影片
更多
2022-06-10
2630 瀏覽
約姪仔食飯，佢話：我要食日本嘢！心諗：乜葵興有咩？噢！原來响KCC。雖然我住附近，但平日好少嚟，平常都係去葵芳多，今日一於嚟見識吓。天月居，一入眼嘅係滿牆嘅漫畫，模型。感覺好似去咗日本啲小店咁。打開餐牌，有拉麵、定食套餐、丼飯、炸物、小食。價錢$60-$100，幾大眾化。主要客源應該係樓上寫字樓。初嚟步到，點咗最基本嘅叉燒拉麵、豬軟骨拉麵、好多人點嘅雞扒定食、被推介嘅吉列豬扒定食。叉燒拉麵湯底係比較少見嘅清湯底（聽講係雞湯），口感清爽唔油膩。叉燒厚切兩大塊，肉味濃郁，仲有半隻流心蛋配海帶，整體味道好夾，而拉麵麵質又爽口彈牙。雖然看似份量唔多，但食完好飽吓。豬軟骨拉麵豬軟骨俾醬油鹵得好入味，軟骨之間嘅肉都幾多，唔會只係得啲骨。因為豬軟骨嘅鹵汁關係，佢嘅湯底會比叉燒拉麵濃啲。拉麵套餐配一款小食，我揀咗雞骨腸，炸春卷。雞骨腸超好食，肉味香濃，下次必點。炸春卷好香脆，睇得出係自家製嘅。雞扒定食雞皮煎到脆卜卜，配日式燒雞醬，甜甜地，冇油炸咁油膩，難怪咁多人點。定食套餐有茶碗蒸、麵豉湯、沙律、主菜、白飯、葛餅。份量足啱晒餓底。吉列豬扒定食吉列豬扒超大塊。厚切豬扒，皮脆之餘肉汁又多，真係大滿足，果然
天月居，一入眼嘅係滿牆嘅漫畫，模型。感覺好似去咗日本啲小店咁。打開餐牌，有拉麵、定食套餐、丼飯、炸物、小食。價錢$60-$100，幾大眾化。主要客源應該係樓上寫字樓。初嚟步到，點咗最基本嘅叉燒拉麵、豬軟骨拉麵、好多人點嘅雞扒定食、被推介嘅吉列豬扒定食。
叉燒拉麵湯底係比較少見嘅清湯底（聽講係雞湯），口感清爽唔油膩。叉燒厚切兩大塊，肉味濃郁，仲有半隻流心蛋配海帶，整體味道好夾，而拉麵麵質又爽口彈牙。雖然看似份量唔多，但食完好飽吓。
豬軟骨拉麵豬軟骨俾醬油鹵得好入味，軟骨之間嘅肉都幾多，唔會只係得啲骨。因為豬軟骨嘅鹵汁關係，佢嘅湯底會比叉燒拉麵濃啲。
拉麵套餐配一款小食，我揀咗雞骨腸，炸春卷。雞骨腸超好食，肉味香濃，下次必點。炸春卷好香脆，睇得出係自家製嘅。
雞扒定食雞皮煎到脆卜卜，配日式燒雞醬，甜甜地，冇油炸咁油膩，難怪咁多人點。定食套餐有茶碗蒸、麵豉湯、沙律、主菜、白飯、葛餅。份量足啱晒餓底。
吉列豬扒定食吉列豬扒超大塊。厚切豬扒，皮脆之餘肉汁又多，真係大滿足，果然係店入皇牌。而最最最大嘅吸引力係定食價錢，$6X 邊度搵？
埋單時問店員呢度開到幾點，打算下次再嚟，店員竟然話：平日開到3點，星期六4點半，星期日休息。
究竟係咩食肆咁有本事只係開半日呢？🤔 真係試下就知喇！
張貼
