太平館餐廳

營業中

休息中

這是朋友訂的枱, 四個人沒有叫元旦套餐(這店一般是過四百的), 我們散叫些比較主打的菜式,大概比叫套餐平易1/4左右吧! 而這決定是對的因為食物質素只是一般, 始終經過這兩,三代社會上對西餐的演化, 大部份市民都對西餐有一定的認知, 這類比較早期發展對西餐的自我演繹, 無疑大家都對這種混血版本有較大空間去理解, 而現存的這類型餐廳大多是交付第二/三代打理, 無論是菜式/ 用料/ 味道/ 擺碟跟幾十年前沒太大分別, 這晚來的這店亦如是,個人認為如果主持人唔將菜式活化引進一些新的表演手法, 好難吸引新一代來幫襯, 只靠上一代帶下一代人來幫襯的方式有點被動, 發揮唔到自我的魅力! 講返當晚的食物:廚師沙律$148  少少沙律菜, 青瓜片, 蓄茄, 雞肉同烚蛋一開四, SORRY都要講句,份量同價格配對不上, 沙律菜的種類太少, 青瓜只是中國/本地青瓜質素並不突出, 蕃茄同樣, 雞脾即使用足一隻也不過是雪貨, 成本有限, 如果廚師能到其他比較正路且中價嘅店觀摩一下, 定必明白市面上的客人接受一個百五蚊嘅沙律是怎麼樣的?瑞士雞翼 $185 (4隻) 質地同味道都做得恰到好處, 不過都係嗰句, 價

牛脷，乳鴿，干炒牛河都可以。但煙倉魚太差，單點要＄325，只有2小片，而味道只有鹹味及很大的魚腥味，不值一吃。服務態度好。餐廳面積較少，坐位不太舒服。要等一段長時間，才會再懐舊。

出黎做嘢大家都各有各忙，難得今個星期一屋企人夾到時間一齊去食飯做冬，我地就決家去品嘗位於佐敦同油麻地交界茂林街的太平館餐廳。太平館餐廳聽好多同事朋友講過，口碑不錯，食的主要是舊日情懷，餐牌上的菜式完全不花巧，主要都是普羅大眾日常生活食開的菜式。由於帶住兩位老友記，我地點選的菜式都是以簡單飽肚為主，同是亦希望從中嘗到餐廳的特色。所以我地點咗「太平館瑞士汁炒牛河」、「焗葡國雞飯」、「太平館瑞士雞翼」、「太平館焗梳乎厘」。太平館瑞士汁炒牛河 （$129），牛河炒得乾身唔會太油膩，牛肉食得出係用新鮮牛肉，同埋份量亦都比一般茶餐廳的多，不錯。燒豬脾（$124），薄切的豬脾肉配上餐廳的特製醬汁，三個字：「冇得輸」。焗葡國雞飯（$149），一上檯個陣葡汁的香味真係令人食慾大增，食落葡汁口感好濃郁，加埋雞件伴飯一流。太平館瑞士雞翼（$185），可能有人會覺得185蚊得八隻雞翼不化算，但其實餐廳的瑞士汁食得出係心意之作，瑞士汁香甜，不會一味的死咸，用的是雞全翼，每一隻雞翼都吸滿瑞士汁的精華，果然是太平館餐廳的招牌菜。太平館焗梳乎厘（$148），功夫菜之一，焗出黎的梳乎厘充滿蛋白香，外表帶微微的焦香，中間

悠久嘅歷史，唔駛多介紹。朋友係細細個已經由Daddy帶來幫襯嘅，衝住回味乳鴿而嚟，全場抵食嘅 lunch 套餐都唔 order，就係要食佢，等咗二十幾分鐘，我碟套餐牛河都食晒，終於畀佢等到......上檯都好似樣，可惜，一入口，阿乳鴿’柴’嘅程度，絕對考驗到你棚牙，肉味欠奉，連個大名鼎鼎嘅汁都挽救唔到，朋友依然畀80分，當中話明60分係懷舊囉！至於我碟牛河，OK喇！牛肉用粉醃過，真係似細細個（唔係好識食）嘅味道！服務，唔知係咪趕住落場，阿叔會好有禮貌咁趕住收你檯面嘅嘢，一餐 lunch 40 分鐘食完，完全符合香港人的節奏，不過，我係放緊假喔？！

講個秘密俾大家知，話說某大電視台既「方向節目」介紹過呢間餐廳既懷舊甜品，我就二話不說約埋三五知己去試試。淨食甜品會比較悶，去到當然叫埋喊食，我地叫左碟「瑞士汁牛河」。我記得幾年前食過，當時食落第一啖既感覺係：「好食到飛天！」用瑞士汁炒牛河味道非常惹味同特別。現在食既感覺係好唔同，覺得好一般。個甜品「梳乎厘」先係主角，外型夠晒吸睛，個size仲大過我個頭。味道方面，食落甜甜地，入口即溶，食食下感覺似食緊「空氣」，非常唔實在。好既方面係，師父落足力打蛋白，夠晒空氣感。

聽聞這間餐廳都好耐，終於有機會一試！個別菜色可以！我們三個人叫了瑞士雞翼、鹹牛脷、焗飯同梳乎厘！梳乎厘一座下就已經叫我們落咗單先，我地怕冇得食這個招牌菜所以落定單先！座位比較迫夾，坐得唔算舒服！分量比預期中多，雖然入去時都比較肚餓，但三個人都食唔哂四樣嘢！瑞士雞翼都算滑，個汁好味！鹹牛脷質感唔錯，鹹味剛好！焗飯太多汁，冇特別！梳乎厘在未食完主菜已上，所以一上立即試吓，太過濕，口感比預期中遜色！個別菜色可以！

百年歷史係講緊 「太平館餐廳」，拾年人係講緊我拾年前曾到此，轉眼就過了拾年。太平館自 1860年創立首間位於廣州西餐廳，真真正正咸豐皇帝年代，最聞名菜式是其 「燒乳鴿」、「瑞士雞翼」、「焗蟹蓋」還有很多，但我們今晚是為了「焗梳乎厘」而來。室內裝修保留五六十年代風格，感覺的味兒也許各有不同，懷舊總令人有點唏噓！鄭重一提我們 6:30 已到故尚有坐位，7:30 絕對是座無虛設。雀肉蝦多士，忘記問雀肉是什麼，原來是將大蝦和珍肝醬釀在麵包上炸成，多士入口香脆蝦肉彈牙，這道應是功夫菜頗有懷舊風味。主角瑞士雞翼亦即是豉油雞翼因為冰糖比例較多故命為瑞士雞翼，瑞士汁亦從此顯生，此刻我為你垂涎三尺，巴不得一口送你入嘴你，汁香肉嫩滋味無窮。😋為了你明天斷食也是值得的😋久沒見了，你的味道依然一樣，沒有令我失望，你在我嘴裡慢慢熔化時是軟綿綿的，你消失後留下來清甜的沙糖餘韻在我嘴裡久久未散味道縈繞嘴巴，你實在太棒了！👏男女老少仔仔一堂品嚐「疏乎厘」雖然各食出不同味道，但一個共同的應是家家戶戶樂也融融👨‍👨‍👧‍👦馳名菜式太多了，最值得欣賞是每一道菜式都加以烹調說明👍套餐也不錯啊！☕️店長店員全都是有資深份子🤵型格

今天去食回憶😍依然舒適的環境😌老伙記叔叔服務態度依舊好👍🏻☺️只是食物的味道已經改變很多，尢其是瑞士汁產品🤭真心話羅麥記的更好吃😋梳乎厘其實叫黎開心（嘩）😅豬肶肉鞋拾拾😕汁小小苦，也不甜🙁瑞士汁牛河大不如前，不過食得落口的😆蝦多士，未吃過的可以一試🤨去懐舊一下，坐下係幾好的😊食品普普通通，唔係難食的😛雖然大不如前，但也會同家人去下，回憶當年😉帶小孩子見識下，巨型梳乎厘😄

歷史悠久嘅太平館😍😇～～～～～～～～～～～～～～～～～～好耐冇去嘅太平館，一食依然令人難忘，間中食一次好治癒。🤩太平館瑞士雞翼（8隻）（$176）雞翼嫩滑多汁，即叫即浸，頭抽、冰糖、紹酒配合得完美🤩太平館干炒牛河（$123）河粉新鮮，牛肉味濃，色香味俱全. 🤩太平館焗梳乎厘（$140）以蛋白為主嘅梳乎厘，即叫即製，外鬆內軟，好輕身，食陣風咁。🤩捲筒石斑（$168）石斑包住大蝦、香蔥，然後煎炸，淋上醬汁，依個配飯一流。～～～～～～～～～～～～～～～～～～

其實吾系第一次食太平館,但佐敦哩間系第一次, 之前食老銅/尖咀...以前都已經吾覺有咩好食又貴.....吾好想像中吾緊要 貴都吾緊要..(因為百年老店,個名都值錢喇, 甘野食不至於全部野食既)...但食甘多次吾系有人叫想食(總會有人未食過,想試....我一而再再而三甘去食-.-每一次都有吾覺佢出色) 講番琴晚, 第一次食佐敦店...一行5人..我大約8點05分去到 等位..8點半入坐 朋友8點半8點9 到齊...落單(2個2人餐 - 雞翼/乳鴿/煙肉雜菜/炒河/豬脾飯-4湯 AND 1個什扒餐配沙律 AND 散叫一隻乳鴿 AND 梳乎里) 先黎左3個湯1個沙律..等左陣都吾見第4個湯浮面...咪提下職員 問下系咪仲有個湯未上...職員問非所答 9吾搭8(再叫一個XX湯 要等好耐)我地就講我地叫左3個set應該系5個湯/沙律, 依家少左1個, (依家系要多個湯系咪) 我地要重覆  我地叫左3個set    系咪應該系     5個湯/沙律,依家少左1個       佢再答(要多個沙律 ok咩沙律) 我地R晒頭...再重覆我地叫左3個set系5個湯/沙律,依家少左1個  佢先睇睇台面 吾出

為了找地方泊車醫肚，偶然找到油麻地的太平洋館；以前，媽媽慶生會到的餐館，吃乳鴿。今天與老公去，他也點了乳鴿餐。我要了燒豬脾飯。再叫了超大份的疏芙厘。環境不錯，人少少，但入到去偏廳有D味。因為我不愛乳鴿，味道不是怎麼的。燒豬脾原來一早煮定，點了不到2分鐘就到；本以為「燒」的話會有脆皮，好似德國豬手咁。點知只是一片片的鹵水豬肉，而且是冷冰冰的。疏芙厘賣相吸引，口感也不錯，但偏甜。一次懷舊的相遇！就連在座的其他客人也有一把年紀的

阿妹定期產檢，可是妹夫出了差公幹，所以陪佢去產檢的責任交咗俾我。醫生話BB、媽咪都好健康，一齊平安。產檢後，我哋順道到佐敦茂林街食午餐。餐廳內裡很舒服，裝修很高雅，還有些古董擺設。午餐的價格似乎貴了少少，但環境好，算是值回票價。我哋叫了一個燒豬脾飯午餐和一個乾炒銀芽炒河午餐，跟一個湯、一客沙律和兩杯橙汁，埋單都只係$172。【鮮菜沙律、粟米忌廉湯、橙汁】沙律大碟，蔬菜新鮮，兩個人都夠食。忌廉湯夠熱，夠滑，橙汁正常無特別。【餐包】夠熱，夠軟熟，好食。【乾炒銀芽炒河】炒得夠乾身，夠香，唔油膩，味道唔錯。【燒豬脾飯】最初以為會是一大舊豬脾上的，原來是切成一片片，食得夠方便。上面仲有些特別醬汁和脆肉瓜做配搭，食落味道都幾好。白飯大大碟，我哋免強才食得晒。好鍾意呢度的環境，夠優靜夠高雅。等妹夫返來，一定要屈請我再嚟食個高級晚餐。

老公仔今晚帶我去太平館餐廳, 話之前已經想帶我來食野原來哩間餐廳已有158年歷史, 裡面環境幾懷舊feel, 冷氣風口令我唸想國內舊式酒店 ]因為懶得揀, 所以叫左二人餐:]餐前海龍皇湯, 味道岩岩好, 唔會好濃味。原本冇餐包, 但老公仔鍾意食, 所以又送左兩個包比我地干炒牛肉唔會太油或偏鹹, 牛肉又多:燒乳鴿, 哩個就燒過籠, 偏乾。食完左同店員講, 佢話下次發現早啲講, 一定會幫客人換。當時純粹反應下意見, 但睇得出店員幾緊張店舖聲炒雜菜, 有好濃ge火腿味]整體食物都唔錯, 員工服務都好好:下次想試下佢地ge瑞士雞

食物比以前差，特別是乳鴿大隻左但無肉味，雞翼有點雪味，燴意粉普通。還未吃完主菜便上了梳乎厘，離譜送上來是個梳乎厘已經開始下榻。🙅🏽‍♀️🙅🏽‍♀️🙅🏽‍♀️

喺佐敦返工，雖然附近有好多食肆，但係食來食去都係果10間左右，食到有啲悶，所以今日同同事2個人亂咁行，行左去咗遠少少既太平館餐廳度食，因為已經兩點半，所以可以叫下午茶，同事叫了一個濕炒瑞士牛河，而我因為冇咩胃口，所以淨係叫咗份西多士嚟食，濕炒牛河我同同事都覺得味道其實唔錯，但係感覺似係瑞士汁撈河多啲，始終瑞士牛河係乾炒會好食啲、會match啲，濕炒好似怪怪的，西多士就正正常常冇咩特別，至於奶茶、檸茶，就不過不失啦，始終唔係茶餐廳嗰啲味道，沒有風味，呢類舊式餐廳雖然買少見少，但係時代真係唔同咗，客人口味都改變晒，所以呢啲餐廳都唔會好似以前咁坐到爆場，仲要等位，依家一入去就有得食！