天池日式放題 (已結業)

朋友請食飯系列，大家討論了一大輪，最終都係決定食放題，本來大家都諗住食最基本的$198放題，後來朋友主動加碼$88至升級食物，款式多了而且食物質素更佳。先試了個刺身，油甘魚及吞拿魚都有驚喜，油份幾重又甘香。火炙左口魚又係輕輕燒一燒，超爆油，如果厚切會更好。燒三文魚都有任食，每件都無骨，平時出去食一件都百幾蚊。羊架就偏騷，而且中間太生，味道麻麻。天婦羅又薄又脆，食多幾件都唔滯。其他食物都不錯。生啤任飲，還有多款飲品。最後食埋杯雪糕，飽到上心口。