天池日式放題 (已結業)

呢排返工好攰老婆見狀 話請我食晚飯獎勵我於是呢晚收工去咗旺角食天池日式放題因為我哋帶埋一對仔女去店員服務好好幫我地安排位置擺BB車環境唔錯坐得都好舒服開始點餐全程用手機落單10分方便而且上菜速度都好快質素方面真係冇得頂食過好多日式放題係就係抵食 但一般味道都普通不過呢一間天池味道水準真係一流貼近日本刺身嘅質素鮮甜味美天婦羅炸物同烏冬都好啱小朋友口味最值得一提係牛舌以前食開牛舌都係比較薄身但係呢間嘅牛舌好厚身不過最正係入口即溶唔會太過韌一試難忘壽司同海膽都好好味另外仲要推介榴槤炸波波外脆內軟而且熱辣辣咬入去啲榴槤Bit曬出黎又香又甜係我食過榴槤副產品入邊最最最好食嘅一樣飲品方面除咗汽水茶之外竟然有得任飲麒麟啤酒🍻仲可以加沙冰喺面 超正！雪糕雖然唔係Häagen-Dazs但係味道一啲都唔失禮而且仲有好特別嘅口味有港式奶茶 玄米茶但最好食都係沖繩海鹽真係好似係日本食到嘅雪糕感覺臨走之前當然要影相打下卡店員主動幫我地揸機仲幫我地搵埋影得好嘅置真係好貼心總體來說服務同食物質素都好高希望可以keep住呢份令人搵返放題嘅感動我一定會再幫襯😊😊

對上一次食放題耐到我都唔記得咗係幾耐之前之前食放題真係中伏過好多次刺身種類少 又唔新鮮 嘢食又唔熱 同埋都越嚟越貴今次係因為朋友話見到一間新開嘅放題想試本來都係抱住陪人食嘅心態但係估唔到有驚喜 出乎意料地好食二人同行仲會送半版海膽我哋加咗$88升級 多咗好多款刺身竟然會有帶子 赤海蝦 油甘魚 甜蝦仲要係好新鮮 雖然呢度嘅熱食款比外面嘅放題好似少啲但係佢每一樣野都係好食最重點嚟到都仲係熱熱嘅嘢食真係會加咗分同埋上菜嘅速度都好快唔會點完之後冇黎 又或者要三催四請同埋都有啲特別嘅嘢 好似海膽芝士醬沾面我個人推介牛尾同牛舌 煮得好淋仲有榴槤炸彈超好食 我哋encore左幾次呢度除咗普通罐裝飲品係任飲之外我哋升級左所以連生啤都係任飲雪糕🍦唔係得普通朱古力雲呢拿味仲有沖繩海鹽 玄米茶 港式奶茶 菠蘿椰子真係好少何放題我會再想食非常之值得推介俾大家👍每人$320左右

記得之前店都是經營日本料理，今次再來發現已是開張了個多月食日式放題店。 我們平日晚上來，用餐時間是120分鐘，如19:30pm前離座的價錢是$178，升級Menu加$88，抵食欣賞呢度員工的服務唔錯，態度好，上菜的速度快，無漏單嘅情況！食物方面幾高質，每款食物都熱騰騰上檯，燒物是非常出色，配搭的醬料有特式又好味。除了壽司，刺身，串燒，鐵板燒，天婦羅等多款食物外，飲品方面有罐裝啤酒，生啤同黑啤，甜品等等。焗黃金大虎蝦🦐 - 焗至剛剛好，睇落唔算好大隻，但就啖啖肉 白汁芝士焗扇貝- 淡淡芝士味同扇貝的鮮味好夾！娘惹黑豚串伴芒果醬- 食一串唔夠再Encore,個醬汁超好味，酸酸甜甜！胭脂蜜香燒菠蘿- 上面有少許辣粉調味，酸酸辣辣蠻特別，我鍾意！出面好少食到牛油意大利瓜配車厘茄- 超香牛油味，翠玉瓜大件又多汁，食過返尋味！墨汁蜘蛛卷- 用軟殼蟹做的特色壽司，可以一試🍣炸天婦羅有南瓜蟹柳同蝦日式芝士炸年糕前菜-海蜇素翅鐵板燒櫻花蝦炒通菜燒物都保持到熱辣辣咁上枱，讚自己斟啤酒，加入濃濃嘅泡沫，大滿足🍻店內設有飲品和甜品自助區，但我食得太飽已經食唔落環境乾淨又舒適，走廊寬闊，即使一大班人亦可坐卡位！

生日繼續放縱自己，約好老公放工一齊去食放題！ 呢間樓上鋪新開張，係譽發廣場1樓， 係油麻地地鐵站附近，交通方便！放題有刺身、壽司、卷物、串燒、炸物、鍋物和一品料理。 仲有加埋88蚊試可以升級放題，有kirin生啤任飲和升級美食，阿根廷珍寶赤蝦刺身、海膽蝦筒等等！升級版有焗海胆黃金蠔，清甜有蠔味。 焗黃大虎蝦， 肉質彈牙蝦頭有膏 。鐵板牛柳粒，嫩滑juicy！這裏的杯裝雪糕有很多特別口味，菠蘿椰子、芒果、雲呢拿、海鹽、玄米、港式奶茶、數之不盡！ 試咗兩，味道不錯，意想不到的驚喜！

有次同姊妹慶祝生日，又喜食日本野，就揀左新開張又性價比高既放題。😉入到去，地方好闊落，好多沙發卡位。環境地方乾淨整潔。用電話掃qr code order既，好多刺身選擇，由其貝類 蝦類 仲有吞拿魚，正😍 蝦都好鮮甜同肥美。菜式有創意，加上着重味道既細節，超級細心。成個野飲雪櫃自己揀自己拎，而且新加有啤酒自己針，針完隔離會有泡泡可以自己按量加。雪糕櫃，d味超fusion 有港式奶茶，海鹽焦糖，紅豆，玄米茶 (個人超推介玄米茶，真係香茶味)店員都好nice

放題好處就是喜歡就點，所以要選一間多種類的，如果有特別的食物更好。今天到旺角維修後搵食，收到傳單說新開的，還有試業優惠午餐只需99元，看看menu後就上樓了。 menu除了有各款各式的食品，還有自助區可取小食，麵豉湯，包裝飲品，啤酒及雪糕餐廳人流不少，所以食品都很新鮮，刺身都鮮甜的啊。某幾款即點即燒的，還可看到火喉，食物惹味吸引，若有醬汁的，都配搭得很好。鐵板鐵鍋的，都熱辣辣上枱，香味已經吸引，入口更加令人讚嘆，該辣的，香的，甜的都齊呢餐廳上菜速度極快，更加值得一提是，很多也是一件一隻一個一粒落單的，不怕上枱吃不完用甜筒作為容器的海膽刺身，夠特別吧，而且新鮮又好味自助的雪糕味道選擇也很多，隨意挑了4款，但特意的拍了2款味道較少見的，味道特別也很好吃，尤其海鹽味道在口腔內徘徊很久呢最後忍不住加了88元升級，真的不後悔啊，因為真的很好吃，幾款再重點的都是升級menu內啊，2人共消費了409大元90分鐘很快便到了，親切的店員提醒時間，已經跟朋友約定下次必定再來啊

除左靚靚Tea之外，小p都好鐘意食放題😋今次想介紹呢間放題新開業無耐味道唔錯而且款色都幾特別😆店鋪用QR code落單 有自助飲品甜品吧+$88就有個升級優惠 除左食物多左款之外 亦可以啤酒任飲🍻 個人黎講覺得幾值得加😆👌🏻放題實在太多款式 小p就揀幾樣特別黎講下海膽刺身蝦甜筒🦐名如菜式😂將海膽同甜蝦一齊放係個脆筒到雖然放埋一齊幾特別，但食落同分開食無咩分別😂可以點黎打下卡流心玉子蛋卷千層塔🥚🥚🥚其實係唔流心既一個玉子燒😂但！！！佢每次都會煎到微微脆邊 配上佢既甜甜地既燒汁 小p就覺得好好食🤤佢每次叫一份都會上4條小p起碼自己都食左兩份🙈👍🏻大大力推白汁芝士焗扇貝🐚平時食放題d扇貝通常都細細粒 然後食曬成個都唔知自己有冇食到個扇貝😂但呢一間就好唔同 無論係扇貝定帆立貝都係大大粒而且好鮮味🤩👍🏻👍🏻大推焗黃金大虎蝦🦐直接上圖話你知幾足料幾多肉食😂👍🏻大推菠蘿又甜又juicy🤤大推+1🍍甜品方面佢有兩隻幾少見既雪糕分別係玄米茶同港式奶茶口味🍵茶味略淡 甜味偏低 不失為一個健康之選

好耐冇食個放題，原來現時的日式放題餐廳已經進步左好多，唔再係我細細個時去的劈場。朋友仔約我到油麻地，目的地裝修幾靚，座位闊落，絕對唔俾標準的日式餐廳遜色。睇睇價錢， $200一位有找，加$88仲可以升級食多款尊貴美食。沙律、汽水、甜品等等都係自取，而且賣相都唔錯。其他食物就可以用電話落單，好方便。選擇都幾多，當中亦不乏貴價食材。刺身質素都算幾好，魚生全都新鮮有光澤，入口有鮮味又有魚味。壽司一口一件， size剛剛好。其他熟食大部份都幾好食，而且賣相仲唔錯添！天婦羅有好多選擇，有蝦又有蟹。熟食當中，最出色的就是燒茄子同埋壽喜燒。燒茄子火候剛剛好，表面有一層甜甜地的醬汁，內裏軟綿綿。壽喜燒係我喜歡的味道甜甜地，好惹味。整體而言，都係幾滿足的。估唔到現時的放題餐廳已經進步左咁多，落單快而準，食物賣相同質素都提升了很多，甚至比得上其他日式料理的單點食物質素。happy night!

經過旺角隨手接過傳單又自然咁走左上去初頭諗住放題都係咁上下料冇諗有咩期望既純粹係想喪食返餐放題價$178 原來要加$88升級睇下d正野係哂升級個到計過加埋1，每人要$300比出面貴幾十蚊🐟吞拿魚一上枱，呢個同平時放題既吞拿魚差咁遠，靚咁多既😍🍍燒菠蘿食左6件🤤🍦海膽手卷迷你雪糕筒放住d飯好得意不過海膽唔算好濃味🥬熟食都好好食呀通菜呀，炒豚肉，雞軟骨串，燒蠔 燒茄子，芝士蝦，係牙籤雞翼嘛嘛地🍵 甜品仲有玄米茶雪糕食完成餐飯覺得300蚊有咁嘅質素真心抵可以再黎既餐廳之一👍🏻

信義妹愛放題，原因有二。一，信義妹大食。。。。。放題係固定價錢，食幾多都係咁多錢。二，種類多元化，朋友間鐘意食咩就食咩啦~~~唔駛再驚叫一碟無人食又或者唔啱食，順得哥情失嫂意。 今日就同四月一聚。就食天池啦~~~ 係油麻地地鐵站附近，行幾分鐘就到啦~~~一打門開𘋢門。。。哇~~好好好多人等呀~~ 好彩有訂枱服務~ 食物都多元化，刺身，卷物，鍋物，壽司，天婦羅，燒物等等都有。 刺身新鮮，特別係魚類，魚油豐富，口感豐腴。升級版仲可以有海膽刺身蝦甜筒，帆立貝，油甘魚刺身等等。 仲有三個大雪櫃的飲品任飲，各種味道的雪糕任食。有一啲特式雪糕的味道，例如玄米茶和港式奶茶味等。可惜。。。。信義妹到最後太滿足啦~都食唔到啦~~~下次一定要食到~~~哈哈地址 油麻地彌敦道558-560號譽發廣場1樓

早排去旺角，見呢間舖頭新開張，就諗住再嚟旺角時幫襯。因為仲係新開張時段，所以有特別優惠，仲有個88蚊升級優惠，呢度係用電話上網落單，感覺同大陸餐廳嘅玩法差不多，好方便。落咗單都好快上菜，食物少少少少咁上，好精緻，唔會好似一般放題咁大堆頭，感覺都高級啲，刺身同壽司同一般日式放題質素差不多， 但擺款有心思，燒物做得很出色，估唔到熱食會比冷盤更好味。另外，自助吧檯有涼拌小食，甜品，自助啤酒 等。另一邊，仲有汽水同雪糕任食。可惜汽水款式較少。值得一提，侍應年紀有返咁上下，但服務細心，快捷，且留意到客人需要。

朋友請食飯系列，大家討論了一大輪，最終都係決定食放題，本來大家都諗住食最基本的$198放題，後來朋友主動加碼$88至升級食物，款式多了而且食物質素更佳。先試了個刺身，油甘魚及吞拿魚都有驚喜，油份幾重又甘香。火炙左口魚又係輕輕燒一燒，超爆油，如果厚切會更好。燒三文魚都有任食，每件都無骨，平時出去食一件都百幾蚊。羊架就偏騷，而且中間太生，味道麻麻。天婦羅又薄又脆，食多幾件都唔滯。其他食物都不錯。生啤任飲，還有多款飲品。最後食埋杯雪糕，飽到上心口。

出面食放題食到悶今次試間新開日式放題一入到黎氣氛已經感覺良好🏯⛩唔似出面d劈場又迫又暗咁！呢間既環境舒服唔迫刧飲品唔算好多基本汽水，竹蔗茅根，雪梨茶等等，但勝在有手工啤酒🍻可以自己玩打泡🍺⭐我自己就最鍾意呢幾樣🥢燒菠蘿🍍(又香又甜又好吃，仲好多汁，燒得好靚)🥢吞拿魚🐟 (其實都係我第二次食，以前食過一次，成件紅色，好難食，就冇再食，今次見到個樣咁靚，咁雪花，就再試下，真心好食👍🏻)🥢 豚肉生薑燒🐷(薑味重得黎又唔俗，d豚肉同菜都炒得幾好，係好普通一味餸，但食得出唔係hae整既)🥢 醬燒三文魚腩壽司🍣(燒過既三文魚都滑，仲好香魚油味)❤細心位❤螺肉幫你撩埋d肉出黎！放返個殼係到擺盆仲好過d自助餐要自己撩⭐最後總結就係食放題其實都可以環境好~坐得舒服😌

舖頭真實情況同宣傳單張完全不乎。單張講到話有幾多幾多野食，入到去一半都無。問阿姐：點解個點餐app點唔到芝士年糕同芝麻雞翼既？ 答：張單張未update。再問阿姐：又話2人同行送海膽既？答：呢個未開始（矛盾到呢⋯⋯）隔左一陣返黎講：聽日先返貨咁我問：咁有無替代？阿姐答：無其實，芝士年糕同雞翼係放題基本。咁都可以無⋯⋯完全未試過食完放題仲係肚餓。單張所示一半野都無⋯⋯其實，我覺得明買明賣。你單張標呢個價錢，我就expect有單張既野食。錢就照收，野就無得食，點可以咁？仲話試業中，祝你好運！

最近網上見話呢間放題新開張，有試業價優惠$98，另收加一服務費，不過淨係得午市呢段時間先有優惠，所以就同屋企人一齊去試下，呢個優惠既食物選擇不太多，得幾十樣野係可以選擇，但味道真係一般般，有啲係完全食唔到落口，其他都只係勉強入到口，不過呢個優惠價$98去衡量的話，都尚算可以勉強接受，但如果係其他價錢去食呢啲質素嘅話，真係接受唔到。不過其他嘅服務都尚算可以，無漏單出餐快，呢啲都OK，不過都應該唔會去食多次的了