太興 (白加士街)

營業中

休息中

同大部份打工仔一樣, 午飯晚飯都係講求快靚正~所以 一個星期之中 都有好多日去食太興~今年 成日都會響附近開工, 所以就成日黎你間分店啦~咕嚕肉 有一排好好味  又香又脆 咬落啖啖肉, 酸酸甜甜開胃送飯;不過, 之後又有一排 又肥又多根 無乜肉地 咬唔斷咁滯... 所以 試咗好幾次發生咁嘅情況 質量唔好之後, 成班同事 都小去咗食了~其他小菜 同燒味都係一樣, 時好時壞 質素唔夠穩定...嗚嗚~ 加油吧！可唔可以 比返D信心我哋啊！？

是日和爸爸來到佐敦太興早少少吃下午茶；潛台詞：晚點點吃便宜午餐。太興的下午茶比很多食肆來得早，2點便有了。是日點了一碟雙拼飯（$58）和 西多士餐 （$28）。太興的燒味雖然是中央廚房供應，但感覺上每家的後期加工和存放方式不同，所以質素上見出入。先來的燒肉拼叉燒飯（汁另上），叉燒味道比平時甜，少了一份咸味，而且軟腍。但燒肉肉質較韌，而且皮乾得來不算很脆，有點令人失望。至於，飯的份量尚算充足，是下午茶較飽肚的選擇。推薦指數：3/5反而太興的西多士，每間店做法一樣，鮮有失望情況。西多士炸得金黃之餘，新鮮炸起見多士上的油泡緩緩消散，貌相一流！切開點上糖漿，仍然外脆內軟，是用上新鮮麵包的證明。而且，中間夾了點微咸的花生醬，甜咸並置，相當高水準的傳統西多做法。推薦指數：5/5不過，佐敦店面積較少，相對地坐得不及其他店舒服，也輪候了10分鐘才能入座，但還是值得推薦的一間食肆。

過年大家都興叫盤菜食，格過價之後決定叫最划算嘅太興鮑魚味豐盛盆菜（6-8位用）。在網上訂不到，致電職員查詢，原來這一款盆菜只能在分店預訂，不能在網上訂購，網上標示的優先價$708推廣已完，現在要$798。因打算在尖沙咀吃，所以便安排在佐敦分店自取。用鐵盆盛載比較輕身，一個女仔都拎到。盆菜整味道不錯且十分足料，共有18款珍品：原隻鮑魚8隻、海蝦12隻、花菇12隻、如意髮菜、蠔皇花膠、海鰻鱔肚、蘿蔔、雲耳、枝竹、芋頭、魚蛋、燒腩仔、豬手、豬手、魷魚、素翅、西蘭花。內裡嘅餸菜仲係凍，要有耐性等翻熱才可吃。啲蝦夠大隻，冬菇炆得好腍夠入味，最正係芋頭同枝竹，索哂啲汁。仲有盒燒味係分上，俾咗燒鴨同油雞，呢個價錢有咁豐富嘅盆菜真係抵

朝早已起床，成個人都偶偶豆豆咁，都未清醒過嚟，去到食早餐度都覺得仲應該翻去訓下覺先，哩個時候呢，就系太興嘅一杯奶茶就可以令我醒翻曬。奶茶系一大早飲就無會覺得好甜，入口之後有小小澀味，慢慢品嘗之後就覺得甜味都翻咗嚟，其他味覺都逐漸蘇醒，奶油豬仔包，朝早食奶油類食物，而且系搭配豬仔包，都覺得幾重口下嘅，不夠我鐘意，無辦法，豬仔包無會油，奶油又有小小油，所以岩岩好可以互補、西多士我都會點，不過一般系睇心情嘅，就系今日咁開心，西多士烤嘅口感唔重，比較上火嘅感覺，自己睇住自己喇。

琴日去左太興！明知佢係貴，但想假期食得好D，貴少少都好啦！點知。。。。真的令人極度失望！$6X碟馳名燒腩仔飯，不單無賣相，簡直就像垃圾咁堆埋一堆，顯出突顯廚房的求其！如果好食我都唔會怪佢！令人失望的是，一點點也不好味！腩仔骨肉分離，腩皮又油又淋，連蝶飯都是一pat pat的，似米漿多過飯，無texture又無飯味！令人失望之極。『難食』我唔怪佢！但收我咁貴卻對食物的處理毫無誠意，就難以令人原諒！仲要加＄18先可叫雙併！叉燒當然都係唔得！真係“霉”肉囉。仲要俾得兩滴叉燒汁！好在要求加汁佢都肯俾！否則……老板叫左點瑞士汁炒河，都係一路食一路鬧！牛肉霉的！河粉根本未炒開，仲係一叠叠！個汁就只得一個“甜”字！全無瑞士酒的咸得黎甜甜地的神粹！兩個人食左成＄150！（好唔值！）這都不是最重要要！最重要係浪費我們假日食野的quota，不能原諒！

諗住他的燒味應該OK至去食，點知燒肉層皮又唔脆，咬到牙都軟，燒鵝俾哂骨我，都無所謂，老公喜歡皮香，但又唔掂，無下次。

跟女友嘆下午茶 tea set，叫了兩個鮑汁雞翼撈公仔麵（之後先發覺好似係出前一丁）跟冰鎮奶茶。杯茶好滑，又不會太甜（雖然對我而言，無咁甜會好點）。之後個麵到咗，望上去份量有點少，食落又ok，只可怪個碗給人一個錯覺。雞翼得三件，但size補究，味道會似鹹版可樂雞翼，鮑汁嘅味道不多，但其實都知道是 sell gimmick。總括講，佐敦實在太多選擇了。這太興揀在兩層的翠華正對面，起初我以為它想跟翠華打對頭，但有只得個燒味部。人家炒粉炒麵都有得吃，你就煮個麵都難（詳情請看題外話）。加上價錢上真的比其他地區茶餐高但食物又沒有特別驚喜，真係好難突圍。

didnt have Siu Mei for long time, my last visit was around 1 year ago in mongkok. But this time, price has been rised as expected but not expecting that much!! anyway, the outlook wasnt as good as before, very skinny chicken and very small portion of rice. pork is kind of okay... crispy pork skin but also not generous enough. at the end, found out they have special offer after 9pm. >_<