太爺雞 (已結業)

最討厭見到評論被打手侵佔，我是第一次在這裏寫食評。意外驚喜，太爺雞真的名不虛傳。夠軟，有雞味，京都肉排味道很好，但也不見得很多肉汁；枝竹魚腩煲，份量還可以，不過不失。最重要的是看到評論說服務態度很差。我就覺得只要不要期望酒店級服務，這裏也算不錯。吃到半路中途，還有一位不知是否老闆的同事問好不好吃。我想，在很多大酒樓都沒有這種問候。 在沒有加一，沒有茶芥，分量足夠，人均消費大概80元，這服務都算不錯了。

星期五約飯局，來試下這家招牌菜及其他小菜，一坐下侍應便問我們食不食太爺雞 既然係招牌菜，當然試一試 再叫埋豬手，薑蔥生蠔煲和梅菜扣肉煲.首先豬手最入味，作為冷盤小菜再送酒是不錯的選擇~但招牌菜太爺雞就不似預期了，略嚡口的豉油雞，相對下生蠔煲更吸引，隻隻肥美，而梅菜扣肉不知為何不見肥膏，瘦得連膏油香都無埋，連帶令梅菜也一併失色。整體而言不過不失，不過最奇怪係當晚9點幾已經拖地執枱，提醒客人已到店門時間，但明明openrice寫11點才關，莫非有錯?

雞全部都係雞，聽個名就知呢間餐廳係專門食雞嘅，話說媽媽好鍾意食雞，於是我就成日都會留意下有咩餐廳係專門食雞，務求帶媽媽食哂香港最好味嘅雞😚😚😚😚😚😚其實之前都食過大埔分店，上次就食左佢哋嘅太爺雞，媽媽話其實咪就係豉油雞囉🤪🤪🤪今次就去觀塘嘅分店再試埋其他嘅雞先。。。今次我哋食咗貴妃雞，霸王雞，口水雞，冷盤豬踭，客家釀豆腐，梅菜扣肉😍😍😍😍呢度嘅雞果然好好味，好重雞味，唔係講笑架，其他餐廳食嗰啲雞係冇乜雞味架，媽媽話最好味嘅都係太爺雞喎！

經男朋友介紹下2個人黎到呢棟工廈入面食野, 平日晚上黎到都唔算十分之多人, 之前佢食過, 仲要話好好好好味喇! 當然要試下佢地最有名氣既『太。爺。雞』馳名太爺雞$90 (半隻)黎得呢度當然食返佢地既太爺雞, 半隻都幾大份啊! 2個人唔好因為眼闊肚窄而叫太多野食, 我倆最唔中意就係咁, 所以叫左2個送就算。其實太爺雞就即係豉油雞, 豉油唔算好杰身, 不過雞皮上滿豉油既啡色, 賣相都唔錯! 食落去雞肉未有吸收到豉油既香, 不過講真的! 雞肉肉質的確係幾嫩身, 就算係胸肉一d都唔hi口, 4個字可以形容到 - 皮薄肉嫩!!!!! 雞唔算好大隻不過份量都唔少嫁, 而且皮下脂肪真係冇咩, 唔係肥雞, 2個人食半隻份量都ok. 回頭率都幾高! 薯仔牛柳粒 $852個人食得唔多野, 再叫左呢個薯仔牛柳粒, 不過我倆都有點失望.. 首先牛柳粒太過林了, 口感未至用野醃到好林, 不過口感沒有吃肉既質地, 而且冇咩味可言. 薯仔因為事先煮過再炸, 但個人覺得有點over cook, 薯仔太林沒有咬口, 而且唔係好夠獲氣啊! 呢個同男朋友2個真係有點小失望2個人食得唔多野, 未能一一將餐廳主打試勻. 不過主

唔係第一次食，覺得中等，係性價比高。今次好似平時咁去食，入面唔係坐滿人，我地叫左幾個小菜。係我地坐低之後，隔黎黎左張大枱。等左好耐只係黎左兩個餸，但隔黎大枱同其他大枱就係咁上菜。隔黎遲過我地黎但都上哂菜，我地叫左個菜，炒條菜都等成半個鐘至九個字，唔知我以為我fine dine緊。廚房好明顯揀餸煮，又或者大枱佢地就在意d我唔知啦，感覺好差。隔離大枱結果係我地食緊最尾個飯就已經食完離開。食物方面係OK，如果你有整個晚上既時間(大枱快d)。

太爺雞半隻$88- 甜豉油微稠香濃，雞嫰，連雞胸位也甚滑蒜茸蒸開邊蝦$88- 不太彈牙，但算新鮮椒鹽白飯魚$68- 粉漿過厚，令整件炸物呈硬身，魚味欠奉*位於工廈，貼有只招待該工廈受僱人員的告示，相信與工廈食堂牌照的規範有關

因不方便煮餸，所以要叫外賣。在openrice搜尋時，發現官塘有太爺雞 (因之前在大角咀食過，不錯)所以打去問可否送外賣。結果是可以的，便叫了幾味，當中包括招牌菜「太爺雞」及「太爺豬手」。送到後我們還要等齊人才進食，打開餐盒時，餸菜還有微溫，除了兩款招牌菜保持水準外，其他的小炒也不錯，當然因放久了而賣相不太好，但味道還可以。當朋友們知道價錢後，更大讚，並要安排去堂食。

位於觀工廠大厦內的【太爺雞】，外表平平無奇，如果唔係有Openrice真係好難知道這裡有間中式食肆。甫入【太爺雞】，室內裝潢平實不取巧。除餐牌上的菜式外，另外有些是日海鮮，價格平實。未決定任何菜式之前，首先點個老火湯。【青紅蘿蔔煲豬骨 $68】兩個人分享這煲例湯，平均每人要飲4、5碗，份量太多。例湯內有不湯料，有青紅蘿蔔粟米及豬骨。粟米味太重太甜，唔係好覺有青紅蘿蔔味，更加沒有一點豬骨肉味。這裡有數款不同做法的雞作選擇。各款雞各有特色，但是餐廳叫得【太爺雞】不得不點個【太爺雞】一試。【太爺雞】最少要點半隻，而且吊掛起的雞似豉油雞多點，賣相不太吸引。傳統的「太爺雞」與鹽焗雞、文昌雞和脆皮雞稱為粵菜四大名雞，其中以「太爺雞」功夫最多，幾近失傳。「太爺雞」即是「茶香雞」，創立於清末，是指以煙熏炮製的豉油雞，先以滷水浸熟，再用甘蔗渣、茶葉加糖熏，好處在於入味非常，皮香肉嫩，吃後口有餘甘。坊間大多以為豉油雞即是「太爺雞」，雖然同樣以秘製醬油滷成，不同之處在於傳統「太爺雞」加多一重工序，利用茶葉煙熏。這裡的「太爺雞」的賣相就不太像。 【太爺雞 $85 半只】沒有半點茶薰味，只是用上秘製醬汁醃製而成

太爺雞@觀塘朋友請客，發辦話嚟呢度食餐廳喺工廈之中，環境 OK 啦蟶子好大條，性價比高蒜蓉粉絲送飯都好正！椒鹽鮮魷同平時嗰啲個樣好唔同但一樣係好香脆 😜太爺雞掛住食無影相，好好食仲有碟叉燒就普通

我唔係打手，第一次寫食評，係因為真心覺得被偏，食評好假16人晚飯，我地訂左壽飽16個，收$260，唔算貴，但唐記都好食過佢囉，無咩蓮蓉，飽又唔用籠上，用個碟堆起，肉酸到呢我地一坐低，就sale我地扇貝，話得返15隻，好啦$35隻就叫啦，上枱時，眼都突埋，每隻得幾條，係幾條粉絲舖面加少少蒜蓉，扇貝當然唔大，仲有一隻係變左味同佢講，佢話減收一隻，但轉頭又有第二個伙計埋嚟話蒸一隻補俾我地吓，又話得15隻我地堅決唔要，但埋單時係無減，又要理論一餐招牌太爺雞係全晚最好味梅菜扣肉，瘦到似肉乾，真係keep fit朋友既希望仲有個酥炸豬大腸，得幾片，傳菜呀姐仲要好大聲話"例牌係咁架啦"，我×&$#!。。。我唔係未街食過野架，其他食店係無咁肉酸，墊底既波羅仲多過炸大腸成條街，係咩玩法其他餸真係唔再講喇我好後悔，唔聽朋友講話試過食lunch好差，我仲話可能dinner好d呢，我仲講openrice食評好讚我地埋單$2310-我唔覺得貴，只係覺得超唔掂，超級唔掂，一定無回頭同行所有人也表示一定不回頭。(p.s.小菜嚟講，呢間同稻香晚飯一樣水平，差差差)

首次在官塘店品嚐太爺雞，一入口就覺得係重味豉油雞，雞肉不夠嫩，這店沒有筲箕灣店太爺雞的玫瑰露酒香，雞肉嫩滑。官塘店沒有下次。還是筲箕灣店好味。另外，早去到只得一枱客，雖然我得2人，阿姐唔俾你坐入面枱，梗要你坐門口位，阿叔又話我坐係個路口位，要你坐入D，得2個人坐得咁遠，搭枱咩！坐個位D員工都咁麻煩，不會再到此店。

自從好運個師傅唔喺度之後，喺觀塘要搵返啲可以叫餸食飯嘅地方就真係少之又少。但係我嘅同事每一日都會打電話過去好運度問個師傅返嚟未，今日又比佢問到話個師傅好似返咗嚟喎，又去咗望一望，咁點知又係食閉門羹。所以就去咗呢一間平時有見過，但係冇入過去嘅太爺雞度試吓啦。呢度除咗有午市嘅快餐之外，都可以叫餸食飯，咁我哋咁多人，梗係叫餸食飯啊。附送幾碗餐湯，但係就真係唔得啦，一定係溝左水，味道非常之淡。首先就係呢叫咗半隻太爺雞，個份量都幾好，雞嘅肉都好飽滿，而且個雞肉好滑 ，真係幾好。味係豉油味，但係又唔會太咸，甜甜地。黑椒牛仔骨嘅火候就真係十分之夠，一食落去就感覺到黑椒嘅辣。但係唯一就係唔係甘熟，因為有啲牛仔骨接起左，嗰啲位接觸火嘅位置比較少，所以呢就偏生。菠蘿生炒骨個人覺得啲味道幾好，酸酸甜甜，咕嚕肉嘅脆皮都做得幾好。但係同事就啊個味道就一般，可能各有各口味啦。鮮魷炒勝瓜都幾好，除咗勝瓜之外仲會有黑木耳同埋蘿蔔，魷魚有口感，有鑊氣。但係最唔好嘅就係佢啲白飯都要繼承＄12.1個所以埋單就要差唔多＄90.1個人。雖然味道幾好，但就太貴了。

慕名而來想試試太爺雞的花膠鮑魚扣鵝掌，可惜店員說這道菜是要提前一天預訂，所以都有少少失望。但既然黎到就必定要試一試這裏的太爺雞，太爺雞的賣相雖然好似豉油雞，但是做法就完全不同。根據店員的介，雞是用上滷水先浸泡入味，然後再用煙燻的方法燻熟，最後淋上甜豉油。難怪食除了肉質鮮嫩外，還有陣陣的煙燻香味。這道菜「京都肉排」應該是大人和小朋友都喜歡吃的餸菜，啖啖肉的肉排配上新鮮的菠蘿酸酸甜甜的大大隻美國桶蠔配上大量的姜蔥，熱辣辣上台，yummy想不到滑蛋蝦仁竟然用上新鮮的大中蝦炒，店家不計成本益食客，讚最後來一碟炒芥蘭，

唔敢話自己係咩大客仔，但問心黎食過幾次，都覺得味道唔錯，價錢唔貴。週四晚，朋友諗住同媽媽黎食中菜，當提早食母親節飯，週三，即係早一日已經打過黎，諗住穩陣啲，預約。點知聽電話嗰個呀叔，同朋友講，話7pm呢啲時間唔洗book啦，到時walk in。呀心諗，你咁老定，好啦你都咁講，我地仲可以點？唔通質疑你咩同媽媽去到太爺雞，有個阿叔第一句「得」埋黎話無枱同佢講話聽電話嗰個講唔洗book！佢居然話唔知邊個同事聽電話，大佬呀咪你把聲囉一副唔憂做咁嘅款！勁嬲，諗住食個飯，唔打黎先就話自己抵死啦，打左黎你又話唔洗book位！永不錄用，態度咁差

朋友推薦位於觀塘工業區的太爺雞，第一次來幫襯，地方有點難找，因為它位於一樓走廊的比較後位置，而且走廊沒有指示牌。走廊轉角才見到太爺雞招牌，這裡裝修比較大眾化，乾淨企理。來到太爺雞當然要叫招牌太爺雞，太爺雞雖然樣子像豉油雞，但它除了有滷水味外，還帶煙熏味道。雞肉嫩滑多汁，正👍🏻😋切得細細粒的太爺豬手非常爽口弾牙，一點肥膩感都沒有，拌著蒜香和淡淡的麻辣，喝上一口啤酒，一天的疲勞盡失。京都肉排應該是最受小朋友歡迎的吧，酸酸甜甜的，新鮮的婆羅加上啖啖肉的肉排，送飯一流😋再來一煲姜蔥美國桶蠔，大大隻的生蠔，肉質爽滑，蠔味十足，加上姜蔥後，鮮味馬上提升，令人回味無窮。最後再來一碟蒜茸炒芥蘭，青翠的芥蘭爽脆清甜，一下子被我一個人吃了半碟，正！