咩食到。缺點一黎個杯裂左好彩發現得早LOL同埋睇得出人手唔算好夠不過係叫做份量取勝又叫做正常味道欣賞佢成個set咩配菜都有啲 可以一餐內邊咩都試左質素普普通通既日本定食。味道:5.5/10價錢:6/10環境:7/10。天月居葵涌葵昌路51號九龍貿易中心2座2樓M03號舖

附近返工咁耐都未試過，原因是平日午餐時間都較多人等位入座。星期六過了午餐時候，人流減少，自然不用排隊就可以入內進餐。第一次食呢間日本菜已經覺得可以再光顧了。雖然呢間日本餐廳無刺身同壽司，只有拉麵及定食，但款式都算多。今餐我與同事都揀了吉列炸蠔定食。定食包括︰炸蠔、白飯、麵豉湯、茶壼蒸、沙律及和菓子。價錢加埋一都係七十多元。價錢十份抵食。主菜吉列蠔共有五粒，炸粉唔厚，蠔亦好新鮮，粒粒脹卜卜又重蠔味。另外茶壼蒸夠香蛋味，麵豉湯就偏咸，拎黎撈飯都可以。平時食開的和菓子味道都偏甜，但偏偏這塊豆沙和菓子味道不甜。下次再光顧的時候，必須要點它的拉麵嚐嚐。

我最近去了葵興上班，找到間不錯的餐廳： 天月居， 在葵興九龍貿易中心二樓，平時上班時間午餐的時候都需要排隊，我點了鯖魚定食，食物新鮮而且豐富，有湯，水蛋等配菜，味道很不錯！ 值得再次光臨！

葵興番工真係冇咩好選擇，呢間係KCC既日本菜都算唔錯。lunch time好多人等，人手唔算好夠，但野食ok，耐唔耐都會黎呢間食。.今次嗌左吉列廣島蠔，有成5粒，都夠你送哂成碗飯。另外，佢有茶碗蒸、湯同一粒甜品，成個set咁咩都有啲，唔錯。.講下味道先，茶碗蒸黎講，呢個價錢算唔錯，蛋都香，仲有啲配料係入面。湯就普通，果粒甜品唔會太甜，係豆沙餡。.吉列蠔先係重點，size正常，唔會太細粒，炸到粒蠔入面仲好juicy，蠔味都重。個蠔表面都唔會炸到好乾，食完都唔算熱氣，不過share就更開心。