特色
飲o野傾計
營業時間
今日營業
全日休息
星期一至五
08:30 - 18:00
星期六至日
全日休息
公眾假期
全日休息
以上資料只供參考, 請與餐廳確認詳情
相關文章
機場博覽館餐廳選擇又少又貴,午餐時段仲要超多人,今次去Pacific Coffee都係冇位坐要拎走食。今次叫咗煙三文魚忌廉芝士比高包同一杯特選抹茶鮮奶。煙三文魚忌廉芝士比高包入面有洋蔥,由於唔食洋蔥嘅關係所以我叫咗走洋蔥。比高包十分之大個,食完已經夠飽。比高包質感煙煙韌韌,忌廉芝士有少少鹹鹹地,夾埋個包一齊食就啱啱好。煙三文魚份量都多👍🏻特選抹茶鮮奶唔太甜,味道啱啱好,抹茶味都好濃郁,口感順滑。
繼續閱讀
作為一名健身教練, 唔中意食淋badbad既酥皮早左去機場, 仲有個幾鐘先上機, 於是去pacific買個包同買杯野飲坐下。原來想食係熱櫃入面既朱古力牛角酥, 點知見到隔離個烤肉卷比佢吸引左, 因為想食酥皮又見到烤肉兩個字好似好正咁。用紙碟裝住既時候仍然滿心期待, 直至我咬第一啖!! oh no, 中伏 唔熱, 酥皮唔酥, 淋badbad! 入面既唔係烤肉, 似係長型札肉咁, 而且仲幾咸添.. 食左兩啖已經唔想食下次都係食番正正常常牛角包算
繼續閱讀
今日比琴日更早出門口,係屋企樓下食左個太陽蛋沙嗲牛麵先去機場,交通好暢順,所以好早就到機場,九點三已經到左喇,唯有食多一次早餐啦,好耐無食我喜愛的藍梅芝士蛋糕,連早餐都食甜品,肥死呀 ﹗可以慢慢嘆我既生日早餐,真係好舒服,如果有海境就更好啦 ﹗Happy birthday to me!祝我生日快樂,美味的生日早餐都只不過係二百幾卡,good ﹗因為 pacific coffee 無 mocha 供應,唯有又 hazelnut 啦。Hazelnut italian latte,甜味濃而陰沉,牛奶味道淡得黎又好突出呢,反而咖啡味不太強烈,少少榛子味、少少咖啡味。cafe latte,鮮奶味突出而顯著,滑幼幼既質地,清爽微弱甜味大愛,對飲開齋啡既我非常適合。奶味中滲出咖啡溫柔優香,慢慢細味,好嘆啊!Cuppacinno,先嚐一小口試試水溫,剛好燙嘴非常準確!就算直接飲都唔會淥傷條或喉嚨。其實水既溫度好影響咖啡味道架,所以有時係茶餐茶飲熱啡會有酸味囉。霸道的鮮奶味使得咖啡味微弱得很呢,雖然我飲開齋啡,但整體太啖口啊,還可以啦。Blue berry cheese cake,happy birthday to me ﹗氹下自己開心。芝士味好濃厚幼滑,冰涼而黏黏既好感好正呢!酸酸甜甜既鮮藍莓醬另到芝士味更澎湃,曲奇餅底又香又脆,非常美味!一口蛋糕、一口 latte,精神爽利!藍莓傳說中補眼活腦,而且清香微甜又酸咪咪,好好味!跟芝士擦出激烈火花,濃郁咸香牛奶芝士味添上酸甜藍莓果味,使人越食越起勁,就算我唔愛甜,但都一樣被俘虜呢!上層濕潤、中層黏糊糊、底層香香脆!Very good!太睏搞到魂不附體、精神分裂,腦裡面想叫 blue berry cheese cake,居然講左 blue cherry 囉,懶型講英文,瘀爆!煙三文魚蛋沙律全麥包,煙三文魚咸香撲鼻、蒸蛋碎沙律酸酸甜甜夠醒神,整體味道清爽,涼浸浸配上暖笠笠 hazelnut italian latte,自我陶醉,爽乎!吞拿魚火箭菜沙律全麥包,結實吞拿魚本身味道偏淡,配上酸酸甜甜沙律醬及甘苦火箭菜夠醒神,對晨早起身既我非常有效。所有餡料夠冰凍,食沖落涼快清爽,仲好好味添﹗只係二百左右卡乍,因為得半份囉。火箭菜三文治,明明想食公司三文治,未瞓醒攞錯左添﹗好采鬼佬三文治味道大路穩陣啫。冰涼火箭菜夾雜鮮蕃茄沙律,味道清新爽甜又充滿菜汁,沙律含蓄既酸味夠開胃,全麥包夠健康,雖然有點粗糙。預計會呆足一日在博覽,又要被強國圍攻!
繼續閱讀
29.12.2011這兩年也來過博覽館數次, 但由於之前都是搭巴士來, 所以都未有機會行經過這間pacific coffee. 今日要來這裡考試, 所以選擇搭機場快線. 一踏出A出口, 就見到這間咖啡店了. 於是決定考完試後要來這裡飲咖啡休息一會. 在博覽館裡, 只有食肆才有座位給人休息, 所以也有不少考生來光顧這間咖啡店, 坐一坐, 飲咖啡, 等待下午的session的考試. 雖然我下午沒有考試, 但上午考了三小時的考試後, 真的十分疲倦, 所以就走進咖啡店, 買了一杯Mocha. 無位了, 就坐了在電腦的位置. 今日實在太多考生買咖啡, 也等了一會才整好咖啡哩. 那兩位店員忙到不可開交, 幸好他們仍然態度良好, 仍面露笑容. 我這杯tall size Mocha 好夠熱, 有著好重好濃厚的朱古力味, 不太甜, 咖啡味不太重. 朱古力味實在好重哩, 當飲到落喉嚨的時候, 有一點點苦的感覺. 不過, 飲完這杯Mocha後, 立即覺得全身也暖起來. 我不知道何時會再來博覽館, 希望到時我仍有機會來飲杯咖啡休息一下. 看來我與咖啡有點緣份, 當我搜尋我過往有關咖啡店的食評, 才發現原來有一些都是我為它們寫第一個食評哩
繼續閱讀