太興 (峻峰花園) (已結業)

筲箕灣去大浪灣個van仔站入左隔離間太興食野，唔想食飯，所以叫左個鵝絲常餐～雖然張相同現實差好遠，但雪菜+鵝絲呢個組合幾重口味～配埋米粉簡值係一凹一凸，另配有炒蛋/多空/餐飲，幾岩我口味,50$算係咁啦～

好高興今晚可以去到太興食飯，每次去太興食飯都特別開心，因為佢地野又好食，價錢又抵真係幾唔錯。睇完菜牌就點咗兩個飯，一個燒味飯，佢地d 燒味真係幾唔錯，唔會太乾太柴，味道又夠。仲有一個魚香茄子煲。再加兩杯野飲。嚟到太興又會見到Iron man,同埋香港神奇小子Rex曹。認真威水。叉雞，半肥瘦叉燒，雞唔太肥又夠嫩滑。燒味飯仲配碟菜真係好照顧都市人蔬菜水果食得唔夠，好令人暖心。仲有個魚香茄子煲，味道十足，稍為挑剔一下只是切得太大件，部分唔夠入味。但仍不失為一個唔錯嘅茄子煲。去太興必定要點一個冰填奶茶，今次點夠兩杯埋單先155，超值。

陪媽行完街後，突然落好大雨，避雨期間兩人都開始肚餓，於是行去筲箕灣港鐵站側邊間太興燒味食午餐，當時餐廳食客都好多，只有一張比較近廚房嘅枱無人坐，我哋都唔介意照坐，然後好快地叫咗兩個午餐，一個係惹味排骨湯麵+熱檸水 $46，另一個台南肉燥煎蛋飯+熱檸水$48。大約五分鐘就送咗兩個餐嚟，我和媽第一時間都先食排骨湯麵，湯底唔錯，可惜排骨嘅肉就比較實，味道都可以，口感就一般，然後大家都食肉燥煎蛋飯，感覺都比排骨湯麵好食，啲肉都容易食好多，好香嘅肉燥香味，好有台灣風味，仲大過台灣嘅肉燥飯好多，兩個餐都有一杯餐飲，我哋都係叫咗熱檸水，兩個人都食得好飽，如果店內環境可以乾淨啲，我就會坐耐啲，可惜唔係，所以食飽就走啦。總結：食物可以，環境一般，收費合理。

呢間太興都唔係第一次黎，以前多數食燒鵝脾飯，今日剛剛燒鵝脾賣晒，就試左個胡椒魚肚雞鍋。連爐上，可以保住個溫度，我平時都好鐘意飲胡椒湯，呢個都整得幾好飲，但唔知點解滾到中途好鬼多泡，要隔番出黎。雞肉整得好嫩滑，仲有木耳，冬菇等配料，都幾豐富。

星期六，因約了朋友到龍脊行山，所以便在筲箕灣站等。當準備行山前，當然要嘆個美味早餐才出發，一早到了筲箕灣便在找附近餐廳落腳。由於一上筲箕湾站A2出口便見到太興，所以顺理成章入內吃飽飽。點了個餐蛋麵加杯熱奶茶，太興的餐肉不太肥，而且食時口感特別有咬口，加上這店炒的滑蛋特別香滑，配搭特别佳。而熱奶茶茶味雖然不是特別香濃，但卻冲得很滑，加上熱辣辣入口，一邊食麵一邊飲一啖，也感覺很滿足。炒蛋做到特別滑熱辣辣，很滑

2月21日放工, 去馬會買馬仔, 買完出門口, 對面就係太興, 如是者心血來潮想試番擭外賣(話晒都好多年冇食太興, 不過都好佩服, 因為自讀書時已存在, 足足10年有突)叫左個咖哩南同奶茶, 試下呢檔D咖哩同居內其他食市的咖哩有咩分別...同埋個冰鎮奶茶有冇變到等的時間唔係好耐, 10-15分鐘已經有得拿拿到番屋企, 冰鎮奶茶冇冰的, 而咖哩就望落去好重椰汁...因為唔係黃色而係白黃色...撈呀撈, 撈到一pat野之後放落口第一口咖哩, 我個表情係 (0_0)... 第二口慢慢品嚐, 係笑左出黎冇咖哩味形容, 只有好重的椰漿加少少辣味之後炸薯仔, 又整得幾好食, 唔覺熱氣最後牛南, 唔知係唔係放係飯盒焗得耐定點, 冇味道可言, 一舊肉, 一舊熟肉的味, 完全吃不出牛南的味兒出來...總結唔值60幾蚊... 之後個奶茶, 好重奶味... 不過同茶的mix又唔可以話亂晒龍, 係balance, 合格的總結; 50分不過以呢個地位, 咁既質素, 區內有唔少競爭對手...如果太興想突圍真係要下苦功

今早約了朋友去行山, 目的地是鶴咀, 約好在筲箕灣巴士總站集合. 我們到達時間尚早, 先找個地方吃早餐才出發吧.抬頭看見 太興招牌.   立即想起出色燒味, 但因附近沒有其他餐廳選擇, 所以今次試試早餐如何 ?   餐廳地方不大, 幸好找到卡座, 有服務的早餐, 感覺較好.餐牌很多早餐組合, 全日免加一.  我們点了人氣早餐 @$ 34.  和 輕盈早餐. @$26.人氣早餐有:鬆脆多士, 嫩滑炒蛋,  火腿絲QQ彈牙通粉和熱飲, 很豐富  多士烘得熱, 炒蛋炒得香滑, 不會老而帶有些蛋汁。火腿絲QQ彈牙通粉, 份量不多, 通粉真的幾彈牙, 火腿絲也算多, 味道適中.  熱奶茶:  茶味香濃, 無苦澀, 有奶香, 而且口感順滑, 不錯。輕盈早餐有:滑旦蘑菇鮮茄湯通粉, 及熱飲.滑旦很滑, 蘑菇少量, 鮮茄湯很健康, 通粉入口爽而且彈牙, 好開胃的一個早餐.熱奶茶: 做得出色, 茶味香濃, 無苦澀, 有奶香, 而且口感順滑, 很醒神。以連鎖店餐廳比較, 太興做得頗好, 餐廳給客人感覺整潔光猛. 食品項目不算便宜, 但環境, 服務員水平和食物, 水準不錯, 去太興食早餐絕對中規中舉.

因為聖誕時經朋友介紹覺得幾好食，還有好多配件跟上仲有送上門服務，所以大年初一訂了二份盆菜和家人分享，我訂咗一盆普通十二人，一盆有花膠鮑魚嘅八人盆菜，点知其中一盆有些食物變了味，令成份盆菜唔食得！當時經已晚上八点幾，我只管打電話去太興熱線查询，点知真係有人聽，我無諗到年初一仲有人聽熱線，跟著我說明一切，嗰位職員好有禮貌地回覆，對不起！現在我們無辦法再補回一份盆菜比你哋，只可能退款！敬請原諒！我都明白當時都應該無人工作，大年初一好多都收爐，家陣仲有售後服務算好好，第二日還有人跟進此事相當不錯，繼續加油👍👍👍

是日到石澳鶴咀郊遊，需於筲箕灣轉乘巴士，臨行前一份豐富的早餐當然少不了。要數就腳的茶餐廳，太興是不二之選。相比其他茶餐廳，太興定價都幾進取，要三十幾元一份。一碗餐蛋麵，餐肉質素不俗，不會過肥。炒蛋都幾香滑。公仔麵口感彈牙配上麻油湯當然美味。細周生的火腿、炒蛋、多士餐，出事位在炒蛋，下鹽過多，味道很鹹。 熱奶茶口味輕盈挺滑，不俗。

「晨早空氣清新開朗，陽光溫暖帶來無限美... ...」又是行山郊遊的好日子，今次目標是風光怡人的龍脊。出發前當然要補充體力，先到太興吃一個豐富早餐。多士烘得恰到好處，香脆之餘又不會硬實實炒蛋過老不滑，火腿超級油淋淋熱華田味道剛剛好，不用加糖即喝便可。吃飽飽了，是時候起步啦！

下午茶燒臘餐由 $41 起, 視乎雙併還是單併, 還有併d o羊, 一碟飯再加一杯飲品 (凍飲要加$3)老實講入得去都預左唔經濟, 但係佢o既物質就真係唔值呢個價錢d 送又少, 燒鵝又唔夠味, 又細件, 連d 汁都無味想請問下咁o既質素點解可以賣到 $41 以上, 仲要係下午茶優惠價錢, 係唔係真係要做得好 d 呢 ?一年都黎唔到呢樹食燒臘飯一次, 一失都係咁失望仲有呢間唔夠冷氣呀, 都幾熱下

星期六係太興食早餐，點了一隻糯米雞及一杯熱奶茶。就糯米雞來說，餡料非常多，有冬茹、臘腸、蓮子、雞翼等等，把整隻糯米雞填得滿滿。不過，論香味而言，又似乎差了一點點。至於奶茶，茶底奶味味道平均，做得不俗。

一月十七日(星期日)行山之前,集結之後,本身打算去試試安利,不過有朋友說肚餓,要吃飯見到有太興,大家都走入去了坐了一張圓檯,有幾個menu,看過後,要茶餐炒蛋:可以,不過比較油...多士,一般,厚點會比較好沙嗲牛肉通粉:牛肉不錯,而且份量多!老公仔點了照燒雞扒飯,雞扒不算大塊,味道都不錯簡單的一餐之後就出發了!

筲箕灣公司附近飲飲食食(4)：不是第一次到這店，不是食過返尋味，只是因為這店在公司附近，試過這裡的燒味，水準不俗，這次吃的是菜遠鴛鴦腸飯，有兩條膶腸，一條臘腸，可是菜遠也是只得兩條，太少了，不過味道不差，不太鹹也不油膩，不過下次再光顧不會再叫這個，可能會試試其他。題外話：上次我用那杯滾水浸餐具，怎料他們多送一杯滾水過來，原來他們有這個多送一杯的規定。

今日同女友去左呢間店到食晏,入到去要搭枱,但d小二淨係識叫你入來,但唔會執左枱先,坐得左仲要三催四請先會行過來執野,d小二仲要好囂,都唔知囂乜,講真唔係趕時間同對面間茶餐廳冇位都唔會簡太興,因為出左名貴加難食!!講番d野食,叫左個乳豬切雞飯,一個瑞士汁牛柳絲炒河,d燒味講真唔係難食,但只係一般,你收人四十蚊一碟飯唔應該只比到呢個級數o既野比人,反而個瑞士汁牛柳絲炒河又有d驚喜,味道不錯,牛柳好有牛味,唔同出面果d原全冇味o既牛柳絲,但都係果句,$40一碟野冇可能只係ok就可以!!再加埋d小二,真係唔會再有下次!