太興 (東港城)

營業中

休息中

晏就買完書同fd去左太興食下野咁喇...一路都覺得太興食品既價錢偏高..旦係因為上幾次黎食既lunch(蜜桃叉燒焗飯)同tea set等味道都唔錯今次就帶住幾個fd黎食喇今次我試呢個 花生醬厚多士對於我係一個花生醬lover黎講,呢個絕對係好味之選食個時真係好好味好正!!旦係食完一陣就覺得好似有點兒濟咁...要提一提大家既係.我覺得單叫呢個平好多囉真係呢個tea set (跟鈣思寶)要成$22 旦係單叫只需$13鈣思寶一盒完全唔值咁多錢 (我都係落左單先留意到T^T)fd就叫左左唔知咩米粉跟多士+炒旦 +凍奶荼個個米粉好味(佢地講)凍奶荼太甜 又失色不少.....今次個炒旦真係完全唔得!! 成口花生油味囉食到仲要係生既花生油味!! 上個幾次食都唔係咁既! 質數好有問題喎

蜜汁香桃焗叉飯($42)跟餐包野飲.蜜汁熱辣好好味,叉燒鬆化夠味好食;數過,,16件叉燒丫!!好食且抵食.

尋日光顧咗下午茶, 叫了一客"美式熱狗". 食物到來真的嚇了一跳. $22 的茶餐不是便宜, 熱狗腸竟然是便宜的"廚師腸"1條, 正常 size 的熱狗飽內, 只得幾條生菜絲. 連蕃茄, 青瓜, 沙律醬都沒有 (伴碟有幾條生菜絲, 一塊蕃茄). 這個"香腸飽" 在外面的面包店, 大約 $6 左右!食物選材卻令人失望, cheap 嘢扮上菜, 結果吃不飽, 要到外再買食物, 感覺被騙! 就算物價高漲也不應如此.

晨旱留留唔想溜進茶餐廳又突然想起網友推介的滑旦, 於是便俾次機會太興咯!如各網友所言, 炒旦真係滑漏到冇得項, 但其它所有野都係麻麻地...通粉冇味, 多士唔熱...唉!

我平時都好少幫襯太興，但因為昨晚9點幾10點都冇乜o野食，所以先同屋企人去，當時都已經無乜人，入到去有個侍應問我o地幾多位，我話3位，佢就咁講一聲隨便坐，咁不如唔好問啦﹗之後見到個餐牌加o左價，太興本身都已經唔係平，而家仲加o左價，更加覺得佢唔抵食，最後都係是旦叫o左個燒鵝飯(單拼$46)同叉雞飯(雙拼$48)，送埋o野飲，不過凍飲要加3蚊，D燒味都ok，我個人覺得D飯就硬o左D，最大問題都係服務態度，我見隔離個男侍應倒潟o野落個客度，走o既時間又無人收錢，叫o左好耐個經理先出o黎，就算有侍應見到都冇幫我叫人收錢，咁o既服務下次都係咪攪喇﹗

前晚同女朋友去坑口行下, 佢話突然想食太興d 咖喱~等左陣就有位喇~ 唔知係咪太忙, d服務態度麻麻地...本來女朋友想食咖喱石斑, 不過佢set dinner有咖喱煎魚, 所以我地就叫左:1. 招牌八寶飯(跟餐有一小碟菜)2. 咖喱煎魚飯(跟餐有一碗餐湯)跟餐兩杯冰鎮奶茶我第一次食招牌八寶飯, 好多料:叉燒, 紅腸, 切雞, 燒腩, 燒鵝, 燻蹄, 魷魚同埋一隻咸蛋擺得幾靚, 而且幾好味~而咖喱煎魚飯就好似無咖喱可斑好食魚柳好散, 而且份量都幾少...呢度d 薯仔幾好食, 不過今次就好似比少左幾舊...不過餐湯ge 羅宋湯就幾好飲, 用料幾足食完飲番杯招牌冰鎮奶茶~ 完滿其實本來無乜野, 但個經理問我地要咩菜ge 時候...我問佢有咩揀, 佢望一望廚房, 我又望一望, 佢就話得生菜, 點知轉頭我就見到有菜心...好求其喎~ 根本就係佢懶得主清楚, 見廚房出緊生菜就話得生菜...

返娘家陪兩位老人家食個飯, 三人吃不多, 所以叫了一個燒腩併叉燒, $70, 我個人認為叉燒太瘦, 燒腩仔一層肥一層瘦, 唔錯, 但我還是喜歡吃雞! 油菜, $13, 先黎錯菜心, 後再補上生菜! 飯及米粉各一, $10, 米粉再追...經理服務唔錯, 但侍應就目無表情...心情唔靚, 三人共$103, 如果各自叫一個燒味飯, $40以上就唔太抵食!

由於前排十分忙碌，沒有時間在家附近品嚐美味的早餐，現趁今早有多餘時間，探探久違了的冰陣奶茶。由於冰陣奶茶的冰是放在杯外，故奶茶能保持原有的味道，沒有被稀釋。而生菜絲火腿通粉，更用上了豬骨淆成的湯底，十分英味。另外，煎旦質感也非常幼滑，比一般市面上某些大型的快餐店的死實感覺為好。早餐都只售$23元正，凍飲也只是加多$3元，也算是物超所值。早餐包括:生菜絲火腿通粉煎旦配牛油多士冰陣奶茶

修到去未坐暖張櫈，又未睇份Menu，ｄ阿姐就行埋黎問要咩？唔好意思，等等先．咁，你地想要ｄ咩啊呀有．．．心諗是但叫都要睇架！ｄ野好食，都俾ｄ咁既服務態度，嚇到無生意喇！鞋口鞋面，無水洗面．

等薑餅人星期六下午上班去食lunch, 等到有位坐下已接近兩點.點了瑞士汁炒牛河和香橙焗燒鵝飯.瑞士汁炒牛河真的唔錯, 河粉炒得條條分明有色.香橙焗燒鵝飯有D怪, 汁酸過頭, 和燒鵝不是太夾, 還是傳統口味好些.我們落單後不過兩分鐘, 已有侍應在每枱轉下午茶menu, 有點不滿侍應為可不在我們落單時提示一下將有tea time set呢.喊臉是給服務上的.

尋日同老公嚟食lunch,等位等咗20分鐘左右,可能附近無咩茶餐廳選擇,自不然呢間變得好旺. 我地order咗一碟叉燒燒肉飯,花生醬厚多士,熱奶茶,冰震奶茶. 碟飯一般啦同熱奶茶一般啦,但厚多士同冰震奶茶真係令我有D驚喜, 好好味! 其實睇返個menu並不是一間茶餐廳,因為價錢可以仲貴過酒樓, 一碟乾炒牛河可以賣成$40幾蚊,仲有d良心就係唔收加一囉! 如果附近仲有其他茶餐廳選擇我唔會揀呢間囉!

3月14日~晚上9點左右去到將軍澳<<太興>>~食晚飯...我和Dad 同家姐一齊去~~坐低...諗住叫野食叫了1個燒肉飯..1個咖哩牛腩飯~再叫多一個雞排飯...諗住轉咖哩汁~~個女人話冇得轉~~算..同佢講一陣先叫~~~咖哩牛腩飯係跟<紅湯,C0T>~~過左一陣叫番個女人黎落單~~~叫黑椒雞排飯...佢又唔記得幾多號係黑椒雞排飯喎~~仲要拿個餐牌黎睇下幾多號...黑椒雞排飯係跟<紅湯,C0T>....個燒肉飯黎左....跟住我個餐仲未黎~~過左一陣佢竟然拿中湯比我....跟住叫番個女人黎~問佢做咩係中湯既???佢話你唔係叫中湯咩??我話:唔係呀!!!佢就咩聲都冇出~就拿走左碗湯....過左一陣~~2杯C0T先黎~~~2碗紅湯黎埋.....但係我個飯仲未黎~~~又叫番個女人~問佢做咩咁耐都未黎????佢冇出聲就走左去~~~唉!!!跟住等多一陣~~我家姐個飯都黎左~~~點知係XX雞排飯~~~唔係黑椒雞排飯囉....咁未叫左另外一個女仔~拿黑椒汁~~叫番個女人黎~~問佢做咩係XX汁既????佢又咩都冇講...拿走左碟飯就走左

Sat 和薑餅人去太興食Brunch, 叫了兩客set lunch.1.瑞士汁紐西蘭牛柳絲炒河–河粉是幼幼的, 每條也沾滿醬汁, 炒得唔太油, 也不會過甜和咸, 牛柳絲肉質靚有咬口, 不似用鬆肉粉處理過.2.燒肉墨魚飯–縱使不是腩排位, 但肉唔算鞋, 墨魚無乜特別, 但飯無乜汁, 要自加美極添味.

山長水遠返娘家食飯, 又唔想亞媽煮得咁辛苦, 於是近近地係度食午餐! 我同亞媽各自叫了叉燒湯米(我的), $28, 切雞湯米(媽媽的), $28, 我既叉燒米有好多叉燒, 半肥瘦, 唔錯, 不過我知道幾肥下! 我見亞媽既切雞係雞骴, 大大件咁! 亞哥話太興既米粉好食, 幾彈牙, 不過我就麻麻地, 覺得好似粗左少少, 同埋碗米粉我食唔哂! 個灼生菜, $12, 幾爽脆, 但好多!其餘三個成員就叫左兩個套餐, 咖哩牛腩飯, 加凍檸茶, $38, 我食左一舊全瘦既牛腩, 幾腍, 不過量唔多, 咖哩係帶微辣! 另一個叫左白汁龍柳意粉, 加熱咖啡, $38, 賣像唔好, 我食左兩粒cherry tomato 都唔好味! 建議係太興都係叫燒味會有保證!

31/3到東港城太興食飯食著"蚊"，以下內容係我當晚凌晨send比佢地客戶服務部既e-mail，但到呢刻我都未收到佢地feed back.太興客戶服務部： 本人於3月31日晚上光顧將軍澳東港城的太興，點了一客朧利魚意粉，吃了不久後發現意粉裡有蚊子，再仔細看看，已找出3隻。 叫來侍應看看，他說給我更換；我擔心廚房的意粉滿是蚊子，於是改了配薯菜。等了十多分鐘的朧利魚薯菜又吃了少許，竟然又發現西蘭花旁有隻蚊子，再仔細看看，西蘭花上亦有蚊子。 再叫來侍應，她又是說給我更換，我已不知道應該換上什麼才沒有蚊子，我想應該找食環署；但時間太晚要讓女兒歸家，唯有清楚檢查朧利魚有否蚊子，吃罷便結帳離去。 花了錢及時間吃了這晚餐，還不知自己有否吃下蚊子，我實在很不滿，本人想以此電郵作出投訴，希望負責人徹查事件並給我一個交待。 黃先生