太興 (荃新天地2)

營業中

休息中

行過見到幾扺入左去食，味道唔錯👍🏻，雖然好忙外面已經排晒隊，但嗌侍應落單同野食都幾快👍🏻，仲要成個月都有呢個優惠，如果豬肺湯有返更加好🤭⋯⋯下次可以再試吓

太興係連鎖食店，味道不嬲都幾有保證，所以我都算成日幫襯，但佢都有失手嘅時候，今日去太興食午餐，order咗鐵板乾炒牛河雖然牛河上枱熱辣辣，但一嚟已經心知不妙，因為顏色好淡，有啲仲幾乎白色食落口，河粉味道好淡好淡，一啲豉油味都冇；牛肉就好腍，好易咬開，但牛味唔濃

原本諗住食個下午茶飲杯奶茶再去睇戲，點知過鐘就唯有食晚餐，原本有少少趕時間去睇戲，所以叫個員工幫我D食物出快少少，佢都即刻同我跟，食物都好快到齊，奶茶保持一向水準，小菜賣相比以前好。

入黎食既原因係因為隔離要等位.. 呢度唔洗等位喔唉後悔呢個懶惰既行為其實我一向對太興既食物都無期待嫁啦 價錢又唔係平係同行最多鐘意佢無冰既奶茶姐 ....早餐嗌左雞扒米配熟蛋其實咁既價錢, 出邊配兩隻蛋加有多士呢度多士又無, 蛋又得一隻我都知物價貴, 但洗唔洗咁小氣? 價錢唔係平嫁喎.....太興真係愈做愈衰, 姐係你執笠我都唔會覺得可惜個種囉湯底無味的, 焗住我要問姐姐拎辣椒油頂住咁食好sad的一個早上 

著背心嘅女職員(相信係經理或主任)，服務態度差，查詢與MTR優惠現金券時未搞清楚第一句就已經話無～仲叫我哋自已睇清楚(但佢公司响表列入邊），最後要用返同佢相同嘅態度，佢先走去嘗試睇吓同掃唔掃到CODE,最後係用到嘅～點解係會叫我哋搞清楚，究竟係佢响度返工定我响度返工？話就話唔係顧客大哂，但唔通妳都唔可以用返做服務業應有嘅態度去返工？最後比埋錢成個過程一句基本嘅多謝哂同唔好意思都無聽過～所以打返段長文比貴公司或其他有同感嘅客人暸解吓佢🙃

從未食過甘難食的蘿蔔牛腩煲. 仲話係popular….,激死人. 首先，所有牛腩都是硬的，同湯渣冇咩分別，湯是很咸，所有蘿蔔都是冇味的. 點解可以做到甘差. 真的是廚師做的嗎？ 配個兜生菜仲要係全部都是生銹的.…….真係唔好怪冇生意. 煮到甘不如唔好做啦. 租金都浪費埋.

張相係一擺上檯未食就影的，叉油雞飯叉燒瘦d乾d都仲可以，d油雞咩事? 唔明點解燒味部咁都過到自己，雙併燒味飯餐$72 點知仲衰過大家樂。另外中式京都豬扒，豬扒咬落去勁霉入面仲要粉紅色 (冇影相)，懷疑係極度雪藏貨加上未炒熟，同侍應講，廚房炒過碟新既即刻正常返，雖然係雪藏但起碼見到豬扒紋理同埋係正常顏色同口感冇咁梅，呢方面侍應同廚師都要讚。好彩冰鎖奶茶還是一貫地好飲。XXXXXXXXXXXXXXXXXXXXXXXXXXXXXX

大家都知道太興最出名的是冰鎮奶茶和燒味，所以它的燒味較其他的貴很多，不過今天吃快餐就不點燒味了。今天去了荃新天地的分店午餐，餐牌上有幾款午餐供選擇，款式跟港式茶餐廳大同小異，但價錢就貴最少20元。我叫了苦瓜炆火腩飯配冰鎮奶茶，餸和飯是分碟上的，雖然我叫少飯，但都是很多飯，餸的份量是足夠的，味道也適中，整體上我覺得是一般，不過奶茶就真是香和滑。可能我不是揀食店的代表作，只能吃出一般的午市菜色，但價錢就付出較多了。

今日去左呢間荃新天地太興，心目中太興燒味都有水準，所以滿心期待去再食。今次叫左一碟半肥瘦叉燒燒鵝飯，加一杯冰鎮咖啡。用手機點餐約五分鐘就送到枱面，有燒味既正常速度，一見今次比左個燒鵝脾實在太幸福了，加埋個酸梅醬視覺享受直頭一百分。先試一試個半肥瘦叉燒，正宗半肥半瘦口感都非常之淋，可惜味道太咸連肉味都食不出，唔緊要還有燒鵝脾補上，燒鵝有著淡淡的煙熏味那是用上柴火嗎？但可惜皮太乾太硬，燒鵝既肉汁也一拼燒埋，口感又乾又硬我諗短期內也不會再去，而且要成75蚊既午市燒味，性比價都不想提了希望下次去會有驚喜。

呢間餐廳落單個系統虧，跟住叫staff就冇人應嘅,啲人又掛住傾偈唔理你，人手幫你落返單又要落錯嘅，講到明鵝絲炆米，你比個星洲炒米俾我？等又等咗勁耐，落錯單又唔講對唔住，都唔知乜鬼嘢餐廳，原本諗住同老婆去食下午茶結果食到燥底

價錢貴就預左，所以對佢既期望都係特別高，畢竟都80蚊一碟三拼飯，好可惜，燒肉個皮係硬既，真係仲衰過人地平一半既脆皮燒肉！叉燒同樣唔好食，又硬又唔夠蜜汁，肉質唔好所以食落都好一般，呢個價錢呢個質素真係唔會再試啦。

今日路過荃新天地見到太興冇乜人，就入去食個lunch. 一場黎到緊係要試下佢地嘅燒味飯，話曬都係招牌菜！所以我地叫左一份三拼燒味飯同一份乾炒牛河。三拼燒味包括半肥瘦叉燒、燒肉同燒鵝。叉燒好柴口，唔淋，亦唔夠甜，真係平啲連鎖店嘅叉燒都好食過佢，大失所望！燒肉肉質質都幾淋，但個燒肉皮好硬，真係太興岀品都咁樣，好失望！唯一唔錯嘅係燒鵝，佢啲皮都幾脆，肉質都ok唔會好孩口。整體而言賣到成$80碟都咁嘅質素，叉燒同燒肉好一般。乾炒牛河啲牛肉都幾大塊，炒得乾身，食落唔會太油膩，不過唔係好食到種鑊氣，同埋唔夠香

今日起身突然之間好想飲冰鎮奶茶，然之後老公特登揸車車我去荃灣食太興，好懷念呢個冰鎮奶茶，覺得太興嘅奶茶最好飲。再叫多個燒鵝臘腸飯，瑞士汁牛柳炒河粉，簡簡單單就一個中午啦！非常好☺️☺️☺️荃灣嘅呢間太興都坐得幾舒服。

今日做完嘢，個人十級累🥱，好想做食肉獸，補充下體力💪⋯⋯其實之前都去過荃灣太興食下午茶，叫左一碗燒䳘米粉，覺得回味無窮，於是今次就即刻諗起去太興食燒味飯😛我今日叫咗煙燻燒鵝配切雞飯，雖然今次部位係上莊，其實上莊都唔差，有肉厚油少的鵝胸，最適合鍾意啖啖肉同減肥的我😆鵝皮好香脆，肉質好彈牙，中間夾住一層薄薄的鵝油，真係齒頰留香！😬 老公就叫咗一碟八寶飯，可以一次過享受食燒鵝、燒肉、叉燒、切雞、墨魚、燻蹄、紅腸、鹹蛋，食完非常豐盛滿足。🥰今次燻蹄比到驚喜我哋，豬皮好爽口唔會好油膩，肉又好嫩滑，真係正👍另外紅腸都正，有一陣淡淡玫瑰酒味，抵讚👍最後想講下杯柑桔蜜，非常之好飲，佢似係陳年柑桔蜜，味道甘甜微酸，食得甘飽，飲返杯幫助消化🤪

我對太興印象一向麻麻地，食物一般但價錢貴。今日經開荃新天地，見到一間好大嘅太興，忽然間想比多次機會佢平反，嘻嘻…今次覺得不錯喔。午市套餐隨了燒味外，還有粉麵類，選擇算多。點了一碟义燒紅腸飯和一杯柑桔蜜，$58算合理。义燒肥廋比例3:7， ok 喎。肉質軟腍，蜜汁惹味。非常懷念紅腸，我諗己有十年以上冇食過了。飯底亦不少，女士來說會吃不完啊！柑桔蜜就比較過甜，膩喉。