太平洋咖啡 (已結業)

坐係咖啡店飲杯茶,電話無電可以充電,職員有禮貌,值得一去咖啡店.職員有會同客人傾計.有時遇到無買飲品或食譜坐係到啲客人,職員會取咖啡餐牌叫客人購買飲品或食物,,

經常都會搭hong kong express去旅行，閘口通常都會係2號客運大樓，禁區入面可以選擇既食物都唔多，而呢間Pacific Coffee正正就係今次既起飛閘口隔離，今次飛東京要4個鐘有多，當然要買少少野食😆因為有安信銀聯wewa卡，憑登機證同信用卡就可以用$1換到1杯咖啡！所以1杯Mocha+1份三文治都只係30幾蚊。Ice Mocha甜度適中，即使沒有要少冰，都唔會有太多冰塊；傳統火腿芝士三文治亦非常大份同足料。

平時係街既pacific coffee, starbucks想揾個位坐都難，係機場呢間pacific coffee就冇呢個問題喇!今次飲左matcha latte, 味道唔錯，仲有個心形圖案，好有抹茶味，而且冇starbucks果杯matcha latte 咁甜添

係機場等朋友落機冇野做，去左pacific coffee hea下。呢間咖啡店座位超舒服。叫左杯牛奶抹茶。鐘意呢度既牛奶抹茶，好香抹茶味，但唔會搶走牛奶味。服務員既態度又好好，好親切。坐下坐下就一個鐘。服務員都唔會趕人走，想坐幾耐就幾耐。呢間咖啡店真係超舒服。下次再黎呢度試下其他野飲同野食！

今日約左舊公司嘅朋友食飯, 早過佢地收工所以去T2坐陣，我有DBS張Credit card當然去pacific coffee因為有75折，一於嘆返杯咖啡先焦糖咖啡個caramel嘅圖案...可能整俾女仔會有公仔？哈哈, 平時飲開latte但今日個fd飲我就試下佢個焦糖. 首先份量（tall）同價錢成正比, 賣相有d藝術家feel不過佢嘅咖啡一向賣味道唔賣樣大家都知道, 奶泡夠多夠密仲帶微微焦糖香，新鮮打起嘅熱暖奶泡加上充斥住濃香焦糖嘅latte, 又不失咖啡香， 由此可見佢嘅咖啡豆都唔係hea野，不枉我飲左pacific咁多年!

吃過「飛機餐」後，轉乘兩程無人駕駛到達登機閘口，真幸運地這邊有比星巴克更好的選擇一太平洋咖啡，作為我的「飛機餐飲」。  除了外帶外，也可選擇在店内享用，不過無論是AA或是HK Express的候機位置都是挺好坐的，也有充電器可以使用，因此外帶會是更好選擇。  Latte(Grande $39)咖香濃得來十分順喉，奶香也足，有一層厚身的奶泡，不過熱度稍為高一點。  行前一杯咖啡，是精神層次的需要吧!

女兒的飛機 delay 了，有一個小時的等候。在沒有人的咖啡店，叫了一杯 Caramel Latte。Pacific coffee 的咖啡沒有 starbucks 的過甜。香味比較純厚。奶味適中。body 沒有籽粒，是沖調的功力。after taste 是微甘。但焦糖本身就是過甜，心情在等待便是苦澀。坐在紅色的沙發上。聽著異域的音樂。咖啡在等一個人。直到電話響起，就行去接機的區域。$39 買一個座位，或是買一些空閒的心情。

4月25日, 旅行前經過pacific coffee, 撞啱又有買一送一優惠, 免為其難入去買一杯咖啡飲下, 見餓餓地加多個pie先~::: Ice Vanilla Latte ::: $36本身Latte奶味都已經好重, 加埋雲尼拿香油味道更香甜~ 但係甜還甜咖啡味依然突出~ 不過要少甜會更好.::: Ice Cappuccino :::Cappuccino係一貫嘅香濃, 比Latte咖啡味更重, 奶味唔算多, 我不嬲要開正常甜, 想咖啡味更濃可以要少甜~::: Spinach & Mushroom Quiche ::: $24呀菲都幾鐘意食菠菜蛋批, 因為雖然只得疏菜同蛋做材料但係味道都可以好惹味~ 而家有菠菜蛋之外仲加埋呀菲勁愛嘅磨菇~ 惹味之餘更多重口感! 不過呢個quiche就油咗d… 略嫌有d肥膩…我地都成日吼住有優惠就會去買咖啡, 畢竟有買一送一優惠真係好抵, 佢地嘅咖啡又好飮過starbucks~ 希望佢地可以有多d優惠俾我地啦~