天譽素食

營業中

休息中

天譽素食，以往的食品都不錯。今天中午，order個午餐乾炒三絲河，實在太失望了，河粉炒河粉，連一啲齋肉絲都沒有，這碟乾炒三絲河，竟然收客人HK$50的價錢，實在有點過份。嗰個女侍應仲話炒河粉係咁樣㗎啦！完全沒有味道，淨係得粉，又有鑊撈，越吃越憤怒。唔會再嚟幫襯。😡(有圖為証）

天譽素食有提供素食火鍋，火鍋湯底同配料嘅款式都算多，不過兩者都係逐樣收費，感覺唔太抵食。我幾鍾意呢到嘅臘味糯米飯，份量唔多，食火鍋之餘，仲有胃口可以試到糯米飯。飯口感煙韌，配料有素臘腸、冬菇粒等。火鍋湯底鴛鴦湯底 ($42)芫茜皮蛋湯底 + 滋補藥膳湯底2款火鍋湯底嘅配料感覺比較少，皮蛋切得較碎，大約只有半個嘅份量。藥膳湯底有當歸味，配料有黨參、黃芪、紅棗、杞子等。特價配料 (每款$20)西生菜南瓜片滑豆腐精選配料 (每款$28)生麵伊麵猴頭菇素臘腸素水餃素魚滑即炸響鈴素水餃嘅餡料以素肉為主，配以木耳、馬蹄等食材。伊麵上菜時應該係煮過黎，夾落質感比較淋同碎。素臘味糯米飯 ($28)

行過深水埗，揾到間叫米順嘅素食館，心諗: 菜單咁豐富，不如入去添下肚試下啦！😋 第一道菜，素魚生色彩繽紛，咬落去QQ的，還有少少辣辣嘅感覺，味道絕對唔輸真魚生。跟住嚟嘅芝士海蝦伊面，炸到起哂泡嘅"蝦"，芝士香濃，少少咸，面條爽滑，肚仔嘅開心呢，就係駛唔到話。沙嗲串燒雞柳有陣陣花生香，吃落去鮮嫩過雞，入口即化，嗰咬感👌🏻。最後嘅咖喱軟殼蟹，脆脆地外皮同軟滑嘅內餡完美對碰，咖喱香又唔過火，我快手夾咗兩件！離開前帶咗芝麻糕返屋企，只係微甜，芝麻味足，完美收尾。整體嚟講，米順嘅食物同氣氛，真喺港人心頭好，下次再嚟一定要試埋其他菜色！🌱🍜👍🏻

今日行過深水埗，心血來潮想試下素食。呢間店唔起眼，座位舒服得黎，環境又整潔。首先試咗芝士海蝦伊面，🍜見到畀嘅「海蝦」頗有份量，芝士香郁，賣相雖然普通，但味道確係出乎意料嘅好，creamy又唔膩。跟住來個艇仔粥，🥣一開始覺得淡，但店家服務好好，俾我地換咗一碗新嘅，味道馬上提升，滋味滿分！最後有個乾炒牛河，🍳外表無驚喜，但入口後，個「牛肉」夠嫩滑，冬菇味又撲鼻，完全冇塊面油膩，爽口得滯！基本上，呢個素食餐都幾叫人驚喜，令人食指大動。真係要讚下，呢家素食店值得再黎，尤其係想搵啲健康又好食嘅選擇嗰陣。🌱

我頭先試嘗咗佢哋嘅傳統齋。呢道菜色彩繽紛，好吸引人。我一食落口，即刻感受到濃郁嘅香味同食材嘅豐富。傳統齋嘅材料有好多款素菜、豆腐同素肉，經過巧妙調味煮熟。素菜仲保持住佢哋嘅嫩度，素肉就似真嘅肉咁鮮嫩多汁。呢道菜帶俾我好多層次嘅口感，每一口都有驚喜。然後試咗佢哋嘅酸齋。呢道菜帶嚟一種獨特嘅酸辣味，真係令人回味無窮。酸齋嘅主要成份係豆腐皮、木耳同辣椒，再加埋啲特別嘅調味料同醃漬醬汁。呢種組合造就咗一種酸辣嘅味道，令我口水直流。豆腐皮嘅滑脆同木耳嘅爽口互相襯托，辣椒嘅辛辣仲增添咗啲火辣嘅風味。呢道菜真係好難忘，絕對係個味覺上嘅驚喜。最後品嚐咗芝麻膏。呢道係一款傳統嘅中式甜點，佢地以獨特嘅製作方法同配方令呢款芝麻膏更加特別。芝麻膏嘅質感好綿密滑順，每一口都散發出濃郁嘅芝麻香氣。甜度恰到好處，既滿足咗我對甜食嘅渴望，又唔會太膩口。呢款芝麻膏唔單止味道出眾，仲提供咗營養價值，令我同時享受到美食同健康。

平常很少吃這種傳統齋鋪，這天經過長沙灣想不到吃甚麼就試下。行入去發現係街坊長者場，來者都係常客，餐牌上亦有粥有湯飯等軟身易食選項，午市有小炒套餐平平地有湯有飯，坐低有壺茶飲但唔收加一茶芥，服務都幾親切啦。行經元州街就會見到，又唔算好近地鐵站，不過附近都多巴士路線經過。入面裝修有點舊舊的，座位正常都唔算太逼夾。坐低就開壺茶俾你飲，可以先洗杯洗碗筷，久沒上茶樓飲茶都好耐無做呢樣野。餐牌有各種精美小菜，也有湯羹，三五知己來可以叫幾款食。粥粉麵飯都有，我見都幾多人來食粥，幾大碗架。一個人吃午市客飯套餐最方便，兩點半之後落單再平兩蚊，留意返部分有蛋奶成分，有辣椒標記其實都唔太辣。漁香茄子 HK$57客飯都是一些很港式的選擇，記起好久沒吃茄子就選了漁香茄子，茄子煮得腍又入味，整體食落都幾濃味，仲食到粒粒素鹹魚，很好下飯的小炒，如果單吃就嫌太鹹了。

呢間位於深水埗素食店內陳設裝修好普通唔知點解有種唔太乾淨嘅感覺而且伙記不算殷勤無乜服務同我食過又喜歡的素食館無疑有段大距離坐低睇餐牌好多選擇 疫情下咁嘅價錢抵食嘅先上第一道菜好懷念五柳炸魚魚模型炸芋茸食味比賣相好鬆脆不油膩 好味嘅金菇牛肉卷金菇應該是先炸過再卷上素牛肉淋上燒汁有驚喜喎金菇口感一流 掛滿醬汁的牛肉有咬口又彈牙 仲好有牛味添 好食生炒骨看似簡單的酥炸素肉酸甜汁埋獻 入口外脆(肉)鮮完全不像素食我成碟食哂大家行過深水埗又想食素食可以黎試下

初一十五我通常都會食齋，9:30收工經過見到佢哋未收工，問佢仲做唔做外賣，佢話做...收錢姐姐話收10:00。但係好明顯入面嘅人等收工狀態..聽到裡面個阿姐仲好似嫌我阻住晒..😤返到屋企一打開無為意..夾起一夠然後望一望側邊....🦗🤢🤢🤢🤮🤮🤮好明顯...我真係唔知整外賣個人係咪老花....定係幫我加料...🤮🤮其實如果唔想做可以唔接..$73蚊買一盒有小強嘅口水雞..😭😭😫😫而且初一十五食齋我真係唔想殺生...你仲同我加只🦗奉勸大家食外賣之前望清楚....雖然我無食佢落肚...但係到而家我仲係好想嘔🤮🤮而且佢仲有一半身唔知係邊度.......

嗰日經過買咗一盒齋返屋企加餸😋.之前都有買過呢一間嘅酸齋同埋芋頭整成嘅炸物，兩款都好好食😍而且好足料。酸齋吸晒嘅醬汁，好入味，炸物嘅炸粉唔會太厚，香口得來唔會太熱氣👍🏻係啲比較特別嘅素食.今次買嘅係齋鴨腎，餐廳姨姨不落去個發泡膠盒嘅時候好大方😂滿滿嘅一盒口味偏甜帶微辣，而家有好濃嘅醬汁包圍住每一粒齋🤤咬落去會有種爆汁嘅感覺。食得多少少嘅時候會覺得有d太濃味🤗適合同屋企人share或者揀多幾款齋🙈

艇仔粥在素食餐廳其實很少有，好開心今日可以食到。這窩艇仔粥有魷魚米粉絲花生，口感十足，並且非常足料，魷魚的味道十分特別，花生令到成個粥生色不少。之後再有食咗芝麻糕，與坊間食的不一樣，有一陣陣紅棗味，芝麻味濃郁。非常好味😋

平時聽人講素食好健康今日自己一丁友就行去試下先<<齋鹵味30hkd>> 5味野「酸齋」（酸甜齋）「豉油（蠔油）齋」「咖喱齋」「齋叉燒」「齋鴨腎」呢啲鹵味簡單嚟講，就係集合咗甜酸苦辣 等等嘅味道叫埋一齊 。好味主要成份皆是麵筋配合不同的醬汁所做成。<<集合咗飲茶嘅風格>>餐廳是日免加一，免 茶介， 不過我冇叫茶，叫咗水<< 芹菜雜菌撈麵 >> 45hkd 送左碗粟米豬骨濃湯， 真係新鮮材料， 不過呢啲撈麵真係有啲 騎呢。。。。 食咗一半

「天譽素食」離熱鬧的地方稍有一段距離，但食物本身的美味和精緻度讓人感到不虛此行，一家人都很滿意。服務態度也很好，座位舒適！（這一趟在香港，覺得要找到座位舒適的餐廳真不容易。）前往用餐之前本來想簡單吃午市特惠餐就好，但假日似乎沒有提供。最後四人點了五道料理，都很好吃，重點是不油不膩不重鹹，吃得滿足。（本人最愛揚州炒飯，同行者覺得味道偏淡，但對炒芥蘭讚不絕口）揚州炒飯、薑茸炒芥蘭、腐皮法輪卷、紅燒豆腐、皮蛋粥。價錢總數忘了，應該約300港幣多。推薦給要在深水埗用餐的素食者。

以前有個食齋嘅同事介紹過li間，之後都有再去食。佢喺深水埗長沙灣中間，近住中電有午市套餐跟白飯例湯，配茶亦有2人，4人套餐咁樣生炒骨勁好味，好似食緊肉咁仲有d扮係骨嘅竹仔。個茄汁味好好，唔會太酸太甜，好上汁。粟米汁煎銀雪魚我最鐘意嗰味，真係好神奇地似魚，撈飯正仲好食過真魚柳，佢唔似炸魚柳咁厚粉，唔會有食粉漿嘅感覺齋鹵味齋魚生點左wasabi又幾真，好得意其實係素來架! 比較少有，食落滑雪雪，凍的另外有個南瓜黃金湯都好好味的

好想食素，去開飯找食，找到這間。味道真的好似真實食材的味道，令我想起粉嶺的聯和素食。見到炸物有點黑，但味道都不錯的。手撕雞上的芝麻味濃，不膩還香。賽螃蟹實際是用雞蛋白造成的，過碟應該也是吧，太真了分不清。手撕雞，XO醬蘿蔔糕，炸芋頭，賽螃蟹西蘭花。每碟價格不算平，但都好食，可以一試。

齋滷味的味道一般, 如果酸齋可以酸D 會仲好京式菜磅蟹, 味道好清淡, 沾些黑醋才有味, 但鋪底的西蘭花反而幾好食紫菜荔茸卷, 即叫即炸, 新鮮熱辣, 腐皮炸得很脆, 非常香口,一般在齋菜鋪吃到的, 都沒有包紫菜, 但這間的荔茸卷傳來陣陣紫菜香味每碟的份量也很多, 兩個人兩小菜+大齋滷味, 真係飽得滯環境真係感覺唔太好, 尤其是溶溶爛爛的櫈, 但整體來講, 食物不錯, 值得支持服務好, 隔離枱有客問三杯雞係咩, 會主動細心解釋