太興 (富榮花園)

營業中

休息中

媽媽忙左成日好攰, 所以叫佢唔好煮飯, 大家一齊落街食. 近近地就黎左太興開餐. 叫左1) 日式七味椒鹽鮮魷- 家姐指定菜色. 份量較外賣多1/3, 新鮮熱辣炸起, 好香口, 不過今次七味粉落得輕手左d, 味道淡d, 但始終係開胃送酒菜.2) 瑤柱鮮菇娃娃菜煲- 好少瑤柱, 但係就有我至愛o既白靈芝菇同娃娃菜, 配埋紅燒汁, 我包底!3) 金銀蛋上湯莧菜- 上湯好甜, 除左金銀蛋外仲有d肉碎, 幾好味.4) 燒肉飯套餐- 連中湯同小碟通菜, 燒肉皮唔夠脆, 不過份量都幾足.埋單先至$150, 都幾抵食!

尋晚家姐突然想食椒鹽魷魚, 但又驚附近o既茶餐廳無水準, 炸得油淋淋. 所以就去左太興, 對佢比較有信心. 但係原來佢係無椒鹽魷魚o既, 不過就有個日式酥炸魷魚, 係前者o既變奏版, 用七味粉調味, 見幾得意, 就叫左一客. 價錢好似接近$60, 唔平.魷魚鬚幾細條, 相信佢o既主人都係志偉o既身形. 炸得鬆脆, 七味粉好冶味, 水準不俗. 不過份量少左d, 唔係好夠食.

有冇人會$2 6食早餐,呢個唔係最大問題,我冇睇清楚,但我一入去己講明我食煙等佢帶我去吸煙區,座低叫佢比煙灰缸,佢又扮聽唔到,寫完單個亞姐又扮聽唔到,最後叫令外一個,佢同我講全場禁煙....我覺得我未落單前有心忍慲,咁樣做生意好唔老實!!

上星期四開OT後，諗住過一過海幫襯車品品，該晚幫襯既人應該不算太多，但始終隔離有夜校，放學時有些人會外賣或者坐係度燒夜，人流沿沿不斷，老版娘都頗忙，機會始終會有，唯有過對面既太興。好求其咁叫了燒味雙拼餐(燒肉及油雞)，雞肉一般，燒肉好瘦，追求健康的人一定會歡喜，不過對我不理生死的人來講就麻麻地，油菜點左生菜，冇乜特別。我反而要讚一讚侍應的服務，他們很有耐性及禮貌。

太興畀我感覺係d服務幾好架,入去個陣佢會好禮貌問你幾多位,仲問你貴姓添!!燒味都唔錯, 而我最愛係冰鎮奶茶,用個兜裝住d冰浸落個用膠杯裝住o既奶茶,唔會因為因為d冰溶而影響左奶茶o既濃度.地方算乾淨, 不過d野食就貴左d~

今日下午茶於太興燒味茶餐廳﹐這間店之前我亦有幫趁過﹐印象尚算不錯﹐不過今日的下午茶餐水準就不行了。要了一個叉燒米粉配冰鎮咖啡。不知道是現在流行瘦叉燒還是巧合﹖無論太興﹑廣東燒味或是大家樂都好﹐最近我吃到的叉燒都是不帶半點肥肉的﹐真係食之無味﹐棄之可惜。我認為叉燒無論燒得如何好﹐如果完全是瘦肉的話﹐怎樣也不會是上品。而且今日於太興食到的叉燒米﹐還有一個問題﹐就是份量少得可憐。一個下午茶餐﹐以茶餐廳計賣$25是不算便宜的﹐卻只有4~5片浮在滿滿的所謂“靚湯”中﹐浸得肉質發白﹐越食越乏味。只有米粉的質地還算不錯﹐但連凍飲+3元(﹗)共$28 只有如此水準的一碗叉燒米﹐我覺得絕對是“搵笨”。而所謂冰鎮咖啡﹐的確係十足份量﹐飲到尾也是原汁原味﹐因為冰不在杯中。但要加$3﹐下次(如果還有下次) 還是要熱飲好了。太興的服務及環境算是不錯的﹐不過﹐叫得做燒味專門店﹐一碗簡單的叉燒米居然可以做得如此求其﹐實在有點失敗。實在不明白為何叉燒跟米粉不可以分開上呢﹖而這一點﹐廣東燒味就做到了。

叉燒好鬆化，蜜汁好香甜又夠杰，燒肉好普通，肉太實，霸王花米粉好彈牙，唔會浸林，只可惜湯底有味精，不過又唔多的。冰鎮咖啡夠心思，夠香濃。侍應好有禮貌，抵讚。

個多士幾厚下,但佢唔連皮, 我有d失望,jam太太太甜了, 而佢所謂既外脆內軟就唔多覺,因為我本身鍾意包先覺得佢ok ...

同媽咪黎食午飯, share 一個燒肉飯套餐, 要左老火湯. 湯係西洋菜湯, 唔油, 幾健康, 但係今日燒肉唔多靚, 有陣味, 而且脆皮好硬, 差d咬唔到. 埋單$34, 茶餐廳黎講都真係幾貴.

剛剛上星期日經過奧海城﹐諗住去車品品食下午茶﹐點知去到先知原來禮拜日唔開。結果過左對面試太興燒味餐廳。奶醬多士果然夠脆夠厚﹐醬亦夠多﹐我覺得好過“表哥”啦﹐表哥D多士感覺上都幾“孤寒”。朋友話個沙嗲雞肉公仔麵不過不失﹐算中上吧﹐不過聞落就幾香。另外要左一碟燒腩肉例牌﹐肉不算嫩﹐不過味道不錯﹐皮夠脆﹐食得過。即磨咖啡似乎已經係新派茶餐廳的指定動作﹐太興亦不例外。而做得亦算不錯﹐但其實以前的舊式茶餐廳奶茶咖啡都另有一番滋味﹐各有各好啦。太興的環境係比其它同類型的茶餐廳好﹐光猛﹐亦算乾淨﹐侍應的態度亦很好﹐有禮積極。雖然整體上價錢比一般茶餐廳貴一點﹐但如果你是一個除了食物以外亦對其它地方有要求的話﹐太興都可算係一個選擇。

尋晚o係度加料,買左廿零蚊滷水墨魚返屋企.去到見唔到墨魚,就問店員係咪無晒. 佢話有,之後就o係櫃度"chau"左一條"冰鎮墨魚"出黎切出一截,仲"黎"手就將o個截掉左入d滷水裡面. 過左大約五分鐘, 浸完"溫泉"o既墨魚就入盒到我地手上啦!個溫泉墨魚質素點?我覺得無乜味-- 無滷水味亦無鮮味.

今晚家姐建議斬料加,結果就黎左買$20叉燒. 好多人都黎斬料,我地都排左三個字隊.呢度o既叉燒$56一斤,比美心貴$8. 但係食落,我就覺得美心好食d,後者通常都d,個汁都好味d!

今日黎荃灣新店開飯. 因為想飲佢地個冰"金真"奶茶. 如常地好飲..我叫左個椰汁葡國焗切雞飯. 個汁叫ok.但椰汁味太強. 而且切雞切得太碎.食個陣有d狼狽. 奶醬脆多士都係咁正. 不過如果"開四"(件)上檯仲好. 呢間太興新開.所以服務同清潔都係Very Good. 望繼續保持!

叉燒月餅好味，奶茶又好飲。