天譽素食

營業中

休息中

小小素食館，門口外賣飾柜擺放著各式各樣的齋滷味同炸點，食品以小菜小炒為主。現今的素食店依然以傳統的中式素菜為主流，而新派素館子的素菜側重花巧類葷，但始終未被修行佛法的人士認同，所以好少會見到僧侶用餐。這家算是走中間路線的素菜館，有傳統的中式素菜，也有魚生、扒類的新派仿素食品供應進入店內第一個印象是環境狹窄、座椅超級殘舊，其後前往廁所經過店後天井，發覺這裡的衛生情況甚為惡劣，幾乎要打消進餐的念頭。坐下後看了菜牌，都是一般素食的選擇，價錢都算偏高，一碟炒麵要四十多元，小菜大概五至六十元，晚上原來還有火鍋吃啊！由於我在團購網上已預購了一份HK$108的「二人 11 道健康素菜套餐」，估計套餐的食物份量一定會比正價少，但勝在價錢合理及免加一小費，又可多試幾道菜色，何必要計較呢！芝麻糕芝麻味濃，口感爽滑唔太甜材料豐富有素翅、蟹柳、雲耳、雞蛋白、冬菇，濃稠度適中又好味材料有素翅、金菇，有濃郁的奶味，南瓜味則不太濃，濃稠度適中又好味紅米飯不是整碗紅米，大約一半以上是白米。米飯的份量多但較硬豆干包上紫菜去炸，吃起來略帶有海水的味道，加上鑊氣更倍增食慾做得非常好味的手工菜

由於粒眼瘡未好,所以打算LUNCH食下素,當係安慰下自己,扮食得清一點,可能對病情有幫助漁香茄子$47,大大碟,茄子唔會太軟,剛剛好,茄子肉帶甜香,加上咸咸地有點偽咸魚味既肉碎,和芹菜等等爆香,十分惹味.缺點就係呢類既茄子菜式就是相對比較油膩,但實在係撈飯佳品.所以素食從來都唔單調

每個星期一必到既深水埗,好讓我尋找區內美食.但係最近實在食得太多,所以今次LUNCH就簡左呢間素食店$40 榨菜腿絲炆米,附湯,不收加一和茶錢,實在抵食!湯係以紅蘿蔔和粟米等煲成,有淡淡的蔬果香,飲出原材滋味,仲超級大碗,飲完都已經半飽榨菜腿絲炆米,份量又係多到嚇親我,我諗咩身型既人都會食得飽,2個人食都唔過份.榨菜素腿絲和芹菜就係主要味道來源,米粉十分入味,而且不過咸.久不久清清腸胃實在快樂!

前日去開深水埗買野，經過見到有間素食館米順便試下。第一眼睇個餐牌就係到諗:依家d素食館原來唔止係做素食架,望真d原來係扮。最驚訝既係我見到有素魚生，於是就博一博試下,一上菜果陣有一瞬間以為真係魚生，食落口感都幾似"魚生"都ok.之後我地仲叫左個芝士海蝦伊面、沙嗲串燒雞柳、咖喱軟殼蟹。講真上菜果陣都真係以為自己係普通酒樓到食飯，因為個賣樣真係唔似素菜，首先講講個芝士海蝦伊面,個面鋪左好多"海蝦"芝士味都好濃下。沙嗲串燒雞柳，口感較結實,沙嗲汁不會辣。咖喱軟殼蟹，原來係腐皮脆黎架,入面係豆腐、紅蘿蔔粒等等，豆腐好滑，配合脆腐皮，一脆一滑，好好味。走果陣我地仲外賣左個芝麻糕,芝麻味濃，口感爽滑,又唔太甜好岩我呢d唔太鐘意食甜野既人。總體呢個揀素食館我都覺得唔錯，佢d員工服務態度又幾好又主動，衛生都幾好,一俾人感覺好舒服同親切,d野食又幾正。

聽人講深水埗有間素食店唔錯米星期日同屋企人去試下,6點幾去到即刻有位,店員服務態度都幾nice,我地3個人去食,叫左4個菜。金菇牛柳卷,幾鬼別,口感幾好。竹笙燴素翅(好似係咁叫)呢個好味喎又足料跟住仲叫左個賽螃蟹,呢個都唔錯,最後就係椒鹽花枝片,都有點兒似花枝片。4個菜埋單先250有找又抵食味道又唔錯都幾岩偶然想食素既人

星期二（18/2）晚到深水埗天譽素食享用團購的4人套餐。原是與家人用來慶祝自己農曆生日的晚餐，但我忘記了在農曆新年前訂位，在生日前一天訂位已滿了。唯有另選用餐地點。而這4人套餐便與3位朋友共享。致電訂位時，已感受到店員不太友善的語氣。而且，這團購使用方法限制多多，令我對此店有點不滿。再者，媽媽之前巧遇素網友，她說此店食物味道一般，所以我不抱任何期望。用餐後的感想是食物味道不過不失，只是我沒有甚麼好推薦的。至於店員，都是撲克牌臉……團購4人套餐是$189。不用加一服務費。首先，餐湯有3款。我們點了金湯南瓜翅和蟹皇三絲翅各兩客。我要金湯南瓜翅。有濃郁的奶味，南瓜味則不太濃。材料有素翅和金菇等。與蟹皇三絲翅比較，後者材料豐富。但朋友說找不到素翅，且味道偏淡。小食有5款，我們點了其中3款。包括素鮑魚刺身兩客、味菜素熏蹄兩客和香麻手撕雞一客。素鮑魚刺身沒有吃過。爽口，貌似竹笙。沒有味道的，要蘸醬油跟日本芥末來吃。主菜有7款，我們要選4款。欖角蜜汁叉燒。雖然看到一粒粒黑色的欖角，但其味道不太突出。素叉燒切得細，反而失去了口感。亦沒有略略烤焦，跟平常吃到的齋卥味內的素叉燒沒有差異。蜜糖味很濃，我覺得

今日過來深水涉黃金買野,行行下見有間素食店.心諗近排食左好多肉.係時候應該要食番清淡D啦.入到去地方都幾乾淨,由於唔係好肚餓.點左碗素麵食.有冬菇,芽菜,素蝦,生菜, D 素蝦 比想像中彈牙同埋個湯都好清甜.所以碗麵整體上都OK食完之後,無意中望到呢到原來有素盤菜訂. 睇番價錢款式都OK, 新年可以訂番盤試下先

這一天，BB一早已落入長輩的手中，我們就把握機會，出街走走，說要先去看看電腦野的她就指導我來到深水埗，skip了lunch的我們到了深水埗後吃什麼 幸運地找到一個方便泊車的地方，幸運地又就近一間新開的素食館子。泊好車，我們二人一於去試一下。小小素食館，開茶卻不收茶錢，門口擺放著各式各樣的齋滷味同炸點，食品以小菜小炒為主。總覺得，現今的素食店依然以傳統的中式素菜為主流，花巧，類葷的。始終未被一些修行，或佛法高深人士的認同。原因，新派館子，好少會見到僧侶用餐，反而在這些傳統做法的素食店，對修行人士更加的合口味，因為這些店，好多都既齋口亦齋心。不打算多吃的她要了一個艇仔粥，我們用此粥品去同一家有素食供應的粥品店去比。此粥實在是未夠綿，艇仔粥料加添了蒟蒻而非素火腿，食落雖然清但味道始終不及。而且，粥不綿不緊要，粥稀就太過要緊了。 我就點下一個素肉絲炒麵，素火腿肉，味道是偏濃的，肉絲麵配料就是芹菜，蘿蔔絲同芽菜。味道也是偏向味淡。對旁坐的一位師姑來說，可真是真正的清淡。但對我來說，不是不好味，只是食慣了比較味濃的炒麵而已。另外，麵是炸得夠脆的，不過總覺得此麵欠缺了一樣重要

因為姑婆食素的關係，佢師兄(佛堂果d)介紹左間新開的素食店俾我地，所以我地就去試下依間野，我地淨係知道係深水布松記3姐隔離，行下行下，搵黎搵去都搵唔到，原來我地行過左都唔知！間鋪頭好平凡，外面有外賣店，當時係2點幾鐘，鋪頭無咩人，所以都唔需要點等位。坐低左，感覺都幾舒服，可能係因為張凳的關系。入到黎，有個類似是日推介的牌，見到係芝士海蝦伊面，所以就叫黎試下。賣相普通，但是都幾多<海蝦>，而且芝士味濃，不錯不錯。然後叫左個艇仔粥，一黎到，好似咩料都無，撈一撈，先見到原來所有料沈低，一窩粥35蚊，都算足料，不過係稍淡左少少，之後同個侍應講返，佢就主動幫我地入廚房再換過一窩，之後果窩粥就好味好多！最後叫左個乾炒牛河，賣相無咩特別，但係勁好味，最好食係果d所謂的牛肉，我唔係長期食素的人，不過覺得比真正的乾炒牛河好味好多！無甘肥之餘，又有好香的冬菇味！正，超鐘意食依個！！4個人share 3 蝶野，食到勁飽，雖然間鋪頭好細，d waiter又好似唔係好主動同熟手，但係我都幾滿意個環境同野食，因為好舒服，d野食都幾正！

在素食網知道有新開素食店,於是去試試, 入去坐低, 是一間小小店舖尚算簡潔, 當時店中鄰坐有另外一台食客, 看了菜牌, 都是一般素食的選擇, 價錢都算偏高, 一碟炒麵要四十多元, 小菜大概五至六十元, 不過心想如果食物質素ok, 也是多一個選擇.於是點了一碗粟米粥($16)加一碟炒麵(忘記了是更甚麼炒面, $42元)坐了一會, 粥到了, 粥的料尚算多( 粟米, 生菜絲, 冬姑), 粥底也不錯, 吃了一口, 雖然好味, 不過似乎味精多了一點, 心想, 對餘下的炒麵都不敢抱太大期望, 只是粥差不多吃完, 炒麵還未到, 在等待中覺得店內空氣頗侷促, 唯有不斷撥扇, 此時鄰座的一位阿叔之前已表示有點熱,都不斷用菜牌作扇, 於是向店中服務員阿姐說可否開大一點冷氣, 阿姐只一味說不好意思, 其中兩部冷氣都壞了沒法開(新開不到幾日的店三部冷氣壞左兩部??!!), 其實所見兩部所謂"壞冷氣"都是在stand by mode, 而餘下運作中的一部也只是得好微弱的一點點風, 就算其中兩台冷氣真的壞了,店中兩台客都表示覺得熱, 店中亞姐也可以將冷氣較大一點吧?只是她們沒有將運作中的一部冷氣較大一點點的意圖,