太興 (健威坊)

營業中

休息中

終於都開太興啦！作為街坊，點都要黎捧下場！ 下午茶時段，我和朋友分別叫了奶醬多＋熱奶茶，以及碎蛋沙律薯皮＋熱奶茶！ 奶醬多：方包已飛邊！呢度用粗粒花生醬，有嚼勁；加埋多煉奶，正！ 碎蛋沙律薯皮：size的骰左Ｄ，不過焗得好入味！ 塊薯仔連皮上面有碎蛋＋蛋黃醬，以及豬肉鬆及提子乾，再加少少香草，好有歐陸high tea風味！

此新開的太興佔據了往時幾個鋪位，想不到特別日子這兒客人不多（反而隔壁的和亭多人等到...）一直未吃過太興的小菜，難得今次晚上來便可以一試。點菜是「各自表述」的時候，所以菜名價錢也沒有太在意，反正個名改得天花龍鳳都是那些罷了。我只記得我點的例牌燒肉是 $52，另外我們全部人都加了錢轉套餐，即是有飯和飲品，但轉餐要加 $19 ，好貴！太興畢竟也是燒味起家，點燒味應該也幾穩陣，是以燒肉品質不差的，起碼做到肥瘦均稱，肉質爽口不乾，就是皮不夠脆。價格當然是偏貴了。我因為喉嚨痛所以點了鹹檸水，算是比較有特色的飲品選擇。跟著又是肉（梅菜扣肉+ 咕嚕肉），前者如果多汁一點的話當是下飯妙品，後者的只吃了一件菠蘿和一件稍為硬的咕嚕肉。還有沒有攝入鏡頭的鹹魚蒸肉餅，愛吃重口味食物的朋友說不錯，我就沒有試了。反而影不到的蝦醬銀魚啫啫芥蘭煲，夠惹味，最好食！芥蘭是幼身的，所以鮮嫩無筋，銀魚蝦醬香噴噴，雖然一大鍋上桌其實內裡份量不算多，但其氣勢已足夠懾人！埋單每人六十多元（其中一杯飲品要凍飲好像要另外再加錢），是不便宜的價錢。那當然，價錢好一部份去了租金和環境那裡了。

太興終於響北角健威坊開張啦! 等左幾個月, 開張日期更由12月13日, 改為 12月15日, 中午 12 點開幕時, 簡直係人山人海, 本人完全唔夠一眾公公婆婆迫, 唯有係等到夜晚去食晚飯啦, 點知..........去到已經大部份燒味賣晒, 大家都好熱情好捧場, 而且首日開張有 2012年既音樂月曆送, 等位等得有道理, 食評如下 : ~ 柑桔蜜 ~ 沖得好濃, 無將貨就價, 有咸柑桔既果蓉, 加上淡淡蜜糖水, 最o岩依家乾燥既冬季老火湯 ~ 跟油雞飯套餐既例湯, 都好多材料, 都幾清甜, 飲完無咩口渴感覺, OK 架. 台南肉燥煎蛋飯 ~ 肉燥唔夠多, 而且都頗多肥肉, 屋企人話咁先好食, 但本人覺得太多肥肉唔鍾意, 伴碟得一條菜, 唔係幾均衡.油雞飯 ~ 雞都食得出係冰鮮雞, 不過比 "大x樂" 既油雞好食少少, 但同 "美x " 其實差唔多, 但價錢差一折, 人地雙拚套餐先賣緊三十幾蚊, 太興要成五十幾蚊, 仲要同我地講 : "跟餐既油菜賣晒, 無菜你地介唔介意?" 我地心諗, 當然介意啦, 但都無辦法, 唯有叫佢俾多一件半件雞肉補償, 但被拒絕, 後來神奇地又有油菜送黎,