影片
更多
2017-09-09
1527 瀏覽
呢間野周圍都有分店，經常性賣廣告賣到好行， 但我一次都未食過。住響附近都知冇乜嘢食，想食小菜，所以先至行入呢間野，俾左第一次佢，但應該都唔會有下次。打開餐牌，其實都幾多小菜可以揀，開頭都差啲揀唔到，因為樣樣野都好似好好食咁，張相又影得幾吸引。由於得兩個人，所以叫咗兩個小菜。如果要轉套餐，就要加＄19。我同個friend講話得個湯同個飯就要加＄19，都幾貴。冇計啦係都要焗住嗌啦。湯係羅宋湯我鍾意番茄味出嘅羅宋湯，呢個冇乜蕃茄味，有少少辣，幾油下，味都幾淡。再嚟胡椒魚肚雞鍋，可以對比下相同實物，都OK接近連煲一齊上，下面有個火，等到佢滾就食得，雖然我唔知咁樣有乜嘢意思。幾有胡椒味，雞好肥，都見到好多油響個湯面，不過雞幾滑嘅。魚肚唔厚身，但係60幾蚊嘅價錢係咁，成個菜不過不失。海鮮豆腐鍋，你可以見到實物有好多豆腐，冇乜海鮮。而食落又的確係咁，啲海鮮收埋咗係底，咁有乜嘢海鮮呢？有魚碎片，蝦仁兩隻，仲有啲肉碎。海鮮份量多到你搵唔到，可唔可以改一改個菜名醬汁係好食嘅，咁但係冇理由嗌一個海鮮豆腐鍋為咗佢食醬汁架嘛。上面呢張相嘅菜我都冇嗌過，不過係唔知點樣delete整體來講嘢食OK ,價錢偏貴。唔會
住響附近都知冇乜嘢食，想食小菜，所以先至行入呢間野，俾左第一次佢，但應該都唔會有下次。
打開餐牌，其實都幾多小菜可以揀，開頭都差啲揀唔到，因為樣樣野都好似好好食咁，張相又影得幾吸引。
由於得兩個人，所以叫咗兩個小菜。如果要轉套餐，就要加＄19。我同個friend講話得個湯同個飯就要加＄19，都幾貴。冇計啦係都要焗住嗌啦。
湯係羅宋湯
我鍾意番茄味出嘅羅宋湯，呢個冇乜蕃茄味，有少少辣，幾油下，味都幾淡。
再嚟胡椒魚肚雞鍋，可以對比下相同實物，都OK接近
連煲一齊上，下面有個火，等到佢滾就食得，雖然我唔知咁樣有乜嘢意思。幾有胡椒味，雞好肥，都見到好多油響個湯面，不過雞幾滑嘅。魚肚唔厚身，但係60幾蚊嘅價錢係咁，成個菜不過不失。
海鮮豆腐鍋，你可以見到實物有好多豆腐，冇乜海鮮。而食落又的確係咁，啲海鮮收埋咗係底，咁有乜嘢海鮮呢？有魚碎片，蝦仁兩隻，仲有啲肉碎。海鮮份量多到你搵唔到，可唔可以改一改個菜名醬汁係好食嘅，咁但係冇理由嗌一個海鮮豆腐鍋為咗佢食醬汁架嘛。
上面呢張相嘅菜我都冇嗌過，不過係唔知點樣delete
整體來講嘢食OK ,價錢偏貴。唔會再試。
連鎖式嘅餐廳食物有一定質素，但所謂嘅質素就係喺可接受既底線，唔會再高過底線。假如香港以後只係得返啲連鎖式嘅嘢，以後香港人就只可以食到啲係底線嘅食物，高過底線嘅唔會再搵到。
張貼
