太平燒味飯店

營業中

休息中

簡單快捷午餐，去燒臘店斬大舊叉燒絕對是一個好選擇。有時中午辦事，會來到北角道一帶。每一次來到這一頭，好多時都是匆匆忙忙。通常都會選擇食碗麵算。可是，有時真的是太肚餓了，一碗麵不會夠飽的，我就會選擇這一間《太平燒味飯店》，因為燒味飯同樣是快靚正的。食過兩次之後，更覺得，這是一間抵食夾好味的好店。如果我工作地點離此店再近一點，相信這會是我常來的餐廳之一。第一次來，我點了叉油雞飯。半肥瘦的叉燒，油光皮嫩的豉油雞，單是碟飯既賣相已經好高分。雞肉厚身，入口有嫩滑的口感，叉燒既甜又腍，再伴以燒味店獨有的醬油......我可以說，食過之後返尋味。食過返尋味，所以有第二次的專程來。當日，我看見坐我對面的大叔正在吃著一個燻蹄飯。那幾片巨形的燻蹄立即令我垂涎三尺。於是，我就點了這一個叉燒燻蹄飯。叉燒，依然是帶甜味，半肥瘦的靚叉燒，而燻蹄，異常地大大片，肉香，皮亦帶點脆，喜歡吃燻蹄的我，從來未試過得到如此的滿足。燒味店有奶茶供應，所以我點了一杯香滑奶茶來伴餐。如我所說，這奶茶夠香滑，不比任何一間茶餐廳差。飲得開心。夠大份，夠抵食，當然，也夠好味道。看門面，此《太平燒味飯店》應該有點歷史，也令我再一次感覺到，

真正用心烹調的味道本人本身對港式燒味不感興趣 覺得好老土 真正試過覺得原來係我冇試過好味的燒味啫 特別仲意食太平的燒鴨同油雞 説不出的美味同親切感 大家黎開北角可以一試 正啊

春秧街電車站旁有幾間食肆，其中一間買燒味的舖頭開業已很多年。除了賣各類燒味，早有麵食，也做下午茶，午晩則有飯食供應。外賣堂食皆可。舖位像條窄巷，外面燒味掛窗及斬料處，入內有數張枱供堂食。今天買了盒义燒切雞飯，义燒切雞各有數件，薦底有油菜。义焼廋肉多不肥有咬口，切雞皮爽肉質嫰腍。白飯份量夠多加上燒味汁，配有薑䓤蓉。其實飯有燒汁已好夠味，但薑蓉實在很引誘，不吃不得，不過就略帶鹹了些。間中一次，未嘗不可。

今日早餐試左呢間位於北角道既餐廳。一入門口有姐姐熱情既招待，服務尚算不錯。野食方面，叫左碗沙嗲牛肉公仔麵，啲牛肉非常多其他店我試過都無呢間咁多既，重有杯熱杏霜真係好好飲，一啲都無揸流攤，正

每次去必吃的鼓油鸡好好吃的服务态度也很好很喜欢的茶餐厅也经常推荐给朋友冻华田也很正宗希望大家也多多来吃确实味道不错态度很好在香港很少看见有这么好态度的店了推荐给大家

從來未試過這麼難吃的燒味，鹹蛋無味，燒肉肥到，食唔入口，叉燒無味，油雞無味。，飯無飯味，好難，好差，不會再幫襯。恐佈！Can't believe the food quality this bad. everything has no taste and would not come back again.roasted pork is so fat that you won't wanna put into your mouth.

9月23日早上7:45. 貴店老闆請多加留意鋪內樓面員工行為及工作態度. 毛巾秩咗落地即時撿起抺台, 叫樓面落單又寫錯哂. 台面辣油用盡同佢講又唔理當聽唔到企係一邊. 發三封警告佢炒咗佢喇. 真不幸, 世上仲有此員工.....!

今天大約3pm首次到太平燒味叫了個下午茶餐，當其時衹有三、四枱人，超過八、九成已食緊或食完，衹有我及對面那位先生剛到或到了一會兒。他杯奶茶已到，叫了碟叉燒燒肉吃，等待中。我點了碗肉丁鷄扒出前一丁、熱奶茶。足足等了廿分鐘，對面男士碟飯已吃完，隔離剛到了不久的男士，叫了叉燒飯及奶茶也已端上。我同個女伙計了解，她説鷄扒要解涷等需時處理，我要求她也先給我杯奶茶好嗎？越座越凍，又肚子餓，問她可不可以改單，燒味若快就改吧，她説整緊。好了結果成25分鐘捧過來，一句難吃，要解凍先有得煮，可以想像，勁雪味、亦冇味……最後衹吃了肉丁及一丁……整個過程，吾開心，難食，冇下次。有野應同客人溝通，要等……完全冇、態度差

黎到北角先發現原來冇乜野好食旺角既燒味店外賣均價係22蚊而呢度最平個間都要$30不過都要食野既所以我就揀左呢間睇落最正常既果然不負所望雖然索價$35但係佢比既係鴨脾我都值回票價再講下味道肉黎講脾肉係應該肥美d同嫩滑d呢個隻鴨脾肉就偏向實既不過個皮都幾夠味送飯一流!!雖然就貴左d不過食落都幾飽肚同好味

呢間舖喺度多年爸爸突然想食乳鴿 終於有幸幫襯炸乳鴿 炸得太燶豉油皇乳鴿又太鹹有啲乳鴿係超級大隻好似好抵食咁但係啲肉就好鞋不過兩隻乳鴿都算 肉質嫩滑有啲乳鴿係超級大隻好似好抵食咁但係啲肉就好鞋如果可以改進應該有好多人成為常客Service very 'cher'

近幾月來，每隔一兩個星期，便要大清早跑去北角排隊，其實並非排隊買什麼限量版物品，而是排隊睇醫生。取了籌號後肚子已經打鼓，隨意找間餐廳先醫肚，餐廳本身是燒味店，但早上無奈變身茶餐廳，賺得幾多得幾多。沙爹牛肉通粉實在太咸，牛肉份量多但無肉味。簡單的餐肉煎蛋都做不好，餐肉煎得太乾，而雞蛋亦開始煎到有部份位焦左，反而牛油方包幾軟熟。熱檸檬茶竟然有五片檸檬，好耐無遇上過，茶味亦不錯，但只下了半包白糖，還是健康一點好。

天氣一轉冷就遲遲都不願意起床，是日也都不例外，起床時已經差不多下午4點多了，想起好久沒有吃燒味了，好想念雙拼燒味，稍微梳洗一下馬上出去用膳。下午茶時間沒有太多人，點上的茶餐很快便拿來了。＊＊＊＊＊＊＊＊＊＊＊＊＊＊＊＊＊＊＊＊燒鴨切雞瀨粉 配 熱菜蜜－切雞相當滑溜，沾上些許薑蔥油，十分可口燒鴨多汁，外皮脆而不膩，肉質嫩而肥瘦適中瀨粉口感不會太腍，太好HKD32一個滿足的下午茶，抵吃。＊＊＊＊＊＊＊＊＊＊＊＊＊＊＊＊＊＊＊＊Miss F 

下午去左北角HKU學葡萄牙文，上堂之前就去一去醫肚，經過間太平飯店，以為係日本野，個裝潢細細間，真係好似日本野，睇真D原來係食燒味，門口都有掛幾串燒味果D係到，D侍應都親切有禮，主動打招呼，有說有笑。坐低叫左碟叉燒油雞飯，一黎到賣相已經幾好不錯，份量又多，仲要有幾條菜搭，現在好少有嫁啦。個飯都算係幾大碟，多到正常男人先食得哂，油雞件件都好好肉，豉油的味都入到哂，肉質夠嫩，不會太咸，搭埋薑溶就真係吃到多2碗飯。我比較喜歡叉燒，他更好吃，有小小肥，甜蜜汁的味道甜得黎適中，還要燒得夠火喉。我係屯門人，唔係番學都少去北角，難得係北角食飯，而食雙拼一碟$28，我認為算係抵食。

夜晚，心突然想食燒味飯，而身在銅鑼灣的我，感覺區內好似沒有什麼價錢大眾化，而且又好好食的燒味飯，就算有，都是常去的食店。在尋求新意的前題下，我跳上了開往北角的電車，在電車轉入北角街市之前下車，而就在馬路的對面，我看見了這《太平燒味飯店》，不需要多想，快快地食個飯才舒服。是日貪心，要了一個三拼飯，是叉燒、燒鴨同燒肉，可能是夜了，腍的叉燒賣晒，剩下的叉燒有點點硬，不過味道卻是可以的；燒鴨，是一個幸運，因為分配給我的是鴨胸的部位，特別好肉，皮也充滿了鴨油香，不過，可能又是凍了，皮不夠脆；最後是燒肉，肉爽，皮亦夠脆的，三樣燒味中，燒肉算是最好的了。很簡單很快的燒味飯一碟，我時常都覺得，食燒味比起去快餐店，用既時間更少。

下午六時半, 晚飯時間未到, 下午茶時間完結, 店內只有一檯客人. 此乃坐得最舒服的時間.义燒併燒鴨飯, 竟然係鴨肶, 雖然义燒唔太滿意, 但都比個”笑臉”你啦...义燒, 兩種唔同顏色, 三件淡色, 兩件深色, 肉與同樣太乾, 偏硬, 雖有肥的部份, 但油性不高, 沒有香的口感. 燒鴨肶, 肥肉只些少, 皮脆, 顏色和賣相也好, 鴨味不重, 但肉質口感也新鮮.凍奶茶, 一般, 味道不太濃, 所有茶餐廳既凍飲有冰的通病, 無得救既.