天然豚骨拉麵專門店一蘭

營業中

休息中

因為太所望，第一次寫的食評，實在係搵笨的感覺。聽聞一蘭拉面出名，於是昨晚有機會去試下，在日本時一直沒找到機會去試。飮是大我所望，$98一碗拉面還要加一合共$108,位置同大排檔無分別，坐得唔舒服，點餐就要支付錢，要服務也沒什么服務，真想不明加一的意義在哪？還好等面的時間也不耐，大概十分鐘就送上來，我的清淡湯底就不好吃，老公的濃湯還算尚可，兩碗面也不同，我碗偏幼，那豬肉片真是薄到極緻，薄到簡直可透光，而且一陣豬騷味，很嘔心，我也吞唔下去。拉面就兩三著就食完，這個價錢，份量完全係混錢，作為女生也完全唔夠飽。被搵笨一次就夠，絕對無下次！

零晨2點想食野，係尖沙咀最方便就係食一蘭但原來而家已經唔係24小時！2:30 last order 3:00山門而家係電子落單 唔再係好似以前咁寫紙我揀左麵係硬，煮得真係岩岩好辣度揀2倍岩岩好！咁耐冇食水準依然濃濃既豬骨湯底味 係一蘭獨有嘅味道最後食到3點岩岩好😎

要喺香港品嚐到正宗日式嘅拉麵,選擇「一蘭拉麵」絕對係一個不二之選。雖然價錢相比喺日本略為偏高,但店家始終堅持以頂級食材烹調出優質嘅日本拉麵,令我哋可以喺自己「屋企門口」也感受到呢份純正濃郁嘅味道。首先映入眼簾嘅就係一碗色澤透亮嘅豚骨湯底,散發出濃濃嘅豬油香氣。細心品嚐之下,我更能感受到湯汁嘅醇厚醬香,絲滑爽口,令人難忘。而配搭嘅麵條亦十分彈牙醇厚,完全吸收咗湯汁嘅鮮味,每一口都令我回味無窮。除咗拉麵本身,店家仲細心咁附上咗一些別具特色嘅小菜,如醃製得恰到好處嘅溏心蛋,為整個用餐體驗增添唔少情趣。雖然喺香港用餐需要支付相對較高嘅費用,但能夠喺呢度享受到份量充足、品質卓越嘅正宗日式拉麵,實在係物有所值。在服務方面,店家嘅工作人員向來熱誠周到,體貼入微地為顧客提供協助。佢哋唔但對菜式嘅特色瞭如指掌,仲能根據客人嘅喜好為之推介合適嘅搭配。整個用餐過程猶如置身日本街頭,無論係味道定係氣氛,都為我帶來恍如隔世嘅日式體驗。

好耐冇食呢一間人氣嘅拉麵，之前無論喺日本同埋香港都幫襯過好多次，次次都係大排長龍，佢嘅熱潮咁多年都係冇減退！今日咁啱喺附近飲完嘢就同朋友過嚟食！我哋就叫做基本嘅一份拉麵加叉燒同埋糖心蛋！拉麵今日我就選咗普通硬度，佢嘅湯底豬骨味道真係非常濃郁，每一次嘅水準都係依然一樣，再加埋糖心蛋，簡直就係冇得輸！佢嘅糖心蛋亦都做得非常好，採用日本雞蛋！叉燒都好好食，唔會話太肥，所以我同朋友都決定加多一份，整體嚟講佢嘅質素都保持到，價錢亦都大概每人$130！

一蘭叉燒拉麵真係好正！呢間拉麵店專注於拉麵的味道，每一碗都係用心製作。叉燒切得厚厚，肉質嫩滑，燒得剛好，搭配上濃郁的豚骨湯，真係唔可以錯過。湯底味道濃烈，飲落去有一種滿足感，係冬天食特別舒服拉麵麵條用的是特製的，煮得啱啱好，彈牙又有嚼勁，吸收咗湯汁，食落去特別過癮。佢哋仲有一啲配料可以選擇環境方面，店內氣氛輕鬆，適合一個人食或者同朋友聚餐。如果你鍾意拉麵，特別係叉燒味，呢間一蘭叉燒拉麵一定值得一試，同日本既水準差唔多

出面冇擺餐牌同價錢，入到好入坐低先掃碼睇到有咩食（我唔鐘意，因為想知道自己食咩先決定入唔入去）一個最普通拉麵10幾，覺得份量不足夠一路食既時候，幾秒鐘一次當當，當到我暈。

深宵食堂🌙一蘭拉麵🍜🍜🍜起碼有成𝟺年無食過🥹突然心血來潮同朋友sʜɪsʜᴀ完，不如食個一蘭🥹就走左去食🥹去左尖沙咀分店既一蘭，佢係全開放式既座位，但係我都係鐘意銅鑼灣鋪果種多啲，自閉位最好🤭🤭咁耐無食，原來成$𝟿𝟾一碗啦🥵加埋隻蛋，加埋紫菜成$𝟷𝟺𝟹 💸💸💸但係食拉麵無左呢兩野樣就等於無左靈魂🥹食完覺得好咸🥹🥹肉好薄，份量正正常常，對女仔黎講無問題，但對於男仔應該要加麵底先搞得掂🤔🤔食完番到去要瘋狂飲水🥹🥹但對於深夜想食碗拉麵既，一蘭係一個幾好既選擇黎嘅🥹🥹

座位值上方有蜘蛛絲塵埃顯示很久沒有打掃.只點了一碗基本拉麵. 熱茶欠奉不加配菜因為所有的東西都要付費日本店都可以免費加麵.义燒肉少得讓人哭了 葱花不夠味 是日本產的 ？同日本原店差得遠了 除非有改善 否則一次就夠了 不會再回來

🍜🌶️🔥【 一蘭豚骨拉麵「炎」 】 🔥🌶️🍜⋄ —————⧫♟⧫————— ⋄「一蘭」香港店及官方購物網站喺今個8月推出咗全新手信商品「一欄豚骨拉麵炎」‼️作為超級嗜辣者，呢款新產品真係超啱我😍🌶️喺原本豚骨湯嘅基礎上不斷改良，務求做到「辛辣」及「鮮味」兩者完美平衡⚖️ 成品不負「炎」之名，既有香辣滋味，亦成功保留豚骨湯嘅濃厚同鮮味，兩者平衡得恰到好處☺️ 非油炸細麵、湯底、秘製醬汁全面升級，係不亞於堂食嘅美味享受👏🏻⋄ ┄ ┄ ┄ ┄ ❖ ┄ ┄ ┄ ┄ ⋄❤️‍🔥一蘭豚骨拉麵「炎」🍜🌶️（$54）*數量限定發售發售地點：📍尖沙咀店：棉登徑8號地庫B舖及地下入口大堂📍銅鑼灣店：謝斐道440號駱克大廈A座地下F至G舖📍旺角店：洗衣街88號碧薈地下B舖👩‍💻一蘭香港官方購物網站 (購物滿HK$500免運費)⋄ ┄ ┄ ┄ ┄ ❖ ┄ ┄ ┄ ┄ ⋄

一般香港人提起一蘭, 意見都會偏向負面, 認為一蘭一來太多遊客, 二來份量少又貴, 我想講講近來嘅用餐體驗1. 因為在尖沙咀返工, 我通常平日12:45前去到棉登徑間分店, 一般來講10分鐘內會有位, 算可接受2. 本地人顧客唔多, 眼見 7-8 成都係遊客, 大陸人多. 但因為我多數揀味集中 counter, 所以附近有冇人有咩人我又唔係好 care, 因為大家都頗安靜用餐.3. 職員有禮貌, 同效率高, 所以服務其實係幾好嘅至於味道方面都唔駛多講啦, 因為佢得一款拉麵咁大把, 試問有邊個鍾意食拉麵嘅香港人會冇食過一蘭? 應該大多數人都食過吧.我只係想話, 我以前未對博多風味拉麵有所認識嘅時間, 我一樣會覺得一蘭有d搵笨, 因為佢獨孤一味, 份量又少, 特別係個麵底好細份. 不過而家因為認識多左, 知道博多風味有以下特徵:1. 麵係用幼直麵, 因為可以煮得快. 缺點係幼麵會易吸湯發脹, 所以刻意減少一份麵嘅分量, 等食客可以盡快食完, 再食加麵(替玉), 咁麵本身嘅狀態就可以保持到最理想.2. 配料不多. 為左特顯豬骨湯風味, 配料通常只有蔥, 木耳, 同叉燒. 所以配料唔會好似其它

平時唔多會食拉麵，都係係日本先會食一蘭。今日陪人食於是去左一蘭。叫左：1 天然豚骨拉麵+一蘭精選配料組合1 天然豚骨拉麵飲用水自助自己去倒。確實拉麵質素係同日本差幾遠下。平時唔點食拉麵既我，係日本都會覺得好食。之前都有試過買番屋企煮，說實在，煮得好食係無難度。反而係度點左兩碗拉麵麻麻地，兩碗都係選普通麵質，但都可以好參差。我果碗係好淋，完全唔想食。另外蛋係凍既。如果想食懷念日本一蘭既味道，可能會令你失望了。

朋友喺香港話想去食一次一蘭拉麵，同佢一齊去食，三個人都嗌左差唔多嘅嘢，仲加咗三粒糖心蛋，湯底都幾好味，我係揀咗普通嘅濃度，有個friend揀咗特濃嘅嗰個味道都幾好，好濃。麵都OK，但係性價比唔高有少少貴

夜麻麻過咗十點，而家香港真係無咩野食揀，如果想食翻有少少質素，真係第一考慮一蘭！！！凌晨十二點經過，第一時間叫個5倍辣。好多人喺呢邊都會揀唔辣，但係個粉先係成件事既重點。面底食完再啪個飯真係完美！！唔同好多鋪頭，其實佢係「100%不使用豚骨的拉麵」即使不使用豚骨卻也能帶有「濃厚感」的豚骨風味湯頭，其實真係唔易～同埋照顧到好多人唔食豬既需求，相對又無咁肥，細節就係正！不過一蘭既蛋好耐以前唔洗自己剝蛋殼，慢慢開始就退步，呢個真係唯一要改善既地方了。

同朋友一齊去，本身想坐有隔板既坐，但去到發現冇開放，只開左大圍一齊坐既區域好嘈，冇晒食一蘭既感覺味道冇變，一樣係好味個類既，但都係偏貴。水都要行到好遠先有得拎，仲要同隔離枱坐到勁近，咁我到底點解要嚟一蘭

我知貴過日本好L多，我知真係好on7，但係想食返佢隻味，又去唔到日本，真係唯有嚟返呢度。湯底真係冇嘢好講，鍾意就鍾意，其他其實唔要都罷，舊叉燒乾到pk，溫泉蛋ok，如果再去要淨麵算。服務？水同紙巾要自己攞。