太興 (白加士街)

營業中

休息中

太興的奶茶一直都挺穩定的，茶味和奶味都很濃厚，口感很絲滑。把冰塊放在外面，令奶茶原汁原味，今天的雞扒也很嫩滑。美X現在早餐也漲價了，不如加兩三塊來吃太興，起碼吃得下

太興出名燒味，但佐敦呢間燒味唔好食，燒肉皮唔脆唔緊要，但係好靭，咬到牙都攰。冰鎮奶茶，一啲都唔冰，仲暖暖的可能我比較敏感，覺得店鋪有陣唔係幾好聞既氣味！佢比其他店舖係較為差

太興一向燒味出名，諗住味道好穩陣啦，但呢間分店忍唔住要俾負評...叉燒又鹹又鞋口，燒肉個皮係淋既.... 得油菜同飲品正常發揮...收$77 食呢個質數真係好難收貸

自从之前在上水吃过太兴，觉得很好吃后，就一直对太兴很有好感，这次跟朋友在佐敦这边，找店，当我看到这家店时就毫不犹豫地来了，我点了一份叉烧饭，朋友点了一份咖喱牛腩，朋友表示，这是他吃过最好吃的咖喱牛腩，我觉得我的叉烧饭也不错，我的叉烧饭还送了份油菜，在这边吃到菜太幸福了。

由于市场上有不少不选择，已经有一段长时间没帮襯这类传统茶餐厅吃东西了。今天在白加士街看到太兴，也想再试试他们的味道。刚好是下午茶时段，店外摆放了相关套餐的菜单，30多元的下午茶餐跟周边的食店差不多。常餐丰富一点，但过几个小时要吃晚饭，还是吃一个轻盈一点的下午茶套餐。点了这个罗宋汤配四色卷差，但点完餐后等了差不多10分钟才送到。汤内放了点通心粉，吃完会饱肚点，但汤的浓度较低。至于四色卷，腐皮内包了点蟹柳和鱼肉，味道不过不失。较为特别是餐饮，选了咸柠水，味道带小咸，没有苦涩味，比传统的热饮好喝。

屋企人俾咗幾張太興現金券我，平時就好少食燒味飯，但係見到有現金券就即管去試吓。我叫咗個油雞燒肉飯加杯冰鎮奶茶，冰鎮奶茶係唔錯嘅，味道幾濃郁。但係個燒味飯就真係完全唔掂，燒肉好多肥膏，而且個皮又唔脆，仲要係凍嘅！油雞都係凍嘅，呢間真係唔會再幫襯。

今晚兩個人又去了伊園探病，探完都8點了，當然要食埋飯先返歸啦。提議去翠華，遭否決，因位唔鍾意佢貴不特止，啲位仲超逼唔好坐。於是就行到去白加士街的太興吃晚飯，一來貪佢隔籬有亡命小巴，吃完飯可以坐小巴返屋企。 小茶套餐都好多款，一時間都幾難下決定。不過經店員催促之下，都不作多想，選了紅燴牛肉和通菜鮮魷兩個套餐，餐飲點了熱奶茶。 上嘢都好快。 通菜鮮魷菜的份量合格，魷魚就掙緊啲。魷魚食落幾爽口。 紅燴牛肉好有番茄味，啲牛肉炆得好腍，好入味。啲汁唔好嘥，用來撈飯食係幾好的做法。 奶茶味道正常，沒有驚喜。少少唔滿意的是，上到來時，倒瀉咗唔少。

今日工作需要未到佐敦白加士街附近，肚餓就走咗入去呢間位於到白加士街嘅《太興燒味》食午飯。我叫咗個午餐精選入面嘅燒鵝紅腸飯飲熱咖啡，合共盛惠$56。碟飯好快就送上枱，燒鵝居然是燒鵝髀，真係十分驚喜！燒鵝髀食落皮脆肉質，肉質嫩滑，而且好入味；紅腸味道一般，不過不失；白飯口感適中，但是份量略為少。熱咖啡的咖啡味夠濃奶夠滑，但是比較細杯。總括嚟講，在市區只是用$56就可以食到燒鵝髀飯和飲到靚咖啡，實在相當不錯！

今日同個同事去開佐敦個頭做野，做完都二點幾了， 就係附近搵間茶餐廳食啲野，經過見到太興門口有燒鵝食，二話不說行入去等了一陣有位坐。下午茶餐都有好多款。。。雞翼、通粉、三文治餐樣樣都想食。最後揀了燒鵝米粉，因為好耐無吃過呀！燒鵝皮脆香口，燒鵝肉鮮嫰。T10. 輕盈燒鵝湯米粉 $38同事點了西多士，估唔到幾大塊炸得金黃色，新鮮熱辣係最好食的。T3. 雞蛋西多士 $32跟餐飲 熱柑桔蜜，這個柑桔蜜味濃。跟餐飲 熱柚子蜜，柚子蜜香甜潤喉。

三個人去食晚飯，入座時見到有客人一個人食一大碟鴨，覺得好誇張。當的們坐低看餐牌時，發現原來「馬來椰香春鴨」好平宜，一隻70元，半隻35元。於是乎我們叫了半隻「馬來椰香春鴨」，另外再叫了「特搜叉燒飯」68元和「頂級午餐肉雞蛋三文治」27元。馬來椰香春鴨，味道可以，但肉質有少少硬。特搜叉燒飯可以㨂瘦叉燒、肥叉燒或半肥瘦叉燒，我們㨂了半肥瘦，叉燒好軟好味，有菜伴碟，值得推介。頂級午餐肉雞蛋三文治的午餐肉好厚，雞蛋炒得很好，唔會過熟，麵包都好軟熟，整體唔錯。

好耐無去太興，有日經過見到人唔多，就入去食個快飯。可能有少少夜了，唔喺好多食物揀，得啲燒味、普通粉麵。我有少少唔舒服，所以叫了個易入口的常餐- 雪菜肉絲米粉，加$3 配羅宋湯。原來有雙蛋！喜歡食蛋的我當然好開心，但煎得太dry... 其實可唔可以有誠意啲，問下人想唔煮隻蛋呢？記得細細個，食太興是good experience 的，不過今次去，覺得普通茶記都好過佢。地方有啲骯髒，餐牌枱面都是「痴粒粒」的，坐得好唔放心。而且店內有啲亂。食物賣相完全唔attractive 的。Not sure 其他分店是否一樣了。

相信大家去太興大多數是點燒味類的餐，畢竟是他們的主打。今次便想試試其他菜式是否一樣到水準，便點了一碗台南肉燥煎蛋飯。賣相一般，將肉燥拌飯後，頭幾口是不錯的。但之後便發現越來越油和咸原來肉燥的油全在碗底，結果碗底的飯都吃不了。而煎蛋是合格的，蛋黃8成熟，口感不錯。當天是打工仔食晏時段，與同事們一共5人，等大概5-10分鐘便可入坐。但只分配了一張4人枱，其中一邊要與另外2位同事迫著才勉強坐下，座位分配有待改善啊！

太興除左燒肉好味，其實奶油豬亦係冇得輸。下午茶時段 $33 奶油豬加飲品。係就係貴過普通茶記少少，但勝在佢質素高而且每間分店都好穩定。是日路過佐敦站，大熱天時俾我見到竟然有太興，所以就轉左入去歎返餐。豬仔飽鬆軟而外皮酥脆，查上適到份量的牛油同鍊奶，好香口。雖則唔肚餓但都俾我轉個頭清左。而佢的凍奶茶亦係高質之選，好多人鐘意佢既冰鎮奶茶，但我就比較喜歡直接加冰的，各有所好。不過就是甜左少少，下次要記得少甜。佐敦呢間舖仔細細但大部分是卡位，都幾好坐。

身為日本菜和意大利菜的忠實粉絲，想吃燒味的念頭只會偶爾冒出。而今天就正好想吃叉燒飯 XD太興是以燒味聞名的茶餐廳，叉燒的質素自然有保證啦。看到有新的健康餐牌推出，便決定一試由營養師設計的特瘦叉燒飯，另外要了隨餐附送的熱檸檬水。叉燒飯很快便送上來了，它和一般的太興叉燒飯是不同的。第一，燒味汁極少。第二，叉燒選用特瘦梅頭。第三，配菜較多，有白菜、黑木耳和小玉筍。叉燒味道不錯，濃郁芳香。最大驚喜是口感，它不但腍軟，而且有嚼勁。雖然是瘦肉，但不會又乾又柴。叉燒旁的白菜和黑木耳味道一般，吃起來沒有鮮味，也沒有予人清新爽脆的感覺。最差的是小玉筍，只有怪異的酸味，可能是放太久了。最後喝熱檸檬水，在寒涼的雨天中暖暖身子。總結來說，特瘦叉燒飯值得一試，但太興員工的服務態度差，沒有禮貌和耐性。

剛到該店進食，明明有吉位卻迫你同人搭檯，而且更沒有任何人服務！ 看了5分鐘才有人，之後我說要叉燒燒鴨飯，那個女待應說要加$18。我問為什麼？原來有人唔識廣東話，把我講成叉燒燒腩飯，我話喺燒鴨！佢好差話：冇喎！我已經生氣得想走了！之後有個疑似經理說沒有燒鴨，有燒鵝！點解簡簡單單一餐飯要搞到咁複雜？已經非常不想食了！而且那經理的態度也異常惡劣！還警告我搞事！我覺得自己似喺大陸食緊嘢咁！香港服務業已經變成咁，唔怪之得外國遊客唔願意來。來了東西，根本就是燒鴨！燒鵝不是這樣味道！叉燒十分肥，不好吃。永遠都不會再來