天滿宮 (已結業)

88元炙燒和牛肩拉麵食拉麵第一時間要飲一口拉麵湯，但第一口已經失望了。望落以為沒有其他拉麵店的濃，偏向比較清淡的，但一入口覺得好油膩下，皆因炙燒和牛肩的油脂在湯的表面上聚集。一口飲下去就覺得十分油膩。貌相，沒有紫菜，沒有半熟蛋，只有炙燒和牛肩，鵪鶉蛋及少量伴菜，感覺差了一點，而且沒有預期中的顏色配搭，色香味之中，缺了顏色了。拉麵，看來是從外面拎貨，而且熟到過左時間，口感太軟了。炙燒和牛肩是唯一要讚賞的，生熟度，厚度剛剛好。覺得這餐廳擅長壽喜燒同燒肉，與其提供平價拉麵及飯，倒不如提供一人份的平價些小的燒肉定量選擇套餐。

滿心期待新開日本料理 點知換來一個字伏起初有一位話自己係清酒師嘅人 好好禮貌咁招待我哋入店 入到店內坐咗5分鐘都冇人比Menu我哋 店內其實得幾張枱 裏面有兩個侍應唔似係熟手都唔緊要我哋會體諒 我哋想叫一條原條刺身 侍應唔係好清楚就叫咗嗰個所謂清酒師介紹 佢介紹咗我哋食深池魚$1188 味道同Market Place買嗰啲差唔多 呢個價錢實在太貴 問題係其中一個侍應話攞我哋嘅魚骨去煮湯 以為啖湯好好飲啦點知好腥 仲攞咗我哋啲刺身好耐都唔還返俾我哋 串燒方面 偏油 冇燒烤味 清酒蠔還好 都有甜味 最好食算嘅係個壽喜燒 價錢都算合理 最差就係食完好耐啲碟都冇人收 換碟都要人叫 好多嘢叫咗都甩漏 又唔通知 臨尾出門口仲冼一冼地下超油 唔會再有下次伏伏伏伏伏 一個非常差嘅體驗

『新開高CP Value壽喜燒/鐵板燒，不可錯過清酒』尖沙咀新開呢間日式居酒屋，裝修古色古香，座位十分闊落。主打A5和牛壽喜燒/鐵板燒，套餐定價親民而味道幾高質。最特別有唎酒師坐鎮，關於清酒部分下一個post會再詳細寫多一點。推介 🥢佐賀A5和牛鐵板燒🥢鮟鱇魚肝🥢味噌蒜頭 🍶悠久の梅雫 銀撰梅酒 🍶鈴鹿川純米大吟釀————————————————————♣️Starter➰ ►味噌蒜頭 | 鮟鱇魚肝 | 明太子 | 芥末熒光魷魚 | 炸蝦 | 炸小魚乾 ▻▻前菜非常出色，全部都係送酒絕佳的小食。熒光魷魚的季節接近尾聲，口感依然是熟悉的柔軟粘稠中帶爽彈，而芥末的加入為魷魚增添辛辣的刺激。鮟鱇魚肝綿滑濕潤，肥美鹹香。而蒜頭則令人眼前一亮，爽脆之餘冇蒜頭一貫的刺鼻，非常有驚喜。炸蝦同炸魚都皮薄酥脆，內裡依然濕潤飽滿。♣️Main➰ ►佐賀A5和牛鐵板燒▻▻雪花油脂分佈均勻，每片都肥厚油潤。輕輕燒至粉紅，油香同肉味雅緻悠長，舌頭被一片柔軟包圍幸福瞬間卷襲。♣️Dessert➰►燒黑糖愛玉子▻▻黑糖濃而不膩，而愛玉子店主就話用左獨門秘方，相比坊間的愛玉子滑溜中竟帶爽彈

有新野又點少得我😆一排唔行加連威老道，勁多吉舖，不過有危有機啦，有人都喺呢個時間開新舖，亦有我呢啲貪新鮮嘅人會捧場嘅。入到去舖位唔大，裝修幾好，好日式，旁邊有好多酒嘅擺設😍，檯面碟都好靚👍，好專業咁。set lunch 同平時居酒屋唔同，無面豉湯，熱茶嗰啲，而係主食加個飲品，主食有丼飯，烏冬……78蚊起，本身跟樽裝茶，但得返一樽，咁我就跟汽水。點咗個火炙西冷拉麵，好有效率好快有得食💪，打開packed 好嘅餐具，唔似即棄呢？好靚，麵好大碗，鍾意火炙嘅味道❣，好香，牛好大塊都好有牛味👍，食食下竟然見倒有鵪鶉蛋同雪耳😵，從來都無食過拉麵有呢啲料🤣，好中日合壁。同事嘅茶好靚，我飲咗少少都幾清👍埋單同樣快嘅，仲送2粒糖😅

依間尖沙咀嘅居酒屋係四月尾先開業，以日本御神牛做招牌主打，係鐵板燒同壽喜燒都搵到佢嘅蹤影🐂 此外，仲會有居酒屋必備串燒，日本直送刺身，送酒一流嘅小菜等~ 在場仲會有清酒唎酒師，為客人推薦返啱口味，又或襯托返菜式嘅清酒♥️ 特別啲嘅仲有清酒cocktails添，啱哂一眾女士們~-牛魔王特盛壽喜燒 ($188) 依個set包左四個唔同部位嘅牛肉，包括 薄切和牛/和牛肩/肉眼/西冷。以薄切牛最快吸收到湯汁，入口都算嫩滑，涮一兩下就食得😋 而和牛肩位就油脂比較豐富，肉質最嫩口個款~ 有啲略嫌當日壽喜燒湯底偏鹹，煮到量後有啲過於濃味😢 但以唔洗二百蚊就食到四款牛而言還是不錯一試*御神和牛肩肉鐵板燒 ($128) 牛肉100g，足夠比一個人食~ 會附送一碗白飯同醬汁作調味🥢 職員都好思心會比即棄圍裙比客人以免比油彈親👍🏻 依款牛就偏薄身，所以要睇緊啲個火🔥 燒完牛嘅油香即刻出哂嚟，單獨食可能會有啲油膩感*清酒日本生蠔 ($48/1) 使用日本生蠔🦪，一啖生蠔加一杯清酒一齊入口，依個食法幾特別🤩 清酒偏甜容易入口，帶出到生蠔嘅鮮味*唐揚頂級縞蝦($68) 用油高溫炸過所以外皮十分脆口，可以連殼食~ 而

同朋友中午嚟左尖沙咀搵到間設計特別嘅日本料餐廳發現午餐價錢好抵食有9折之餘仲送冷泡高山茶❤️天滿岩流刺身丼 $108佢哋嘅刺身超厚切😍而且食得出好新鮮 全部都係肥美部位!!真心呢個價錢超抵食咖喱吉列黑豚飯 $98新鮮熱辣炸起嘅吉列豬 脆而不油膩😝咖喱係日式嗰隻甘甜 好食😙炙燒和牛肩拉麵 $88佢哋嘅拉麵都係日本直送🇯🇵超索湯 但慢慢食都依然keep住咁彈牙 好正😍師傅仲會出嚟加湯 勁細心和牛肩質素好 食落有肉香🐮另外串燒都好出色💕燒到啱啱好 咬落juicy🍢Sukiyaki壽喜燒 又係必食~~佢哋牛肉嘅肉質分左唔同國家 我覺得最正嘅係日本和牛 嗰種油脂喺口中散發嘅感覺最特別係師傅教我地將飯放入壽喜燒加蛋 估唔到又幾好味🙊❤️如果唔鍾意壽喜燒仲可以揀燒肉 可以揀用牛油或者牛油果油燒 油脂豐富嘅牛肉燒一燒更惹味😙晚市呢度都好多嘢食 鍾意食生蠔嘅朋友可以試吓佢哋嘅日本清酒浸青森蠔><食法新奇好味 重點超新鮮!!

窮遊香港-尖沙咀新開日式居酒屋 環境同嘢食連店名都勁有日本風味 而且和牛壽喜燒仲要幾抵食 （餐牌睇圖）.⭐️牛魔王特盛壽喜燒（150g）$ 188有個小驚喜 旁邊有乾冰裝飾 賣相靚靚一上台 做到好誇張煙霧離漫嘅感覺佢地牛魔王特盛 4款唔同國家既和牛唔同部位 有肉感 有油感既佐賀牛有種一次過食晒咁多個國家嘅感覺旁邊仲有 蛋漿 for 點牛肉最尾壽喜燒汁 吸哂 蔬菜同和牛精華😋再落埋高盛飯 吸完汁真係幾好食.⭐️漬唐揚頂級鎬蝦仔$68⭐️唐揚海池苗$68呢2個小食都炸得好脆身 夠熱鎬蝦係北海道產 幾稀有 有日本認證可以連殻食 好香口.⭐️磯燒一夜干花魚$128特別嘅磯燒魚 魚肉小小咸香入面肉質幾滑 魚肉鮮甜 偏多骨既魚.串燒都燒得唔錯 最鍾意係牛舌 厚切 幾鬆化岩鹽燒牛舌$38岩鹽燒野鳥羽衣野$38燒鮮冬菇$18野燒雞脾菇$18野燒翠玉瓜$18.除此之外佢哋仲有主場調酒師有清酒去整既cocktail 幾特別菠蘿清酒Cocktail 薄荷清酒Cocktail試左2隻 都好易入口 甜甜地唔覺唔覺可能會飲好多.仲有一樣特別 如果你有興趣店員會講故事講吓一啲有關於日本食物嘅歷史 飲食文化一邊食 一邊學

搞朋友生日飯局，希望做到有驚喜給壽星仔，又希望招呼好，食物好！我之前來過晚飯，覺得都唔錯，所以冒險試試，最終值得在此動筆一讚！所有服務員都以貴賓式招待我們和壽星仔、搞到我哋最後仲開多兩支清酒、總結樣樣都滿意，仲玩得好開心！