天機棧 (已搬遷) 新店位置

己經去天機棧食過幾次o野啦~d野真係唔錯...不過我唔食牛...所以選擇其實唔多...最喜歡佢有個炭燒唔知咩豬柳伴青蘋果汁...有好香o既炭燒味道...青蘋果汁酸甜濃淡恰到好處......不過哩個主菜唔係成日有囉...我食過一次咁大把咋.........上次我媽媽食o左個羊架...我試o左少少...都好食...唔會好so...又好淋...仲有仲有...平日去食西餐...我通常飲紅湯唔飲白湯...第一係因為我比較喜歡飲蘿宋湯...第二係因為出面好多餐廳o既白湯好無誠意...用x寶加料煮...但係哩度唔同...佢個白湯甚至乎係上次飲果個南瓜忌廉湯係自家制...好味...飲品呢...我好老土...通常都飲奶茶...佢d奶茶ok喎...拍得住茶餐廳果d...甜品我就揀o左心太軟...第一次食覺得唔夠熱......所以第二次講明叫佢要熱d.......咁第二次係熱d...但係唔知點解個外表都唔夠我以前晌"如"家媽媽度食果個咁少少脆脆o地...雖然消費唔算好平...但係最緊要係d野好食...

叫了兩個餐，頭盆要了巴馬火腿併蜜瓜，鴨胸沙律。巴馬火腿併蜜瓜，一鹹一甜，幾得意。鴨胸沙律，鴨胸有D油過頭,同幾肥下。主菜係香煎鵝肝牛柳，肉質唔係差, 有牛味，有少少韌，唔難食，但個鵝肝好好好油阿！另一個係T骨扒餐，7成熟，但煮過頭，變硬了！甜品叫了朱古力心太軟，都是軟滑的，朱古力夠香濃，朱古力醬都好好味！酥皮蘋果批也是一般！環境好暗同幾逼下！

今日同個FD 去食下午茶食左2個SET~ 夏威夷菠蘿芝士焗飯 同 辣肉腸炒長通粉各$28 加 $10有心太軟都OK既,不過份量比較少夏威夷菠蘿芝士焗飯--- D肉加汁幾好,但飯較硬辣肉腸炒長通粉---我唔太中意佢D汁,辣肉腸好味環境優雅~~

用fair 嚟形容比用bad 合適, 講既係天機棧$238一個二人餐, 係老婆仔帶我去食, 話個心太軟好多人讚! 頭盤係caesar salad, 無咩特別, 幾塊生菜, 一住沙律菜加一般味既沙律汁.. 另外田螺焗薯都係一般... 薯蓉得個甜字, 但係唔香跟住餐湯係好似同羅宋湯無咩分別既意大利菜湯, 味道當然係一般羅宋湯味啦... 主菜係肉眼扒, 五成熟, 其實肉質唔係差, 都唔算難食, 不過個汁就唔係好夠味最後個心太軟出場了, 都ok好食啦, 總算叫老婆仔不至完全失望而回, 當我雞蛋入面tiu骨, 個朱古力蛋糕可以軟熟一啲就叫好食... 俾ok, 係因為兩個人食, 二百五, 可以接受, 唔係搶錢, 但就不見得好好食..

我真係未試過去一間餐廳...食一個 $178 既SET 都可以咁難食...我寧願去大家樂食好過.....好多人都話D 野好味...但我一D 都吾覺得...... 完全難食......@@同友人睇完戲就去左LEE 到食...因為網上D 人話都幾OK~~我地叫左個SET DINNER ~~紅湯: 無味...好似水咁....肉眼扒: D 筋多到据吾開....好難食落肚~~ 甜品: 酥皮蘋果卷.....>> 我覺得好似M 記蘋果批~~我友人同我一志認為去食大家樂好過....好彩我地叫左一個SET ...吾係真係!!!!!!!

第三次係呢到食飯, 之前亦post 左一次食評但係搵唔返, 點解 今日同個老死係到食個 Tea , 平均也只是 $24 - $28 好抵食 其實我真係幾掛住佢地既心太軟架, 而套餐加多十蚊就可以食到, 真係開心死 老死 : 西冷牛掛拼飯 $28 : 友人狠狠地把牛扒分開, 大啖大啖地送人入口, 還說"大件夾抵食"呢 小女子 : 芝士火腿三文治 $24 : 由於今晚要食餐勁野, 所以要留力, 食點輕盈野 ..... ... 香脆麵包芝士亦微溶, 正常野, 但 配菜不知是什麼, 濕濕的, 無食 伙記一收碟已即上甜品 : 二個心太軟放在眼前, 陣陣朱古力香 , 與老死急不及地切開.. .. 香脆外皮, 朱古力一 湧而出, 忘記了要拍照, 真是十分讚, 只恨份量太細, 可否做個 Jumbo size 呢

夜晚放左學之後,就落左旺角同 tama 一齊食晚飯.我地要左個二百三八元既二人套餐.頭盤 :焗帶子 – 熱辣辣,好香garlic,好好味 沙律 – 好 fresh,沙律汁唔會太多,好健康Soup: 南瓜湯 – 幾好味,都有些特別 ~ 附送蒜茸包 – 好脆好香口Main Course:牛柳拼鵝肝 – 熱辣辣既鵝肝加埋一塊香脆既蒜茸包,配合得天衣無天縫,好正!!! 7成熟既牛柳都幾好味,ok 淋身,唔um,唔會弄得過熟.西冷牛扒 – 牛扒肉質幾好, 不過份牛扒弄得唔太熟, d肉太紅生左 d , 5成熟變左 4成 ,差左些少! ......有待改進.甜品: 心太軟 – 勁多朱古力漿,勁正,好好食呀 !!! 香蕉 pancake – 都幾好味 ~ ~上堂果陣勁肚餓,但食完呢餐,真係勁 full 呀, 好滿足 !! 下次一定會再幫襯呀 ~ ~ 值得推介 ~ ~題外話 : 晚上九點半後75折.

想搵好食既西餐,想食好食既甜品,之前睇左openrice,有點期待,因為見個心太軟咁多人讚,好似好好食,好想食地點唔算易搵,喺創興後面街,好細個門面,入到去係全男斑侍應生,不過招呼倒唔係太差,男仔都唔係一定粗魯二人餐$238..有沙律,湯,主菜,飲品,甜品各兩個,覺得唔係太貴,不過野食食完之後覺得唔係好值,因為味道只係麻麻,好像個主菜伴碟的菜係翠肉瓜,怪怪地,只係一般港式西餐做法,焗田螺既薯蓉唔夠熱唔香,像一早預備好有單就番熱既感覺心太軟做得算唔錯,個心夠香,殼既蛋糕就幾好食!

约朋友到旺角GATHERING, 一行三人到這間人氣不錯的餐廳食DINNER. 看完MENU, 我選了碳燒T骨扒餐. WAITER 問我幾成熟. 我話6成. 他說因為很難分辨, 所以只有5 OR 7 成. 那我只好選5成. 晚餐很快到. T骨扒上有碳燒的網紋. 從這麼短的時間來看, 這些網紋應該只是一些FINAL TOUCH. 扒的THICKNESS真的比早餐牛扒厚一些而以. 吃了一口, 肉質有SODA 粉效應,味道有點酸, 很多筋. 有外表, 無內涵...

今次已經係第二次踏足呢度, 因為環境唔錯, 所以決定再來今次試食多左好多野, 上次無食甜品...叫左個二人餐, 因為九點半後七五折, 所以都幾抵食前菜x2, 煱帶子好香口, 好味。另外個個no way!!!餐湯幾好啦羊扒確實讚!!! 個汁好香好好味!!!牛牛個個一般...甜品確實係最讚!! 我這個對朱古力不甚興趣的也覺得心太軟不錯!!!至於酥皮蘋果批... 也不錯啦~~

另一旺角目的地係天機棧二人入座選擇一個二百三十八蚊既二人套餐,加埋一要二百六.. 包括兩個前菜,兩份主菜,兩個湯同兩份甜品...仲有兩個餐飲,差d唔記得左..前菜係凱撒沙律,奇怪係d生菜係暖暖地,加埋沙律汁食,味道總係怪怪地..沙律汁都唔係特別好食咁,似係卡夫醬咁.. 另外仲有個焗帶子, 一般啦主菜係鱸魚同牛柳,配白飯同一些脆肉瓜同紅蘿蔔,唔難食,但係無咩特別..牛柳都算淋,ok!湯係意大利菜湯,即係羅宋湯,不過不失吧甜品當然揀左一致公認好食嘅心太軟啦,可以話係成個餐比較好嘅食物,因為佢嘅朱古力心個比較軟滑,同埋有淡淡牛油味滲出,唔錯不過只係甜品好,所以都唔算係一間大力推介嘅舖了

朋友介紹, 話呢條街有間食西餐地方, 咁就去試啦.呢間餐廳旁就係一個多層停車場. 可以方便泊車.7..30分入到去, 都幾多人, 要上樓上坐.睇餐牌以西餐扒類為主, 意粉飯都有. 仲有2人餐. 都算幾多野簡.我地3人都簡同一樣野, 肉眼扒. 我就叫5成熟, 其餘朋友叫7成熟.餐湯都有得簡, 我飲左個cream 吞拿魚湯. 有一片蒜蓉包送. 湯唔算好好味, 過得去.主菜個扒賣相都ok. 食落味道真係又幾得喎. 不過我朋友就唔係咁好, 因為佢叫7成熟, 但佢果件似5成. 結果就同佢講, 最後佢都換過另外一份. 真係專業. (唔係番叮再比番你) 不過講開又講, 你講5,7, well done 都係靠估, 香港冇咩邊間食扒真係有咁專業. 但係100蚊set 算係咁啦.仲有包一個餐飲都幾大杯.最後食完都冇趕我地走, 或者都仲叫有檯. 結果坐多30mins 我地先走.

9 MAR,2009好耐冇黎lu,朋友約食飯,於是再食一次...7pm多到,冇咩人,叫了二人餐....叫野食時,個waiter幫我地諗埋要薯菜定意粉,攪笑~不過是有禮貌的~都係比下意見姐~ 朋友點了食羊,我就食牛.....前菜兩個都好好食.. 甜品必叫心太軟~真係好味!!!! 不過呢到既甜品都不錯的,推介!!!基本上,水準都算係keep到丫,只係好似加左少少價..[ 之前聽人講話水準下降~]

下班後，跟他特意到旺角、位於砵蘭街的《天機棧》吃飯。雖然餐廳內剛好有桌子，可是我們特別要求坐閣樓，於是待了約15分鐘才能入座（還襯這小小的時間走到附近的公和吃了個豆腐花及喝了杯豆漿呢）。就這樣我倆跟著女店員，沿餐廳大門右側、掛著「xx賓館」的唐樓樓梯走到閣樓，心想「會唔會比人以為開房嫁？！」，嘿嘿…一走進去，喔，這裡應該是讓人包場的「party room」吧，內裡有十數張桌子左右（有的是安放於長沙發旁的），還有個正在播放ktv的大屏幕呢！燈光昏暗、裝潢挺浪漫的喇，只可惜那時食客太多了，尤其是那些「良朋知己」配搭的喧嘩聲，再加上閣樓好像沒有窗子、樓底又矮，令聲音困住了於室內，感覺「好嘈呀～」（他說上次跟朋友到來被安排坐閣樓，那時因閒日的關係沒那麼多人的）…雖然環境比想像中遜，可是餐廳的木製menu封面卻讓我感到驚喜。我們點了二人套餐（$238），包括兩客餐湯、頭盤、主菜、甜品及飲品。先端來我們的紅湯及白湯，還好，我的紅湯內雜菜份量頗多的喇，白湯則混入了點海鮮吧…之後是巴馬火腿併蜜瓜及哈蜜瓜（我是第一次嚐這種「法式」吃法），巴馬火腿與蜜瓜一鹹一甜的配搭的確蠻過癮，只是蜜瓜不太新鮮，應該是放

情人節同男友來這裡吃晚飯，訂了六點三，上左一樓，每張枱都有一個小蠟燭，都幾浪漫，燭光晚餐呀。情人節餐$398。開餐前還幫我們怕了即影即有的相，幾特別呀。頭盤四選二，點了香草牛油焗玫瑰鮮帶子和鮮蟹肉白菌酥盒。兩個都唔錯，帶子有薯茸，酥盒好鬆脆。餐湯三選二，點了龍蝦海鮮湯和意大利雜菜湯，附送蒜茸包。龍蝦湯好鹹，好似鮑魚麵味。雜菜湯，普通的羅宋湯。蒜茸包好硬。主盤八選二，點了蒜茸牛油扒大蝦配美國豬鞍扒和龍蝦汁海鮮意大利飯。大蝦好味，肉好爽，幾多膏。豬鞍扒較厚，有點靭，切到我手都累，冇咩味。意大利飯起初以為同個湯一樣暗紅色，點知是淡色的，都幾多料：硯，青口，三文魚，魷魚，不過就冇咩味。甜品四選二，點了金莎朱古力心太較和意式焦糖燉蛋。心太軟唔流心的，但食落就好濟，招牌甜品都係麻麻地，唉，失望。焦糖燉蛋以為是熱的，點知凍的，味道ｏｋ。不過太飽，甜品吃剩一半。餐飲提供特飲金莎朱古力，由於我們怕很難飲，所以只點了一杯試下，還是點一杯凍檸茶穩陣。結果那杯特飲真的唔好飲，味道是溝了水的金莎朱古力味。