太興 (翠怡商場)

營業中

休息中

今日晨早流流去到青衣翠怡花園為女女掛號睇醫生，睇見太興門口居然有條人龍(約十幾人）就排埋一份。等左約十五分鐘，女女睇完醫生岩岩好有位。我地四個人，叫左三個＄３６早餐，盛位＄１０８。Ｃ餐自家制糯米雞，sell０既係自家制，女女鍾意食糯米雞所以揀左佢。黎到賣相唔錯，大隻夠份量。一開就有驚喜，佢無一般的糯米雞果種下欄感覺（食剩食材大雜會）。首先無蒸過龍，你知就算打正旗號賣點心的廿幾蚊隻的唐記糯米雞都可以蒸到過晒火候，糯米變到一patpat，而太興呢隻糯米雞就掌握得好好﹗其二就係選用左蓮子同馬碲，比起一般用肥豬肉提升左一個層次。餡料仲有冬姑和豬肉，唯一美中不足係用左叉燒而唔咪用雞。整體已經收貨很滿意﹗Ｆ餐香草雞扒，內子on diet指明要雞扒，我自己冇得試。據聞＂鮮甜肉美，唔鞋有雞味"。利申內子愛吃雞胸而不嫩雞為何物，因此不予置評。Ｅ餐頂級午餐肉滑蛋公仔麵，午餐肉厚切兩片童叟無欺，讚﹗配合滑蛋有創意，抵讚﹗麵質彈牙就連仔仔和女女都爭位食，更抵讚﹗恰左兩啖湯味精唔算太重。整體黎講食物質質對得去個價錢，難怪咁多熟客捧場，如果仲有機會同有時間排隊我一定會再幫襯。