太和殿海鮮火鍋 (已結業)

平時每個月都會同屋企人食飯聚 今日揀咗一間好遠嘅元朗太和殿海鮮火鍋 有好多特色火鍋湯底 尤其係金抱什菌花膠豆腐鍋 個樣好靚 用腐皮包住啲什菌，勁香豆乳味😋 估唔到啲食品咁新鮮 象拔蚌 貴妃蚌 海杉斑 牛肉又靚 好香牛肉味 唔使同人逼 坐得舒舒服服! 同啲平價火鍋地方 真係好有分別 仲有潮州嘅反沙芋條做甜品😍😍

元朗不錯的邊爐，可以再去。湯底都算多選擇，蕃茄坑腩，花膠，杏汁豬肺，胡椒豬肚等等，呢個係白玉藏珍湯底$188，即係成個冬瓜中間加雞件餚湯，感覺較清甜，岩哂我手切雪花牛頸脊$348，鍾意牛頸脊因爲有油香，又夠牛味，我好愛既牛白肉$98，好爽口又唔會肥膩，唔係度度有，當然要叫下，其他手打丸夠彈牙，我最怕果d麵粉丸，魚腩，蔬菜都新鮮。呀～～～我見到menu有反砂芋，即刻叫左黎食，新鮮熱辣正呀～～。仲有呢度d服務好到不得了，成日係你附近睇下有咩需要👍🏻

到元朗搵食!原本想BBQ, 但天氣有點涼, 最後揀打邊爐!朋友訂了位, 7點多, 餐廳內都只有幾檯客😬先選鍋底!豆乳鍋內有花膠, 雜菌等, 價錢不貴, 就選這個...白白的豆乳湯, 加上腐皮袋! 頗特別!😍湯底的確不錯!火鍋料選擇不多!一行9人都要點多點...點了手切牛, 四寶丸, 水餃, 雲吞, 雜菌, 皇帝菜, 娃娃菜 及 烏冬水餃不錯, 內有紅蘿蔔及木耳絲, 很爽口!手切牛, 還可以啦…但似機切多...男士想吃刺身, 點了這 象拔蚌及魚刺身👎👎👎可惜一點都不新鮮...象拔蚌很腥呢...魚正是門口那條快死的魚😌$1400😌不值...評分: 5⭐最好食物: ⭐⭐⭐ (不點海鮮較好)環境: ⭐⭐⭐⭐價錢: ⭐⭐服務: ⭐⭐⭐

不是頂級食材，但也收貨了一行4人，埋單$1250湯底㸃了青胡椒牛腩味道香醇，到最後點了一客烏東，飲晒D湯今天點了挽手，賣相一般，想要肥啲牛味不足牛白肉頗特別，像脂肪又像軟骨

由於朋友介紹，所以特意走過來光顧，地點較偏僻，不好找。但坐位舒服，假日並不爆滿，即時有位。我點了花膠湯底，內有雜菇，腐竹，花膠，料是足夠但湯底淡味，沒什麼特別。新鮮肥鵝腸，太和推介，128元，價格偏貴但見重點推介，而且我非常喜歡食”肥”，都即管試試。點知完全同任食火鍋的鵝腸無分別！例牌雪花肥牛，無咩牛味，份量少，質素一般新鮮雞腸，唔多新鮮，我未食過咁既雞腸，難以形容！唯獨是油麥菜新鮮，雲吞大粒，還有最後叫左碟烏冬。。。才夠飽。是次盛惠800元，人均400元。坦白説，元朗以呢個價格有好多地方都比佢更好的火鍋。很失望，無下次！

間鋪個位比較偏，平時好少行過嚟。係有日行過見到未試過，諗住過嚟試一試。總共嚟咗兩次，第一次同屋企人食下午茶，點心ok唔差。但今次想講嘅係晚市打邊爐。下午茶食完見幾好，咪諗住再嚟試打邊爐，點知中伏。雪花牛普通，我哋叫咗例牌，點知得幾塊，又唔平。肥鵝腸無味又唔夠肥。見唔係度度有雞腸食，所以叫埋雞腸，真係垃圾，係得啲脂肪。其他仲叫咗菜，烏冬，好普通。係個雲吞唔錯，都只係爽口。總括嚟講，咁嘅價錢大把更好選擇 ，一定唔會再嚟。

哥哥一早便說要跟我慶祝生日，而他一直也想試太和殿海鮮火鍋，所以今次安排了我們一家和舅舅一家到此吃頓生日飯。到了太和殿海鮮火鍋時候，這裏都差不多滿座，而這照片都是吃過火鍋後差不多回家時才拍下的。太和殿的環境有點像中式酒樓，只是規模少一點，整體感覺相當舒適。今次哥哥訂了一間房，好讓我們有更多的privacy又可坐得更舒適，不過最低消費就要$3000，幸好我們一行十人，要消費$3000也不難。坐下不久，他們便隨即奉上火鍋醬汁配料，醬汁配料方面有蔥、莞茜、生蒜、熟蒜、辣椒和XO醬。沙嗲湯； 闊佬燉雞鍋調校好火鍋醬汁後，我們也點了兩個湯底，一個是沙嗲湯底，而另一個是闊佬燉雞鍋。沙嗲湯底極為濃郁又惹味，同時又不過鹹，作為火鍋湯底相當不錯。闊佬燉雞鍋裏有魚翅、竹笙、姖松茸、瑤柱、螺頭和蟲草花燉成的雞湯。我們先喝這個雞湯，然後在用它作為火鍋湯底。雞湯湯料非常豐富，而且清甜無比，一喝便知他們沒有下過任何味精，甜味全都是來自豐富的湯料，的確美味得令人回味。肥牛肥牛脂肪分佈均勻，入口嫩滑，牛肉味香濃而帶甘香，美味又可口，我們都吃得津津有味。芝士腸；潮州白魚蛋；魚片頭芝士腸、魚片頭和魚蛋跟一般所吃到的沒有什麼

之前睇到食評好似好好，就去試下火鍋，點知一d都唔好食，價錢已經唔平，但食物質素真係唔掂，唔知係咪唔新鮮，所有野都無味，由其是碟手切牛肉，唔係手切外又沒有牛味，仲要收$189，4個人食左成$1200，總之又貴又唔好食，下次唔會再去。

昨晚同朋友睇完戲跟住就去搵嘢食，我呢就好肚餓喎，我朋友覺得好飽，最後我朋友都有陪我去食飯，咁我哋行經呢間太和殿，向店員講出我哋嘅心意，店員呢就好細心為我哋介紹左呢兩個菜，第一個係松子海皇炒蛋白飯，當佢送上檯的時候，已經聞到海鮮陣陣嘅香味，松子仁炒得很酥脆，有多種海鮮，全隻嘅爽甜大蝦啦，大大粒嘅元貝，金黃嘅蟹子，還有師傅巧手地佢將啲蛋白炒得滑溜無比，配合埋啲新鮮嘅海鮮，簡直係絕配，店員都貼心地照顧每位人客，挑選咗一個雜菌鮮竹煮勝瓜，這個菜色最啱我朋友胃口，有鮮亂腐竹，多種嘅雜菌，鮮菇加上幼嫩清甜嘅絲瓜，仲有系師傅嘅手藝，配合得天衣無縫，連我朋友當初唔係幾肚餓，最後全碟清曬，美人照鏡，最開心就係當初我哋係不同胃口進嚟，最後兩人非常滿意離開。

見咁多人介紹，咪試下囉，有心理準備係少少貴. 點知好貴...我相信，元朗用呢個價錢打邊爐，好多地方一定好過佢☝🏽️不過唔使自己比錢既，值得一去感受下. 1. Book位叫左7大1小，要擺bb車，佢話bb車叫我放出面，sofar 去到落雨...點放出面？ 去到比張四人枱我，6張椅，何來7個？之後係咁呼籲我 （其實無咁大地方就咪同人講有位啦）2. 打去book位已問，竟然你咁full, 我想預訂特別野食，佢話唔使，一定有.去到嗌，好多都無...再sad 3. 佢介紹既野一定唔好嗌，燉湯鍋，啖，無咩料，飲完再加上湯打邊爐，更加無味，開始明白$18醬料費有幾有用. But, 要讚佢既$68 8粒既水餃，幾好食！ 真心覺得入得黎，預左使錢食好野買服務，坐又坐得唔舒服，又得一二樣野好食...我忍唔住要share下，第一次寫食評，哈哈，比左呢間野

是日同朋友吃晚飯想起上次想試這間店的小菜所以便提議朋友食這一間因為上一次有個元朗友話這間火鍋店的小菜不錯終於有機會比我品嚐一下一入到去店員示意我們隨便坐坐下便看看餐牌上面寫著為著名潮洲菜總廚主理心裏面就更期待些看後我便點了梅羔醬燒骨這個燒骨帶一點肥，入口香稔，而且外面脆身，加埋梅羔醬酸甜開胃，令原本不想食飯既我叫左一碗。。。。再來是欖菜肉碎蒸茄子是朋友叫的原先一望以為是豆腐😂點知原來係茄子其實本身我對茄子不什喜愛但呢味餸令我喜出望外欖菜的咸香加上肉碎的鮮味再配上蒸到五成熟既茄子竟然恰到好處放入口中將這三味混為一體時係"岩岩好是故我又食多了一些飯。。又減肥失敗了。。埋單都只係2百幾蚊兩餸兩飯性價比高而且還有兩張優惠卷分別為午市可用$30同晚市可用$80這樣我真的不可不再來了😂

呢日約左個好耐無見既朋友仔食飯因為佢住元朗既關係我地就約左係元朗啦一入到黎餐廳好闊落樓底高好有氣派有的客已經係度拾下拾下原先今晚係想打邊爐既不過喉嚨有的痛所以就轉左食小菜啦呢間係朋友仔介紹既佢話呢間好正架一坐低睇下有乜食啦朋友揀左梅羔醬燒骨我就揀左欖菜肉碎蒸茄子由於太耐無見我地雞啄唔斷傾左陣的野食就黎啦唔知係咪又好肚餓既關係兩道餸都香氣撲鼻令到我更加肚餓於是我地啟動啦個梅羔醬燒骨有的似甜酸排骨燒骨肥瘦適中好香個汁酸酸甜甜好醒胃另外個茄子配欖菜同肉碎配合得非常好茄子味淡配上香欖菜同肉碎味道剛剛好唔會過咸正呀由於好好味既關係所以我食多左飯估唔到呢度既小菜真係唔錯唔錯又坐得舒服下次又同朋友再去先😍

試試呢度食午餐 兩個人叫咗點心套餐可以揀2款或3款點心一個粉面叫咗欖菜玉蘭肉碎炒米粉炒得幾乾身 好香口冇乜油有冇多餘嘅芡汁又唔會太咸個餐最好食係呢個一碟油菜 Fix左係菜心淥得比較腍身 但都新鮮好甜三個點心 一睇到賣相唔錯仲好開心點知食落三樣都超大味精所以只食到味精 食材味都蓋過了！燒賣豬肉同蝦比例一半半 唔算太肥魚翅餃最誇張 味精多過叮叮野食鮮竹卷餡都幾多 芡都唔太杰但坐位非常舒適 ，午飯時間都坐唔滿一半適合靜D傾下野埋單剛剛好200蚊

今晚來到元朗建德街太和殿海鮮火鍋食飯，今晚同一班同事選擇左食火鍋，呢次係第三次來食，真係一次比一次驚喜，自從對上兩次老闆請食飯黎過之後，我地成班同事都愛上左，首先佢地既刺身出品真係可以比美好多日本餐廳，材料新鮮食落有口感，而今次我地就叫左【加拿大象拔蚌】爽脆鮮甜👍💯💯💯，絕對同平時食開既加州水蚌唔同，另外仲叫左【花龍蝦刺身】👍，新鮮生猛，上到枱仲識郁添🤣今次我地係預早訂房既，太和殿職員係訂房時候好細心咁問我地及溫馨提示我地，會唔會係咩特別日子（例：生日，開會……）仲推介我地可預訂【法國生蠔】💯👍所以我地有靚靚生蠔食新鮮creamy 其實食完刺身都好飽下好滿足跟著就正式開始打邊爐啦！值得推介既有新鮮本地牛頸脊，重牛味，有口感（但經理話本地牛唔會日日都咁靚，係撞啱今日超水準，佢話我地真好彩）另外仲有自家手包水餃，超正響鈴，墨魚滑，白鱔片，脆骨腩……等等係元朗真係已經唔係度度都食到咁正咁新鮮既野，今晚飲飽食醉，一轉眼已經食到11點幾啦！期待下次再來

今日天氣勁熱。不過聽聞YOHO新一期又開左，咪同女朋友去行下街，睇下幾巴閉。無乜特別，名牌店多。之後行返去元朗小食係，又新街兩個人share左碗凍豆腐花。個人當堂涼曬。見時間差不多咪開始搵正餐食。行行入左建德街，見到呢間裝修好靚的舖頭，門面大大個招牌同埋好鬼大個魚缸。我睇睇個餐牌，雖然佢間野好似主打邊爐，不過真係好熱，我諗都係食小菜好啦。入到來都坐得舒服既，始終時間尚早同平日。唔係太多人住。拿淋叫返壺“壽眉”飲下先。我同女朋友睇完餐牌叫左兩道菜，一個欖菜肉碎蒸茄子 另一個係梅羔醬燒骨。首先上菜係欖菜肉碎蒸茄子，茄子佢蒸得好林，入口都未咬就溶左，差d以為係豆腐(茄子味)，鋪面d肉碎吸收左欖菜同蔥的香味 同埋充滿肉汁，好好食。跟住個梅羔醬燒骨都上埋，個汁好濃烈，有少少甜，至於就燒骨d肉都幾有咬口，有少少似生炒骨，咬落去煙煙韌韌。未試過的，建議可以試下佢特別的醬汁口味。最後埋單兩個人 $232 ，已加一茶位。係而家元朗既消費水平，我覺得都值嘅，又坐得舒服又唔洗同人逼。