天馬茶餐廳

營業中

休息中

第一次食咁難食嘅茶餐廳嗌咗蝦仁炒蛋飯·飯嘅份量又少（根本就係屋企最細嗰啲碗仲要刮埋碗邊多餘嘅飯嘅份量）🙂‍↔️·啲嘢食送上嚟係暖嘅，完全唔似現整嗰啲，我哋啱啱落完單，佢就大概2，3分鐘送上嚟👎🏻👎🏻👎🏻·環境又好差，長期開着後門，一直有陣噏味飄入嚟，開冷氣等於冇開過😬·食物嘅賣相都好差，佢個蛋係淺色到令人完全冇食慾🤢·跟住啲餐具都好唔乾淨，可以見到佢啲杯邊仲有污糟嘢，筷子匙羹等餐具都有啲污跡🤮總結千祈唔好嚟呢間食嘢，完全係伏嚟㗎。嘢食又難食，份量又少，環境又差，價錢都唔係好合理😵‍💫

味道麵算ok但係太貴，因為去到要加錢！個餐叫「自選一餸麵」但係冇麵，去到叫你要加多$6先有麵。建議可以改返個餐嘅名，同埋再加一個加錢嘅選項，寫明麵要加錢，唔好誤導人，又搞到人去到先要再等整埋個麵佢，仲要搞到好似係我自己叫漏咗咁！

喜歡茶記因為呢d先最有香港風味，慈雲山多食肆，一路都未點幫襯過呢間茶記，於是一於趁有假期去試試佢.下午茶嗌左個《三絲炒瀨粉》，所謂既三絲呢度就係火腿絲、洋蔥、豬肉絲，一上枱睇到個瀨粉嘅色澤唔錯，睇得出廚師煮得幾有鑊氣！配埋杯熱奶茶，呢個下午茶$45，價錢就唔係話最平，但個份量同水準都對得住個價錢，個人覺得男士幫襯呢間茶記就幾岩

每區都有不同小店扎根，另一間慈云山歷史悠久的天馬茶歺广，大大话话都開了二十個年頭，雖然只是一間普通茶餐廳，但一定有其獨特之處，才能營運到今天，不可不提第一要先讚讚餐廳樓面阿姨個個都好有禮貌，可能就是這獨特人情味，使區內每間小店都有自己的鐵粉絲，而我今日到底想食乜嘢🤔🤔快歺：窩蛋牛肉飯真係好耐冇食過了，免治牛肉碎、紅蘿蔔粒、青豆粒、洋蔥碎醬汁再加隻新鮮生雞蛋，真係一口一口食不停😋😋😋再配上一碗例湯🥣及一杯香滑熱奶茶☕️回味無窮👍👍👍

經常踢完波都會係慈雲山搵飯食，成班波友最岩就係食茶記，呢間茶記簡直係我地既飯堂，因為有一款特別既野食，就係胡椒麵！每次黎都必叫既沙嗲牛肉胡椒麵，沙嗲牛肉本身已經好味，配合埋胡椒湯底真係稱得上係平民美食之一

食咗天馬🐎茶餐廳都忘記了幾多年😜，不過第1次為佢寫食評因為食咗好多年所以覺得好有家的感覺，坐下連餐牌都可以唔駛睇已經知自己想食咩沙嗲牛🐮胡椒麵～唔係咁多茶記有咁多選擇，連胡椒麵🍜都有當然要食佢沙嗲牛🐮好夠入味，這個食茶記早餐係我必選之1西煎雙蛋🥚🥚～兩隻蛋🥚🥚煎得好靚😍我會加埋胡椒粉更加突出🥚嘅味道餐飲就點少得凍檸茶少甜少冰，味道較得剛剛好，對於我這個水怪來講，1杯跟本係唔足夠

每到星期六，都會去毓華里搵野食，哩條路係慈雲山最多餐廳選擇既地方，唔少人都會特登駕車過黎搵野食，今日我同男友想食茶餐廳，毫不猶豫就入左天馬，因為我喜愛哩度既小學雞飯，叫左個吉列豬扒煎蛋飯，我男友就叫炒貴刁，本身哩度都有好多套餐選擇，但因為我地已經係常客，所以都會叫返平時食既野吉列豬扒炸得好脆口，厚度適中同會切好上碟，唔需要自己再切再分，煎蛋係我最愛食既荷包蛋，再配埋黑椒汁撈埋飯食真係一個字：正！ 黑椒汁愈食愈辣，真係落左好多黑椒去煮成汁。炒貴刁炒得入味，河粉唔會一舊舊，炒得分明同咖哩粉都均勻係每樣材料上，有蝦，蛋，火腿，叉燒，青椒，洋蔥作配料一齊炒，好足料又濃味本人愛飲茶餐廳咖啡，但我比較喜歡濃味點，所以係哩度叫親都係凍咖啡少甜，味道適中且濃

天馬的午茶價廉物美，份量相當足夠,味道亦出色。其中最推介給大家是西炒飯。新鮮炒出來的西炒飯,乾中帶濕，粒粒分明。西炒作可謂天馬的流星拳，其精髓在於飯與配料仿佛混成一體，形成絕妙的配搭，刺激每一寸味蕾，回味無窮。

curry pork rice~curry is not spicy and 1 pat pat, just like curry power mixed with water??pork is thick and lots of meat....however no pork tatse, very strong frozen tasterice is quite good, not too soft and not too hardblack coffee~well, just like 24 taste, very bitter and some sour taste too!!!not goodfried instant noodles with pork neck meat~very nice, not oily at all and it's quite dry! pork neck meat has many and very spongy~however after eat it i feel thirsty, may b many MSG.....have free

suet choi pork mai funit's not very salty and portion of suet choi and pork is enough, they added some red pepper but not very spicy.....mai fun is just average...not too soft and not too hard..hot chocolatechocolate taste is not rich enough and they added too much sugar so too sweet....fried pork rice with "椒鹽"pork is freshly baked and very cripsy, not much bone but a bit too soft,,,,may b added too much soda powder?"椒鹽" is very tasty and i can finish the whole dish of rice!!!only $25 per set a

抵就抵啦不過D食物質素就唔咁OK~上次同朋友去食叫左飯+可樂杯可樂呢~D油浮晒係面真係見到都唔想飲~我叫個泡飯都OK不過朋友叫個飯就唔係咁掂~

第一次來, 見餐廳都幾多人, 今日快餐又有好鍾意的窩蛋免牛飯, 就入來試試不過午餐最多人食反而係蒸飯 (肉餅飯, 雞飯呀..., $25/ set), 12時多五款蒸飯已有三款售罄, 厲害窩蛋免治牛肉飯 $24包熱飲及例湯, 幾抵 賣相及味道都唔錯 缺點係, 飯及汁唔夠熱, 碎牛比例較少, 大部份都係獻汁 例湯係西洋菜豬骨湯, 都係一般的例水感覺相信天馬係一間有實力的茶餐廳, 因每次去慈雲山小食館都會經過此店, 都有幾多人幫襯

早排響佢地o個度買左份外賣早餐，沙嗲牛肉麵加火腿煎蛋，拎到返屋企食到一半碗麵先發覺入面竟然有蟑螂囉.......勁唔掂!!!!!於是就打落去同佢地講聲，諗住提醒佢地改善下，點知佢地仲惡人先告狀話有咩證據D外賣係o係佢地到買，跟住叫我地唔好老作，態度勁差！我之前有個friend都話佢地D野野唔乾淨，食環署仲警告過佢地添呀!!!!!!所以奉勸大家一句千祈咪幫襯，費事肚痛又激心!

因為地點關係都幾buy佢ga!環境夠光猛望落唔覺得佢污漕食飯餐果d我就得味道好一般不過佢既薯條好正!又熱又香冇得頂唻野食又快wo!聽d伙記傾計會覺得佢地份人好有趣凍飲要加2蚊,, 不過度度都係ga la食個學生餐廿蚊都唔使...份量唔算細抵食