夫人法式甜品店 (已結業)

店鋪：夫人法式甜品店 (深水埗)地址：深水埗欽州街37號西九龍中心8樓60號舖西九龍中心8樓嘅美食廣場不嬲都喺價廉物美，無論咩年紀嘅人都鍾意嚟呢度搵食，亦慢慢成為學生同老人家嘅聚腳點，仲要有好多唔同種類嘅餐廳🤩，保證你每次嚟都可以有唔同選擇基督徒老闆之前喺香格里拉酒店到做，輾轉之間2020年11月就喺西九龍中心開甜品店🍧，起名為夫人法式甜品店，希望不忘初心，做到法式高尚甜品嘅水準，就好似叫「夫人」呢個名比「太太」同「小姐」更昇華一樣，唔甘心只喺做普通甜品，而喺用最好嘅材料做最好嘅甜品，帶開心比客人，比佢哋覺得物超所值😌✝️皇牌爆漿心太軟配雪糕 $45老闆為求保持食物質素，堅持唔用平價煉奶去整，每樣材料都喺悉心挑選。切開心太軟有濃郁嘅朱古力醬流出😋，配埋雪糕一齊食就有冰火冷熱嘅效果😎，食落甜而唔膩，食得出喺真材實料，最後用芒果同埋西瓜粒蘸埋剩低嘅朱古力漿嚟食就滿足晒😋✝️星級法式焦糖燉蛋 $35用咗歐洲丹麥蛋去整🇩🇰，比本地蛋更香更有蛋味🥚，燉好之後冷藏，再即場用火槍去燒面頭嘅焦糖層🔥，最後加上糖霜。食落面頭焦脆暖笠笠，入面嘅燉蛋仍然喺凍凍哋嘅，最出色嘅喺佢哋啲燉蛋香滑濃香，唔會過甜，引唔住

「夫人法式甜品店」———————————————店鋪地址： 深水埗 欽洲街西九龍中心8樓60號鋪 /———————————————呢個比利時🇧🇪朱古力蛋糕🍰 好好食🙂而且, 啲裝飾都好靚 好有心機😄—————————————————————另外, 買左啲切餅 有藍莓餅同雲石切餅, 都非常好食!

在西九龍中心的Food court有一間小店，平民價錢酒店水準，可能會有人問有無咁誇張呀！首先行到去前面見到佢影啲相已經相當吸引，而且價錢絕對係大眾化之後見到個 #夏日激賞推介#梗係第一時間叫個“法式焦糖燉蛋”嚟試吓啦！而我朋友由細到大都至愛芒果，所以點可以唔叫呢個“鮮芒果達人盛宴”呀！講少少嘢比你哋知，我嗰個焦糖燉蛋老闆好用心，即時幫我用火槍燒出焦糖，食落口時真係做到外脆內軟，外熱內凍，好有層次，還有就係老闆多次叮囑我哋食完要還翻個碗給他，因為嗰個係特別為焦糖燉蛋而買㗎，唔係一般即棄器皿，其實佢好食的程度應該可以從我朋友張芒果盛宴見到，因為佢未開始食，我已經忍唔住口食了一半至於我朋友個鮮芒果達人盛宴，老闆真係落足料，芒果又買得好甜，朋友食得非常滿意，呢次係我要去學術交流前的一次約會，多謝老闆給了我一個非常好的回憶，交流完我要再翻嚟食埋你其他甜品❤️

Food court 嘅好處係，食飯加甜品一條龍，唔洗食完再周圍搵！西九龍8樓food court 一向係平民美食天堂，大部分食店都價廉物美，而且不少係卧虎藏龍，呢間位於角落位置的甜品店，老闆十分nice !今次先試佢的法式焦糖燉蛋，加$1仲有一球雪糕添！真係加倍開心呀！甜品用仿青花瓷淺碟仔裝住，賣相攞滿分！面層的焦糖燒得好均勻，燉蛋好滑亦唔會太甜，好好味呢！唔洗$40就食到咁高質嘅甜品，真係物超所值！下次再試其他甜品先得！

適逢男朋友生日, 諗左好耐送咩蛋糕, 咁岩見到店主既訪問, 我同男朋友都好鐘意食千層蛋糕, 所以就決定試試朱古力毛巾卷。拎到上手, 超贅手的, 夠4個人食, 蛋糕方面, 朱古力味道香濃, cream十分之香滑, 加上裹面既香蕉, 好味之餘, 又唔會過甜。用料方面, 睇得出店主既用心, 寘係好推薦大家去試，記得一日前預訂哦。另外, 因為係男朋友既生日蛋糕, 所以請店主寫個生日牌, 通常生日牌都係細細既一個, 點知原來幾大塊的, 哈哈, 幾得意。題外話, 因為我係收工先去拎, 但因為OT, 店主好好都等埋我, 什至提議到地鐵站交收, 好好人, 傾計過程中, 知道佢曾任職香格里拉酒店, 所以而個價錢食到酒店既水準, 真係好值。

好耐無去過深水埗西九龍中心，聽講呢頭有間好厲害既沾麵，所以就特登去試下，食完麵想食下甜品，所以去左foodcourt睇下。見到哩個小店門面貼滿宣傳既甜品照片，見到有兩個人買緊嘢好似幾okay，所以就跟著排隊順便八卦其他人食咩。排我前面嘅小姐指住隔籬張相話要法式楓糖牛角布甸（$38)，所以到我既時侯我就照叫哩個。老闆仲話哩個甜品啱啱焗起，所以唔洗等！老闆好興奮咁響我介紹佢自己既資歷，好似喺係高級酒店工作過，所以d甜品都係酒店級既，同其他店賣既唔同。佢仲插左支花俾我影相靚d喎。😂一坐低即刻食，食落熱辣辣配雪糕真係好正，個牛角布甸口感俾普通麵包布甸好好多，牛角包裡面既層次令佢個包不致於過濕。連平時對甜品一般既老公都話幾特別幾好食（可能因為個醬係雲尼拿，佢特別鍾意vanilla）。哩個咁特別，所以諗住叫多個甜品試下，由於已經飽飽地，所以叫左朱古力蛋糕，店主仲好好送左杯玫瑰花茶俾我。店主千叮萬囑我擺一擺個蛋糕先食，因為之前係雪住，會硬身d。可惜我等唔切，食咗先講，老實講哩個蛋糕好普通，唔係我預期咁濃咁滑。如果你有機會去試下，都係叫法式牛角布甸啦！

睇到雜誌報道，知道西九龍中心開咗間甜品店，專程去試一試。試咗2款甜品，一個心太軟，一個焦糖燉蛋。心太軟 ($35+薄荷朱古力雪糕+$5)，外脆內軟，香濃朱古力味，唔會焗到外面"硬掘掘"，唔會過甜，$35黎講質素好高。心太軟既重點，有!!流!!心!!!  食過某D店鋪既心太軟，索價$6X，但都只係中心濕潤既朱古力蛋糕。雪糕(當日)只有2款選擇，雲呢嗱同薄荷朱古力，雪糕較為普通。法式焦糖燉蛋($30)，我最愛既甜品。呢間真係做得好好好好味!!!食得出老闆既誠意，燉蛋好滑，少少凍，唔會太甜。焦糖面唔厚，好薄，好脆，冇燶味，唔痴牙。如果唔介意地點，用餐地方既環境，冇D好華麗既器皿裝住件甜品俾你打咭，呢間甜品店真係一個非常好既選擇。