太興 (富欣花園)

營業中

休息中

揀咗小西灣太興嘅太興燒味八寶飯同叉鵝雙拼飯。依間店巴士站附近，LUNCH時段都幾多人，真係要早啲過去搵位。入返正題講返啲野食先。太興燒味八寶飯配料麵略豐富，有鹹香嘅叉燒、滑嫩嘅雞肉同脆皮燒肉、燒鵝、燻啼、紅腸、鹹蛋，每樣燒味都係口感同味道嘅保證，一啖啖肉香撲鼻。但美口不足飯比較偏油。而叉鵝雙拼飯嘅叉燒外層焦香，肉質鬆軟，而鵝肉則皮脆肉嫩，兩者搭配得算唔錯，都感得出返太興嘅用心同堅持。不過，可以改善嘅係服務態度要再親切啲，尤其係高峰時段，店員有時太忙亦容易落單時唔太理人、又無重新確認一次訂單搞唔送錯野飲。希望太興可以係呢方面再加強，令客人嘅用餐體驗更上一層樓。

心血來潮中午突然好想食咖喱經過太興見不用等位一個人便走入去叫咗個咖喱飯最喜歡這裏的咖喱不太辣椰香味適中咖喱汁跟牛腩的配搭簡直是完美每次都叫多飯多汁唯獨如果牛腩都可以再多些就更加Perfect

早2日放假因為探朋友所以去咗柴灣，個friend 話佢去開太興食早餐，咁咪去下囉。頂級午餐肉滑蛋公仔麵。午餐肉望落去冇乜特別，但咬了一啖發覺吾會好咸，蛋煮到半生熟，加多2條菜，感覺上最少覺得唔係食緊垃圾。雞扒滑蛋公仔麵。蛋同頭先一樣係滑嘅，雞扒煎過而且冇雪藏味道，收貨。味道正正常常，可以試吓！

今天因工作一直到下午才有空吃東西，便在附近一間太興吃下午茶。太興一向出名的莫過於冰鎮飲品，所以點了大都牛肉麵和凍奶茶。大都牛肉麵的湯底超濃郁，使麵可吸滿了牛肉湯味，所以連麵都十分味美。牛輾煮食十分軟滑而且分量也不少。正如之前所講，冰鎮凍奶奶飲到最後一也十分濃味。值得推薦。

以前太興好似係做燒味做到出名，開到成街都係。但近年去，發現佢慢慢轉移重點，反而做晚餐小菜同下午茶抵食套餐多，亦更多人揀。可惜今日就唔到時間食佢個抵食tea set，唯有比順啲啲食啲lunch sets。我中意佢地個台南肉燥煎蛋飯。除左今日隻蛋煮得滯，冇左流心外，個肉燥飯其實好好食。肉燥份量好多，雖然好油，但正正係啲豬油夠多先令成個飯夠哂香。飯亦煲得靚，唔過乾或過濕，份量亦唔少，我食唔哂。餐飲我推介熱奶茶or熱柚子蜜，我基本淨係會叫呢兩款，夠哂香濃，正。

今日係極東面既柴灣工業區開完個會到中午，行下行下...原來呢度就係小西灣... 正當諗住搵咩食野時候，係富欣花園有間太興喎...咁真係唔好意思啦，唔駛諗咁多...^^ 無計啦，一個人搵野食唔駛用腦，既然有食開既飯堂，當然都係例牌啦... 係呢個飯市時間，比較起市區呢度都算清靜，又唔駛等可以即刻入去坐，坐定定諗都唔諗就梗係例記咖哩牛腩飯啦，等左1x分鐘後~~ 上枱啦~ 上枱啦~ 呢間既咖哩牛腩飯質素都係依然好好食，椰香加上咖哩，唔太辣又香濃惹味，佢既牛腩真係好鬼嫩滑又大舊，唔好好碎，牛筋淋淋地，兩者比例相若，唔會覺得大細超既， 最後加埋呢杯大大杯既凍檸水，酸甜適中，真係每次食完呢個飯之後，都好大滿足且充滿力量添，而且價錢又合理，依家好食既連鎖店真係唔係好多~ 埋單$61蚊，環境唔錯，服務唔錯，加分~

之前去過其他分店，食物質素較差，一直都冇再幫襯，不過呢間係屋企附近成日見到好多人排隊😯，今日膽粗粗去試下🍴7點前去到人唔多，2個人都可以坐4人的卡位，環境舒服一行2人叫了兩個小菜同一個燉湯上枱個陣個煲仲係“查”“查”聲，熱辣辣粉絲炒得乾身，有少少辣辣地，入邊有雜錦海鮮(魚肉, 鮮魷, 蝦, 蜆, 蟹子)，味道濃郁😋，粉絲吸哂味所以伴飯係一流仲叫了另一款小菜--馬友蒸肉餅(p.s掛住食所以忘記了影相😂)肉餅蒸得香滑嫩滑，而且有馬蹄會食落爽口，配埋咸香的馬友(咸魚)，👍送飯一流呢個燉湯一飲就覺得好香同濃郁，杏香馥郁，又冇乜味精😋十分養顏潤肺，而且十分足料，有好多湯料，一盅有成4碗總括黎講: 食物質素中上，環境舒服，服務不錯，連鎖店食中式晚飯的好選擇👍餐牌👇👇🍳🍴味道: 7.5/10👩👨服務: 7/10🏠💺環境: 7/10💰💸抵食: 7.5/10總消費: $173 (2人)

食咗呢度早餐好多年，只發覺早餐越來越唔妥，特別係雪菜肉絲米粉早餐，每次只找到1、2條肉絲。今日伙計話肉絲賣晒轉燒鵝絲問我有冇問題，當然無問題啦，所以我特登叫佢啲餸分開上，等我數下有幾多條燒鵝絲，最終發現得1條+2條燒鵝皮。同區最貴的早餐但份量強差人意。現在已經這樣，上市後一定更差，將會同翠華條路一樣

我這個香港人，竟然無去過這店食野😂😂😂諗起都搞笑，因有張 coupon，所以便去左食環境都唔錯，舒服，不過埋單就要排隊我們點了兩個套餐，一個梅菜扣肉煲，一個胡椒湯魚肚雞窩梅菜扣肉煲味道還算可以，不過肥肉不多，正常半肥瘦，而且用菜心做底，應該搵啲吸汁力強點配菜墊底，可能更加好，個人意見這個胡椒湯魚肚雞窩，味道夠胡椒味，而且材料都算豐富足料其實比想像中不是太差，只是價錢偏貴了點，其它都沒有什麼特別，服務態度都算可以接受，因我們套餐包了一個白飯，朋友大食嚟多碗，點知等左很久都無嚟，要再催促才送上，不過服務員也不停道歉，希望有待改善

放假最鍾意去太興買早餐，最鍾情佢個滑蛋，比其他快餐店都好食。食落真係好嫩滑，仲有蛋汁添。我通常會起屋企加埋芝士夾包食👍🏻正今日平日去食，早餐選擇多d 喎。有得拼雪菜肉絲米😍。星期六如果食多士蛋果個餐都係拼火腿通，轉米粉要加錢。雪菜肉絲米都係我早晨第2like, 米粉幾通透彈口，湯底加埋雪菜甜甜地唔錯，係肉絲比較dry。☀️外賣湯同粉分開的，唔環保但貼心😆☀️跟餐柚子蜜唔使加錢，埋單$33蚊我一個早餐當埋lunch😆

只要想到燒味，第一個印象是太興。這間餐廳跟某上市茶記不同，出品始終靠得往。招呼，到位，一進去，大把抬，姐姐就話任坐。食得招積的我，點了瘦叉，紅腸，小飯，小單清清楚楚。奶茶先上，奶味香濃，過關。瘦叉沒有染到紅噹噹，跟小小菜，健康之選。可惜紅腸太薄，不過麻油的香氣刺激食欲，把飯全吃光了。今天不用下午茶了。

一日之計在於晨，我聽人講唔食早餐會蠢架所以我每次番工嘅日子都會食早餐最中意就係去茶餐廳食番個港式早餐☺️☺️一件多士一碗麵一杯熱飲 多滿足👍🏻今早早左起床，仲要起娘家一落樓下就有好多唔同嘅早餐食我喜歡太興都係有信心保證啦😂一個人又可以坐得舒服d一早已經好多街坊食早餐入到去個個店員都唔得閒招呼我個個都好似忙緊咁。。。因為我都趕時間就自己搵左張二人枱坐低左再自己睇下有咩好食啦全程好似無人知我入左黎咁😝😝😝直到我決定要食咩餐叫個店員落單佢先知我入左黎😅😅😅不過都唔緊要嘅。。。最緊要有早餐食都算多選擇，我未入黎已經諗好食咩啦但又比佢陣公仔麵味吸引😲😲😲堅持啦🤓黎左杯熱飲先，叫左阿華田 總係覺得無以前咁甜，係咪健康左？慣左唔落糖 不過覺得淡左d熱就夠熱嘅之後就上左我碗雪菜肉絲米lu唔知點解好中意食佢d湯米 好滑又唔會好乾份量都適中👍🏻之後就係炒滑蛋同多士喇看似平平無奇啦，但我勁like知道好肥但都會用哂成包牛油搽滿個多士再放個滑蛋上去一齊食😍😍😍😍😍正到爆呀！蛋今日炒得好滑好想知佢加左d咩落去炒。。。。自己總係整唔到食哂成份早餐，好滿足呀

做野做到悶悶地，落街食個下午茶！我平日都唔太鐘意太興，覺得食物質素唔好同埋服務一般不過食過呢次下午茶我會再考慮食佢個下午餐喇！因為呢個配搭真係唔錯首先係牛肉面，呢個係下午茶獨有既，個湯好鮮甜而且牛肉好淋面唔係公仔面，成個面就似台式既牛肉面，完全唔似太興本身既水準呢杯係忌廉紅豆奶茶，個人認為太甜，而且用碎冰會比較合適呢杯係太興招牌冰鎮奶茶，賣點係KEEP住凍但唔會因為熔冰而影響味道價錢都算貴，每人比40蚊左右啦，因為飲品都幾貴

奶奶生日，姑仔特登訂隻party豬當生日蛋糕切，基本上全個盒連豬還包括很多濕碎開生日party的配件，$3XX一份禮物的模樣，抵玩！就是包括上圖的派對濕碎配件，額外買個打火機就可以慶祝生日。幫乳豬打扮打扮就可以點火吹蠟燭！Happy Birthday to you ......唱完歌、吹完蠟燭就用跟豬剪刀把乳豬剪開一嚿嚿，不知道是否附送的剪刀質數兒戲，還是乳豬硬骨頭，好難剪也~乳豬皮薄又脆口，零脂肪加上肉質滑又嫩，有種豬仔的肉香味，總之不會有肥膩滯之感。乳豬底已塗上海鮮醬來燒，因此不用額外蘸醬吃也能有甜蜜蜜的味道。

早上要到遙遠的小西灣-八號廣場 跟大客戶開會~ 未開會前, 當然要先醫肚啦, 泊好車之後便步往 "太興 Tai Hing" 吃早餐~小弟點選了 F餐- 黑椒雞扒 拼 香草腸 配 鬆脆多士, 跟餐飲 $30先來的, 是餐飲- 咖啡:咖啡入口順喉, 味道不算濃厚, 感覺上奶是下多了一點~黑椒雞扒 拼 香草腸 配 鬆脆多士:份量適中, 雞扒尚算厚身, 煎得夠香, 肉不嚡口也沒有雪氣~ 黑椒汁味道濃香卻不刺喉, 略帶酸甜, 質地杰身 (合我口味)香草腸的味道一般, 香草味不濃, 肉扎實, 煎得比較多油~多士烘得香口鬆脆, 仍然是熱的!整體而言, 這頓早餐算是頗好的~