太興 (翠怡商場)

營業中

休息中

太興平時好多人等位🤢今日見比較少人就去咗食下午茶等咗大概15分鐘就入到去入邊都幾大好多卡位👍🏻叫咗個西多士 （$32）另外叫咗個冰鎮奶茶 （+$3）價錢來講真係唔係好平但係就真係好好食冰鎮奶茶都好好飲☺️☺️忟米就一般般勝在足料 👍🏻👍🏻👍🏻

今日食太興外賣飯盒...中伏！傍晚六時許，正值大雨完，速去買盒义油雞飯，返到屋企就立即開餐。一開盒，見d油雞蓋過哂d义燒，便夾舊义燒黎食，點知一食入口，完全咬唔爛，6舊义燒，5舊食唔到，全都係肌同脂，離哂大譜！坑咗我$56。

我們雨天在外排隊，有人直入太興似自行搵位，這女侍應懶理，求其推這是搵人...但我只見這人兜了一圈，直情是搵位，後來見無位才死死氣出去排隊...這女侍應後來却推說不可阻這人入去云云，前言不對後語。仲同客人搏咀

呢間野位於美食沙漠青衣碼頭. 下午2點半度, 間野都係好多人, 因為附近真係無咩野食.叫左個6寶飯. $78, 一杯冰鎮奶茶.佢D燒味真係做得得出色, 有用心去做, 同平時街市果D係有分別, 同埋成個飯擺得好靚.有墨魚, 燒肉, 雞, 紅腸, 分蹄, 叉燒同埋一隻咸蛋個永鎮奶茶都係心機之作, 用一碗冰去凍住杯奶茶, 而唔係直接加D冰落杯奶茶度.唔會溝淡到杯茶, KEEP到奶業既原有味道.整體質素唔錯, 但價錢略貴

要50蚊嘅呢一個下午茶餐呢個份量嘅星洲炒米亦都太小了吧我諗過正常人好難會食得飽 不過佢嘅味道係屬於中上嘅只係佢嘅份量真係太少 即使係下午茶份量亦唔合格希望餐廳將來會會改善一下

其實呢間茶餐廳以價錢嚟講， 絕對稱不上便宜。但佢嘅質素絕對比大多數嘅茶餐廳好。星期日大概四點幾去到嘅時候仲要唔使排隊，就入去幫襯咗個下午茶，冰鎮奶茶加公司三文治，質素跟以前一樣好。不過可能因為冇乜加價嘅情況下，公司三文治好似冇以前咁飽肚。

嚟太興，有時醉翁之意不在酒，求的可能係一個靚景，一片安寧。今日落街食早餐，好好彩，排到去跟海邊的卡位，有少少陽光曬入嚟，食早餐都寧拾舒暢。咁當然0拉，今朝都叫好彩先排到呢個靚位，唔係時時有架。HOHO﹗我就叫左個餐旦面，係我一向的最愛。面質彈彈地，午餐肉有煎香，沒有HEA你，仲有啲旦都係有少少流心滑滑的。呢個組合真係無得輸呀﹗仲有加條菜心，少少減低食公仔面的罪惡感。食得都等別開懷。到個糯米雞0拉﹗一個字，好味﹗一讚用料充足， 第二係啲冬菇大大粒好入味﹗仲有啲肉粒呀，味係剛剛好。佢個糯米應該係一齊蒸煮左一陣，啲飯入口都係啖啖肉香。真係食到變肥豬都OK﹗咁食左咁多肥野就飲返杯檸水BALANCE一吓。都好呀，咁就過了一個舒爽的週末。

今日晨早流流去到青衣翠怡花園為女女掛號睇醫生，睇見太興門口居然有條人龍(約十幾人）就排埋一份。等左約十五分鐘，女女睇完醫生岩岩好有位。我地四個人，叫左三個＄３６早餐，盛位＄１０８。Ｃ餐自家制糯米雞，sell０既係自家制，女女鍾意食糯米雞所以揀左佢。黎到賣相唔錯，大隻夠份量。一開就有驚喜，佢無一般的糯米雞果種下欄感覺（食剩食材大雜會）。首先無蒸過龍，你知就算打正旗號賣點心的廿幾蚊隻的唐記糯米雞都可以蒸到過晒火候，糯米變到一patpat，而太興呢隻糯米雞就掌握得好好﹗其二就係選用左蓮子同馬碲，比起一般用肥豬肉提升左一個層次。餡料仲有冬姑和豬肉，唯一美中不足係用左叉燒而唔咪用雞。整體已經收貨很滿意﹗Ｆ餐香草雞扒，內子on diet指明要雞扒，我自己冇得試。據聞＂鮮甜肉美，唔鞋有雞味"。利申內子愛吃雞胸而不嫩雞為何物，因此不予置評。Ｅ餐頂級午餐肉滑蛋公仔麵，午餐肉厚切兩片童叟無欺，讚﹗配合滑蛋有創意，抵讚﹗麵質彈牙就連仔仔和女女都爭位食，更抵讚﹗恰左兩啖湯味精唔算太重。整體黎講食物質質對得去個價錢，難怪咁多熟客捧場，如果仲有機會同有時間排隊我一定會再幫襯。

第一次試太興既早餐！叫左扎肉肉碎米粉！湯底加埋米粉好match！米粉口感好好！佢地應該係用有隻鵝仔嗰個牌子既米粉！食得出口感好一樣炒滑蛋多士，滑蛋真係做到口感好滑好好味再配熱飲咁就一個早餐啦

最近酒樓裝修中，爸爸又鐘意食中菜所以就諗到去太興叫小菜食飯喇。雖然餐廳內已經坐滿人，但係等既時候都唔算耐，好快就有得入。印象中第一次黎到食晚飯，平時都係食中午飯多～最後我地叫左豉汁蒸倉魚同埋胡椒魚肚雞窩。可能食慣酒樓，份量比我地想像中少好多，一樣送只夠一個人食。胡椒魚肚雞窩ｄ湯都係得個窩既一半。ｄ胡椒非常多，飲左一少少個喉嚨已經非痕癢。就算加左熱水都係無用，胡椒實在太多而料太少。最後我地自己加左水先每人分到２碗魚肚每人分唔夠２舊，雞就好似雞粒咁細。好彩條魚都尚算有水準，ｄ肉都幾滑同新鮮。最後都係要用豉油送飯先食得哂碗飯。太興都係燒味飯出色同抵食好多。

和爸爸吃一個early dinner，五點半到埗，所以其實是吃下午茶餐。下午茶餐的叉燒切雞雙拼飯（$65）， 燒味永遠都是太興的強項 ，叉燒鬆軟，外皮有焦香，是水準之作。 切雞軟滑， 很好！ 冰鎮奶茶 也是我們來太興的原因， 但是對我來說， 有點太甜， 下次應該要叫少甜。 除了燒味 ，我到太興最常吃的便是大都牛肉麵（$35）。 麵條是上海麵 ，牛肉用上牛展的部分， 整個面比較清淡，但很對我的口味！ 忌廉紅豆冰， 我不知道原來有椰汁味， 所以我不喜歡… 爸爸讓著要吃餐蛋麵（$35）， 太興的餐肉已經沒有像以前一般的厚， 我們多叫了一份奶醬厚多士($31)， 其實有點貴， 配上羅宋湯， 正常味道。

在位於住宅區的連鎖店朋友時常講, 在這類舖工作最緊要係同街坊打好關係, 有時在超市都會見收銀姐姐同客閒話家常, 媽咪亦會與酒樓部長噓寒問暖..但親身真係無咩試過😊；今早身體抱恙整親隻腳, 大食男友就車左去睇醫生同食早餐, 因為要方便泊車, 所以大食男友就帶左去呢間太興; 大食男友愛吃糯米雞, 今朝凍左幾度就喏曬😋我幫他叫了隻糯米雞, 當阿姐聽我叫糯米雞時, 她很窩心地提醒我 ‘小姐整親隻腳唔好食糯米呀’, 我頓是好溫暖呀！當然我有解釋是叫俾大食男友食啦😊我自己就食左碗餐蛋米粉(大食男友幫我食左隻蛋), 碗米粉真係好大碗, 而且塊餐肉好厚, 大食男友隻糯米雞都大隻同好足料👍🏻第一次在連鎖茶記有呢類貼心經驗..姐姐多謝你呀😊

平時夜晚想食小菜，好多時都會尼太興，由細食到大咁濟。。太興出名嘅係燒味，不過其實冇乜特別。。。正常質素only..海皇豆腐煲係眾多小菜入面整得比較好嘅一個小菜，上菜時熱辣辣，不過唔知點解魚嘅份量越尼越小。。。好似有啲將貨就價。。巴東牛肉係驚喜價：$28。。貪佢抵食所以嗌。。味道都ok，咁嘅價錢，都幾抵。。冰鎮奶茶係招牌，好多人都會叫，夜晚可以跟餐，就會有飲品同白飯。。最後食個奶醬多，當係甜品：“)

原來我之前都寫過幾次太興，真是自己都不記得了😅，但是歷史已經久遠，太興，在我的印象中，好像已經裝修過幾次，室內環境完全不同，服務人員亦都完全不同了。即使現在，星期四晚上，大概七八時進去，也可以自由坐低，沒有什麼人在等位。太興，以往比我的感覺，好像非常之貴，一個燒味飯，雙拼都大概要五＄60。現在，好像非常之不同，餐牌上有很多特價選擇，先看到牛尾，其餘還有雞，如果特價小菜上面有雞，便可以不用叫燒味那一種。紅酒牛尾，只覺得面頭很多油，非常之油膩，而又未不算太多肉，亦都比較薄切，所以牛尾的肉不太多，一大盤，覺得油膩。極尙魚露蔥油雞，以特價小菜來說，這個蔥油雞算是非常划算，因為半隻放在碟上，童叟無欺，雞皮不算太肥膩，亦都不算油光滿雞。雞的外皮及表面那層肉，的確有點兒雨露的鮮味，微咸，不用再點薑蔥。然後，由於母親非常之喜愛太興的豬肺湯，於是迫我們也一起喝，便帶了三盎。結果，我覺得豬肺湯，味道還好，雖然不算是火候十足味道香濃，但是杏仁味亦都比較出色，味道可以吧。豬肺只有三兩件，但是已這麼一大盎豬肺湯，都只需48還有第二第三盎特價的話，其實價錢已經比以往便宜得多。由於帶了兩個肉類，害怕沒什麼菜，所以點

今日再次同朋友去太興食下午茶，由於大家都好肚餓的關係，一坐低我同友人好快睇完餐牌就决定叫2個茶餐一齊分享食，侍應亦好快手甘幫我地落order！不到3分鐘侍應就好快上左香煎雙蛋豬扒飯比我地，我地立即開餐，一試！嘩！雙蛋煎得太老太硬，食落完全無蛋香味，味道真是麻麻！至於個豬扒，我諗大家都見到非常細塊，味道亦好一般，得过咸字！肉質好嚡口好硬，完全唔好食，杯熱菜蜜就一般啦，不夠濃味，太淡口！跟住食埋個大都牛肉麵，D麵質都算唔錯，好弹牙好爽口，但D牛肉真是唔得，煮得唔夠淋，好硬好難食！至於杯凍檸茶就一般啦，不過不失！今次太興的食物真是令我完全失望，希望下次再來會有所改善啦