太興 (將軍澳廣場)

營業中

休息中

如果晚飯唔想煮飯嘅話其實太興都係一個好選擇 佢有好多好抵食嘅選擇。其中我最鐘意係食佢既小黃魚。佢有兩種整法，一係煎香，一係麵豉醬蒸味。再加碗白飯，都係六十八蚊碗。絕對係繁忙都市人嘅健康之選😁

今早到了太興吃早餐，點了雞扒炒蛋出前ㄧ丁+鹹檸水。即煎的雞扒肉汁豐富，香噴噴，醃料不錯，有少少鬆肉粉味可以接受，放少一點更佳。炒蛋香滑，不太油膩。出前ㄧ丁麵底煙韌，不會太林。鹹檸水味道清澈，喝了很舒服。

昨天中午同同事去左將中間太興午飯，我叫左個叉鵝飯，同事叫左個三文魚炒飯。見個三文魚炒飯幾靚，啲飯一粒粒分開，但同事話個飯炒得一般，味道ok。而我個燒味相併飯，啲鵝汁好香，不過啲肉好少，而叉燒唔記得叫肥叉，但啲叉燒都好淋，幾好味。本來想叫湯，但阿姐話賣晒，最後同事飲左杯奶茶，佢話幾好，而我飲左杯咸甘桔，熱飲唔洗加錢。整體太興係有水準，但要60幾蚊囉都唔算平。(街市一般燒味飯$30左右，但唔好食又污糟)

見到報紙送$10 coupon (如果在晚市食焗龍蝦🦞），所以試一試！實物與宣傳照相差不少不知道有沒有半隻龍蝦🦞，就算用折扣價 $78食幾件龍蝦肉，我都覺得不值，其他食店有誠意好多，比多幾十元有龍蝦伊麵！幸好叫了一碟小菜，否則不知道叫什麼！將軍澳如果吃中式晚餐，其他酒樓或食店做的小菜更好吃！

以前去太興都係食早餐多，午餐都係好耐之前食過一次，東港城呢間分店都係第一次嚟。餐廳卡座多，坐得幾舒適，服務亦唔錯，食物選擇唔太多，味道都可以，味道偏淡。牛柳絲瑞士汁濕炒牛河，牛有牛味，唔係醃到好滑無咬口嗰啲，河粉唔油但味比較淡，伴碟嘅兩條菜好淋。Xo醬雞柳炒銀針粉，xo醬味唔突出。 欖菜肉鬆菜粒炒飯，味道可以，飯對我嚟講乾咗啲，有少少硬。椰香咖喱牛腩飯，呢個好味，有牛腩，有根位，有薯仔，腩位唔肥，但唔會鞋，牛根淋度適中，薯仔炸後再炆，又淋又唔會散又香，最滿意係個咖喱汁，連唔食得辣嘅我都食到。

呢間野周圍都有分店，經常性賣廣告賣到好行， 但我一次都未食過。住響附近都知冇乜嘢食，想食小菜，所以先至行入呢間野，俾左第一次佢，但應該都唔會有下次。打開餐牌，其實都幾多小菜可以揀，開頭都差啲揀唔到，因為樣樣野都好似好好食咁，張相又影得幾吸引。由於得兩個人，所以叫咗兩個小菜。如果要轉套餐，就要加＄19。我同個friend講話得個湯同個飯就要加＄19，都幾貴。冇計啦係都要焗住嗌啦。湯係羅宋湯我鍾意番茄味出嘅羅宋湯，呢個冇乜蕃茄味，有少少辣，幾油下，味都幾淡。再嚟胡椒魚肚雞鍋，可以對比下相同實物，都OK接近連煲一齊上，下面有個火，等到佢滾就食得，雖然我唔知咁樣有乜嘢意思。幾有胡椒味，雞好肥，都見到好多油響個湯面，不過雞幾滑嘅。魚肚唔厚身，但係60幾蚊嘅價錢係咁，成個菜不過不失。海鮮豆腐鍋，你可以見到實物有好多豆腐，冇乜海鮮。而食落又的確係咁，啲海鮮收埋咗係底，咁有乜嘢海鮮呢？有魚碎片，蝦仁兩隻，仲有啲肉碎。海鮮份量多到你搵唔到，可唔可以改一改個菜名醬汁係好食嘅，咁但係冇理由嗌一個海鮮豆腐鍋為咗佢食醬汁架嘛。上面呢張相嘅菜我都冇嗌過，不過係唔知點樣delete整體來講嘢食OK ,價錢偏貴。唔會

平時通常都係去啲普通茶餐廳食飯，今次就試吓兩間名牌茶餐廳之一，MY HERO太好味道之太興茶餐廳晚上六點半可能時間尚早，唔使等位而且任選坐邊張枱，環境都幾好，坐得幾舒服幾多待應，即叫即有反應，睇餐牌都好多選擇好吸引有燒味、西式粉麵焗飯、中式小菜、中式炒粉麵飯和燉湯，茶餐廳應有既佢都有我一個人就試唔到太多，所以就選左一個中式小菜：北菇豆腐青衣魚柳煲,可以齋叫小菜，加錢要白飯或者加$19變套餐有飯和一杯凍飲，等左一陣熱辣辣、香噴噴既小菜送到，睇賣相好靚火侯同出面大排檔炒小菜有得比，分量都好多，有好多魚柳、北菇、豆腐、枝竹，一個人食完呢個餐都好飽首先食吓個青衣魚柳先，外脆內嫩，唔係一般個d雪班塊既口感北菇幾大隻幾厚肉，索左汁入晒味，好淋好正豆腐食落口，外脆內軟滑枝竹煮得啱啱好，入晒味呢間名牌茶餐廳需然比其他茶餐廳貴，不過分量和質數沒有縮減，比到應有既水準，都可以值得再去最後盛為$95

慶祝朋友新屋入伙兼團拜, 簡簡單單食盆菜又唔使點煮. 之前小妹食過連鎖快餐店既盆菜唔算好食, 知道坊間都有好多好有特色既盆菜, 但無奈地區比較遠而且運送比較麻煩, 價錢也不便宜. 太興呢個比較方便我們自取而且價錢都唔算好貴. 於是建議朋友們一試太興.果然呢個盆菜冇令我地失望! 啲料好足而且好香既南乳味, 裡面啲魚旦, 豬皮, 羅白好正! 呢個盆菜份量都食飽左我地一行七人! 我地仲用左佢呢個南乳汁烚菜, 一樣咁有味~ 出年都會再訂太興! 

1個人去食, 3個人仲等得快過1人夜晚8點就呢樣嗰樣都賣晒, 等咁耐都唔知有咩好食, 原本雙拼都唔知拼咩, 咁唯有order碟燒鵝飯, 燒鵝飯唔好食, 燒鵝切都未切得斷, 個汁鹹左一點兒, 份量我亦覺得唔多夠(見人見智啦呢樣, 雖然72蚊連飲品時菜我都覺得唔算貴, Maybe我係窮人一名比唔起錢), 另外order生菜又變菜心(張單無落錯), btw, 總體黎講係劣評無疑, 我唔知帶位啲人點樣做野, 對客人一啲安撫or回應都無不過衛生同環境都OK

工作真係太辛苦啦... 約了友人一起食個靚早餐，為大家打打氣!友人提議太興，平日食開都覺ok...我對有名氣的食店總有點保留... 因為之前吃過些有點名氣的食店，很多時都覺得名過於實，名氣高，顧客多了，手工質素開始濫竽充數...不太像樣... 又或個人太期待了，以致失望而回多... 環境:此店都很大，有很多卡位，坐得也舒服。早上8-9時，顧客已很多，近9成滿，幸好友人已提前入座取位。雪菜肉絲米+香滑蛋+脆多士$34:其實港式早餐都離不開主麵+腿蛋腸餐肉*2+包/多士+飲品... 這店配菜只可選一款，有點失落... 所以我一開始也不太期待...上菜時間算正常，等一會兒便有了。第一眼看，雪菜很多呢... 是平日其他店的一倍份量! 米粉吃起來很煙韌，不像平時吃的很"鞋"/很"淋"/有時還有點"行"味(放得耐而有的發霉味)... 口感有點像粉絲，想不到頗特別，好吃呢...蛋...看上去一點也不滑...和餐牌的"滑蛋"不符... 在失落地切開蛋時發現...嘩...原來裡面堅係流質架!! 真 滑蛋，果然沒騙人! 即時開心晒! P.S. 欣賞飲品有得揀 柑桔蜜/柚子蜜/咸檸水， 而不用加錢。有點明白

夜晚屋企人冇煮飯, 想落街食,最鍾意就係食太興,貪佢平平地, 晚餐既小菜又樣樣都好味夠鑊氣,我地4個人就嗌左兩個餐加一個冬天先有既羊腩煲 咸魚蒸肉餅 ($61)加$19可以轉套餐, 包一碗白飯同一杯野飲,不嬲最鍾意食太興既蒸肉餅,雖然肉餅薄左少少, 不過蒸得啱啱好, 唔會過乾,配埋咸魚獨有既咸香, 送飯實在一流! 梅菜扣肉煲 ($66)依個同樣都係加$19可以轉套餐配飯同飲品,依個都係太興必叫之選,梅菜扣肉用個煲仔上, 熱辣辣, 塊塊扣肉都咁厚又夠肥,雖然食完好有罪惡感, 不過扣肉唔肥點好食架~食完滿口油既甘香, 又係送飯既良伴!底層仲有d小白菜, 菜吸晒扣肉既肉汁, 都係一樣咁好味 古法滋補羊腩煲 ($128)都係可以加$19轉套餐,冬天最鍾意係食暖笠笠既羊腩煲,成煲既湯底肉汁味香濃, 非常好送飯,另外羊腩夠腍夠入味, 只係嫌佢骨既部份比較多, 唔係食到太多肉,但個煲都幾足料, 入邊有好多舊羊腩,而枝竹都吸晒湯既精華,整體質素都唔錯!最後凍檸茶怪都係要叫返至愛既凍檸茶,太興其實除左奶茶好飲之外, 凍檸茶都非常唔錯,大大杯, 茶味夠香, 唔會用埋d又澀又苦既下等中國茶黎沖,推薦依間晚餐

一般茶餐廳都有的枝竹豆腐炆火腩飯，黎到太興食有D disappointed。材料很正常，有枝竹，東菇，豆腐和燒肉，但係個汁味道太濃，燒肉也咸左D。下次都係食返燒味飯。好彩個冰鎮奶茶無令我失望，又有茶香又滑！

好久都沒有吃太興的早餐，今天難得回娘家，便相約姐姐一起食早餐姐姐甫坐下便立刻選了她的至愛--餐蛋麵雖然餐蛋麵我自己在家中也能煮到，不過餐蛋麵的神奇之處就是，它所散發的香氣有如坐長途飛機時機艙傳來杯麵味，直教人後悔為何自己不是點餐蛋麵因此，我也選了邪惡的餐蛋麵本身是想叫奶茶飲的，但看到早餐餐飲可以免費升級至Cappucino,試下下也無妨嘛~~^^太興一向上菜都偏慢，旁邊幾枱客人分別都有催單，沒辦法，大家都是吃完早餐便要趕返工返學的，也怪不得大家心急的~~每張餐桌上都有熱水壺，方便客戶自己倒水餐具、糖、紙巾都放在枱下抽屜，減少佔用餐桌的位置我們的頂級午餐肉滑蛋公仔麵到了~~　其實餐肉是否頂級，我就真的分辨唔到，不過隻滑蛋滑唔滑，就一望便知了~~滿滿的蛋汁，在湯匙內盪漾，很輕易便可一滑入口餐飲的那杯Cappucino, 我沒有加糖，反而可以嚐到咖啡的微苦及淡淡的奶香食過邪惡的早餐，今天也要好好努力工作!!

簡單同屋企人係樓下食餐飯，其他等唔到位，就去左太興食飯：呢碟真係炒得好香，帶子同翠肉瓜都幾好爽口，好岩送飯，我們屋企有BB，她都好喜歡食，翠肉瓜都好有水份，而帶子都鮮甜。不過我就覺得呢碟既菜心太硬，牛肉唔夠嫩，有點失望。值得一讚的就太興的奶茶，茶味是偏濃，"冰鎮"對我來說不算吸引，但真係好飲過出面的餐廳。

今天早上到太興新址早餐,進門即聞到陣陣日本即食麵的麻油香味!由於已經很久未有嚐過即食麵了,(家中半年以來没有購入即食麵!!!!!)這陣遺忘已久的香味真係好吸引.雖然某D報紙刊登即食麵對人體的害處,但是一餐半餐無所謂啦!今日放縱一下吧!看看MENU, 就點這個E餐公仔麵.頂級午餐肉滑蛋公仔麵2塊長方形午餐肉:餐肉有2種程度的粉紅色,深色部份午餐肉, 咬落似是肉類的纖維質感.(唔似果D粉紅色調好平均, 得個腍又得個鹹味的午餐肉囉!)1 份滑蛋:半凝固的蛋漿和剛成形的滑蛋,就連中間的芯都咁滑!感受到是一邊加熱一邊不停地攪拌,使裡裡外外都係滑LUT LUT如果是上面半生熟, 底部面全熟,即是中間曾經停下, 使底部煎得太耐了,1條菜心這是最健康的配料了菜芯好軟身, 不用太大牙力去咬.奶茶待茶稍涼, 未有形成結塊.聞落有點茶香, 入口有點茶味這餐放縱了, 可能要几個月後, 方能再吃即食麵了.熱水自己斟, 餐具自己拎, 埋單要排隊.服務我比低分