太興 (已結業)

禁咗堂食之後，都係要食外賣，今日食返經常食嘅餐廳。太興啲餸飯真係好味嘅，今日食咸魚蒸肉餅$70，中式京都洋葱豬扒$76好有住家飯味道，唔會太咸，咸魚蒸肉餅多汁，可以撈飯。洋蔥豬扒酸酸甜甜好開胃，連鎖店就係有質素保證，值得再黎。

職員態度差，出餐真係好慢又亂又出錯嘢🙁，想請佢哋跟番，職員亦極負氣🥲。講真全部餐廳都做飯市㗎啦，咁打工仔緊係放飯時間先食飯㗎啦。你俾錯嘢我，我都需要問你㗎⋯我唔明點解好似問多句都有問題咁。

埋單走時問服務員幾多號枱、服務員回答之後因聽唔清楚再問多一次、服務員答完我之後、就話我好似阿婆咁講幾次都聽唔到、第一我冇問幾次、第二做服務行業咁樣對客講嘢、呢啲係乜嘢服務態度、將心比己如果係你自己聽到你會開心嗎😤

2020年4月3日黎幫襯食個下午茶真係令人嘆為觀止,愈做愈差！服務差員工差食物質素差,本來真係唔想再食,唔係疫情影響四圍唔係無開就無位都唔想再食呢間野,先講講門口量體溫個侍應問佢幾多度就求其好敷衍答句正常就了事,門口貼張紙就話會消毒枱面,點知坐到埋位枱面污糟不特止,放餐牌個位仲要有個用過既口罩,個樓面員工徒手執走就拎住一棟杯由頂摸到底咁放底一隻,衛生情況極差,同個樓面呀姐講唔想坐放車仔附近既位仲要講一句（無位喎,你番出去等啦，人就得一個係咁架喇）仲要有個樓面係出菜位拗完痕手都唔洗就拎碟炒飯比枱客,睇見都反胃,講一套做一套,投訴完意見接受態度又照舊,食物生既有血水都比得客食？兩個女經理又真係經過唔理,舉曬手又無人理,生意難做大家都明既,麻煩有關部門正視問題！

平時去太興，都係食豬扒雙蛋飯，聽同事講話星洲炒米不錯，就轉一轉口味。食落味道不錯，咖喱味幾濃郁，米粉都爽口，配料比例都可以，唯一有點不足就是份量可以多一點，當然少不了就是他們的冰鎮奶茶，性價比OK😋😋

今日約左個舊同事晚飯!講開尖咀有無D平價飯食舊同事講話太興 先知海港城原來開左間🤔 仲要開左好耐添 我係樓上返左5,6年都唔知 真係有D過份😂 間野係港威4F 就係hot-toys嗰層 原來我日日都經過😐人唔太多 嗰刻諗應該唔會伏呱😑叫左兩燒味+個炒飯🙂叉燒例牌 夠諗😃 燒得幾好 有燶邊半隻油雞 唔肥 肉嫩😃 係咸左dd 唔大影響欖菜雞粒炒飯夠乾身 飯粒分明 但冇乜鑊氣😐都可以 唔算差佢個冰震奶茶不嬲我都好鍾意😋 次次都叫 味道無變 但今次呢間就甜得制😐差d整體呢間太興算ok 唔多人上菜快 行開行埋食個燒味都唔錯

門口排哂隊，入面有枱都唔俾人入。D枱留哂俾熟人。熟人一到講完幾多個人就直入。太興幾時變到可訂位？定變左做私房菜？門口條隊廢左佢算啦！改做只做熟人或訂枱算吧啦！排乜隊仲未講D野食奶油豬等一個鐘叉燒俾梳打拿到無哂口感！

年廿八，大約二時去到，見到店外有 十個八個人在排隊入座。 排了大約十至十五分鐘入座。 入到店内，非常詫異見到有三分一卡位是沒有人客。 為何要浪費我們的時間在門口等候。 當我離去時，店内都是有三分一卡位冇客，但出到外面，一樣有十個八個人排隊等候入位。 真不知道是否公司想做勢時常都有人排隊，還是員工不想做咁多。食物方面叫了乾炒牛河， 我是一個喜歡食甜嘢的人 我都覺得他太甜 ，牛肉又酥，又碎，又少。 真的沒有下一次。

Im very impressed by how quick the chefs were with preparing all the food. However all the food was just left there on the counter.. the floor staff wasnt reacting at all. They just waited till 15 drinks, 10 noodles and 6 sandwiches to turn cold. Instead, they chose to refill the spoons, play with their phones and take orders. There is no need to take orders if you dont plan to deliver them. This is one of the most expensive Tai Hing. I paid 80 dollars for a soaked egg and ham sandwich and cold

從來多難吃或好吃都沒寫食評，但在1月15日晚幫襯，實在要寫一次，樓面人手不足程度實在離譜，入座時餐廳內大量位置，但門口收銀員工卻要我們在門外等候幾分鐘才安排入座，但又不容許自行入座。入座後舉手舉了超過5分鐘，期間雖然有員工見到，但卻一直在忙其他東西，手軟也無人落單，眼見樓面除了傳菜外，長期只有1至2人(其中一人更要負責收銀)，雖然上菜很快，但明顯樓面人手分配極差，如果人手如此不足，倒不如關門休息算了!!!因為這樣嚴重影響顧客體驗，以及集團形象!!我經常幫襯此集團，但第一次有這樣差體驗。

放飯時間，一個人比較喜歡去太興食佢地下午茶餐，好抵食，味道都可以接受，只有燒味方面比較出色外，其他食物一般。環境清靜座位都比較寬闊，但服務方面，點餐搵人都要等好耐。

今日同女同事去到海港城食飯見到人山人海條龍長到電梯口，有個靚仔主任出黎好細心問每位排隊客人幾多位，我問佢要等幾耐啦，佢就同我講‘食飯時間等候時間會耐少少如果搭枱會快D’，好啦，估唔到唔駛5分鐘就入左去餐廳，佢見到枱底邊邊有紙巾同坐位有兩滴水，即刻拎掃把清潔同用紙巾抺乾坐位，仲不停講對唔住&唔好意思起碼講左5,6次，坐低之後仲幫我地落埋單，落單既時候見我朋友有幾聲咳仲貼心問佢要唔要叫柚子蜜/咸檸水對喉嚨好D，入坐已貼心，估唔到連落單都禁細心，禁好既員工一定要好好讚揚，之後送餐又係佢送黎，雖然我見到真係好忙但係佢真係好勤力做野，問佢野又唔會黑口黑面，仲面帶笑容禁答我地野，好有耐性好窩心，我同同事食完野埋單啦，丫估唔到佢連收銀都做埋，香港地禁勤力既員工真係買少見少，見佢服務做得禁好諗住私底下比貼士佢啦，佢又好謙虛同我地講‘我地唔可以收客人貼士架，多D黎幫襯就已經係最大支持架喇’尼個員工真係好好。雖然無留意你個名不過你要加油呀有橙色頸帶既哥哥，支持你👍🏻👍🏻👍🏻👍🏻👍🏻💪🏻💪🏻💪🏻💪🏻

每次去到叫人點餐，起碼要等10分鐘，員工明明見到伸晒手都照樣走開，直頭當客透明，又永遠都唔會同客講聲「請等一等」。所有員工都黑口黑面，冇稔過食餐飯要搞度咁樣。太興啲服務越嚟越差，啲食物越嚟越偷工減料，仲衰過大家樂同大快活。總之，非常失望！

位於前身是Page One舖位的港威商場四樓，目前是該地點唯一的商戶，基本上場內熟客會識去，但也許outsider會感confused。前往方法可由港威商場三樓穿過CitySuper/ Shibuya 109，在後者的common area有一條電梯上四樓。或者可由廣東道世界金融中心南座(即Coach旁邊的商業大廈)lobby按四字直達。Anyway，由於不太好找，晚市人流不多，所以能靜靜地用餐......$75元雙拼燒味飯，對標場內其他食肆，其實算平，算是定位Mass Affordable但同意其他reviews所提及，食物供應不穩定，數次到來也有不同的燒味售罄，雖然晚市人流較少，但也須確保有充足燒味，不然只會引致惡性循環，令食客失望。叉燒燒鵝飯 ($75): 選較肥的叉燒，肉質較軟腍多汁，但燒鵝全是鵝背，骨比肉多，自然難以滿足，亦難有肉香，這方面會多扣分。整體中規中矩，若要飽肚，絕對無問題，雖然對標平價快餐的燒味，如大家樂，美心，大快活等40多元的顯得更好，但$75元該要帶來$75元的享受。冀太興能多聆聽，加以改善。

一個人的我晚餐又唔想去快餐店，同埋又想食中式野， 結果去食左個鴨腿湯飯， 估唔到咁好味wor, 好似去酒樓食咁， 好香陳皮未又唔太濃， 鴨腿好滑， 成碗湯飲晒，好滿足咁出黎