太興 (已結業)

因為開會有同事遲到我哋規矩係遲到請食早餐 平時我哋會食大家樂，因為都食到厭所以有同事想食太興但係我係從來唔會主動去太興，因為實在太貴其實貴都唔係問題，我喺大家樂32蚊有雙蛋有雙腸有即磨咖啡，但喺度齋啡好難飲，而且從來都煎唔到太陽蛋嘅效果一雙永遠被煎到差極嘅蛋但要講一句，呢度嘅湯米粉係做得好過大家樂嘅但索價38蚊得雙蛋一塊多士一碗粉係完全唔夠飽話分兩頭講， 佢嘅坐嘅地方係寬闊嘅環境係靚嘅以喺海港城呢個地段，環境我可接受但。。。。認真。。。冇人請，我一定唔會嚟，講完

我本身都幾鍾意食太興，但去到海港城簡直實在沒法形容，雖然等位唔係等好耐，太興令我 沒法想像 ，出名燒味 竟然什麼都冇，午市叫半隻燒鵝（冇）八寶飯（冇）叉燒（冇），最唔信連雪菜米都冇，炒飯或粉麵簡直好似垃圾出品，食物簡直 差差差，有一位員工仲差沒有 服務，推住食物車 橫衝直撞，撞到人連一句 道歉都沒有。今日呢餐食完，以為都唔會再去，價錢都貴就比咁既質素，真係以為唔會再選擇去呢間太興，請好好 檢討下。太興出得咁既價錢，點解要比咁既質素?員工會否有改善?出品是不是沒法跟進?

呢間太興真係好難搵，唔係要用禮劵我唔會黎，行左兩個圈先知邊條電梯先上到黎！一坐低，哥仔侍應好大力放低杯水，我已經諗「呢啲係服務？」，好啦，期待叉燒一慣好味，我「包容」... 叉燒送到後，食落覺得好乾身，完全唔同我平時食開的太興叉燒，是堂食與外賣的分別嗎？外賣點解好食咁多呢？好啦，無服務，叉燒太乾，菜心又連花，地點又難搵，本來完全唔好受，全晚令我有好印象的是，洗餐具時不慎倒瀉熱水在地上，被姐姐發現，以為佢會畀說話我聽，點知佢反而問我有無受傷，實在好窩心！姐姐唔介意麻煩，仲會關心客人❣️❣️❣️抵讚👍🏻👍🏻

話說一向都很喜歡去太興餐廳嘅我某日下午茶時間去海港城分店食，整間舖頭有四五張枱都係無人坐緊，但員工”梁xx”係都要迫一啲唔識嘅人坐埋同一張枱都唔緊要，但”梁xx”嘅態度極差，樣子兇神惡煞咁叫客人坐埋一邊，真係要考慮吓適唔適合做服務性行業！其他分店服務一向都好好！希望其他嘅太興餐廳唔會比呢間分店影響評價啦！

首先利申，我自己是太興粉絲，幫趁過很多間不同的分店。加上工作地點又在海港城附近，因此自從太興在此開分店，便十分興奮，還在新開張已去吃早餐。看到這裏兩位朋友的食評，完全明白原因，因為我自己亦覺得，不論食物質素和服務，確是每況愈下。雖然，連鎖食店理論上食物的味道都大致相同，服務水平亦有規限，但事實上並不。先說食物，沒錯原材料和製作流程，都要跟指引。但是，如果可以比較集團的其他分店，便可見高下。我因常幫趁這間分店，所以用其自家出品，已看到幾個月來的分別了。就以昨日與同事在下午茶時段來用餐作例子，我們分別點了豬扒蛋飯和炒貴刁，飲品都是熱檸檬茶。這兩個套餐，我們已吃過很多次，短短幾個月，已比開業時貴了兩、三元。但以在海港城來說，比其他地區貴一點，是可以接受的。先說豬扒蛋飯，別的分店豬扒都是煎熟的，所以點這個餐時，侍應會說明要稍等，而最初這裏也是煎的。但昨天這件豬扒，我覺得明顯是炸的，因為十分油膩，我亦離遠見到師傅在炸爐拿起另一件豬扒。可能，這個茶餐頗熱門，點的客人甚多，故難再逐件去煎熟。至於那兩個煎蛋，做法亦愈來愈馬虎，以前是做到半生熟，切開有汁液流出，十分滋味的。現在，則似是「炸蛋」，又油又乾

都有一段時間冇食太興了，原因好簡單，價錢愈來愈貴，但質素愈黎愈差。。。唔明點解可以有咁多分店。。。Lunch十二點幾去到，等左十幾分鐘先有位。lunch time岩岩先開始，好多野都話冇。。豆腐火腩冇。。乳豬冇。。木瓜燉湯冇。。我就叫左個蝦醬蒸豬腩肉加金菇，54蚊有杯熱飲。d燒味飯真係太貴，最平都六十幾七十蚊。。講返碟餸，冇特別，唔難食咁啦。。但隔離同事叫個三文魚炒飯就麻麻地。。。有陣燶味。。。希望呢間連鎖店加價之餘都改善下食物質素。。

星期六尖沙咀行完街，肚餓搵嘢食上咗呢間港威商場新開太興，當時下午四點鐘，一入門冷清清，冇待應招呼，坐低叫嘢食，舉手舉咗五分鐘先有個黑口黑面阿姐來落單，餐牌上已經冇乜選擇，叫星洲炒貴刁，待應話冇河粉，於是叫燒味湯米，待應又話冇米粉，同埋阿姐冇耐性態度惡劣逼我落單，所以求其叫咗其他嘢食！本人想講係呢間太興員工態度惡劣、冇服務、個個黑口黑面、叫乜冇乜、以後都唔會幫襯！開嚟嘥老闆錢，不如早啲執咗去😤😤😤😡😡😡