太興 (企業廣場)

營業中

休息中

平安夜，只想與男友簡簡單單食一餐，來到九龍灣太興，因為天氣都凍凍地，食煲就最合適啦。兩人，叫了一個羊腩煲（$168+$19轉套餐），西蘭花斑片（$78+$19轉套餐），餐飲轉加$28變燉湯，選了杏汁燉豬肺。一上枱先來西蘭花斑片，斑片肉質彈牙，菜炒得剛好，爽口且入味。水準保持，不太咸。羊腩煲，以爐仔上枱，汁醬調製得不錯，很濃稠，材料十足，有很多件羊腩，枝竹，冬菇，馬蹄等，枝竹吸收了醬汁的味道，很入味，羊肉炆得很"淋"，食完整個人都暖暖的。至於燉湯，選了家中很難會飲到得杏汁豬肺湯，一打開燉鍋蓋，濃濃的杏汁迎面而來，入口很滑溜。。。豬肺燉很很淋，邊飲湯邊食湯料，感覺很潤。。。總結，雖然價格是比平常小菜貴，但太興廚房食物可以保持穩定水準，而且地方闊落，很舒適，值得一去再去。

星期5 ga lunch時間度度都甘多人搵左好幾間都冇位難得太興有位諗都唔洗諗入左去出面等左陣但係入面都有幾多張吉台可能做唔切所以唔敢放甘多人入黎太興最出名係燒味今次試試新意思食 冬瓜蠔仔泡飯蠔仔都有十幾隻都算足料湯底一飲就知超味精師傅落得幾重手食完要勁飲水不過$50連野飲都算係甘

去太興食午飯，叉燒切雞飯係必然選擇，但今日去到見到餐牌個餐蛋飯好吸引，太興餐蛋麵不嬲都出名，餐蛋飯一定唔差掛，就試下佢。但真係好好食，煎半熟蛋，流哂蛋汁，餐肉有質感，再加個豉油汁，一個字，正！加埋冰鎮奶茶先四十幾蚊，好滿足嘅午餐。

食午飯時間去太興，諗住可以快手食個飯。坐低左叫左燒豬燒鵝飯，個姐話無燒豬無叉燒又無燒肉，咁ok 啦，叫個燒鵝熏蹄飯，好快黎左杯野飲，之後聽到隔離枱投訴話炒米成半個鐘都未黎，心諗唔會咁黑掛，過左三個幾字都未有野食，出聲同阿姐叫埋單，阿姐話要叫經理，我同經理講我趕時間要埋單，佢先走去check單，轉頭同我講話張單改左因為無燒鵝，但無人問我想改咩，所以張廚房單就咁擺低左。咁經理問咁你依家想食咩？我真係想人都食埋，同佢講我真係趕時間開工，要佢即刻幫我埋單。最終佢唔洗我俾杯野飲錢，但係我就餓左成個下午

香港地乜都加價……唉午餐想食好少少，都成80蚊一餐…始終係打工仔，平有平食啦但食物份量都唔好咁少丫~要夠飽先得，係咪先？除左去工業區茶餐廳先可以食到平少少既午餐有時一次跟同事去左太興食午餐多人到等左好耐可能呢到食午餐叫做唔算貴我都覺可以接受份量都幾大份下呢個叫咩雪菜肉絲魚皮餃米粉好似幾大碗而且好香濃，味道好好，十分適中，濃淡得宜，米粉唔會硬，又夠味，魚皮餃都幾大粒有口感同都好新鮮鮮味，呢個價錢算係咁仲有杯奶茶好正，好濃郁，茶奶比例恰當不錯

​ 12月11日同屋企人睇完傢俬之後就去附近食少少野， 好耐都冇食過太興，而且下午茶價錢比較合理， 所以就入去坐。位置都幾大，環境舒適。 我就叫左一個 惹味排骨麵線＄46 裏面啲湯味好濃郁，好明顯落咗好重嘅味精， 排骨其實比較似牛肉？ 麵線佢哋話係米線，不過食落就遲幼面同粗面中間， 有啲咬口，整體味道太濃郁肉類又過分入味。 好彩隔離有得自助飲水，熱水無限提供，可以沖淡啲味精利道。 如果講飲品來講，熱飲亦算不錯，可惜我哋來食嘢唔係飲嘢。 太興 九龍灣宏照道38號MegaBox 10樓7號舖

偶然發現呢間太興較佢嘅其他分店抵食，weekday 晚餐唔使加錢，可以免費小菜變套餐，實在太好喇！於是我地好有誠意咁，放工就去咗幫襯喇。點咗2個小菜開心share，涼瓜炒牛肉and 西蘭花魚柳，有2碗白飯+2杯餐飲送嘅，不過凍飲要加3蚊。廚房好有效率，d餸好快就到哂。涼瓜真係冇改錯名，名符其實係“涼”嘅，好似係“由於時間嘅關係，一早已經準備好喇”。涼瓜一d都唔苦，我好鍾意，牛肉雖然熟哂，但係一d 都唔靱噃。雖然中菜係多油d，但係呢碟就唔覺太多油，但就因為“涼”咗，好地地嘅涼瓜炒牛肉，就係咁扣咗小小分喇。西蘭花魚柳就好d，粉醬唔會太厚，薄薄地，啱啱好，西蘭花炒得爽口，不過略嫌花與花之間都好似被醬過咁 ; 魚塊好厚身，食落啖啖肉，而且已經冇咗雪味。本來諗住又菜又魚應該會健康d，但係有太多油喇。最好嘅係白飯and餐飲係free嘅(只限Mondays to Thursdays)，但係凍飲就要加3蚊喇。

上次來這間太興，給我的印象是麻麻，不過今晚落街第一眼就看到太興，不作他想就取了籌，等了一會便可入店內。 雖然去太興不一定要點燒味飯，有其他小菜套飯選擇，不過他們的燒味一向出名，有一定水準，不想浪費時間，點菜時我就會要一客叉燒飯，心想不會失望。 這一客叉燒飯，沒有像上次般黏黏的，不過蜜味都豐富，肉質就有點腍口，但未至於鬆化。叉燒是全瘦的，沒有半點油膩，在這情況下的叉燒都算收貨。 油菜是菜心，今次用上了蠔油，不過蠔油偏少，沒把整碟菜都是蠔油。菜也是煮得腍腍，沒有爽脆的感覺。 柚子蜜都是甜甜的，喝一杯可滋潤一下，援和潮濕的天氣。杯底裡有柚子果肉，把水和果肉混和，就是甜甜的一杯柚子蜜了。 今次好像是好了一點，叉燒至少不會硬身的。由於時間不早，店舖要收工，因此還未吃完之下，已經收下飯錢，有點莫名其妙的感覺。

茶餐廳既奶茶一向都係我既至愛!!太興既冰鎮奶茶更加係NO.1一般茶餐廳既凍奶茶都會係奶茶入面加冰，杯奶茶未飲完D冰已經溶得七七八八，令到奶茶味變淡!太興既冰鎮奶茶就係我欣賞佢將冰放左杯外，既可以令奶茶夠凍，又可以令奶茶味道不變!茶味香濃而奶滑，口腔久久仲有茶香味，回味無窮!

今天跟同事一同午餐到了太興,點了個雪菜肉絲魚皮餃米配奶茶老實講,賣相如同普通茶餐廳沒有分別,十分求其雜亂雖則唔見得人,但味道不錯,魚皮餃完全滲透了雪菜湯的味道味美但不膩,米線煮得不會稔,反則夠爽口彈牙奶茶更是招牌,不過今次沒有點冰鎮,反而點了熱飲,香而口感幼滑,茶味濃郁至於各方面的分數,可參考以下 食物質素:7/10好味度:7/10環境:6.5/10服務:5/10抵食指數: 6/10整體:6/10

同老公黎 megabox 行下，未到食飯時間但係又口痕，就去太興食個下午茶叫左個大都牛肉面，$38，免費升級意式泡沫咖啡。牛肉糸牛展，有4件，算厚切，good！ 五香味道，醃得唔錯，夠淋夠香。面底也唔錯，係粗拉麵，咬落去有口感，實實的，OK好味道。湯底略鹹，不過都ok因為只是用來吊味。整體來說幾好！

SHOP 很光鮮,吸引了我TRY,TODAY TRY 八寶飯,什麼都有,,賣相GOOD, 油菜SIZE大碟 ,看似很好食。 碟飯有咸蛋一隻，墨魚和紅腸很薄。燒肉脆。油雞好嫩，叉燒好肥, 燒鵝一般。MILK TEA VERY VERY GOOD!!NOT CHEAP!

太興- 褪色了的八寶飯一看此扇形，就知道這是該店有名的八寶飯，價錢是否因為租金的關係，盛惠要68元一碟，確實貴。再比起同店48-50元時期的八寶飯，顯然遜色。從前的，每一種餸菜都是真材實料，絕不欺場，燒肉厚而脆，叉燒厚薄適中不乾有肉汁，雞白切幼滑厚肉，燒鴨有層次而口咬有嚼勁。熏蹄厚薄利落，肉呈渾圓，色澤均勻。鹹蛋黃金黃閃閃起沙，儼如一幅燒味風情畫。惜現在的，肉切得那麼小塊就切更小，有那麼薄便批薄，或成干物……熏蹄零碎，那魷魚片慘成微薄刺身片，昔日的八面玲瓏，現在已感到斯人憔悴。家有一老如有一寶，如此八寶，看來已俱往矣。

今日難得噤早番到公司，仲可以施施然落街買番個早餐添好耐無食太興早餐，決定去重溫吓！去到都好多人，決定外買個香辣肉碎札肉湯米早餐，由等餐到上番公司都係１０分鐘嘅事，快先開個香辣肉碎札肉湯米先，外買係會分兜嘅噤都幾好，有時買得個湯米上公司，個米都吸晒啲湯嘅，今次就唔會喇自己倒湯再焗咗一焗先食，肉碎同米粉嘅份量都可以接受，但札肉就得一片，想點？ 其實肉碎都係用嚟調味，小小辣味係好食啲，辣度都可以，因為一朝早食太辣都唔好！值得一提嘅係個米粉，個質地係焗咗陣同浸咗陣都係唔會發太漲同變得糊嘅一宜都保持到煙煙韌韌！非常唔錯個奶茶唔駛講，好滑又濃，飲完之後，成日都噤醒神

一次可怕嘅用餐體驗！講真.太興成日賣廣告，但係香港出世嘅我2x年從來未食過太興.咁今日約左女朋友睇戲.睇之前醫左肚先！見未食過太興就試一次喇！打開餐牌d飯賣相都OK 但價錢略貴.最平都六十幾蚊個飯....唉！心諗.算喇入左尼預左2個人百零蚊落樓.我就揀左個【牛枊絲瑞士汁濕炒河】，因為見賣相幾好，瑞士汁又好似幾特别咁到尼到碟粉發現一堆垃圾咁，牛枊絲加埋都冇十條，食落口d粉暖既！d牛枊冇味道就好似煲完湯d瘦肉咁！$66要我食d咁嘅野！免費都唔食！！如果女朋友唔向度我一定投訴！